ياليت صواديف الايام تجمع كل الولايف

part16

الهنوف : اي لازم لانها توها والده ولازم ترتاح لنو حنا بالشتاء وبالليل الاجواء حتكون بارده
هيام : بالغتو صراحه
نسّيم : ما بالغو صحتك اهم يا ست هيام
هيام : مافيني شي مر شهر ترا
ابو نسّيم : اهدو وخلصو فطوركم ابغاكم بموضوع
منيف : وش الموضوع
ابو نسّيم : اذا خلصتو فطور
نسّيم : الحمدلله شبعت
ابو نسّيم : افطر
نسّيم : شبعت
بعد مرور ساعه و نص /
متجمعين جميعهم بالغرفه معدا ذياب و الاطفال بلحالهم بغرفه
منيف : اي يبه وش الموضوع
ابو نسّيم : انا قررت
جيلان قاطعته : اذا قررت تتزوج انا بكون ضد الزواج
اميره : جيلان !
جيلان : قلت كلامي
نسّيم : شفيكم انتو لسى ما قال وش قرر علطول حكمتو !
منيف : من ذي متسرعه بالحكم
جيلان : ابديت رأي اذا قرر الزواج
ابو نسّيم : بسس ماسمعتي كلامي كله يا جيلان اصبري وشوفي وش بقول لا تحكمين على طول !
جواهر : شفيكم انتو اصبرو وشوفو وش بيقول
نسَاب : كمل يا وافي معليك منهم
ابو نسّيم : انا قررت اعطي محلاتي لكم تديرونها انتم يعني محل العطور بسلمه لـ منيف و الكوفي بسلمه لـ هيام و جيلان و المطعم لـ نسّيم و اميره والمخيم لـ يسُر و الهنوف
نسّيم : تم ابشر بنديره وبنحافظ عليه معليك بأمانتا
هيام : اوكي
الهنوف : تمام
« بيت اسَرار و ريان »
صحت من النوم بكسل شديد لفت بجانبها ما لقت ريان فتحت النور اللي بجانبها وقامت من السرير متوجه للحمام
دخل ريان وابتسم من شافها صحت وحط الفطور على الطاوله وجلس ينتظرها، وبعد دقايق معدوده طلعت من الحمام وضحكت بصدمه من شافت ريان مسوي الفطور وينتظرها ببتسامه
ريان ببتسامه :  تعالي اجلسي جهزت فطور يحبه قلبك
اسَرار جلست بجانبه : تكفى قول المطبخ نظيف
ريان ضحك : معليك نظيف المهم ذوقي وعطيني رايك
اسَرار ابتسمت بلذاذه : يجنن انت مسويه ولا طالبه من مطعم
ريان : اسَرار تستهبلين انا مسويه اكيد
اسَرار : تسلم يدك لذيذ عطني الطريقه بليز
ريان : معليش يا زوجتي الحبيبه بس ذي وصفه سريه
اسَرار ضحكت بسخريه : الله يا مستر سلطع انت
ريان : شرايك تتجهزين نروح نتمشى
اسَرار قامت : احس شمس شوف الساعه 10:30 الصباح
ريان : معليك عندي مكان بيحبه قلبك
اسَرار : نشوف وش المكان اللي بيحبه قلبي
ريان : روحي تجهزي سريع
قامت تتجهز و ريان جلست يطقطق بجواله ومرت ساعه ونصف وطلعت اسَرار وهي لابس بلوزه ورديه بدون اكمام وضيقه وجينز ابيض واسع من تحت وضيق من عند خصرها ولابسه عبايه بيضاء وطرحه بيضاء وشنطتها بكتفها ونطقت ببتسامه : يلا جهزت
ريان ناظر بلوزه وشبت نار الغيره بقلبه ونطق بحده : اسَرار غيري بلوزتك ولا مافيه طلعه !
اسَرار : مافيها شي بلوزتي ريان يلا نطلع
ريان بحده : مانتي طالعه من البيت الا ومغيره بلوزتك ذي
اسَرار زفرت بضيق وراحت تغير لانها مالها خلق مشاكل ورجعت بعد دقايق معدوده وابتسم ريان من شافها غيرت بلوزتها : يلا مشينا
اسَرار ناظرته وماردت وريان ادرك انها زعلت من عصبيته وقرر يراضيها بالطريق باللي تحبه
« عند سهيل و الجود »
طلعو من المستشفى لان اليوم موعدها عند الدكتوره وسهيل طاير من الفرحه وشاد على يدها ركبو السياره وشغل اغنيه محمد عبده اسمحيلي يالغرام وقعد يغني معاها
الجود : سهيل
سهيل : لبيه يعيون سهيل
الجود بخجل : شرايك نروح مطعم نفطر
سهيل ابتسم : وانا اساسا رايح نفطر بمطعم
الجود ابتسمت
سهيل : لو ولد وش راح نسميه
الجود : يمكن يكون تيمور
سهيل كشر : تيمور بن سهيل !
الجود ضحكت : كايلي و الشايب هههههههه !
سهيل ابتسم : جووديي
الجود انهارت ضحك :  خلاص ولا يهمك نحذف الواو و الراء ويصير تـيّم بن سهيل
سهيل : ابو تـيّم وام تـيّم
الجود : خلاص تـيّم حلو عشان ينادوني ام تـيّم
سهيل : طيب لو بنت
الجود : ألينا
سهيل ابتسم : ألينا بنت سهيل و تـيّم بن سهيل
الجود ابتسمت لان الاسماء جميله ولطيفه
« قصور عماد ال سعد »
غرفه صُدف /
جالسه تحط ميكب من زود الطفش وتتجهز وفجاء دق جوالها وشافت المتصل هيام ابتسمت واخيرا دقت
صُدف ببتسامه : هلا هيامي
هيام بملل : صُدوفي فاضيه
صُدف : ايوا فاضيه لبيه
هيام ابتسمت : تعالي عندي وربي طفشانهه
صُدف : حياتي انتي الحين امرك
هيام : بوسات لك يشيخه
صُدف : دقيقه عذاري تدق بدخلها المكالمه
هيام : تمم دخليها
وثواني الا وعذاري تصايح : يا كلبات ادق عليكم لييه ما تردون
هيام ضحكت : توني افتح الجوال وما انتبهت لمكالمتك سوري عذاري
عذاري : دخلو الحيوانات اسَرار و جودي عندي لكم خبر ناار
صُدف : وشش
عذاري : اقول كلمو اسَرار و جودي و تعالو نتجمع عند هيام الخبر نااار
اسَرار دخلت المكالمه : وش الخبر النار عذور
عذاري : انتي وينك بلبيت صح؟
اسَرار : لا طالعه مع ريان وهو نزل توه البقاله
عذاري : خلاص اذا خلصتو تعالي بيت هيام
الجود : شسالفه
هيام : عذاري عندها خبر نار
الجود : وش الخبر النار ذا
عذاري : جودي انتي ببيتك صح
الجود : لا بالمطعم
عذاري : خلاص اذا انتي مروحه روحي بيت هيام علطول
اسَرار : ي كلبات وش عندكم
عذاري : موضوع مهم ماينفع على الجوال
اسَرار : اكنسل الطلعه واجي
صُدف : لا لا حبي بعدين انا بقولك استانسي انتي
هيام : اي عيب مطلعك وانتي تبين تكنسلين عشان ذا الموضوع
عذاري : اي حبي لا تكنسلين استانسي
الجود : اسمعو بنات بقفل هيام لاتنسين شوي وجايه عندك
هيام : تمام
اسَرار : وانا بعد بقفل
عذاري : يلا تجهزي صُدف ومريني بسيارتك
صُدف : بمرك و بمر هيام وجودي
هيام : مدري ينفع اطلع ولا لا
عذاري : لا ماينفع تطلعين احس
هيام : خلاص تعالو مابطلع من البيت صار لسى ما خلصت الاربعين
صُدف و عذاري : تمام
« عند مهَاب بالدوره »
جالس لحاله ويفكر بهدوء يخاف يسوي شي يندم عليه بعدين يحب هيام ويموت فيها بس هي عافته واضح والدوره باقي لها اسبوع وتخلص ومايبي الدوره تخلص وهي باقي مارضت عليه مسك جواله ودق على نواف وبلغه يسوي اي شي يثبت انه ما خان هيام قبل مايطلع من الدوره
دخل جلس هذَام قدامه وقفل مهَاب المكالمه وناظره بهدوء
هذَام : كنت تكلم مين
مهَاب : نواف
هذَام : وش سالفه الخيانه قلي بصراحه يا مهَاب
مهَاب سند ظهره على الكرسي : قلت السالفه من طق طق الى السلام عليكم و ماصدقتني ما علي منك انا علي زوجتي وبس
هذَام : اشرحي لي مره ثانيه واذا اقتنعت انك مالك ذنب صدقني اني لا اثبت لهم انك مالك ذنب وانها هي جتك
مهَاب سكت بتفكير واردف بهّدوء : مايحتاج ياخوي نواف راح يسوي الشي اللي انت المفروض تسويه من اول
وقف هذَام وناظره لـ ثواني وطلع من المكتب وهو ضايق صدره
« ريان و اسَرار »
وقف قدام مطعم اول مره تشوفه ونزلو من السياره وهي مستغربه ونطقت بأستغراب : ريان هذا المكان اول مره اشوفه احنا وين؟
ريان ابتسم : بالشرقيه
اسَرار ضحكت بصدمه : هاا
ريان ابتسم : شفيك انصدمتي
اسَرار : مو مصدقه كيف كذا
ريان : يلا امشي حجزت لنا طاوله قدام البحر ترا
اسَرار ابتسمت : الله شكراا ريانيي
ريان : لا تشكريني يا قلبي
مشو لداخل المطعم وجلسو على طاولتهم وبدو يسولفون مع بعض
ريان بهدوء : الحين لو انتي حامل وش بتسمين عيالنا؟
اسَرار ناظرته : آيلا و جسّار
ريان ابتسم : اختيارك حلو
اسَرار : عارفه ما يحتاج
« عند نواف »
نزل من سيارته ودخل حوش ابو نسّيم  وتوجه للباب يدقه وفتحت له العامله و دخلته ونادت ابو نسّيم و العيال
ابو نسّيم : هلا ارحب يا نواف
نواف ببتسامه : البقى يعم
ابو نسّيم : ايه ما قلت لي ليش جاي عندي
نواف : انا جاي اعطي زوجه اخوي شي مهم مره واتمنى محد يشوفه ويوصل لها بيدها
ابو نسّيم : وش الشي هذا
نواف : اعذرني يعم مقدر اقولك بس انه شريط مهم
منيف : تمام هاته اوديه لها
نواف : قبل كل شي احلفو انكم ما تفتحونه ولا تشوفونه ابد الا اذا هي شافته
منيف : والله مابنفتحه ارتاح
ابو نسّيم بهدوء : ماراح يفتحونه معليك عطه خله يوديه لها
عطاه نواف الشريط و استأذن وراح
غرفه هيام/
دخل منيف وعطاها الشريط تحت استغرابها و قال لها من نواف وحلفهم محد يشوفه الا بعد ما تشوفينه كامل لين ينتهى الفديو وقررت ماتفتحته الا اذا جو البنات يشوفونه سوا وبعد مرور ساعتين درعمو الجود و عذاري و صُدف
هيام : واخيرا جيتو فيه شي وصلني قبل ساعتين ضرورني نشوفه مع بعض
عذاري : خلاص بعد ما نشوفه بقول كلامي تمام
جلسو البنات جمعيهم بجانب هيام اللي خذت اللاب حقا و حطت السي دي فيه و ظلو داقايق ينتظرونه لجل يشتغل و اول ما اشتغل استغربو من شافو مهَاب واقف ومعطي الكاميرا ظهره وفجاء سمعو صوت الباب انفتح و شقهو يوم شافو شوق دخلت وهي بكامل زينتها ووقفت و ورا مهَاب بضبط وهيام انصدمت من سمعت مهَاب يقول هياميي وسحب شوق بدون ماينتبه ولمى وحطها قدامه شافت هيام كيف مهَاب انصدم لمى شاف شوق اول انفتح الباب حاوطته وانصدمو البنات لمى شافو هيام دخلت وشافت شوق و مهَاب ولمى طلعت انصدمو لمى مهَاب دف شوق بقوه وقال مين انتي ياحيوانه، بكت من الصدمه والبنات قعدو يهدونها و قفلت صُدف الفيديو وضلو البنات يحاولون فيها وصحو غيم و سحاب من بكى هيام وبكو و راحو لهم عذاري و الجود يسكتونهم
و فجأء دخلو الهنوف و جيلان و جواهر و نسَاب من بكى هيام و بناتها
جيلان بصدمه : هيامي شفييك
هيام بأنهيار : ماله ذنب انا ظلمته انا ظالمهه
جيلان ضمتها : هيامي اهدي
الهنوف : هيام بسك بكى قطعتي عمرك خلاص
هيام شقهت ببكى : تكفون يبنات ظلمته وهو ماله ذنب
جيلان : هيام خلاص يعمري لا تبكين شوفي بناتك يبكون و ذياب خايف خلاص اهدي، اغمى عليها بحضن جيلان من الانهيار و شقهت جيلان بخوف : اغمى عليهااا
صُدف شقهت وراحت لها وهي تبكي : هيااااام
الصاله/
توهم دخلو البيت وانصدمو من الصراخ اللي فوق والبكى وفز منيف يطلع ووراه نسّيم و ابو نسّيم درعموعليهم بفزع انصدمو البنات و تغطو وصُدف ابعدت لجل نسّيم يشيل هيام شالها وهو خايف عليها وحطها بـ سيارته و ركبت معاه جيلان وحطت راس هيام على فخوذها ومشو متوجهين المستشفى
« عند مهَاب »
ابتسم بعد ما قفل من نواف اللي بلغه بكل شي شاف جواله يدق
مهَاب ببتسامه : هلا يعم
ابو نسّيم : هيام بالمستشفى انهارت علينا من عرفت انها ظلمتك
مهَاب و قف بصدمه : صار لها شي يعم تكفى
ابو نسّيم : مدري بس رح توهم طلعوها المستشفى
قفل مهَاب جواله وجرى لـ سيارته والخوف ماكل قلبه عليها
مرت دقايق معدوده وصل المستشفى وعلطول راح الطوارئ وشاف نسّيم واقف وتوجه له بخوف
مهَاب بخوف : شفيها تكفى قول بخير
نسّيم : لسى ما صحت بس ادخل شوفها
دخلو مهَاب الغرفه الهاديه شاف ملامحها الحزينه وعوره قلبه من منظرها ووجها المتعب نايمه بعمق دخل نسّيم ونطق بهدوء : لا صحت وطلبت منك تطلع لا تتعبها واطلع
اكتفى بالسكوت وعدم الرد وطلع نسّيم رايح لـ البيت
« صباح اليوم الثاني »
بـ شقه عمر و رشا /
واقفه بنص الصاله تناظرها بخفوت ناظرها عمره بهدوء ونطق بصوت هادي : تفضلي
رشا بهدوء بارد : زوجتك وينها مالها حس؟
عمر : انتِ زوجتي
رشا تجاهلته وجلست بدون رد جلس بجانبها عمر واردف بعد دقايق معدوده من السكوت : رشا
رشا ناظرته وكمل عمر بتوتر : انا اسف على كل شي سويته صدقني ماكنت ادري وش كنت افكر فيه يوم تزوجت رندا
رشا ضحكت بسخريه : مو كنت تحبها ولا وش صار طلعت حقيقتها صح؟
عمر بندم : رشا تكفين نادم يا رشا خلينا نبدا صفحه جديده بدون مشاكل ونعيش حياتنا اللي المفروض لازم تعيشها من اول
رشا ناظرته بغموض و لا ردت
« المستشفى »
فتحت عيونها وشافت المكان كله ابيض وريحه المكان معقم حست بأحد ماسك يدها وساند راسه على يدها و نايم وكانت تظنه نسّيم ونطقت بتعب : نسّيم
فتح عيونها مهَاب من سمعها تنادي نسّيم وابتسم : انا مو نسّيم انا مهَاب
ناظرته بعدم استعياب : مهَاب؟
مهَاب ضحك : شفيك استغربتي
هيام دمعت عيونها من استوعبت ونطقت بصوت باكي : انا اسفه لاني ظلمتك
مهَاب ابتسم وضمها : عادي اهم شي رضيتي علي وصدقتي ان مالي ذنب
هيام ابتسمت وحطت راسها على صدره بتعب، ابتسم مهَاب من حطت راسها على صدره وهو محاوطها بيدينه ومتمدد بجانبها نامت بتعب بعد ما حطت راسها على صدره وهي بحضنه انتبه مهَاب انها نامت ومسك جوالها ودق على نواف ببتسامه
مهَاب : مشكور يخوي رجعت بيتي بنفسك
نواف ابتسم : ماله داعي بس ابي مقابل على تعبي
مهَاب : أمر وش تبي
نواف : اخطب لي جيلان انت وابوي وكثر الله خيركم
مهَاب : تم بشوف ابوي ونشوق وش يقول
نواف : يلا مع السلامه
قفل منه وسند راسه على راسها وغمض عيونه بتعب ونام
« قصور عماد ال سعد »
صحت على صوت جوالها اللي ازعجها بالمكالمات المتكرره ردت وهي ماتردي مين : الو
اسَرار : صُدف تكفييين طيريي عند سريييع بليزز احتاجك ضروري عندي شي مهم
فزت صُدف : شفيك ريان صار له شي
اسَرار : لا لا بدوامه تعالي تكفين احتاجك
صُدف : يلا نص ساعه بالكثير عندك
اسَرار : اي تكفين مري الجود وعذاري كمان
صُدف : تمام يلا باي
قامت تجري بدلت ملابسها على السريع وغلست وجها وسحبت ميكبها ولبست عبايتها ولفت الطرحه وطلعت تجري لـ السياره شغلتها وبدت تسوق وتحط ميكب ماحس الا وتصدم بـ السياره اللي قدامها
« عند عزام »
طلع من دوامه وشغل سيارته ووقف عند الاشاره ومامرت دقيقه الا وبسياره تصدمه من الخلف عصب من الصدمه ونزل يهاوش شافها نزلت وهي خايفه مسح على وجهه بصبر من عرفها
صُدف بتوتر : معلييش كنت مستعجله وما انتبهت
عزام بحده : سياره شكبرها شعرضها وما انتبهتي لها !!!
صُدف تنرفزت من صرخ عليها : هي انت لا ترفع صوتك علي
عزام بسخريه : ياي يالاميره انتي تراك الغلطانه
صُدف عصبت : اوهو خلاص عاد لا تصرخ بعوضك
عزام بحده : نشوف تعويضك ذا
صُدف : هات رقمك
عزام : ليش
صُدف : عشان اعوضك والحين تراني مستعجله ومو وقتك ابدد
عزام : يلا يا سيده الاعمال انتي هاتي جوالك لجل اكتب رقمي
راحت تاخذ جوالها من السياره ورجعت وهي تعطيه وتطلبه يستجعل
عزام : خذي جوالك
خذته وهي ترد على اسَرار : هلا اسو
اسَرار : وينكم طولتو
عضّت شفايفها بوهقه : اوهه معليش بتأخر شوي لسى مطوله سوريي
اسَرار : ياليت تعجلي المهم مريتي البنات؟
صُدف ضحكت : لا لسى ما مريت احد بس ارسلت لهم
اسَرار : الواضح انك مطوله
صُدف : جدا يلا باي
اسَرار : لا تتأخري
صُدف : اوكي قفلت منها ولفت على عزام اللي لسى واقف، كلو منك اخرتني على صحبتي
عزام بتجاهل : تعويضي لا تنسينه
صُدف انقهرت وسحبت عليه وراحت لـ سيارتها ومشت
« قصور وافي ال فيصل »
جالسه بالصاله وتشرب قهوتها وتطقطق بجوالها نزلت نسَاب وشافتها جالسه وراحت لها
جيلان : اوه هلا عمتو متى صحيتي
نسَاب : من وقت المهم وش وتسوين لحالك هنا
جيلان ابتسمت : ولا شي طفشت من غرفتي و نزلت سويت لي قهوه
نسَاب : افطرتي
جيلان : لا تبين اكلمهم يسون فطور
نسَاب : كويس لا تكلمينهم يلا بفطرك على حسابي
جيلان : جوويي تم بروح ابدل واجي
نسَاب : يلا بلبس عباتي وبنتظرك بالسياره
جيلان : اوكيي
تجهزت على السريع و عدلت نقابها وطلعت لـ عمتها اللي بأنتظارها
جيلان : عسى ما طولت عليك
نسَاب : لا يلا
« المطعم »
جالس لحاله ينتظر وصول اوس الملل الف مرت دقايق والا ينتبه للي دخلو وكانو بنتين عرف جيلان من عيونها وابتسم كونهم بنفس المكان وقريبين من بعض ظل يناظرها ببتسامه قاطع تمتعه بنظرها اوس اللي دقه بخفه
اوس : يعمي درينا انك تحبها بس اثقل شوي
نواف فز : اعوذ بالله انت متى جيت
اوس بطقطقه : من عينك شافت حبيبيه القلب
نواف دفه بمزح : دز ورع
اوس : تراني اكبر منك اهجد
نواف : اكبر مني عمر بس عقل لا
اوس : على الاقل اكبر منك
نواف : نسينا وش سويت لمى خطبو لك تالين
اوس ابتسم على طاريها : اشتقت لها حبيبه قلبي
نواف : لا يسمعك سهيل ولا جهاد والله لا يدفونك بأرضك
اوس : حلالي يهو شدخلهم
نواف : المهم شتبي اطلب
اوس : أي شي
عند جيلان و نسَاب /
كانو يسولفون وهي لفت تبي تشوف اللي ياخذ طلبهم وين وبالصدفه طاحت عينها نواف جالس بالطاوله اللي امامهم بمسافه ابتسمت بخفوت وسرعان من اخفتها لجل ما تشوفها نسَاب
« المستشفى »
صحو على دخول الممرضه جايه تشوف المغذيه خلصت ولا لا ووراها الدكتور صاحاها مهَاب وفزت بخوف وقعد يسمي عليها ويهديها
الدكتور وعيونه على هيام : كيف صحتك ياقمر
هيام : الحمدلله احسن
مهَاب فار دمه قاعد يتغزل فيها وقدام عيونه ونطق بغيره : شعندك تطالع
الدكتور : اسوي مهمهتي كـ دكتور يا اخ
مهَاب سكت وهو ملاحظ نظرات الدكتور لها وحاول يكبت غيرته بما فيه الكفايه بس ولع من شاف الدكتور لمس يد. هيام بدون سبب وتوجه له وهو يدفه بغيره شديده : يدك اكسرها اذا لمست حرمي فاهم
الدكتور طلع بخوف من مهَاب اللي زفر بغضب ومسك يد هيام الصامته وطلعو من المستشفى بعد ما سجل لها خروج
ركبو السياره والسياره هدوء مافيه غير صوت انفاسهم
هيام بهدوء : ماله داعي اللي صار ترا
مهَاب صرخ بعصبيه : وش اللي ماله داعي اللي صار يمسك يدك وتسكتين !!
هيام : قاعد يسوي شغله بس مو شغلي اذا انت غيور ومتحكم !
مهَاب بسخريه : انا ما اغار بهدوء انا احرقك من الغيره تسمعين غيرتي تقتلك وتقتلك اللي اللي معك
سكتت وماردت عليه وهو لف للطريق يسوق شافته يمشي بطريق قصور ابوه وتنرفزت : وديني بيت ابوي بناتي هناك
مهَاب تجااهلها ودخل بـ سيارته الحوش هيام انقهرت على تجاهله لها ونزلت علطول ودخلت قصرهم الشرقي وسحبت عليه ضحكت من نزلت وسحبت عليه وقفل سيارته ودخل وراها ومشى للغرفه حقتهم يتفاهم معاها
هيام بصراخ : اطلع برا
مهَاب ببرود : ماني طالع وش بتسوين
هيام دفته : اطلع مابي اشوفك كفايه
سحبها لحضنه وباسها لجل تهدى، صنمت مكانها من بتر كل حروفها وهو يبوسها ابعد عنها وهو يشوفها كيف مصنمه ومصدومه ضحك عليها وابعد ينسدح على السرير
« بيت اسَرارو ريان »
جالسين وينتظرونها تتكلم
صُدف : ايه قولي شعندك
اسَرار : بنات اظن اني حامل
عذاري صرخت بصدمه ونطقت صُدف بضحكه : الله بصير عمه وخاله
الجود : متأكده
اسَرار : مدري مدري
عذاري : وش تنتظرين البسي عبايتك ويلا المستشفى
اسَرار : احس ماله داعي نتحمس وبنهايه اطلع مو حامل
عذاري : اقول البسي ولا يكثر صُدف انقلعي شغلي السياره
راحو الجود و صُدف يشغلون السياره و عذاري تنتظر اسَرار تلبس نزلت بعد دقايق و مشو للسياره
صُدف : احس حرام ساحبين على هيوم اسمعي جودي انقزي ورا بمر لها
عذاري : صح بكلمها وانتي جودي تعالي جنب اسَرار
وفعلا ركب ورا وبلغو هيام انهم مارين لها
« قصور ثامر ال سلطان »
بالقصر الشرقي قصر مهَاب و هيام /
ازعجته بكلامها وهو رافض انها تطلع مع صحباتها
هيام : اووف مهَاب تكفى قول تم بروح مع البنات
مهَاب ببرود : مافيه
هيام : تكفى من زمان عنهم
مهَاب : بطلي كذب امس وانتي معاهم
هيام : عادي اشتقت لهم فيها شي المهم بروح وما علي منك
مهَاب : جربي تطلعين مع هلباب واحش رجولك اقضبي ارضك واسكتي
هيام بزعل : ليش طيب انا ابي اطلع معاهم
مهَاب تهند وهو مايقوى على زعلها : خلاص روحي بس بشرط
هيام بفرحه : تم تم موافقه
مهَاب ضحك : مايجي المغرب الا وانتي بلببيت
هيام : اوكي يلا باي
« سياره صُدف »
صُدف : تتحدوني ادخل السياره بالحوش
عذاري : اتحداك
اسَرار : عساس بيفتحون لك الابواب ويدخلونك
صُدف : دقيقه وحده وتلاقون السياره بنص الحوش
الجود : لا تكفين احس عيب او شي
صُدف تجاهلتها وفجأءه فتحو الابواب وضحكت صُدف : شوفو حتى من ما اسوي شي، دخلت سيارتها وما مرت دقايق الا ويشوفون هيام طالعه من

اعتذر ان واجهتم الأخطاء الاملائيه فهي غير مقصوده 🤎.
للتشبيهات انستا «7iel_4» 🤎.