မေ နောက်နေ့မနက်နိုးလာကတည်းက စိတ်ထဲတွင် တခုခုကို အလိုမကျသလိုဖြစ်နေမိသည်။ဘာကို အလိုမကျမှန်းလည်း မေ ကိုယ်တိုင်လည်း မသိ။ထို့ကြောင့် မေ သက်ပျင်းဖွဖွချကာ မေလည်း ကုတင်ဘေးနားမှာ ရပ်ကာ အိပ်နေတဲ့ မွန့်ကိုကြည့်မိသည်။
ညက မွန်တော်တော် ပင်ပန်းသွားပုံရသည်။အခုမနက် 9 နာရီတောင်ရှိပြီ အခုထိမထသေးပေ။မေက မွန်ဆက်အိပ်နေရင် ခေါင်းကိုက်မှာ စိုး၍
"မွန်...ညီမလေး မွန်...ထတော့ 9 နာရီတောင်ထိုးပြီ 10 နာရီ မွန့်ကို သင်မယ့် တီချယ်လာမှာမလား"
မေ နိုးတော့ အင်း..အဲ...လုပ်ပြီး တခြားဘက်လှည့်ကာ ပြန်အိပ်သွားပြန်သည်။
"မွန်!!!.....ထတော့လို့ အချိန်မရှိတော့ဘူးလေ ခဏနေရင် တီချယ်လာတော့မယ်လို့..."
ထိုအခါမှ မွန်က အိပ်ယာပေါ်မှာ မျက်လုံးမဖွင့်ပဲ ထထိုင်လေသည်။
"ထတော့....အခု ပိတ်ထားတဲ့ မျက်လုံးကို ဖွင့်ပြီး ရေချိုးခန်းကို သွား..."
"အင်းပါ....မမကလည်း...အိပ်ကောင်းခြင်းလည်း မအိပ်ရ ဘဝကြီးက ခါးလိုက်တာ...."
"အမလေး...မနက်ခင်း 9 နာရီလေးထရတာကို ဘဝကြီးတောင် ခါးသွားရသေးတယ်...သွား...မျက်နှာသစ် ရေပါချိုးခဲ့...ညက ရေမချိုးပဲ ဝင်တဲ့ ညစ်ပတ်..."
"အင်းပါ.....နင်ကလေ ကျောင်းမှာ စကားမပြောရသမျှ ငါကိုကျမှ ပုံပြီးလာပြောနေသလားပဲ နင်ဒီနေ့ စကားတွေ အများကြီးပြောနေတယ်..."
"အဲ့တော့ ဘာဖြစ်လဲ...မကြိုက်ဘူးလား..အေး မကြိုက်လဲ ပြောမှာပဲ.."
"ဘာပြောနေလို့လဲ....သဘောကျတယ်လို့....အဲ့လို စကားလေးများများပြောပေးပါ...မဟုတ်ရင် ပါးသောင်တွေတောင့်နေအုန်းမယ်..."
*ဟားဟားဟား
မွန်က မေ့ကိုစ၍ ရေချိုးခန်းထဲ ပြေးဝင်သွားသည်။မေလည်း မွန့်ကိုနှိုးပြီးတာနဲ့ အိမ်အောက်ထပ်ပြန်ဆင်းလာတော့ ဧည့်ခန်းထဲတွင် လက်ဆောင်ပစ္စည်းတွေ စားပွဲပေါ်ပုံနေသည်။မေက ထိုအပုံကြီးကို ကြည့်ပြီး ခေါင်းခါမိသည်။မေ့ဆီကို မွေးနေ့မတိုင်ခင် သုံးရက် အလိုလောက်ကတည်းက လက်ဆောင်များက တဖွဲဖွဲ အခုမွေးနေ့ ပြီးတဲ့ နောက်နေ့မနက်အထိ မွေးနေ့လက်ဆောင်က လက်ခံလို့မပြီးနိုင်။လွန်ခဲ့တဲ့ သုံးရက်လောက်က ဖေဖေ့ဘက်က ဘိုးဘိုးနဲ့ အမျိုးတွေက ပို့လိုက်တဲ့ လက်ဆောင်တွေ လက်ခံခဲ့ရပြီး ဒီနေ့က မေမေ့ဘက်က ဖွားဖွားနဲ့အမျိုးတွေဆီကဖြစ်သည်။မေက ဒီလိုတွေ အလုပ်ရှုပ်မှာစိုးလို့ မွေးနေ့ပွဲကို မလုပ်ချင်။ဒါကို မွန်က နှစ်တိုင်း မရမကစီစဉ်သည်။ပြီးရင် သူ့မွေးနေ့ကျ လူသိမှ အရမ်းကြောက် အိမ်ထဲမှာပဲ အိမ်သားတွေနဲ့ birthday cakeခွဲတယ်။ မနက်ပိုင်း ဘုန်းကြီးကျောင်း ဆွမ်းသွားကပ်တယ် အဲ့တာလောက်ပဲ လုပ်တယ်။မွန့် မွေးနေ့က 6လပိုင်း 2ရက်နေ့ဆိုတော့ ကျောင်းစစဖွင့်ပြီးနောက်တစ်ရက်ဖြစ်သည်။မေလည်း သက်ပြင်းလေး ချကာ...
YOU ARE READING
SHE
Любовные романы* နင်ပြန်လာတဲ့နေ့ကို ငါရေတွက်နေခဲ့တာ လက်ချိုးလို့တောင်မရတော့ဘူးဟာ၊ငါ နင်ပြန်လာမယ့်နေ့ကိုပဲ ဆုတောင်းနေခဲ့တယ် ၊ငါ့ ဆုတောင်းတွေကို ဘုရားရှင်က မကြည့်နိုင်တော့လို့ ဖြည့်ဆည်းပေးပေမယ့် ဘုရားရှင်က ငါ့ကို အပြည့်အဝ မဖြည့်ဆည်းပေးပဲ နင်ကို ဒီလို ပုံစံနဲ့ ငါ့ဆီက...
