SHE

* 10 *

နောက်နေ့တွေကတော့ ပုံမှန်အတိုင်းပဲ နွေရာသီကို ဖြတ်သန်းကြပေမယ့် ထူးခြားတာလေးတစ်ခုကတော့ စိတ်ခံစားချက်လေးပဲဖြစ်သည်။တစ်ခုခုကို ပျောက်ဆုံးနေသလို ခံစားချက်ကလွဲရင် ဒီနှစ်နွေရာသီကလည်း ပုံမှန်ပဲ ဖြတ်သန်းမိသည်။

*****

ကျောင်းဖွင့်ရက် 6 လပိုင်း 1ရက်နေ့

ထိုနေ့လည်း အရင်အတိုင်းပဲ မေနဲ့မွန်က နောက်ကျမှ ကျောင်းကိုရောက်သည်။မေနဲ့မွန်က ကျောင်းတူပေမယ့် စာသင်ဆောင်ချင်း ကွာတာကြောင့် မေနဲ့မွန်က ကားပေါ်က ဆင်းကတည်းက လမ်းခွဲလိုက်ရသည်။ထုံးစံ အတိုင်းပါပဲ ကျောင်းအဝမှာ နေနေတစ်ယောက် သူကိုစောင့်နေသည်။မွန်နဲ့ လမ်းခွဲပြီးမှ ကျောင်းအဝနားရောက်တော့ နေနေက သူ့ဆီရောက်လာကာ * စောင့်နေတာကြာပြီ နောက်ကို ကျတယ် *လို့ ပွစိပွစိပြောကာ သူက ကျောင်းခန်းထဲကို ခေါ်သွားသည်။ဒီနှစ် စာသင်ခန်းက အဆောင်သစ်ကို ပြောင်းရတာမို့ အရင်က ကျောင်းဆောင်ရှေ့မှာ မြင်ရတဲ့ ရေတမာပင်လေး တွေအစား ကျောင်းဆောင်အသစ်ရှေ့မှာ ခရေပင်အိုအကြီးကြီးတွေ အစားထိုးဝင်ရောက်လာသည်။
မေ စာသင်ခန်းသို့ဝင်လာလိုက်ပြီး နေနေ ဦးပေးထားတဲ့ ပထမဆုံးအတန်းမှာ ထိုင်ကာ ခရေပင်တွေကို ကြည့်ပြီး မေ ပြုံးမိသည်။ပြီးတာနဲ့ အခန်းတွင်းဘက်လှည့်ကာ ကြည့်မိသည်။
အရိပ်လေးတစ်ခုက သူ့သူငယ်ချင်းတွေနဲ့ စကားတွေပြောရင်း ပြုံးပျော်နေသည်။
မေ စိတ်ထဲတွင် အနည်းငယ် ဘဝင်မကျသလိုဖြစ်သွားပေမယ့် အရိပ်လေးပြုံးနေ၍ သူပါ အလိုလျောက် လိုက်ပြီးပြုံးဖြစ်သည်။

နေနေ မေ့ကိုကြည့်နေရင်း နောက်ဆုံးမနေနိုင်တော့..

"ဟဲ့..မေ..ဘာတွေ သဘောကျနေလို့ ဒီလောက်တောင်ပြုံးနေရတာလဲ..စစထိုင်ကတည်းက ပြုံးစိစိနဲ့ "

"ဟင်..အဲ့လောက်တောင်ဖြစ်သွားလို့လား.."

"အေး..အဲ့ဒါနဲ့ ဟို အသွန်းမက ဘယ်ရောက်သွားပြန်တာလဲ မသိဘူး..ကျောင်းကို ရောက်ပါပြီ ဆိုကတည်းက အဲ့ဟာမ ထိုင်ခုံနဲ့ ဖင်နဲ့ မကပ်သေးဘူး.."

"နင်ကလည်း အသွန်းကို အဲ့လောက်ကြီး ‌လိုက်မပြောပါနဲ့.."

"ဪ...နင်က အခုတော့ ငြိုငြင်ပြီပေါ့..ဟုတ်လား..ဟင်...မေ နင်နဲ့ငါနဲ့က သူငယ်တန်းတည်းက ငယ်သူချင်း‌တွေနော် အသွန်းနဲ့ ငါတို့နဲ့က 5တန်းမှ စခင်ကြတာ...အဲ့ဒါကို အခုတော့ ငါ့ကို ငြိုငြင်ပြီး ပစ်ပယ်တော့မယ်ပေါ့..အဟင့်..."