SHE

* 11 *

ဒီလိုနဲ့ မေတို့ကျောင်းတတ်တဲ့ကာလ အနည်းငယ်ကြာမြင့်လာတာနဲ့အမျှ မေရဲ့အပြုအမူလေးတွေကလည်း အရင်နှစ်တွေကနဲ့ မတူပဲ မသိမသာ အနည်းငယ်ဆီပြောင်းလဲလာခဲ့သည်။အရင်ကဆို မေက ကျောင်းတွင်ရှိသော မုန့်ဈေးတန်းကို တစ်ပတ်လုံးမှ တစ်ခါလောက်သာ ကိုယ်တိုင်သွားသော်လည်း အခုလက်ရှိမေကတော့ မုန့်ဈေးတန်းကို နေ့စဉ်မှန်မှန် ထမင်းစားဆင်းချိန် ထမင်းစားပြီးတိုင်း သွား လာတတ်သည်။ထို့အပြင် ကျောင်းရောက်တာနဲ့ ထိုင်ခုံနဲ့ လူနဲ့ သံမှိုဆွဲသလို နေရာကမထတတ်တဲ့ မေဟာ အခုဆိုရင် ထမင်းစားဆင်းချိန် ထမင်းစားပြီးတာနဲ့ ကျောင်းစာသင်ဆောင်ရှေ့က ခရေပင်အိုကြီးအောက်မှာ ရောက်နေတတ်ခဲ့သည်။ထို အနည်းငယ်ပြောင်းလဲလာတဲ့ အမူအကျင့်တွေဟာ တစ်ပါးသူ ပယောဂ များပါဝင်နေသလားလို့တောင် သံသယဖြစ်မိစရာပင်။ထို့အပြင် မေတို့သူငယ်ချင်း8ယောက်ဟာ ခရေပင်အိုကြီးအောက်မှာ ထိုင်တဲ့အခါ မုန့်ဈေးတန်းသွားတဲ့အခါ အချိန်တိုင်းလိုလို တပူးပူးတတွဲတွဲ ရှိလာခဲ့သည်က 8ယောက်ထဲက တစ်ယောက်ကိုမြင်တာနဲ့ နောက်မှာ 7ယောက်က ရှိနေသည်က အသေအချာပင်။
အခုဆိုရင် မေတို့ဟာ ကိုယ့်နာမည်အရင်းတောင် သိပ်မခေါ်တော့ပဲ နာမည်ပြောင်တွေသာ အခေါ်များကြတော့သည်။ထိုနာမည်ပြောင်များကလည်း မေတို့ အခုတလော နာမည်ကြီးနေတဲ့ နန်းတွင်းမိသားစုဇာတ်ကားထဲက လိုမျိုး ကစားရာကနေ ရလာသည်သာပင်။ထိုသို့ ကစားဖို့ကိုတော့ မြတ်နိုးသော်တာဟန်က စတာပင်။
မေတို့က နန်းတွင်းမိသားစု အတိုင်းကစားတော့ သူငယ်ချင်း 8ယောက် အဖွဲ့ထဲတွင် အာဏာအရှိဆုံးနဲ့ ‌အတော်ဆုံးမေ့ကို ကျန်တဲ့သူတွေက တညီတညွှတ်တည်း ဘုရင်တင်မြှောက်လိုက်ပြီး ကျန်တဲ့ နေရာတွေလည်း ကိုယ်သဘောကျရာ ယူရာကနေ နောက်ဆုံး 2နေရာကျန်နေတော့သည်။ထို2နေရာက ဘုရင့် အစ်မတော် နေရာနှင့် ဘုရင့်မိဘုရားနေရာပင်။လုပ်မယ့်သူမရှိတာမဟုတ်ပဲ နေနေ နဲ့ မြတ်နိုးသော်တာဟန်က ဘုရင့်မိဘုရားနေရာကို လုနေကြတာကြောင့် ကျန်နေသေးသည်သာ။
ထို့သို့ နှစ်ယောက်လုရင်းကနေ ရန်ပွဲက အနည်းငယ် ကြီးလာ၍ မေက ကြားထဲကနေ ခွဲပေးလိုက်သည်။မြတ်နိုးသော်တာဟန်ကို မိဘုရားနေရာပေးကာ နေနေ့ကိုတော့ မေ့ရဲ့ အစ်မတော်နေရာကို ပေးလိုက်သည်။
ထိုသို့ ပေးလိုက်တာကို နေနေက အနည်းငယ် မကျေမနပ်ဖြစ်ကာ မေ့ကို စကားမပြော၍ မေ ချော့လိုက်ရပါသေးသည်။နောက်ကျတော့လည်း အကုန် အဆင်ပြေသွားကာ မေက ဘုရင်၊မြတ်နိုးသော်တာဟန်က မိဘုရား၊နေနေက ဘုရင့်အစ်မတော်၊အသွန်းက ဘုရင့်ရဲ့ မိခင်၊ခန့်နဒီကျော်က ဘုရင့်ရဲ့ အဖွားတော်၊မီမီသော်က အိမ်ရှေ့စံမင်းသား၊နွယ်နီရီက အိမ်ရှေ့စံမင်းသားရဲ့ မိဘုရား‌ လုပ်ကာ ပိုင်ရီရီကတော့ ဘုရင့်မိဘုရားရဲ့ မိခင်လုပ်ကြသည်။
သည်လိုနဲ့ပဲ ကြာလာတော့ မေကလွဲ၍ ကျန်တဲ့ 7ယောက်ကတော့ လူရှေ့မရှောက်သူရှေ့မရှောင်
အစ်မတော် ခေါ်တဲ့သူနဲ့ ခမည်းတော်၊မယ်မယ်နဲ့ ခေါ်ချင်သလိုတွေ အကုန်‌ခေါ်‌နေကြတော့သည်။ထိုအထဲတွင် မွန်ကလည်း မုန့်လာပို့ပေးရင်း အခေါ်အပြောတွေကို သတိထားမိတော့ မွန်ကပါ ဘုရင့်ညီမတော် လုပ်မယ်ဆိုပြီး မွန်ကပါ လာရောက်ပူးပေါင်းလာသေးသည်။ဒီလိုနဲ့ပဲ နာမည်အရင်းကိုဆို ခေါ်ဖို့တော်တော်အားယူလာရတဲ့အထိပင်။