#جزائي1❤️🌷
تقوت المطر بشكل كبير صنعت غدران وبرك في وقت بسيط
واقفه في الجنان نتفرج ودموعي ماوقفوش زي المطر هدي ويمكن اقوى،ماحسيتش بيه امتا جي ووقف جنبي
نفخ دخانه وحدفه قدامي:جابنا النصيب لبعضنا بطريقة حقييرة للنم لكن، حبيتك وربي يشهد عليا
شفتله وفي عقلي الف فكرة:بهي
ابتسم وواضح انه مخنوق،مد يده مسحلي دموعي وقال اللي شق قلبي نصين:انتي طالق لبنى
خيرية:شن انجنيت انت طلق مرتك
يشوف للتلفزيون ويدخن:امي ليك اسبوع شادة نفس الموضوع مافديتيش
خيرية:ولدي نبيه انا دبر راسك وحتا لبنى والله مانحمل فراقها
تنهد وفي خاطره قال"عااساس انا اللي متحمل فراقها 💔"
ضرباته على كتفه:نكلم فيك يافرخ
رفع راسه:اهو رديها لولدك هدا
ياسين:خرف علاش واخدها انت من الاول مدام بطلق
خيرية:يلعب
وقف وخدي جاكيته:انا ماشي لطرابلس عندي خدمة اسبوع
خيرية:ولبنى
لبس سبيدروه وتلفت طالع:يسهل الله لين نرجع ادعيلي ياحنينه
خيرية بوجع على حال ولدها:ربي يفرج همومك ويريح قلبي عليك ياوليدي ربي يحميك ويحفظك من كل سو 🤲
شادة ولدي اللي يبكي من الصبح:خلااص يامامي خيرك شن تبي
أمي:بالك عنده مغص
انا:درتله كمون بس هوا ينقنق
امي:مستاحش بوه ياروحي وليدي
طارتلي:مش بوه هدا مايستاهلش حتا يكون قريبه
امي:بنتي ونعرف لسانك اشبح شن درتي للراجل خلاه يطلقك
قلبت عيوني:مادرت شي بعدين طز فيه اخر همي
خش خوي:راجلك برا قال يبي يشوف حمودي
انا:يمشي يملح
سمعت صوت بابا يكشخ:طلعي الولد خيرلك مانجيك
حطيته لأمي:ارفعيه انتي وقوليله ماديرش روحك حنين عليه ولدي مش محتاج حد بوه الله يرحمه 💔
مافهمتو شي 😁 طبيعي لانه ماتعرفوش البداية
القصه بدت قبل 4سنين
اسمي لبنى مواليد 97نقرا لغات
عيلتي تتكون من
بابا سامي /ماما ليلى/ خوتي شاهين م90 وحكيم م2000
خواتي لمى م99 و لجين م2008
حياتي عادية جدا زي اي بنت نقرا ودايرة مشروع بسيط وقت فراغي نخدم، طبعي صعب شويه او نقدر نقول عليه غريب زي ماتسمي فيه ماما 😅عصبيه هلبا وباردة في نفس الوقت يعني يصعب استفزازي، مانحبش كثرة الكلام بس وقت ننفجر مايسكتني شي،مانحبش الغلط لاني وقت بناخد حقي نأذي، مش اجتماعيه بس مانحبش الوحدة.
في الجامعه كانت عندي صاحبة وحده ديما مع بعض ووقت تغيب نقعد وحيدة ☹️اسمها رنا ❤️
في السيم الثالث عطانا دكتور حسيت نظراته متركزة عليا بس تجاهلت الموضوع وقلت انا نتخايل، يوم بعد يوم نحسه يتقرب يحاول يفتح معاي موضوع لين ننصدم بأنه خو رنا بس ماحد من الطلبه يعرف،خطبني ووافقت طبعا لانه قلبي فاضي ماعنديش عاجو العلاقات والحب مش مقتنعه بيه وهوا مافيش شي يخليني نرفضه،قعدنا سنه خطوبة بعدها تزوجنا سكنا فوق حوش العيله
نسيت نقلكم 😁راجلي اسمه حسام م87دكتور لغة انجليزية
طيوب هلبا وحباب،انسان بسيط جدا ديما يضحك وجوه مليح بس وقت يفصل 🫣 ينقلب وحش
عيلته ناس طيبة جدا نقدر نقول انه ربي بعتهملي عاقيس نيتي
امه خيرية/بوه متوفي/ خوته ياسين م93 ومهند م83/خواته رنا نفس عمري ورانيا م90متزوجه
نجو لبعد زواجي بأسبوع ونبدا نسردلكم الاحداث حدوته حدوته 😁
الحوش زحمه لانه اليوم بنزور اهلي عندهم هلبا طقوس وحركات مانفهمش فيها، كنت في حوشي فوق مكيجتني المزينه ولبستني عمته الصدرة
رنا:عسل ياناس
انا:سلم صاحبتي
عمتها"عربيه":شكارة العروس 😅
شبحتلها عاجنب:المهم عاجبه راجلي
عربيه:لا ماشالله عليك عيني ماضرك
انا:تسلمي افتحي التكييف رنو بديت نعرق
عربيه:انا بننزل يجي راجلك وانزلو
انا:تمام
رنا:خيرك
انا:عمتك هدي ماحبيتهاش بكل
رنا ضحكت:خيرها عمتي عقرب حلوة 😂😂
انا:هوا التشبيه
خش حسام:السلام عليكم
انا:حبيبي شن رايك
حسام:ماشالله الله يبارك غزاله
انا:سلمه 😘
رنا:احترمو وجودي لوسمحتو
انا:انزلي كان تتحشمي
رنا:كلبه نكارة الجميل ماتعطلوش بنمشو معاش وقت
حسام:خلي ناخد فلوسي وندير العطر بس
انا:وين لبست
حسام:في حوش مهند خوي
انا:هدا الصغير
حسام:لا الكبير مزال ماتزبطيهمش
انا:لالا بس فيه واحد مافيش بينكم شبه بكل
حسام:ايه هدا مهند توا ننزلو سلمي عليهم
انا:بهي تعالا لبسني الكاب متعي
حسام:حاضر نحبك
انا:ياروحي وانا نموت فيك
باس عاراسي ونزلنا لقينا عمتي مقعمزه في الجنان مع الشباب
حسام:تعالو سلمو على مرت خوكم
ياسين:خيرات انا سلفك الصغير وصاحبك حانكون ديما في صفك مقابل الماكلة ره
انا:مرحبتين
مهند:كيف الحال
انا:الحمد لله وانت
مهند:بخير
بدت عمتي تزغرط وطلعو العيله كل درنا الطقوس وتعشو الضيوف بعدها توزعو عالسيارات انطلقنا لحوشنا وين مالقينا زحمه اكثر
في السياره
حسام:هيا حبيبي ننزلو خيرك
انا:مانحبش الزحمه 😣
حسام:معليشي ياروحي ساعات ونروحو
انا:حتا لبدله هدي رزينه حسام😢
حسام:بهي غير ماتبكيش مانعطلوش
انا:اوعدني به
حسام:وعد
رنا:هيا لولي
فات الوقت ممل جدا بالنسبه ليا
قعمزت جنبي لمى:افردي وجهك ياخرا الناس تقول متنكدة مع راجلها
ضحكت:شن علاقتي بيهم يقولو اللي يبوه هما في كل الاحوال بيعلقو
لمى:بهي قوليلي شن جوه معاك الدكتور
انا:يهبل يعامل فيا بطريقة مريحه جدا
لمى:بس انتي عصبيه ردي بالك
انا:عارفتيني مانتكلمش الا في الغلط
لمى:قولي ديري العار
انا:بهي نوضي شوفي شن ديري 🙄
رنا:كلمي راجلك يقول هيا
لمى:ماصح وجهك مزال نبو اختي
رنا:شنو لولي
انا:فديت ☹️
رنا:صاحبتي وعارفتها هيا اتصلي
انا:اسمعي تعالي نسألك
رنا:شنو
انا:من هاديكا اللي لابسه اصفر
رنا:احم دنيا
انا:من دنيا 🤨
رنا:بنت عمتي 🤭
انا:اي وحدا من عماتك خيرك تكلمي ياهم
رنا:خطيبة حسام السابقه
انا:اااه وانا نقول خيرها مركزة معاي اكثر من روحي
رنا:تجاهلي
انا:خوك يتصل هيا
روحنا ركبت لحوشي طول
حسام:شن الوضع غادي
انا:عادي خلوقي ضاقو من الزحمه والدوشه
حسام:غيري وتعالي ارتاحي في حضني استاحشتك اليوم
انا:حتا ني 😘😘
رن الجرس
طلع حسام فتح:اهلا
دنيا:كيفك
حسام:بخير
دنيا:هدا بعتاته امك
حسام:صحيتي
دنيا:مرتاح معاها
حسام:هلبا
دنيا:ربي يهنيك تصبح عاخير
طلعت من الدار:منو
حسام:اا امي باعته حجات
انا:رنا!
حسام:بنت عمتي
ضحكت وخديت منه الصحن:الاكس
حسام:حبيبتي الموضوع قديم ومنتهي من قبل مانشوفك ماتحطيشي في راسك
انا:مش مفكره فيها بكل حبيبي نحطلك تاكل
حسام:ايه عادي بتسايريني لكن
انا:به
مرت ايامي مع حسام حلوة وهاديه تعلقت بعيلته هلبا وعلاقتي بيهم تقوت،ماعدا مهند ديما مش متواجد وعنده خدمة اللي عرفته من العيله انه عسكري امر سارية او شي زي هدا،كملت باقي قرايتي وتخرجت والحمد لله من حسن حظي حملت بعد التخرج 😍 وبيجينا بيبي ❤️
حسام:احلا خبر والله
انا:فرحان حبيبي
حسام:هلبا تعرفيني قداش نحب الصغار
وصلنا للحوش خشينا طول لعمتي
خيرية:اهو جي خوك
حسام:اوووو مهند مأنسنا عاش من شافك
سلم على خوه واشرلي من بعيد "ديما نستغرب تعامله الحذر معاي بس ممكن هكا طبعه🤷♀️"
خيرية:رنا ركبتلك بكري قالت تبيك
انا:بهي تو نشوفها
حسام:عندي ليك خبر بمليون
خيرية:فرحني ياوليدي
حسام:بتبدي جده
خيرية:ماشالله مبارك مبارك الحمد لله 😍ان شالله توصله بالسلامه
حسام:ان شالله
خيرية:خيرك بارك لخوك
مهند:مبروك
حسام:الله يبارك فيك امتا ناوي ديرها انت
مهند:مش ناوي متزوج خدمتي هي انا ماشي
طلعت رنا:ماما سمعتي بيجينا حفيد
خيرية:مبارك بنيتي
انا:الله يبارك فيك عميمه
مهند بدون مايشوفلي:مبروك
انا:الله يبارك فيك نشوفوه عندك
قام راسه وشافلي اول مره نركز عالون عيونه كان اخضر واصفر مش مفهوم بس لون جميل هلبا
ضحك بهزوه:بنشوفوه عندك ساد هي سلام ياعيله
استغربت اسلوبه معاي كان عصبي ووقح نوعا ما طز فيه خزي
خيرية:تعالي قعمزي لبنى
رنا:ماتعدليش عليه مهند ديما هكي يهاجم 😂
قعمزت وانا نفكر في كلامه مانحبش حد يلقح عليا
حسام:حبيبي طارتلك
انا:لا عادي
حسام:عارفك توا ترديها
انا:اكيد
ياسين:اووو توه نور البيت
انا:مراحب
ياسين:شعلومك
انا:تمام وانت
حسام:هي انا بنمشي عندي محاضرة
خيرية:زينه وليدي
رنا:لولي عندي مانهدرزلك
انا:بهي تعالي نطيبو الغدا ونحكو
ياسين:لالا تريحو اليوم بنجيبلكم من برا
رنا:سلم وخي الغالي هيا تعالي
انا:بنركب نغير امشي معاي
رنا:هي
فتحت الباب وخشيت متجهه للكوجينا:شن عندك
رنا:عيسى 😍
انا:خيره حبيب الهده 🙄
رنا:خزي عليك بدي يكمل في حوشه
انا:طيب فيه
رنا:كان نفهم علاش ماتحبيشي
انا:عربيه ولا كباتشينو
رنا:شاهي اخضر 😁
انا:بايخه انا لا نكرهه ولا نحبه بس مش متريحتله وموضوع انه جيرانكم مخوفني اكتر خوتك لو يسمعو يعدموك
رنا:اففف بهي شن بندير نحبه
انا:بس هوا يتلكك رنوش ياقلبي مفروض جاي خاطبك من زمان قصه الحوش مش موضوع يوقف عليه اهو خوك خطبني وكمل
رنا:هوا مقتنع انه يخطب طول يتزوج مايحبش يطولها
انا:مش عارفه قناعاته غريبه زيه
رنا:برايك خوتي لو عرفو ممكن يرفضوه
انا:بالنسبه لحسام توقعي ايه لكن ياسين حايوقف معاك ومهند عاد انتي زابطه طبعه
رنا:مهند مايحبش الكدب بكل لو صارحته ممكن يتفهم
انا:معناها
رنا:مانقدرش نسيبه
انا:شدي اشربي قهوتك خلي نغير ونجي
رنا:وكيف بيسمع حسام
انا:خوتك مش عبطاء اكيد حايفهمو لما يجي يخطب
رنا:ولو سألك ردي بالك
انا:عيب ياكلبه هيا ننزلو لأمك
رنا:كان ولد شن بتسميه
انا:احمد عاطول
نزلنا لقينا عمتهم وبنتها 🤢
عربية:مبارك ماسمعنا
انا:الله يبارك فيك
خيرية:ايي امتا بتتوكلو
عربية:غدوة باذن الله
خيرية:بهي تمشو وتجو بالسلامة
عربية:اوينا عاد ردو بالكم من البنيه
خيرية:في عيونا
رنا:علاش وين ماشيين
عربية:بنسافر مع عمك حمد علاج ودنيا بتقعد عندكم
رنا:اه بهي مرحبتين
فاتو ساعات هدرزة ممله لين روحو الشباب
حسام سلم وقعمز جنبي لاحظت دنيا ماحولتش عينها من عليه بس تجاهلت لانه مانبيش ندير راسي من راسها
عربية:شن جو خدمتك
حسام:تمام ياعمتي شن مافيش غدا
خيرية:خوك كيف جابه
حسام:تم مالا نركب نغير تعالي
فات باقي اليوم بدون احداث وفاتو وراه شهرين الحمل تعبني هلبا اكثر مازادو اعصابي ومعاش طايقه حد، ودنيا مستغله الموضوع لصالحها
قعمزت عالصالون ودموعي نزلو
حسام:غير علاش البكا توا الدكتورة قالت وضعك انتي والبيبي كويس بس الوحم متعك صعب شوية
انا:صعب هلبا تعبانه ياحسام نفسيتي صفر تشوف فيا طول الوقت ملوحه ووجهي اصفر
رنا:معليشي يالولي كله باجره حبيبتي
انا:😭
دنيا:بري نزليه لو ماتبيشي
حسام:شن تقولي انتي كيف تقتل ولدها
دنيا:هيا ماتبيشي شوفها كيف تعبانه
انا:هدا مش معناها نقتله لو نعرف انه روحي بتطلع يوم نجيبه مستحيل نتخلا عليه قطعه مني هدا ويكفي انه من حبيبي 🙂
حسام:ربي يسهل عليك ياروحي
رنا:هيا ننزلو دنيا خليها ترتاح
انا:اعطيني هاتفي رنو
دنيا:تو نركبلك غداك ماتعبيش روحك وطيبي
حسام:صحيتي يبارك فيك
طلعو وبمجرد تسكر الباب
انا:علاقتك بيها متقويه 😒
حسام:عادي بنت عمتي
انا:انا نبي علاقتك بيها اقل من السطحية
حسام:ليش
انا:هك كفر
حسام:لبنى هدي اعصابك قداش مرة قتلك تخطيه الموضوع القديم
انا:عااساس هيا تخطت تشوف فيها تتلصق ومش مفوته فرصه الا ماتستفزني
حسام:وانتي عاسبله
انا:لانك فاتحلها المجال
حسام:لا فاتح المجال لاشي تتخايلي بس نتعامل معاها عادي جدا
انا:اقطعه العادي حسام نهائي ريحني مش ناقصه حرق دم
حسام:تحرقي فيه بروحك دمك البنت مادارت شي
انا:تمام الوقت بينا وتوا تشوف
حسام:حبيبتي
بعدت عليه:نحي يدك عليا خليني بروحي
حسام:استغفر الله العظيم
خدي مفاتيحه وطلع
خيرية مقعمزة تسقي في الورد:امتا روحت اللي بتطلع ثاني
حسام:معاش طايقه الحوش
خيرية:علاش خيرك
حسام:تشوفي فينا ليل نهار عراك عاابسط سبلة تقلبها نكد ودموع
خيرية:تعالا قعمز
حسام:شن ياامي
خيرية:مرتك حامل وسمعت دكتورة بروحك شن قالت ليش ماتعطيهاش عذرها وتتحملها
حسام:لانه زودتها
خيرية:بايدها هوا ولا هيا هكي تبي هدا خارج على ارادتها ادعيلها ربي يفرج عليها ويسهل عليها مش تتعصب وتزيد تشد معاها حتا انت المرا تبي مسايرة
حسام:لوقعدت عليا انا بس عادي لكن شوفيها كيف بدت تقلب فيها على دنيا وتقول في حجات مش صايره بكل
خيرية:لا في هدي ماعندكش حق وليدي انا مرا زيني زيها ونشوف شهادة لله بنت عمتك عينها منك وملاحظة عليها حركات لكن مانبيش نتكلم
حسام:اياااه ياامي حتا انتي
خيرية:انا قلبي مايكذبش وتوا تشوف بعينك
حسام:شدوهالي تو تشوف توتشوف عندك كنتك ماتغلطش بكل ملاك
خيرية:لاني عارفتها بنت عالم وناس متربية عالصح والغلط مايطلعش منها
حسام:بهي تمام نستاذن
ركب سيارته طلع
خيرية:ربي يهديك ياوليدي
دنيا كانت تسمع في كل الحديث ضحكت لانه مخططها ماشي زي الساعه
شن بيصير قدام وكيف بتمشي الاحداث 🤷♀️
#نوفيلا_جزائي ❤️🌷
