#جزائي4 ❤️🌷
كنت في موقف لاأحسد عليه معاش قدرت نقيم راسي تحشمت هلبا لانه كان مقابلني
خيرية:شن رايك ياليلى
ماما:والله الراي لبوها وخوها وهيا طبعا
مهند وقف:انا بنرجع للمقر عندي خدمة انستو بعض
خيرية:ماقلتش رايك
تلفت عطانا بالظهر:اللي تقوليه سيف على رقبتي ياامي مش متعود ناقش في كلامك
قمت راسي مصدومة فيه اخر شي توقعته انه يوافق كنت مرتاحه لاني ضامنه رفضه التام 😨
خيرية:سلم وليدي زينه ربي معاك
رنا:يس وافقي حتا انتي يالولي باش ترجعو هنا
انا:بالبساطة هدي هيا يارنا مرت خوه ونتزوجه هوا عادي تمشي الحياة 💔
خيرية:مش هدا قصدنا يابنتي لكن احنا نبوك ترجعي تعيشي معانا وولدنا يتربا بيناتنا
انا:مستحيل نوافق مهند سلفي ورح يقعد ديما هكي في نظري معليشي ياعمتي ياريت معاش ينفتح الموضوع هدا
خيرية:مانكذبش عليك ونقولك بهي لأني مش راضيه على عيشه حفيدي بعيد عليا وانتي مش اول ولا اخر وحده يردها سلفها باش تربي صغارها، بنكلم بوك ومتأكدة يوافق
انا: مانقدرش افهموني حسو بيا حرام عليكم شفتو حسام شن دار فيا بعد خداني وبينا عشرة باعني وبدلني كيف تبوني نخش عاتجربه ثانيه مش عارفه بتنجح ولا تفشل
رانيا:صح معاك حق بس مهند غير والله وكويس
انا:خوك طبيعي جدا تشكريه مهو حسام كان كويس هلبا طيب ومافيش احسن منه لوسمحتو تفهمو موقفي ومعاد حد يفاتحني في الموضوع هدا ولدي مسؤوله عليه ونربيه بروحي قادرة لمى كلمي شاهين يجينا
خيرية:مانبيكش تزعلي مني
انا:مش زعلانه وفاهماتك بس ارجوك افهميني
خيرية:نحاول
جانا شاهين روحنا وانا مضايقه ومخنوقه عالاخر
لمى:بهي انتي ليش رافضه مش ممكن يكون احسن من خوه وترتاحي معاه
انا:شن لبسه هوا ناخدها ونجربها تمشي معاي او لا
لمى:غير اهدي تعالي نتكلمو بالواقع صح انتي صغيره بس مجتمعنا هدي عاداته ماتغيرتش مهما مر وقت الارمله تندفن في حوش اهلها لين تموت ولوعندها صغار عاطول بيردها سلفها باش يقعدو في حدود عيلتهم
انا:التفكير الرجعي هدا امتا بيتخلصو منه
لمى:حبيبتي انتي عندك ولد مش حاتقدري على تربيته بروحك ورح يجي يوم تشوفي الكلام هدا في عيون امك وبوك حتا لو ماقالوش هدا ولد عيله ال..... ليش ماياخدوشي عندهم خاصه لو جاتك فرصه زواج فاصدقيني خيار انه تردي لسلفك جنب اهله اللي تعودتي عليهم احسن بهلبا من انك تنجبري تتخلي على ولدك باش تكملي حياتك
انا:بس مهند طبعه صعب هلبا عصبي ديما يعيط ويكشخ ومايتفاهمش مع حد اساسا هوا كارهني من لما كنت مرت خوه كيف توا لو بنبدا مرته
لمى:مش ملاحظه انه وافق عالزواج بدون اي نقاش
انا:اكيد بيرفض بس هوا مايحبش يكسر كلمة امه قدام حد
لمى:عافكرة حلو جدا وجنتل اكثر من حسام نحب الراجل العصبي والقوي
انا:خوديه لروحك 🙄
طق الباب وخش شاهين: فايقين
لمى:نحاول نقنع اختك
شاهين:ومش مقتنعه انتي مزال
انا:شن فديتو مني بسرعه هكي 😢
شاهين:مش هكي ياحمارة احنا نبولك سند وظهر ليك ولولدك
انا:مانبيشي
شاهين:خلاص تم من جيهتي معاش نحكي معاك فيه اختي وعلى راسي انتي وولدك
انا:ربي يخليك ليا
رانيا:خوك مش طبيعي
رنا:كيف
رانيا:وافق عاطول
رنا:اكيد عاخاطر حموده
رانيا:وفي رايك انتي مهند من النوع اللي ينجبر ويضحي عاخاطر وليد صغير
رنا:حقيقة لا
رانيا:خلي نتصل بيه لازم نهدرز معاه هدرزة طويله
رنا:باه امتا بتروحي انتي
رانيا:😒قعدا في حوش بوي ايوا
مهند:خيرك انتي وياها
رانيا:لزتني اختك
مهند:توا نروحلها خيرك انتي متصله توا
رانيا:امتا مروح
مهند:مش عارف مشغول الايام هدي
رانيا:تجيني غدوة في حوشي
مهند:نحاول
رانيا:عاخاطري وخي
مهند:ان شالله الظهر نلقا الساده واتيه
رانيا:حاضر من عويناتي
قعدت ساهره للفجر نفكر في الموضوع كيف بنتصرف فيه
طلعت ماما:كنت جايه بنوضك تصلي
انا:ماقدرتش نرقد اصلا
ماما:هونيها تهون بنيتي ارمي حمولك على ربي واللي كاتبه بيصير
انا:بلكي يصير فيا زي المره الاولى نتعذب اكثر
ماما:حشاه ربي يعذبنا هوا بس يختبر في قوة ايمانا وتحملنا وصبرنا على الشدائد،ومابعد الضيق الا الفرج
انا:يعني ممكن يكون مهند هوا الفرج
ماما:ربي يعلم صلي استخاره وشوفي واحنا مستحيل نجبروك على شي ماتبيشي
انا:مش رح تفدو من ولدي
ماما:هدا قطعه منا وجزء من عيلتنا بس عيلته يخلوه!
انا:قصدك عمتي مرات تفكر تاخده مني
ماما:ايه علاش لا حفيدها وبوه متوفي يعني ريحته واخر ذكرى منه
انا:خايفه ياماما هلبا من القرار اللي بناخده ومن مهند ومن اهله
ضمتني في حضنها:خليها على ربي وتتفاجئي كيف يمشيها بكل بساطة
نضت توضيت صليت استخاره والفجر وخشيت لقيت حمودي فايق يلعب رضعته ورقدنا
ومر عالاحداث هدي شهر كامل،مزال عمتي والبنات يجوني، اما مهند مختفي تماما الباين انه رفض وسكر الموضوع
حصلت خدمة في مدرسه خاصه واستمرت حياتي هادية ماكنتش نعرف انه الهدوء اللي يسبق العاصفه 😓
طلعت من المدرسه لقيت بابا يستنا فيا جايب معاه احمد
ركبت وخديته:خيرات حبيب ماما اللي جاي بيروح بيها
بابا:شن جو الخدمة
انا:تمام كويسه
بابا:ربي يعاونك
انا:سلمك خيره شاهين ماجاش
درس بابا في مكان شبه فاضي:نبي نهدرز معاك بعيد عالحوش
انا:ان شالله خير
بابا:سلفك جاني امس وطلبك مني
انا:شنوو 😨 بعقله هدا ماصح وجهه
بابا:علاش
انا:لاني سكرته الموضوع
بابا:اسبابك
انا:تبي الحق خايفه
بابا:تخوضي تجربه ثانيه وتكون سيئه
انا:بالزبط
بابا:لو قلتلك اني ارتحت لمهند هلبا اكثر من حسام قبل وعندي احساس كبير انه مش حايكون فشل
انا:بجد
بابا:وراس وليدك هالملاك
انا:مش عارفه
بابا:درتي استخاره
انا:درت ماحسيتش روحي مضايقه بس قلت لانه تسكر الموضوع
بابا:كلمتني امه من فترة وانا ماحكيتلكش باش مايصيرش زعل بيناتكم بعد حكتلي امك عاكلامها يوم عيد ميلاد احمد، وهوا جاني في الخدمة قالي مانبيش يصير اي احراج وسوء فهم
انا:عقلي تشوش
بابا:بالعموم هوا قال براحتك تفكري ولو رافضه عادي لكن احمد بيكون اسبوع عندك اسبوع عندهم
انا:كييف ولدي هدا
بابا:حقهم ومانقدرش نتكلم فيه
انا:يعني يشدوني من ايدي اللي توجعني
بابا:علاش انتي حاستهم بيضرو ولدك
انا:ممكن ترفعني ليهم
بابا:توا
انا:لوسمحت
بابا:نمرو عالحوش يرفعك خوك
حطيت احمد في حوشنا وطلعت انا وشاهين
رنا:حي لولي
انا:السلام عليكم
خيريه:وعليكم السلام بنيتي مرحبتين بيك
انا:معليشي ياعمتي عمري غلطت فيك
خيرية:لا شهادة لله من يوم خشيتي حوشي ماغلطتي فيا
انا:بالك يوم رديت عليك كلمة ولا قلتيلي حاجه ومادرتها
خيرية:خيرك من مضايقك
رنا:شن فيه لولي
انا:ليش هكي ديرولي قتلك انهيه موضوع ولدك مانبيش نتزوجه ليش تكلمي بابا وهوا يمشي ويطلبني منه
خيرية:لانه هدا الصح وكل أم تعرف مصلحه ولادها حتا لو هما رافضين
انا:بس انا مش بنتك
خيرية:معتبراتك وحده من بناتي وغلاك من غلاهم
رنا:اهدي والله مهند مش سيء
انا:سيء ولا كويس لروحه مايهمنيش مانبيشي ليش يلوي ايدي بالطريقه هدي يعني يانتزوجه ياتاخدو ولدي مني
خيرية:ماقلتش ناخدوه بس اسبوع عندي اسبوع عندك حفيدي وعندي حق فيه
انا:مش امه انتي ماتعبتيش عليه وجبتيه،ماعندكش حق فيه
تجمدت في مكاني لما عيط عليا:صوووووتك يابنت 😡😡😡
خيرية:معذورة ياوليدي حتا هيا أم
مهند:أم ولا هم صوتها مايرتفعش عليك ولا بيصير كلام ثاني مايعجبش
انا:بأي حق ماشي لبابا
مهند:الناس تطلب من الاب بالاصول ولا انتي تبيني نطلبك من حد ثاني 🤨
انا:من قالك بنوافق اصلا
مهند:عندك حق الرفض طبعا لكن الشروط بتتنفذ
انا:ولدي 😢
خيرية:علاش ترفضي بس يابنتي الدنيا صعبه مش حاتقدري تربيه بروحك
مهند:ياسرها يما عندك الوقت تفكري نهاية الاسبوع جايك بنعرف ردك
انا:انت شن تحساب روحك تقدر تتحكم في الكل وتجبر الناس بعدين من وين جاتك الوقاحه تتزوج مرت خوك
رنا:انتي مش واعيه لروحك شن تقولي تعالي معاي
مهند:خليها واعيه كويس زي ماقلتي وقح وجدا مزال ماشفتي شي من وقاحتي وخليني نعطيك معلومة "رح تتزوجيني" 🙂
خيرية:ياسين بيدير عرسه نهاية الشهر وافقي يابنتي خلينا نقرو فاتحتك وارجعي مع سلفتك
طلعت ومش لاقيه شي نقوله دموعي بس يحكو كمية وجع قلبي وقهرتي وقلة حيلتي 💔"ياارب كون معاي
في كافي مقعمزين قدام بعض يتناقشو عااخر التجهيزات
ياسين:تي مش حلو بكل
مريم:بالعكس حبيبي لون هادي وكيوت
ياسين:كيوت البسيه انتي لكن مش لون دار النوم
مريم:بهي شن تبي انت
ياسين:بيج حلو وندخلو عليه لون داكن يكون في الدواليب
مريم:مش عارفه نزيد نشوف
رن هاتفه:هدي لبنى شويه بس الو
انا:كيف الحال
ياسين:تمام خيره صوتك
انا:فاضي شويه بنحكيلك حاجه
ياسين:نسمع فيك هي
مريم برفعه حاجب:لبنى هدي مرت خوه المتوفي 🤨
ياسين:مش عارف شن بنقولك يالولي زيدي فكري انتي من رأيي هدا افضل واريح قرار احسن بهلبا من موال الاسبوع
انا:يعني حتا انت معاهم
ياسين:مش قصه معاهم بس هدي مصلحتك ومصلحه احمد قبلك احنا اكتر ناس عاشت في الوضع هدا وتعبت منه لانه مالقيناش حد سندنا تشوفي فيه مهند قايم العيله كلها يمكن لو انعرض على امي عرض زيك زمان ره توا هوا مهندس او دكتور زي المرحوم
انا:ياارب
ياسين:زيدي فكري وراس وخيتي ولو اصريتي عالرفض نوعدك نحاول نقنعهم ينقصو من الاسبوع
انا:تمام
ياسين:توصي شي ناقصكم شي
انا:لالا تسلم
ياسين:بوسيلي حموده هي سلام
مريم:خيرها تتصل بيك
ياسين:امي تبي مهند يردها
مريم:والله علاش مهند
ياسين:تبي ناخدها انا!
مريم:لا مش هكي قصدي بس يعني راجلها مات خلاص تمشي تشوف حياتها مش لازم يردها خوك
ياسين:امي تبيها ترجع متعلقه بيها وتحبها هلبا وعاخاطر احمد
مريم:عادي الولد امتا تبوه خودوه منها
ياسين:قتلك امي تحبها هلبا يعني مستحيل تزعلها
مريم:للدرجه هدي بتعطيها ولدها الكبير
ياسين:ولو مش مهند انا
مريم:معناها انا برا من توا 🙄
ياسين:ديري جهدك عاد الحجات هدي ماندخلش فيها لاامك تعامل فينا هكي لاجو السلفات والحماوات ماتفكريش تحكيلي فيه بكل
مريم:اه يعني حتا لو دارو الفرق عادي
ياسين:نقولك من توا بالنسبه لرنا في صف لبنى ديما لانها صاحبتها وقاريين مع بعض من قبل موضوع حسام الله يرحمه،رانيا هدي الصعبه فينا لسانها سليط ورح تستنالك غلط فاردي بالك،اما امي طيبه وتحب الكل
مريم:ومهند
ياسين:لا هذا تعاملي معاه فوق الرسمي حتا السلام ماتسلميش خير بالحواجب بس
مريم:ليش
ياسين:طبعه صعب وكلامه سم مش رح تتحمليه بكل وهوا جابد روحه من العيله
مريم:اها
ياسين:رح تحبيها لبنى هلبا
مريم:بهي وريني الصور اللي عندك خلي نختارو
" وبعد الحوار هدا حتا مريم خدت مني موقف مش مفهوم ليش بس نقدر نقول جو سلفات قبل ماتوصل وربي يستر عالجاي"
مقعمز يدخن ويشرب في القهوة باساته عاراسه:وين سارح
مهند:شن رايك انتي
رانيا:ست الحسن والجمال
مهند:طولة اللسان والصوت العالي ممكن
رانيا:حكتلي ماما عالنقاش اللي صار بينكم
مهند:امممم جيتي تجري من حوشك
رانيا:ليش مش متقبل رفضها
مهند:الحياة فرص وانا الفرصه مانعرفش نخليها تخطي خطوة بعيد عليا
رانيا:ولو الفرصه رافضه رفض قاطع 🙂
مهند:نجيبوها للطريق ماتفكريش بكل
حطت ايدها عاقلبه:ماتقساش خليه يلين هذا، حساسه هلبا رهو
مهند:يسهل الله هي خودي الوسع
رانيا:تبي شي
مهند:سلامتك شدي حوشك والهي براجلك وصغارك
رانيا:حاضر ربي يخليك لينا ياكبير
مهند:ان شالله
بعد 3أيام كان موعد تطعيمة حمودي رفعته انا وماما وشاهين لعياده
استنيت هلبا لين جي دوري خشيت
ممرضة:خلاص حبيبتي سكرنا
شفت وراها للثلاجة فيها 5تطعيمات:كيف هكي اهو مزال
ممرضه:محجوزات ياماما
انا:ليش هكي وهيا ناقصه حرام عليك ليا اسابيع ندور فيها
ممرضه:والله هدا اللي صار عندك واسطة جيبيها 🙂
انا:لازم واسطات يعني
ممرضه:ايه ماشيه هكي تفضلي هي
طلعت نبكي
ماما:خيرك
انا:مابتش طعمه قتلي بالواسطات
ماما:لاحول ولاقوة الا بالله
انا:كيف بندير وهيا ناقصه 😢
ماما:شوفي عمامه بلكي يجو يكلموهم ولا ياخدوله وحده من برا
انا:مانبيش نثقل عليهم
ماما:هدا ولدهم
خديت هاتفي اتصلت:الو رنو
رنا:مرحبتين حبي شن جو
انا:الحمد لله قتلك جيت بنطعم حمودي مابوش يعطوني
رنا:علاش ماصح وجهم هدي تطعيمه مفروض للكل
خدي منها الهاتف:خيرك
انا:قالولي بالواسطات والتطعيمه ناقصه هلبا واصلا فايتاته
مهند:وين انتي
انا:عيادة النور
مهند:تم جايك
رنا:نمشي معاك
مهند:لا
فاتت نص ساعه
ماما:رقد ولدك
انا:شن بندير قالي استني كان نلقا نطعمه اليوم
ماما:ان شالله يابنيتي تحصلي
قمت راسي شفته خاش من الباب لابس سروال عسكري وتيشرت اسود كدار اسود وسلاحه في جنبه
سلم على شاهين وجي قام احمد:راقد ياخميرة هي نوض بناخدو اليبرا
انا:حصلت
مهند:اهو بنخشو ناخدوها تعالي
انا:بيعطونا !
مهند:السلام عليكم
ممرضة:وعليكم تفضل استاذ
مهند:افندي 😡
ممرضه: تفضل افندي كيف نقدر نخدمك 😨
مهند:اليوم تطعيمه ولدي وقلتو نوزعو فيها بالواسطة جيت نكفي ولا تبي الواسطة تحضر
ممرضه خافت: بس هادو شاريينهم
مهند:بكم
ممرضه500
طلع من جيبه فلوس وحطهم قدامها:هادا الف اضربيله تطعيمه توا
ممرضه:حاضر تفضلي مدام
خديته منه دخلته ضربتله التطعيمه
ممرضه:سامحيني بالله عليك مش قصدي شي
انا:ليش ديرو في الفرق
ممرضه:لانه يدفعو الدنيا هكي ماشيه
انا:ربي يسامحكم
لبسته وطلعنا
مهند:بالشفا على ولدي
في اللحظة هدي حسيت انه فعلا ولدي عنده سند وأب بيكون ديما موجود معاه وجنبه
لقيت ماما وشاهين مشو للسياره
لبس نظاراته وشافلي:ان شالله يكون الموقف هدا حسملك قرارك
انا:شن قصدك
مهند:انتي محتاجه
انا:انت قلت رأي في نهاية الاسبوع
مهند:نجو نهاية الاسبوع شن مزال عليها واخدلك اجازه شهر ومقعمزلك
انا:شن تبي مني
مهند:🙂 شدي ولدك وتوكلي تحتاجو شي اتصلي بيا انا معاش تكلمي حد
انا:عنديش رقمك
مهند:بعدين تبعتهولك صاحبتك
فتحلي الباب ركبت ومشينا
ماما:الحمد لله يابنيتي ربي يبارك فيه ويحفظه لشبابه
شاهين:اي والله راجل معدل
ماما:هدا الموقف جاك من ربي
شاهين:عارفه هيا
ماما:وليدك صغير قاعد ويبي بو
شاهين:خلاص يما هيا تعرف اللي يصلح بيها وبولدها
انا:بهي فهمت وانتم شديتو فيه
خيرية:صار مشالها
رنا:ايه ابصر شن صار فيهم
خيرية:ان شالله خير
تم الاسبوع وفات اليوم اللي مفروض يكلمني فيه ونقوله رأي مااستغربتش تصرفاته اصلا عنصر المفاجئة بالزايد عنده اكيد في راسه موضوع،بس بما اني خديت قراري فابادرت انا المره هدي فتحت على رقمه واتصلت فصل عليا وعاودلي
مهند:ايوا
انا:كيف حالك
مهند:بخير وانتم
انا:الحمد لله
مهند:كيف حال ولدنا
انا:كويس
مهند:انشغلت في المقر خدمة طوارئ بس مش ناسي
انا:خديت قراري بس نبي نحكو في كم نقطة
مهند:كويس كويس وتسمعو شروطي بالمره
انا:شروط
مهند:ايه غدوة باذن الله مروح الساده عندكم بعد العصر
انا:تمام
مهند:هي في حفظ الله....
بدئت تحلووو 👏🫢😁
