#جزائي5 ❤️🌷
واقفه ندير في القهوة سرحانه وقلبي نحس فيه بيوقف من كثر النبض خايفه هلبا
شاهين طفا الغاز:وين وصلتي
انا:ماركزتش
شاهين:انا جنبك ومعاك ديما ماتخافيش
انا:ربي يخليك ليا
شاهين:وصل ويستنا فيك ارفعي احمد يبيه هاتي القهوة
خديت ولدي وطلعت:السلام عليكم
مهند:وعليكم مرحبتين بولدي ماشالله كبرنا 😘
قعمزت مقابلاته نستنا فيه يبدا يحكي
بعد دقايق نطق:كيف حالك
انا:الحمد لله
مهند:قلتي عندك نقاط بتحكيها
انا:ايه
مهند:تفضلي هي
خديت نفس عميق وانطلقت:احمم اولا بنقولك اني موافقه نتزوجو
مهند:كملي
انا:نبي توعدني انه تكون لولدي اكثر من الاب ديما تسنده وتدعمه ومايجيش يوم تمل منه، زواجنا بيكون شكلي بس عاخاطر احمد،بنقعد في شقتي وانت براحتك حتا لو تبي تتزوج،نبي تبعد عليا عيلتكم لا نختلط بيهم ولا يقربوني نعيش مرتاحه ني وولدي بس
مهند:سبحان الله كأنك خشيتي دماغي قريتي شروطي وقلبتيهم
انا:شن تقصد
مهند:يمشي!
انا:ايه
حط احمد عالارض:برا لماما هي
اسمعيني كويس وركزي معاي لاني مانحبش نعاود، الكلام اللي بنقوله توا يتنفذ بالحرف، احمد من اليوم ولدي انا واللي يقربه ننهيله عمره،زواج شكلي هدي احدفيها من تفكيرك بنكونو قدام ربي والناس وولدنا راجل ومرته جو ارقد في دار وانا في دار ولا برا الحوش هدا مايمشيش الولد كبر وبيبدا يتكلم اللي بيشوفه في حوش بيعاوده برا وينعكس على نفسيته لما قررنا نتزوجو عاخاطره يعني بنوفروله كل شي فقده، الشقه لأحمد وبنكتبها باسمه لكن سكنه فيها ماتفكريش انا واخدك مرتي مش مرت غيري حوشي يبي شويه تشطيبات ونسكنو فيه انا في الاساس مش ناوي نتزوج فاانتي الاولى والاخيرة، خدمة مافيش تقعمزي تلهي بولدك وكل شي يجيك لعندك، وموال العيله خليه لين توصلي
انا:عندي حق الرفض طبعا
مهند:لاماعندكش قتلك ركزي مش تناقشي
انا:نسكنو في حوشك ولو بعد وقت تقولي بنتزوج
شد احمد يلعب فيه:مش متزوج
انا:وفرضا صار
مهند:ياودي قلنا لا خيرك تبي تعقديها وخلاص
انا:شن بيقولو الناس
مهند:شن دخلنا بفيتهم الناس واخدك انا مش واخدينك الناس
انا:وخدمتي
مهند:انتي تبي طلعي ثغرة وخلاص
انا:مش هكي بس انت عقدتني
قام راسه شافلي ولاول مره يبتسم:نفكوهم العقد وحدة وحدة غير نقصيلي من تسكير الراس واللسان
انا:نتكلمش الا عالغلط
مهند:لاحشاك انا اللي عياطي واصل لاول الشارع
انا:انت مستفز
مهند:تمام هي توصي شي
انا:لا
مهند:تو نتفاهم مع بوك عالفاتحه غالبا بتكون مع ياسين حوسه وحده باش نلحق نكمل الحوش
انا:به
مهند:القهوة ماعجبتنيش توا نعلمك كيف ديريها مزبوطة سلام
عربية:والله نصيبهم ردهم لبعض شن ذنبي انا و بنتي انتي عارفه المرحوم من قبل يبي حسام ياخدها
خيرية:ماتخربش بيت مرا بولدها كانت بتطلق من تحت راس بنتك
عربية:العبد يقول قول وربك يفعل فعل ربي يرحمه ويغفرله
خيرية:امين يارب
عربيه:توا هيا مشت في حالها وبنتي ربي يعوضها خير احنا عيله ومانبيش نتقاطعو
خيرية:اي عندك حق اللي فات فات وربي يسامح الكل
عربية:قوليلي مالا ولد المرحوم ماخديتوشي
خيرية:لا
عربية:خودوه منها صغيره قعدا تو تتزوج وغير بتلوحه لاهلها
خيرية:ايه عارفتها بتتزوج وتجيبه معاها
عربيه:من بتتزوج
خيرية:مهند بيردها
عربية:شنووو 😨
خيرية:ايه
عربية:مش كبير عليها
خيرية:عادي هيا موافقه وهوا موافق ربي يهنيهم
عربية:اي اي
رنا:تفضلي عمتي
عربية:سلمها
رنا:كلمك مهند!
خيرية:ايه قالت بهي وان شالله عرسه مع خوه
عربية:وحتا ياسين بيتزوج ماشالله
خيرية:ايه نهاية الشهر
عربية:كويس 😑
ومن كلمة الموافقه اللي عطيتها تغير كل شي،وقفت خدمة لانه سي السيد معاش يبيها كل شي بدي يوصل فينا منه مصروف وقضيه ولبس، عرفت من رنا انه يكمل في حوشه ويجيب في الاثاث ياسين نفس الشي كل مايقرب الموعد نحس في خوفي منه يزيد لدرجه معاش نرد على اتصالاته مكتفيه بالمسجات بس
قبل العرس باسبوع اتصلت بيه
مهند:اهلا وسهلا
انا:كيفك
مهند:بخير طيب سمعنا صوتك
انا:ممكن نشوفك نبي نحكي معاك في موضوع
مهند:ايه عادي شويه ثانيه نمر عليك
انا:تمام
غيرت لأحمد وقعمزت في الجنان نلعب معاه لين جي اول ماشافه مشاله يجري يضحك ويمد في ايديه
مهند:اهلا اهلا بابا مستاحشني شورك
احمد يحاول يحكي:ااغ ااغ
مهند:امتا بتتكلم قول بابا هيا
انا:امه اولى
مهند:طبعا شن فيه
انا:بنطلب منك طلب اعتبره رجاء
مهند:لاتطلبي لاتترجي انتي قولي نبي وكله يصير
انا:تسلم، حكتلي رنا انه تصالحتو مع حوش عمتك
مهند:به
انا:نبي نتفادى نتلاقى معاهم وحتا ننحط في موقف محرج انه نسمع كلمة تجرحني من اي حد، فالو سمحت خليني هنا لبعد يتم عرسكم ونروح بعده بايام لما تهدا الزحمه
مهند:تمام اعتبريه صار متفهم وضعك، اما بالنسبه للعيله خليه عليا موضوعهم واطمني
انا:مرتاحه ونتمنى مايخيبش ظني ثاني
مهند:مش متعود نخيب حد لو على موتي، قوليلي
انا:شنو
مهند:لون تحبيه!
انا:ليش
مهند:جاوبي بلا تكثير دوه
انا:بيج وازرق
مهند:تمام
انا:مهند
شافلي:نسمع
انا:اسفه لاني حرمتك فرحة اي عريس بزواجه 😢💔
مهند:الفرحه مش عرس ولبسه ،الفرحه في الحياة اللي بعده لو نسكر راسي ونبي رح ندير عرس ونخليك تلبسي الفيللو ثاني، بس لاني عارفك ماتبيش خليت كل شي عادي
انا:حقك دير كل شي على اصوله
مهند:توا يواتينا الوقت ونفرحو كملتي وراقيك
انا:ايه
مهند:بعدين بتجيك رانيا اطلعي معاها بلا كثرة نقاشات مانبيش يوصلني انك قلتي لا
انا:علاش
مهند:هدا اللي هناك
انا:بهي
مهند:بنرفعه معاي لأمي مستاحشاته
انا:تمام نجيبلك الشنطة متعه رد بالك عليه
مهند:توصينيش علي ولدي هي دير باي لماما
فتحتله الباب وقعدت نشوفلهم
مهند:خشي داخل مش تشوفي في دين ام الشارع معبي 😡
سكرت الباب طول:يستر الله من اعصابه هدا
دنيا:بالله بدل ماتفكر تاخدني انا خطيبي مات وسيبني بتردها هيا الحقيرة
عربية:لا ونزيدك بيسكنها في حوشه مايبيش شقه خوه لانه بيكتبوها لاحمد
دنيا:الله الله قتلت حبيبي وعايشه حياتها بس وحق ربي مايكون اسمي دنيا لو مانخربلها عيشتها ونخليها تطلق بفضيحه 😠
ياسين:تي شن ماعجباتكش مش اخترناها مع بعض
مريم:اللون في المحل مش زي توا
ياسين:نقعد ندورلك بيها باش تشوفي لونها
مريم:حبيبي
ياسين:تي لا حبيبي لانمي بنرفع البضاعه للمحل يغلفوها وانتي تقولي مش عاجبني 😡
مريم:بهي خلاص تتعصبش ارفعهم نلبسها وخلاص
ياسين:بالك تبي نلوحها
مريم:خلاص بهي
ياسين:سكري بالله عليك ماتزيديش عليا
رنا:خيرك تعيط
ياسين:اقسم بالله انتم البنوت تشيبو
رنا:شن فيه بهي
ياسين:قالتلي البدله لونها في المحل مش زي توا ماعجبتنيش
رنا:تتشرط مرتك برا سلم وخي غلفهم ماتعدلش عليها
ياسين:هوا هكي تبو حاجه
رنا:سلامتك
خشو دنيا وعربيه:خيرات
رنا:اهلا
عربيه:سلمي علينا اللطف
رنا:ايديا مسخات خشو
دنيا:مبروك على خوتك
رنا:شكرا
دنيا:مزال زعلانه مني
رنا:مانشوفش فيك اصلا مشت وخلتها
الساعه 5 اتصلت رانيا طلعت معاها
انا:وين ماشيين
رانيا:راجلك يبيك تاخدي كل شي جديد
انا:شنو
رانيا:زي ماسمعتي هكي قالي ماتنقصي عليها شي
انا:انجن خوك مانبي شي رديني للحوش لوسمحتي
رانيا:كلميه وقوليله الكلام هدا
اتصلت بيه
مهند:شن يما بهي هكي
خيرية:لالا سلم ولدي علقهولي فوق
مهند:بهي هنا
عربية:لافوق خير
رن هاتفه:ايوا نعم
انا:مانبيش نشري شي
مهند:شن قتلك بكري
انا:مانبيش شن لبس جديد قالولك ماعندي شي
مهند:بلا دوه فاضيه اللي قلته يتنفذ
انا:بتتحكم حتا في لبسي هدا شي مايخصكش ولا تكون مصدق انا بنتزوجو حق
مهند تعصب:تي تكلمي كويس ياهم ماطوليش لسانك واللي قلته بديريه غصبا عنك اقسم بدين الله لو نجيك يالبنى رقبتك لما نكسرها 😡😡
خيرية:مش هكي ياوليدي
مهند:واهو تتصل رانيا وتقول ماخدتش شي حدف هاتفه كيف تتفاهمو معاها اهيا راسها زي الحيط
رنا:بالعكس لولي حبوبه جدا
مهند:اقلبي وجهك انتي الثانيه من مكبرلها راسها غيرك
خيرية:جيبها بالسياسه مش هكي عياط وتكشيخ
مهند:بكري تفاهمت معاها توا قلبت لكن بهي راسها انا نكسرهولها
خيرية:ربي يهديكم
رانيا:غير علاش هدا كله عاديه رهو اي وحده مفروض تاخد لبس جديد
انا:بهي ☹️
رانيا:ماتزعليش منه صدقيني رح يجي يوم وتشكرينا لانه اصرينا على زواجكم
انا:نتمنى
مشينا لمحلات ماخلت ماخدتلي لبس حوش علي طلعات وارواب مكياج ومواد تنظيف واكسسوارات واحذيه
رانيا:طبعا بنرفعهم لحوشك
انا:براحتك
رانيا:نمرو ناخدو احمد
انا:ياريت
وصلنا حوشهم درست بعيد لانه عندهم زحمه
رانيا:نخش نجيبه ونزل الاكياس
قعدت نتفرج عالعمال باين ينزلو في اثاث لحوش ياسين ماحسيتش بيه لما وقف جنبي
مهند:شن خسرتي توا
تلفتت:امتا جيت
مهند:لما انتي سرحانه لشن تشوفي
انا:شي وين حمودي
مهند:يلعب خليه بيقعد يبات عندي
انا:تبصر لالا نرقدش بدونه
مهند:تعودي لانه بتبدي ترقدي بلاه
انا:خيرك هكي انت 😢
مهند:علاش البكا قلتش بناخده منك
انا:بهي جيبهولي بعدين في الليل
مهند:لا عندي بايت اعتبريه عقاب على تسكير راسك
انا:حرام عليك
مهند:لاحرام لاسو امسحي دموعك خيرك مانزلتيش
انا:زحمه عندكم
مهند:ايه
انا:حتا هنا بهي
جت رانيا:شن تحكو
انا:شي
مهند:شن قلنا
انا:بهي
مهند:هي في حفظ الله
طلعت دنيا:مهند تنادي فيك امك
شفتلها وتنهدت:ياربي كون معاي
رانيا:ماتخافيش كلنا معاك وربي رح يجبرك
انا:ان شالله بترجعي هنا
رانيا:اي
انا:بالله ردي بالك على حمودة خوك قال يبيه يبات معاه
رانيا:حاضر في عيوني ❤️
ثاني يوم كانت الفاتحه ماطلعتش من داري بكل نتخيل في حسام طول الوقت رغم كل شي داره فيا قبل يموت بس مش هاين عليا العشره 😢
رن هاتفي:الو
مهند:قدام الجامع توا
انا:بهي
مهند:موافقه تبدي مرتي
قعدت دقايق نفكر يعني لو قلت لا توا بيلتغى كل شي ونقعد حرة بس احمد 💔
خديت قراري اللي مستحيل نرجع فيه وقلتله:موافقه
سمعت صوت ولدي في نفس الوقت قال بابا
مهند:سمعتيه تكلم
انا:بجديات 😢ياروحي جيبهولي
مهند:بيحضر معاي فاتحتنا قبل
انا:بهي سلام
لمى:خيرك تبكي
انا:حمودي تكلم قال بابا
لمى:والله 😍 سلمه حبيب خالته شفتي قداش تعلق بمهند لدرجه ناداه بابا
انا:ربي يخليه ليه
لمى:وليك ياحلوة بتروحي الليله
انا:لا
لمى:غدوة مع سلفتك ولا امتا
انا:ممكن بعدها بايام
لمى:امم لولي حبيبي نبي نحكي معاك في حاجه
انا:شنو
لمى:لاحظت انك تغيرتي هلبا معادش لبنى متع زمان اللي الضحكه ماتفارقش وجها القويه المستفزه اللي لسانها يقتل، ديما حزينه ودمعتك قريبه تتصرفي كأنه كل الناس خذلاتك
انا:صح فعلا هكي نحس معادش قادرة نوثق يالمى والخوف مرافقني وين مامشيت مع انه عندي هلبا ناس تحبني ومهتمه بيا لكن انا فقدت الثقه حتا بروحي، تعرفيني ماعمري حبيت وعند اول فرصه زواج قلت يلا نتزوج طالما شخص كويس عشت معاه ايام حلوة كنت نحسابه هدا الحب اللي يحكو عليه بس مع الوقت انقلب كل شي كأنه عالمي انهار عليا بديت نشوف في روحي وحيده عالحافه معاش قدرت نشد ايد حد باش ننجا، حسام حطمني حرفيا جردني من كل صفه كنت نتميز بيها بسببه هوا وصلت للنقطه هدي 💔
حضنتني:اسفه اني ذكرتك بس نبيك ترجعي زي قبل خلي ايمانك بربي قوي رح يعوضك
انا:خايفه هلبا 😢
لمى:باذن الله خير
مرو ايام العرس وتم اليوم مهند داير غدي كبير لكل العيله واتفقنا بيجي يروح بيا
نضت بكري دوشت درت شعري وشويه مكياج
ماما:ربي يهنيك بنيتي
انا:خايفه
ماما:شدي اشربي ميه مرقيه وتوكلي علي الله
لمى:بنستاحشك كيف تعودت عليك 😢
انا:مرات نرجعلك تاني
ماما:فال الله ولافالك ان شالله ثباته بنيتي
شاهين:راجلك وصل
طلعت ماما تسلم عليه:مانوصيكش عليها ياولدي
مهند:ان شالله ياعمتي في عيوني وصيها هيا عاللسان بس
ماما:ياودي ماندري
مهند:يستر الله
لمى:حموده حبيب خالتو بنستاحشك
مهند:هيا نمشو
انا:هي سلامات ادعيلي
ماما:ربي معاك
مهند:سلمو على عمي سامي
طول الطريق ساكتين مافيش غير صوت احمد يلعب ويحاول يتكلم
مهند:خيره صوت دقات قلبك واصليني
انا:مش عارفه
مهند:مافيش شي يخوف طول ماانا موجود
انا:ان شالله
وصلنا شفت الزحمه
مهند:تعالا ولدي هيا انزلي عاد
لقيت روحي تلقائيا شاده في ايده
مهند:معاك ونبيك قويه دموعك ماينزلوش
انا:ماتخذلنيش متمسكة بيك بأخر ذرة امل
مهند:نعاهدك
خشينا مع بعض نحس فيه هوا يحرك فيا رجليا مش حامليني سبحان اللي حول كل قوتي لخوف ورهبه
وقفنا في نص الصاله الكل سكت بس الاحاديث الهامسه وصلتنا
مهند:السلام عليكم انستونا ياعيلة،بنعرفكم على مرتي وولدي لبنى واحمد اليوم خشو العيله ناس جدد عليكم نبي تعاملوهم احسن معامله وماحدش يزعلهم لاني بنزعله،لبنى مرتي دوة كانت واخده خوه ولفت عليه ومايتبعها ردو بالكم في يوم توصلني لانه اللي قالها رح يزعل هلبا،مواضيع قديمة صارت قبل وقت تنتسا بالغصب،جبتها تتعرفو عليها وتبدو معاها بداية كويسه،ولدي مانبيش حد يقربه ولا يعطيه حتا وردة، لميتكم اليوم باش نبدو صفحه جديده كلنا مافيش داعي للقطيعه عيلة وحده احباب وياريت نستمرو هكي كل واحد يلها في حياته ويسلط تركيزه عليها بس زي ماانا بنركز مع مرتي وولدي بس......
الجاي اروع 🫢🫣
