#جزائي2 ❤️🌷
حسام ماروحش باقي اليوم قعدت بروحي ماعنديش خلوق لحد،الساعه 10غيرت ونازله للعيله شفته مقعمز عالكرسي يشوف للسما وهيا جنبه
دنيا:خيرك مهموم هدا والبيبي ماوصلش
حسام:نفكر والله توا وهكي مالا لما تجيب كيف
دنيا:حاس روحك مش جاهز لانك تبدا اب
حسام:خايف بس فرحان بيه هلبا نحب الصغار
دنيا:عارفه مهو نذكر قداش كنا نفكرو فيهم زمان
حسام:ايه
دنيا:مرتك عصبيه ولسانها طويل
حسام:هلبا
دنيا:ندمت انك خديتها
حسام:لا نحبها لكن متعبتني
دنيا:امم عادي غير اسلوبك معاها
حسام:كيف
دنيا:خوفها منك حتا تبدا ديرلك حساب لكل حركاتها اضربها مرة مافيش مانع
حسام:ضرب
انا فيوزاتي انفصلو وصوتي تلقائي تعلا: ايي هدا اللي ناقص قوليله يجلدني حتا الجلد انتي يازباله بتعلمي راجلي كيف يتعامل معاي
حسام:اسسس اسكتي وطي حسك
انا:مش ساكته انت كيف مقعمز وتسمع فيها مخليني ملوحه يوم كله وتميعد معاها
طلعو عمتي ورنا وياسين
خيريه:خيركم شن فيه
حسام:شي يما دخليها
انا:لا فيه ولدك ياعمتي مقعمز يهدرز مع الكلبه هدي اللي تعبيله في راسه قتله غير معاها الاسلوب واضربها
خيريه:وانتي امتا طلعتيله
دنيا:ماصارش لكلام يامرت خالي كنا ندردشو عادي
انا:بالله عادي هدا اللي تبي توصليه انتي تخشي بينا بس لكن في احلامك نخليهولك الا بطلوع روحي ولا روحه
حسام:اسكتي ناس تسمع فيك
انا:مش ساكته العار هدا راضي بيه انت
حسام:عار شنو بنت عمتي وهدرزت معاها شن كفرت
انا:بنت عمتك حقيره وتبي تخرب بيتك
خيريه:غير اهدي بنيتي شن قالت الدكتورة
انا:ياعميمه قداش مرة نقوله ابعد عليها ريحنا ولدك مايبيش حن وبيرجع شوره
حسام:ضمي فمك خيرلك قاعد محترمك
انا:لا والله تتقوا غير عليا
انفتح الباب وخش مهند في فمه دخانه وحواجبه يخوفو:خير فيتكم صوتكم من اول الشارع جايب 😡
"طبعا العيلة كلها تهاب مهند"
حسام:خشي داخل فضحتي بينا
انا:مش خاشه ونبي حوش اهلي توا
حسام:خيرك انتي عقلك شن فيه
انا:ايه طلعني غالطه عيش غرامياتك ولما نتكلم اقلبها عليا
دنيا:ربي يشفيك بجد
انا:سكري فمك انتي ماتكلمتش معاك يازباله
عيط مهند وحدف الساكو متعه:ياسر انتي وياها نفس معاش نبي نسمعه الواحد يروح بيرتاح يلقا الهم قدامه
حسام:قتلك اسكتي وريحينا فالحه غير في المشاكل
مهند:شن فيه بالزبط
حسام:شي
انا:احكي لخوك قوله مرتي شافتني نهدرز مع بنت عمتي وتقولي اضربها
حسام قام ايده بيضربني:ضمي فمك يا
مهند:نزل مكسورتك احسن مانعلقهالك في رقبتك 😡 بتضرب مرتك قدام امك معاش تتحشم انت
حسام:شوفها شن تقول
مهند:خودها واركب تفاهمو في خاربك
انا:مش راكبة قلت نبي حوش بوي
شافلي عاجنب:شن تبي
انا:حوش بوي خوك معاش قاعدتله هنا
مهند:خشي بهي
انا:لا
مهند:تي خشي بلا تسكير راس
انا:والله ماني خاشه هي واتصلو بخوي توا يجيني قعمزت عالكرسي بعيد عليهم
دنيا:وقحه وبدون اسلوب
مهند:طول ماعيلتك مسافره بتقعدي هنا باحترامك تفوتي حدك ننهيلك عمرك تسمعي فيا ولا
دنيا خافت:بهي شن درت
مهند:تسمعي ولا لا
دنيا:نسمع
مهند:تفضلو خشو داخل رنا شوفيها
حسام:عليك قصه
مهند:انت اللي شن قصتك
حسام:تي مافيه شي ياراجل
مهند:امشي صح وفوته اللعب ماينفعش بيك صون بيتك بنت الناس ماخديتهاش من الشارع وولدك اللي جاي
حسام:حاضر
مهند:كلملها خوها يجي يرفعها
حسام:لا توا نتفاهم معاها
مهند:فكنا من الصداع مرتك فاصله ومش رح تسمع منك خليها تمشي لاهلها وبعدين تفاهمو
حسام:بهي
رنا:غير خشي لداري بس
انا:لا
رنا:صقع يالولي تمرضي
انا:ان شالله نموت
رنا:خلي نخش نجيبلك شال
انا:هاك المفتاح جيبيلي لبس وهاتفي ودواي
رنا:مسكرة راسك
انا:ايه وحلفت
مهند:الدنيا صقعت والمطر بتصب خشي للحوش
انا:مانبيش
مهند:حلفتي يعني
انا:ايه
مهند:شدي
شفت للمفاتيح باستغراب:شن هدا
مهند:بري اقعدي في حوشي لين يجي خوك
انا:من قالك المطر ب
ماكملتش كلامي وبدت تصب بقوة
مهند:تحركي
خديت المفتاح ووقفت مشيت خطوات ومعاش حسيت بالدنيا طحت من طولي
مهند:تعالا ياحسااام
رفعوني للمستشفى فات الليل كله راقدة بالمهدئات
خيرية:وين خوك
رنا:كلمني توا قال رجع للمقر
خيرية:لاحول ولاقوة الا بالله هوا بعد وين يجينا
رنا:الله غالب كله من هاديكا اللفعه ياماما حسام ولبنى علاقتهم تهبل هيا خشت بينهم
خيرية:عارفه لكن ماعندي ماندير شن بنلزها واهلها خلوها عندي امانه
رنا:اففف بنخش نشوف لولي
خيرية:قعمز لامتا بتقعد واقف
حسام:خايف عليها
خيرية:ان شالله خير
طلعت الدكتورة:ضغطها نزل فجأه بعدوها على اي توتر وضغوط المدام بكرة يعني اي شي ولو بسيط بيأثر فيها ومعرضه انها تجهض في اي وقت
خيرية:بعيد السو
دكتورة:لاباس عليها تقدر تروح بعد تكمل التغذيه
رنا:بالله عليك معاد تبكي عاخاطري
انا:حسام تغير يارنو معادش اللي حبيته والي كان ملهوف عليا ديما
رنا:ممكن انضغط من الوحم متعك ووضعكم الفتره هدي
انا:والله نحاول بكل جهدي مانضايقاش بالك شفتيني يوم مش لابسه ومكيجه ومهتمة بروحي
رنا:لا الحق
انا:شن بنديرله اكتر
رنا:ماتخربيش بيتك وتعطيها اللي تبيه حسام يحبك متأكدة ورح يتأسف منك ويراضيك
انا:بنمشي لأهلي
رنا:بهي ارتاحي ايام لكن ماتفضيش الساحه ليها
خشو للغرفه
خيرية:لاباس بنيتي
انا:ماتشوفي باس عميمه
حسام:سلامتك حبيبتي
انا:جبتي معاك هاتفي
رنا:ايه علاش
انا:عطيني نكلم شاهين
حسام:مافيش مشي وانتي تعبانه هكي
خيرية:خليها براحتها لكن يومين وبنجي نروح بيك
انا:حاضر
جي شاهين بعد وقت وروحت معاه
حسام روح ركب للشقه طول كان مضايق ونادم انه حكا مع دنيا وزعلني
اما مهند رجع للمقر وطارتله بكل لانه كان مروح بيرتاح ومستاحش امه بس الجو المشحون خلاه يرجع تاني لخدمته
دنيا مافيش حد مبسوط زيها قدرت تصنع الشرخ اللي تبيه بينا
ماما:ماتبيش تحكيلي خيرك
انا:ماعنديش جو للكلام توا
ماما:شن قالتلك الدكتورة
انا:ضغطي نزل مافيش شي محافظه بس
لمى:متعاركة مع راجلك ولا
انا:اكيد مش جايه هنا اخر الليل لاني متعاركة مع سلفي 🙄
لمى:علاش بهي
انا:عرفتي دنيا بنت عمته
لمى:ايه كان خاطبها
انا:ترسم عليه تاني وتعاركنا بسببها
ماما:ماتسيبيش راجلك وماتخليش فراغ تحاول تخش فيه وحده غيرك الراجل محتاج ذرة باش يخون
انا:ماقصرتش ياماما
لمى:معقوله حتا حسام يطلع حقير
ماما:خلاص ترتاحي يومين وتروحي تشدي حوشك وعينك على راجلك سلم بنتي
انا:حاضر ياماما
لمى:بهي ارقدي ارتاحي
رن هاتفي"قلبي"
ماما:ردي وماتقسيش تنازلي هدا بو اللي في بطنك تصبحو على خير
انا:نرد عليه
لمى:براحتك
رديت عليه:ايوا
حسام:كيف حالك توا
انا:مش تمام بكل 😢
حسام:ماتبكيش ياروحي والله مانقصد حاجه
انا:معادش تحبني ولا
حسام:مستحيل نفكر في غيرك والله قلبي ليك نديرلك اللي تبيه وعد
انا:تو نشوف
حسام:نجيك تروحي
انا:لا بنقعد ايام
حسام:يومين وراسك ماتزيدي غيرهم غير امي قالت بس
انا:به
حسام:رضيتي علينا
انا:تحلم
حسام:حقك ومعاك لين نرضيك اليوم زعلتك انتي وولدي اسف حبيبي
انا:بهي نبي نرقد نعست
حسام:تمام ارتاحي غدوة تو نمر عليك الصبح
انا:اوك باي
لمى:حسام يحبك مستحيل يخون
تنهدت:ان شالله مايخيبش ظني 💔
قعدت يومين في حوش بابا بعدها جت عميمه وحسام روحو بيا
رنا:نورتي
انا:حبي
حسام:نحسك تحبيها اكتر مني
رنا:مش محتاجه احساس هيا هكي فعلا 😂
طلعت رانيا:الحمد لله عالسلامة
حضنتها:استحشتك
رانيا:اهو جيت شن اللي سمعته
حسام واطى راسه
خيرية:سوء تفاهم وانتهى خلاص
رانيا:بعدين بتحكيلي حسااام
"شخصيه رانيا كانت اقرب لمهند قوية ورايها ديما حاضر في العيله،علاقتي بيها حلوة وكأنها الاخت الكبيره اللي محتاجتها ومتأكدة رح تاخدلي حقي من حسام"
انا:مهند رجع!
رنا:اي في نفس اليوم
انا:فسدنا عليه عطلته
خيرية:يعطل هلبا هوا عاد كان مش يجي يشوف فيا والله معاد يقبل هنا
رانيا:قاعد مسكر راسه عالزواج
خيرية:قال متزوج خدمتي
رانيا:الا ماتجيبه بنت امها يوم من الايام تخليه بروحه يروم الزواج والصغار
طلعت دنيا من الدار بلبسه النوم:صباحو
رانيا:بكري😒
دنيا:غير صوت الهدرزة معاد قدرت نرقد اهلين لولي
تجاهلتها وكملت نفطر
خيرية:بنقلكم خبر
حسام:ان شالله خير
خيرية:ياسين يبي يتزوج
رانيا:ماشالله كبر وحتا قرر
خيرية:ايه غدوة بنمشو نشوفوها البنية
رنا:نعرفوها!
خيرية:لا قال تشتغل معاه اختها
حسام:ربي يقدم اللي فيه الخير
مرو باقي شهور الحمل عذاب 💔 بس المريح انه حسام تغير، طول الوقت جنبي مهتم بيا هلبا وقاطع تعامله مع دنيا نهائي
ياسين خطب ويكمل في حوشه باش يتزوج
جبت وليد عسل 😍 وسميناه احمد ❤️
مقعمزة نرضع في حمودي ونشوفله:خيرك متلخبط
حسام:عادي غير تأخرت
انا:مش موضوع عادي اهدا
حسام:هوا هداكا وقت
انا:عندك محاضرة قلتلي
حسام:اي مالا شنو
انا:بهي ربي يعاونك
خدي شنطة وطلع بسرعه
خشت رنا:خيره نازل يجري
انا:مش عارفه خوك وين ماشي
رنا:قال محاضرة ومتاخر
انا:صدقيني مش ماشي للكلية ويجينا خبر
رنا:وين بيكون ماشي تعالا حبيب عميمه
انا:نعرفش
رنا:ماما قاتلك انزلي الغدا تحت مهند جاي وبيشوف حموده
انا:علاش طيبو عندكم هوا جاي عاخاطر احمد يركب يتغدا هنا ويشوف ولد خوه
رنا:تو نقوللهم
انا:بهي تعالي ساعديني ندوشله ،شن يحب ياكل خوك
رنا:رز ورشده ويتعب مع الحار
انا:خلاص نديرو رز وتلاته حجات
دوشنا لحمودة وبدينا نطيبو
مع الساعه 2 وصل مهند
خيرية:مرحبتين بالغالي
مهند:ليك وحشه والله يما
خيرية:ماندري
مهند:عيب عليك والله بالي عندك غير انشغلت
خيرية:هي خش غير وتعالا
مهند:وين القوم
خيرية:فوق لبنى قالت اركب تغدا عندي
مهند:مافيش داعي للتعب درتو اي حاجه هنا وخلاص
رنا:ختيسلم غزالي بتاخديله بنتي ره
انا:بنخليه يختار بروحه
رانيا:راجلك وين
انا:قال عنده محاضره
رانيا:امم
رن الجرس فتحت:اهلين
مهند:كيف الحال
استغربت لما حط ايديه في جيوبه يعني مايسلمش
انا:بخير الحمد لله عالسلامة تفضل
مهند:يزيد فضلك
رنا:حبي
مهند:اشحطي لسانك خيرلك
رنا:استحشتك
حضنها:اهو جيتكم قاعد اسبوعين
رانيا:مرحب بالكبير
مهند:اهلا بعيوني
يتصرف عادي مع خواته وامه يبصر ويضحك بهي شن قصته معاي كأني عدوته ☹️
مهند:وينه احمد مالا راقد
انا:لا كيف حطيته في سريره توا نجيبه
جبته عطيتهوله وخشيت للمطبخ
خيرية:خيرك تعامل في مرت خوك هكي حتا السلام ماتسلمش عليها
مهند:هكا افضل كل واحد يعرف حده والرسميات احسن
رانيا:بس لبنى كويسه هلبا
مهند:لروحها وولدك وينه
خيرية:خدمه
مهند:اتصلت بيه عطيته العلم اني جاي ومشا لخدمته.
خيرية:توا يجي معاش يطول
وانا طالعه بسفره العصير طاحت في وذني جمله خلتني نخاف
مهند:وضعه معاش عاجبني هالفترة ونشوفله في كارثه جايه في الطريق بيقسم بيها العيله
خيرية:اسكت فكنا من هالدوة تسمعك المرا نافس ترعش
مهند:كأنه لون عيونه زي عيوني
رنا:ايي قلنا كلنا
انا:تفضل
مهمد:شن نوعه
انا:فراوله
مهند:مانشربش فيها صحيتي
انا:تبي نوع تاني نجيبلك
مهند:ميه زرقا عندك!
حواجبي تلقائيا انقرنو وجوي انقلب:تمام
مشيت جبتله ميه وحطيتها قدامه هاته خلي نرقده
مهند:خليه
انا:وقت نومه
مهند:اي عادي كان فوته اليوم جايه عمه 🙂
رنا:مستفز ره فوتيه
مهند:ماعندهاش علم قصدك
رنا:شكله لا 😂
رانيا:ياسر انت وياها
خش حسام:السلام عليكم
مهند:ساعه كم يابنت
رنا:3ونص
مهند:لامجتهد يادكتور
حسام:سامحني والله مشاغل عاسلامتك
مهند:الله يسلمك يتربى في عزك
حسام:ان شالله مزال الغدا
رنا:غير اوصل وقعمز انت
حسام:جعااان وين صغاارك
رانيا:خليتهم مع بوهم
خشيت للمطبخ لحقني حسام:خيرك طايرتلك
انا:شي وين كنت
حسام:كلية
انا:متأكد
حسام:ايه
انا:به برا غير
حسام:من حارقلك دمك حبيبتي
انا:خوك بارد ومستفز
ضحك حسام:هدا طبعه توا تتعودي 😂
حطينا الغدا بدي احمد يبكي وقت الرضعه
مهند:هي تفضلي العزري خلي نذوقو التمرميد
خيرية:ياسر المرا كرهاتك
مهند:امورها
خلاص وصلت حدها عندي بس ماقدرتش نرد عليه خديت ولدي وخشيت للدار
مهند:طارتلها حق شوره
حسام:درت فيها هلبا
مهند:ياودي لا غير هيا مدلعه
حسام:مستغرب كيف ماطلقتش لسانها
رانيا:متحشمة
مهند:الحمد لله دايمة بننزل نرقد انا
حسام:اقعد نديرو شاهي ولاقهوة
مهند:بعدين ديرلنا الحنينه ياسر طيرناها لمرتك ماقابلتنا حتا النعمه
خيرية:انت جاي لخوك والمرا لاهيه بولدها
مهند:طيبه انتي يما ربي يخليك لينا ياحنينه
بعد روحو الكل
حسام:علاش ماقعمزتيش عالغدا بكري
انا:رضعت حمودي ورقدته وطلعت عادي
حسام:وقالبه وجهك لين مهند حس بيك علاش عازمتهم مدام هكي بديري
انا:عيالك مش برانيه وبعدين خوك قعد يلعب فيه فوتله وقت نومه وماكلته شن تبيني ندير يعني
حسام:ديري الاعذار توا
انا:وبعدين خيره ماكلمتش خوك اللي علق عليا تلقيح وتسميع كلام زي السم تقول قاتله عيلته
حسام:هوا هكي طبعه صعب
انا:يصعبه عليكم مش عليا مايقربش جيهتي بكل انا
حسام:ايي زيدي اركبي بالعالي هدا اللي فالحه فيه
انا:مش ملاحظ روحك الفتره الاخيره غير تهاجم فيا ودورلي في سبب للعراك
حسام:لانه تصرفاتك غلط
رنا مقعمزة تتفرج:مش كأنه صوت حسام
خيرية:يتعاركو ياحليلي 😓
مهند طلع من داره:شن فيه الزح الواحد معاش لاقي الراحه خير فيته ولدك مش حاكم في مرته
حيرية:والله ماني عارفه ياوليدي ليهم فتره يتعاركو كل يوم
مهند:مفضوحين طبعا عند الشارع كله
علا صوتنا اكثر وبدي احمد يبكي
مهند:تي نوضي اركبيلهم خير مانركبله
خيرية:ماعندي جهد للركوب نوضي انتي
رنا:والله ولدك مايتحشم هوا يشري في المشاكل
حسام:العيشه معاك تقصر العمر
انا:اي قول وطلع اللي في خاطرك لاقي وحده جديدة شوره ولا طالبه 🙂
حسام:وقحه والحشم مافاتش عليك
انا:انت تتحشم ساد
سمعنا صوت تخبيط الباب بقوة
حسام فتح:شن تبي
مهند:ياسر منه العار هدا تي ريحو امنا كرهتوني في الحوش
حسام:يعني عاجبك اللي داراته عالغدي حشمتني معاك
مهند:بلا معيله توا داير الهرجة هادي كلها عاخاطر غدي
انا:لا مش عالغدي هوا يدير في سبل لمواضيع تانيه
حسام:اسكتي
مهند:شن فيه
انا:احكي خيرك متحشم
حسام:ياودي ضمي فمك وخشي لولدك
انا:خوك شايفله شوفه ثانيه ويبي يقلب عليا الطاوله باش ينفذ الشرع
مهند:شنو
حسام:مافيش منه الكلام
انا:بالله ترا شمه يامهند وقولي رايك في البارفان
رنا شادة احمد تسكت فيه ومصدومة
مهند قرب منه:اطلع قدامي
حسام:مافيه شي تفتي من راسها هدي
انا:كان عندك شجاعه احكي اللي صاير بصراحه
مهند:يااااسر اسكتي ماتفصليش انتي طول الوقت دوة دوة ريحي لسانك الزح صدعتيني 😡😡
انا:مانبيش 😊 اجبرني
مهند:اطلع اطلع استغفر الله العظيم كيف متحملها هدي
رنا:شن فيه
قعمزت عالصالون ونزلو دموعي:خوك يخون فيا
الجاي اقوا 🙂👌...
#جزائي ❤️🌷
