#جزائي6 ❤️🌷
خيرية:مرحبتين بيك بنيتي خشي تعالي جنبي
مهند:بري احمد معاي
قعمزت جنب عمتي حاسه هم من عاقلبي انزاح كنت خايفه ومتوتره من الدخله عليهم بس لقطة مهند كبراته في عيني هلبا توا فهمت قصده لما قال خلي العيله عليا
دنيا تهمس لامها:سمعتيه ولا
عربية:لاحسه دماغه حتا هوا
دنيا:مانستغربش عاهرة زي هدي دور عليهم كلهم بس يلا خلي تفرحلها مدة قبل ماتندم ندامه عمرها
رنا:دخله انما ايييه ابهرتوني 🫢😍
انا:زيك والله
رنا:مشيتي للحوش
انا:لالا جينا هنا طول وماعنديش حتا مفتاح
رنا:بعدين يجيك هوا
انا:عميمه نبي نسلم على مريم
خيرية:هيا تجيك انتي سلفتها الكبيرة يامريم
قامت راسها:نعم عميمه
خيرية:تعالي سلمي على سلفتك
بان على ملامحها انها تفاجئت جت مدتلي رووس صوابعها:اهلين
انا:مرحبتين بيك والف مبروك ربي يهنيك
مريم:اجمعين
ماصدقت بدو يجهزو للغدا طول خشيت معاهم
رانيا:حكتلك صاحبتك عالخايب بيجي يتقدم الاسبوع الجاي
انا:حااق لا والله ماقالت كلبه
رنا:مهو نستنا فيك تجي باش نجددو سهراتنا بنروح معاك اصلا
دنيا:عيب يارنو الليله دخولها مرت خوك 🙂 حي نسيت سوري لبنى
تجاهلتها ومشيت نكمل في تجهيز السفر
رانيا:حركات السفاله بطليها احسن ماتوصل راجلها وانتي تعرفي ولد خالك كويس
دنيا:شن قلنا حتا البصاره معاش تبوها
رانيا:بصريها قدام مهند وشوفيه يقبلها ولا لا 🙂
مقعمزة ني ورنا نهدرزو في الجنان
مهند:لبنى
تلفتت:نعم
مهند:اسمعيه
انا:خيره
احمدما ما
انا:ياروح ماما 🥺😢 اخيرا ناديتني
مهند:مكسد قلتله اجبر بخاطرها حرام زعلت
خديته منه:مابردك
رنا:قول رنا بهي احلا واسهل اسم ره
احمد:بابا بابا
مهند:قريب لقلبه 😌
انا:بيرقد شكله
مهند:اي بكري يثاوب دخليه رقديه بعد العصر نروحو
انا:بهي
رنا:شن الوضع 😉
مهند:انتي امتا بتكبري وتعقلي يافرخه
رنا:مش كابره ني الصغيره
مهند:الصغيرة بتتزوج ودير عيله زينا
رنا:اه شنو 😶
مهند:ديري الحوله عااساس حمار اني
رنا:به قولي امتا بتاخدلي سيارة
مهند:انتي بروحك مش ملحقين عليك نزيد ناخدلك سياره قعمزي هنيلي روحك
رنا:لاا واعدني انت
مهند:ساهل مرات ناخدلك انتي ولبنى وحده العبو بيها
رنا:شن قصدك
مهند:بعدين تعرفي هيا الغدا جعنا
رانيا:هيا غاليا واتي ابعت الولاد ياخدوه
مهند:تم هي
خشت وقربعت باب الحوش بقوة: ناقص والله انا الجديدة ونوضلها هيا نسلم عليها
ياسين:من هيا
مريم:اللي اسمها لبنى هدي مش عارفه عاشن دايرين بيها اهلك كلهم هيا ولا شي يعني
ياسين:من اول يوم اعلنتي الحرب
مريم:لانه عمتي صغرتني من البدايه
ياسين:ماصغراتكش امي تبيك تفهمي انها هيا الكنه الاولى والكبيرة واحترامها واجب
مريم:نحترمها علاش
ياسين:ميرو بالله حبي فوتيه الموضوع غيري وتعالي كسدي جنبي استحشتك
مريم:اففف به
مهند فتح الحوش وخش:برجلك اليمين ياعروس
انا:بكل
مهند:وخيره مايطلعش عليك
انا:مش عروسه
مهند:تعالي نلفو في الحوش
حوشه جميل جدا وكبير اول ماتخشي زوز صالات مفتوحات على بعض جنبهم حمام "اكرمكم الله" ووحده من الصالات فيها طاوله اكل كبيرة، بعدهم ممر طويل فيه صاله مسكرة بحمامها كأنها للنساء وجنبها غرفه معيشه. وفي نهاية الممر دار النوم كبيرة هلبا بيضاء والدواليب والسرير بيج،فيها غرفه ملابس وحمام وباب في الجنب مافهمتش لشنو والكوجينا متوسطه عالاسود والابيض وفيها منور فيه طاوله صغيرة
مهند:شن رايك
انا:حلو هلبا يعطيك الصحه
مهند:سلمك
انا:شن الباب هدا
مهند:افتحي وخشيله
حطيت احمد عالسرير الكبير وخشيت لقيتها دار اطفال بصراحه تجنن معبيه العاب ورسومات لونها ازرق وابيض
وقف وراي:هدي دار ولدنا ان شالله عجباتك
انا:شكرا بجديات عاكل اللي دير فيه لينا 😢
مهند:مش خسارة فيكم هي غيريله ورقديه في سريره خلي يرتاح وتعالي نهدرزو شويه
انا:اوك
مهند:اسمعي هدا جهاز قالولي تحطه في داره ودارك تسمع صوته او شي زي هكي مافهمتش كيف يشتغل شوفيه انتي
انا:تمام توا نشغله
مهند:تم هي نستنا فيك
غيرت لحمودي ورقدته وغيرت حتا انا لقيت الدولاب معبي لبس غير اللي شريته مع رانيا وكل شي مرتب بنظام جميل قلت اكيد وحده من البنات قمت شعري وطلعت
مهند:تعالي في المطبخ
انا:جعان ولا شنو
مهند:لا نبي قهوة وبنعلمك كيف ديريها اهم حاجه في قوانين الحوش هدي لانها تعدلي في الدماغ باش نبدا معاك انسان طبيعي
انا:بدونها وحش ولا شنو
جبدني من ايدي وقفني قدام الغاز:وثاني حاجه لسانك يبي تنقيص توا نفضاله
انا:ماينقصش
مهند:نجيبوه للطريق
انا:به قولي هي
مهند:بتقيسي بالفنجان هدا زوز وتحطي لكل واحد زوز كواشيك ونص بن تحطيهم عانار هادية بدون تحريك لين تحسيها بتغلا حركي لفتين وخليها تغلا نحي الوجه ورديها تاني 3 ثواني ونزلي هكي تطلع معاك ساده محترمة
انا:وااو اصعب من البازين 😑
مهند:🙄 مانحبش نمد ايدي هلبا رهو لكن لما تنمد ياويلك تفاديها خير
انا:فيه راجل يقول لمرته هكي اول يوم
مهند:قعمزي خلينا نهدرزو مانعرفوش شي على بعض صح
انا:ايه
مهند:احكيلي
انا:اسمي تعرفه مواليد 97 متخرجه من انجليزي ترجمة شن تبي تعرف ثاني
مهند:نعرف اسمك ولسانك ماشالله غني عالتعريف وصوتك العالي اخر فتره ناقص هلبا، عصبية عندك شويه برود اجتماعيه 0% صداقتك متمحورة في رنا اختي
استغربت كيف قدر يحللني في الفتره القصيره هدي
مهند:مش صعب عالعسكري يفصص الشخص اللي قدامه
انا:بهي احكيلي عالعسكري
تنهد بقوة ومدد جسمه عالصالون: مواليد83 واخد دبلوم متوسط هندسة كهرباء بعدها مالقيتش فيها فايده انضميت للجيش وخدمت لين دين امي طلع وتوا قدامك الافندي مهند امر سارية
انا:طبعك صعب هلبا
مهند:مش صعب على حد بيعيش معاي، تشوفي فيا ديما متعصب ونكشخ لانهم يحرقو الدم ولانه مش لاقي الراحه يعني وضعك يختلف عليهم تماما
انا:كيف
مهند:انتي مرتي يعني هنا بنرتاح نروح من الخدمة والهم نلقا حوش نظيف وجبه تسد الجوع مرا تهدرز معاي وتقابلني ولدي نلعب معاه وننسا همومي لو مشيتي معاي صح مهند العصبي مش رح تتقابلي معاه بكل
انا:وكيف شكلها المشيه الصح
مهند:سؤال حلو في مكانه اللي نبيه منك اول شي لسانك تقصريه ماعنديش مرا تتناقش مع راجلها وطول لسانها قوليلي بهي وفوتيني بعدها حتا لو غالط رح نتراجع ونديرلك اللي تبيه،وانا متعصب من شي ماتوقفيش قدامي وتهدرزي او تسأليني ولا تطلبي شي لحد نهدا،مواضيع نسون ومشاكل امك وخواتك هاديكا قالت وهاديكا قالت ماتصدعينيش بيها الا لو حد غلط فيك غلط كبير وقتها انا نوقفله،مشاكلنا ماتفوتش عتبه الحوش ولو نقتلو
انا:نحاول بهي
مهند:نبيك تنسي اللي فات كله وتسكري عليه بقفل وتحدفيه في البحر،مانبيش في يوم تقارنيني بحد ولا تذكريلي موقف قديم،حنا بدينا من جديد زي ماانتي تبي السند والاب لاحمد انا نبي الراحه والهدوء اللي فاقدهم ليا سنين
انا:تمام
مهند:اوك خلي الباقي للايام
انا:شن مزال فيه
مهند:مع الوقت تعرفيها اشربي قهوتك
انا:لالا نقدرش مانحبش الساده
مهند:حلو مالا
انا:ايه
مهند:كويس
بدي احمد يبكي
انا:نستاذن
مهند:خودي راحتك رقديه معاك في الدار انا بنرقد هنا
تلفتت بعد ماكنت ماشيه
مهند:مارجعتش في قراري بس نبيك تتأقلمي اني عايش معاك بعدين لاحقين عالسرير ودار النوم 😉
كملت طريقي وانا مرتاحه نوعا ما
واخيرا انتهت الليله الاولى ليا مع مهند مش سيء ومش مريح،نحس مزال فيه اشياء بنكتشفها في الفتره الجايه وربي يستر
صباحا 🌞
خيرية:فيقي يابنت ليا ساعه ماشيه جايه
رنا:امم شن ياماما
خيرية:درت فطور لخوك ومرته ارفعيه
رنا:من خوي
خيرية:مهند مش عريس زيه زي ياسين
رنا:ايي ياماما مهند مايحبش ياكل الصبح ولولي كلميها تجي تفطر معانا
خيرية:لا خلي يتعودو ياكلو مع بعض غادي وخوك يثبت في حوشه ويتريح ياسره عمره كله في العمل
رنا:به حاضر
فقت عاحمودي يشد في شعري:اه ياماما خيرك
احمد:ماما
انا:ياعيون ماما
مهند واقف عالدولاب يطلع في لبسه: جعان نوضي وكليه
انا:صباح الخير
مهند:صباح الورد
انا:طالع!
مهند:ايه عندي اجتماع ضروري
انا:مش قلت اجازه
مهند:ايه بس لما يصير اجماع مستعجل زي هدا تقطعي على اجازتك وتمشي
انا:اممم بتعطل
مهند:مش معروف خيرك التوتر اشتغل حتا امي جوك معاها مليح ورنا صاحبتك
انا:لا شي بس مزال ماتعودت عالحوش ونخاف بروحي
مهند:لو اضطريت نبات غادي تجيك رنا الهبله وبالمرة تهدرزو في موضوع العريس 🙂
انا:عريس شنو
مهند:ديري الحوله ايه بتنوضي ديريلي ماناكل ولا شنو
انا:هيا لحظه بس نغير
مهند:تم وطلع
انا:قليبي رجعت رقدت 😘😘 ختيسلمه وليدي
رنا:مهند افتحلي الباب
فتحلها:خير امك تعيطي
رنا:ايدي الصفرة ماقدرتش نرن
مهند:دخليها
رنا:خودها مني وراس وخي
مهند:هاتي
زنا:وين لولي
مهند:في الدار شن تبي
رنا:شن جوكم
ضربها عاراسها:اقلبي وجهك طيري شن الوقاحه هدي
رنا:والله ماما قالتلي شوفيهم
مهند:بري قوليلها ولدك رقد في الصاله وريحي تفكيرها
سكر الباب في وجها
رنا:خزي قليل الذوق
طلعت من الدار:مع من تحكي
مهند:رنا جايبين فطور
انا:تعبو روحهم
مهند:هي ديريلي القهوة
انا:وشن تاني نحطلك
مهند:هدا حطيه في حافظات نرفعه معاي ماناكلش الصبح لاني
انا:بجد
مهمد:ايه خيرك
انت:حتا ني زيك
مهند:كويس نتسايرو غير استعجليلي معاش وقت
انا:تمام ها كملت
مهند:ولدك يعيط
انا:مدرتش القهوة 😓
مهند:تو نجيبه
درتله القهوة ورتبت الفطور في حافظات
مهند:مارضعتيشي
انا:لا رجع رقد
مهند:جعان ديريله حتا شيشيه
انا:هاته عليك
مهمد:بنمشي عطلت ردي بالك عليه
انا:ان شالله
مهند:هي في حفظ الله
طلع هوا لخدمته وانا ضميت حوسه المطبخ غيرت لحمودي وطلعت لحوش العيله
خيرية:مرحبتين بالغاليه
انا:كيف حالك عميمه
خيرية:مدام رجعتولي هنا حالي عالكيف
انا:دوم ان شالله
رنا:لولي جيتي تعالي عندنا مانهدرزو
عاخشت مريم:مانجيش معاكم
رنا:لاعادي تعالي
خيرية:هاتي حفيدي نهدرز معاه وانتم توكلو
درنا قهوة وقعمزنا في الجنان
انا:شن صاير مهند قالي عالعريس
رنا:شكلها بتشد بجديات يالولي 🥺😊
مريم:من العريس
رنا:ولد جيرانا معجبه بيه من زمان ومكلم مهند عليا
مريم:تبي تقنعيني مش علاقه معاه يعني
رنا:لا حبيبي 🙂
مريم:ومش خايفه خوتك يرفضوه عاخاطر تكلمي فيه
انا:ماضنيتش مهند يرفضه حتا امتا قالي نحكيلك ماحسيتش في اسلوبه رفض ليه
رنا:ليش خوتك رفضو ياسين لما تقدملك
مريم:خوك مش علاقه شافني اعجب بيا طول كلم اختي واهلي
رنا:تحبووه انتم جو حلال عليكم حرام عالناس
مريم:رنو حبيبتي تزعليش مني بس نبيكش تنصدمي لانه فيه هلبا شباب لما يعرفو اختهم جايبه العريس يرفضوه
انا:وهما من وين بيعرفو
مريم:اي حد
رنا:قولي بتحكي لراجلك
مريم:وممكن لبنى حاكيه لمهند
رنا:مستحيل علاقتي بعيسى مش امس ولا اليوم ولولي عمرها ماجابت سيره قدام حد بتجي توا تبيعني لمهند
مريم:بهي طالما واثقه ربي يقدم اللي فيه الخير
"ماحبيتش اسلوبها التهجمي لرنا بكل هيا هكي تحاول دخل الشك بينا بس ماتعرفش انها حاتكسب كرها ليها" 🤷♀️ اسلوب غبي
مهند من مشيه ساعات قعد اسبوع صارت خدمة طوارئ هدا اللي فهمته،مانحكوش هلبا يبعتلي في مسجات ونرد عليه، النهار كله مع العيله والليل نبات في الحوش معاي رنا
فقت من النوم ساعه 3الليل حسيت حمودي فايق مشيت بنشوفه انخلعت لما لقيته واقف جنبه يلعب فيه:بسم الله 😨
مهند:ازعجناك شكله
انا:نسمع فيه قلت نشوفه مايفيقش في الليل قبل
مهند:مستاحشه جيت نشوفه
انا:الحمد لله عالسلامة امتا جيت
مهند:نص ساعه
انا:نديرلك شي تاكله
مهند:تعملي فيا معروف جعاان
خش هوا يدوش وانا مشيت نديرله في عشا
حطيت الصحون عالطاولة:مهند
حسيت بيه وراي:اها جيت
انا:تبي نحطلك شي ثاني
مهند:لا منوره قعمزي
انا:اه بنشوف احمد
مهند:شفته راقد قعمزي مش واكلك
شفت لصقه جرح في صدره:شن هدا
مهمد:جرح
انا:انصبت!
مهند:جرح بسيط
انا:ترا نشوفه
مهند:كيف داويته كويس مافيش شي
انا:وين انضربت
مهند:صارت مشكله في المقر وبالغلط جت فيا
انا:الحمد لله عالسلامة
مهند:الله يسلمك كولي سايريني
انا:صحتين ماخاطريش
مهند:شن الوضع مع العيله
انا:كويس
مهند:وخيرك تقطري في الدوه تقطير
انا:عادي
مهند:شن درتي بهي الاسبوع هدا احكيلي
قعدت نهدرزله ماحسيتش بروحي لما خداني النوم
ياسين:هدي هيا القصه فهمتي توا
مريم:ايي وانا نقول ليش لبنى تتفادى في دنيا
ياسين:فوتي سمعتي مهند قال الماضي انسوه
مريم:بهي سكتنا احنا بينكر انه دنيا خطيبة خوه المتوفي ولا انه احمد ولد حسام الله يرحمه اوهام فاضيه
ياسين:انتي شن علاقتك بيهم خليها سطحيه وريحيني
مريم:عيلتك هما مصرين يصغروني قدامها
ياسين:ايااااح معاش عندنا سريب غير لبنى فديت هدا وقايلك دوه النسون هدي فكيني منها
مريم:بهي حبيبي خلاص
ياسين:اخطيني مريم
خدي مفاتيحه وطلع
فتحت عيوني شفته قريب مني الاصح المسافه منعدمة بينا بعدت عليه:شن فيه خيرك
مد يده لشعري:منظرك وانتي راقده مغري
حولت يده:شن تخرف انت حول
مهند:خيرك مخلوعه راجلك
انا:صدقت روحك انت
مهند:واقع هدا وبنعيشوه لاني نبيه معاك
قعدت نشوفله نحاول نستوعب اللي يحكي فيه
مهند:لبنى نحبك والله....... 💔
تفاعلاتكم وتعليقاتكم
التنزيل بيبدا كل يوم
