#جزائي8 ❤️🌷
لف يديه عليا ولمني في حضنه:اششش خلاص اهدي
شديت فيه بكل قوتي:ولدي بيموت بيريح مني
مهند:بعيد الشر عليه مايصيرله شي
انا:عطيته الدوا والله مانعرف انه متع قلب 😭
مهند:متعمد عطيتيه!
انا:لا والله
مهند:خلاص بهي صغير ينجا باذن الله ادعيله بدل الدموع هادو
رجعت حضنته:اقعد معاي خايفه 😭😭💔
مهند:معاك غير اهدي شويه شوفيلي هنا لبنى
قمت راسي شفت لعيونه:مش رح يصيرله شي وبنروحو بيه معانا الليله، اهدي
انا:بس هما معاش طلعو
مهند:توا يطلعو
انا:به 🥺😢
مهند:تعالي نطلعو برا شويه وخيرك لابسه عبايه بس صقع
انا:ماركزتش اصلا حتا شن لبست
حول الجاكيت متعه ولبسهولي: هيا
طلعنا برا في الحديقه
مهند:شن صار احكيلي
انا:من امس مريض برده وحراره تنزل وترقا حتا عاينته قعد نفس الوضع بعدين رانيا جابتلي دوا قاللها الصيدلي كويس عطيته منه ومعاه شيشته تعب اكثر 😢
مهند:يعني الدوا مش ليه
انا:ايه هكي بيكون
مهند:بهي ياسر من البكا وجهك بيتفجر بالدم
انا:ولدي هذا
مهند:ادعيله
ياسين:احمد فاق
مهند:جايين تعالي نشوفوه
انا:لالا نقدرش
مهند:اهو معاك مانخليكش
شديت فيه وخشينا قابلتنا بنت واقفه قدام العنايه ومعاها واحد لابس عسكري شكله مع مهند
انا:من هادو
البنت:ولدك صحته كويسه الحمد لله ربي كاتبله عمر الدوا ماانهضمش داروله غسيل معدة وتوا احسن الرضاعه هيا دواه ومناعته تزوديله في الوجبات ويتحسن باذن الله في اسرع وقت
انا:بجد
البنت:اي والله تقدري تخشي تسألي الدكتور
مهند:هدي اخت صاحبي اخصائية اطفال
انا:شكرا هلبا بارك الله فيك
البنت:ولا يهمك واجبي تقدري تروحي بيه معاك سلامته
خشينا للغرفه لقيناه راقد ياروحي زي الملاك
مهند:اطمنا عليه ولا ياسر من الدموع
ياسين:هيا ياعيله نروح بيكم الدكتور قال طلعوه
رنا:بنقعد مع لولي برو انتم
مهند:خلاص توكلو شويه ونروحو
قعدنا ساعه ثانيه كشفو عليه وروحنا بيه طول الوقت حاضناته ماخليت حد يشوفه ولا ياخده
قعمز عالصالون:احكيلي من وين خديتيه الدوا
رانيا:الصيدليه المركزيه عارفها ديما نتعاملو معاها
مهند:كيف غلط في دوا اطفال
رانيا:والله ماعارفه
مهند:تو نشوفهم
طلعت انا:نديرلك تتعشا
احمد:بابا بابا
مهند:اطلقيه يلعب خلاص
انا:مرات ترتفع حرارته ثاني
مهند:غير خليه توا يجري هوا فرحان برجليه
احمد:بابا
رانيا:مستاحشك
مهند:حتا انا هلبا
رانيا:مش هوا بس هلبا ناس
ضحك وضمني لحضنه:ميت عليهم الناس
انا:بتتلاقو عليا انت واختك
مهند:ابدا
رانيا:محمد جي هي سلامات سامحيني لولي
انا:العفو شن توديله انتي
رانيا:ان شالله لاباس عليه
انا:ماتشوفي باس
رانيا واقفه في الباب:شن قررتي
انا:خير ان شالله خلاص بنرفعو الرايه البيضا
رانيا:وخيتي سلمها المسالمه هي ليلتكم سعيده
انا:اسعد
مهند:امتا بتكبر عاد باش نرفعك للمدرسه وتقرا مع ماما
انا:هداكا وين بيبدا الصداع والعياط
مهند:شكله نعسان
انا:ايه وحتا وقت دواه هاته عليك
مهند:تصبح عاخير بابا
احمد:بابا
انا:مش حافظ غيره حتا ني امك ره
مهند:حسد
دنيا:اففف نجا منها
عربيه:ربي كاتبله يعيش خلاص سيبي الولد
دنيا:حانديرلها لعبه جديده
ياسين:هيا جعان حبيبي
مريم:شفتها لبنى عارفه تلعب لعبتها مليح مع خوك
ياسين:راجلها
مريم:مش عااساس ماتبيشي وحركات توا بدت تتلصق تبي ثبت روحها مافلحها
ياسين:غير شن علاقتك بيها الهي في حياتك
مريم:بصراحه حبيبي ماحبيتهاش ابدا مرت خوك ومش متقبلتها في العيله مش مستوانا حتا
ياسين:الكلام اللي قلتيه احتفظي بيه لروحك لانه العيله هدي كلها تحب لبنى وحاتلقينا في وجهك لو جيتي ضدها حتا انا
مريم:معقوله شن دايرتلكم
ياسين:طيبه وماعمرها زعلت واحد ولا غلطت في واحد حتا يوم خوي هانها قدامنا وبيتزوج عليها قالتله عاخاطر اهلك مانبيش ندعي عليك
مريم:خوك الوحيد عرف حقيقتها
ياسين:حقيقه عشناها معاها وعارفينها فوتيه القطاف والهي بحوشك
مريم:بهي
طلعت للصاله بعد رقدت حمودي:مهند رقدت!
طفا دخانه:لا خيرك حرارته ارتفعت ثاني
انا:لالا رقد
مهند:قعمزي به
قعمزت جنبه وانا منهارة الرعب اللي تعرضتله اليوم مزال مخوفني واني كنت بروحي بدونه زاد خوفي
فتحلي ايديه:تعالي
خشيت حضنه وانهرت نبكي:معاش تخليني بروحي بالله عليك نديرلك اللي تبيه وخود مني اي شي بس خليك معاي معاش تبعد مانقدرش انا ضعيفه مانقدرش نواجه هدا كله 😭😭😭
مهند:حاضر والله معاد نخليكم اسف لاني عطلت ومارديتش عااتصالاتك طلعت دوريه ونسيت الهاتف في المقر
lole:نكمل انا بما انه لبنى منهارة 😁
مهند:مزال عندك دموع قصدك
لبنى:ايه 😢
مهند:لا ياسرنا منهم غرقتينا
لبنى:نبي نقولك حاجه
مهند:نسمع فيك
لبنى:قررت قرار
مهند:يستر الله من قراراتك
لبنى:نبي نعطو لروحنا فرصه نحبو بعض ونديرو عيله
مهند:كيف طلع القرار هدا
لبنى:اليوم واحمد مريض كنت ندور فيك في كل حد يخش عليا،حسيت روحي فاقداتك وانت غايب انا بروحي ماعنديش حد يسندني ويحميني ويحتويني، عرفت قيمه الكلام اللي قلتهولي واني محتاجاتك ومحتاجه نعطي لروحي فرصه ثانيه لاني واثقه فيك ❤️
مهند:حلو ربي يكملك بعقلك
لبنى:مش موافق انت ☹️
مهند:وانا نقدر نرفض قرار مليح زي هدا
لبنى:نحسابك معاش تبيني
مهند:نقعد نبيك ونحبك لاخر نفس فيا
لبنى:بعد عمر طويل ربي يخليك لينا ولعيلتك
مهند:ان شالله ديما العقل والكلام الحلو 🙂
لبنى:🙄به خيرك قعدت هنا تبيش تخش الدار
رن هاتفه:نستنا في المكالمه هدي من المقر بيعطيني تقرير
بعد عليها ورد:ايوا ها سويلم اي معاك شن صار
لبنى تشوفله كيف يتكلم ويشرح بايديه بعدين مشت جنبه وخشت حضنه ثاني
مهند لف ايديه عليها:نوم
لبنى:ايه نعسانه
مهند:كمل ايه معاك
بعد كمل مكالمته:رقدتي
لبنى:لا ماخليتنيش انت وصاحبك شن يبي
مهند:اليوم كان عندنا دوريه عالمنطقه طلعت انا وياه بعدين لما كلمني ياسين جيت وخليته توا عطاني التقرير
لبنى:امم خدمتك صعبه
مهند:تعودت عليها
لبنى:بس توا بتنقص من مشيات
مهند:ان شالله
لبنى:ضايقتك!
مهند:خليك وكان فيه كيف تزيدي تلصقي زيدي
لبنى:تحبني!
مهند:نتعب معاك وبما انك خديتي اللي تبيه خليني ناخد اللي نبيه
لبنى:شن هوا
مهند:😘😘هدا
لبنى:احم بنمشي نشوف احمد
مهند:خشي مره وحده صقع هنا
لبنى:وانت
مهند:بندوش وجاي
خشت جنب احمد وتفكر في القرار اللي خداته هيا حاسه انه صح بس خوفها من انه يجي يوم ومهند يحب غيرها ويقرر يتزوج موجود
مرت الليله هاديه عالكل بعد تعب اليوم الطويل وجت شمس يوم جديد ☀️
لبنى واقفه في المطبخ:نحطهولك ترفعه معاك الفطور
مهند من الدار:لا ماعنديش نيه
لبنى:بتروح
مهند:ايه بنسلم التقرير وبناخد حاجاتي خليتهم غادي امس
لبنى:به شن ندير الغدا
قعمز قدامها:توا نجيب معاي من برا الهي بولدك انتي
استغربت انه ماقربش منها ولاباسها:بهي
مهند:درتي القهوة
لبنى:امم
مهند:خيرك
لبنى:شي
مهند:بعدين نهدرزو ونشوفو هي سلام
لبنى:مع السلامة
مهند:قتلك الفرخه رنا احكيلها على الراجل مكلمني قداش مرة
لبنى:منو
مهند:جيرانا عيسى كان موافقه خلي نرد عليه يجيب اهله
لبنى دارت روحها هبله:اه بهي تمام
مهند:نتلاقو
خدت هاتفها اتصلت:الو
رنا:صباحو
لبنى:نوضي ياخميره اغسلي وتعالي عندي ليك اخبار
رنا:تمام شويه
خيرية:وين طايره
رنا:لولي تبيني
خيرية:ماتعطليش باش طيبي الغدا ماعندي ليه جهد
رنا:اوك
تقابلت مع مريم:وين
رنا:صباح الخير
مريم:صباحك تفضلي
رنا:شن المناسبه توزعي في حلو
مريم:جايكم حفيد جديد
رنا:مبروك باي
خشت للحوش:كيف حالك عميمه
خيريه:مرحبتين بنيتي
مريم:انا حامل
خيرية:مبروك مبروك توصليه عالخير
مريم:ان شالله وين رنا مالا
خيريه:مشت للبنى
مريم:امم
رنا:حبيب عمتو مريضون
لبنى:فاشل اليوم ماباش حتا يرضع
رنا:مرات من الدوا
لبنى:ايه وينقنق المهم مش هدا موضوعنا
رنا:وشن موضوعك ياعيني
لبنى:عيسى مكلم مهند تاني وخوك قالي اسأليها
رنا:شن رايك انتي لولي
لبنى:توا احنا نعتبروه عشره عمر والراجل ماعمره غلط فيك صح يتهاون ويرخي ويشد تبعدو وترجعو لكن الغلط ماطلعش منه رأي توافقي
رنا:خلاص مالا قوليله موافقه يقرا الفاتحه
لبنى:لا متوتره هلبا واضح
رنا:هههه مه نحبه يالولي وقوليلي شن الرقبه علامات وحركات شورنا حبينا
لبنى:مابردك قررت نعطي لزواجنا فرصه
رنا:امم كويس احلا قرار اهم شي رجعتي هنا جنبنا، مهند طيب وحبوب غير امشي معاه صح
لبنى:كيف يعني
رنا:اسمعي كلامه وماتعانديش معاه
لبنى:ان شالله نحاول
رنا:خيرك تقولي فيها هكي بلا نيه
لبنى:مش عارفه حسيته اليوم جاف معاي هلبا كأنه تراجع
رنا:هههه انتي حبيتي يابيضه
لبنى:مش هكي ياهم بس
رنا:شنو
لبنى:قربه مريح
رنا:ياعيني 😍
لبنى:نوضي للمطبخ بنطيب
رنا:هاتي احمد حقا ماقتلكش
لبنى:شنو
رنا:سلفتك حامل
لبنى:كويس ربي ينوضها بالسلامه
رنا:قوليله اليوم مهند باش يرد عليه
لبنى:حاضر
رنا:حي عليا ماما قتلي تعالي طيبي نسيتها بكل
لبنى:خليك توا نديرو هنا وجبه وحده وبعدين ارفعي حصتكم
رنا:سلم كنتنا ياحنه
لبنى:ملسنه 🙄
دنيا:ماما شن رايك نمشو للمزرعه ونعزمو حوش خالي
عربيه:شن في راسك
دنيا:توا ماقررتش قعدا بس نفكرله المهم كلمي خوتي ومرت خالي اعزميهم وانا نجهز كل شي
عربيه:ربي يهديك يابنيتي
فتح الحوش وخش:السلام عليكم ياقوم
رنا:مرحبتين بالافندي
مهند:شن ديري هنا انتي
رنا:حوش خويا
مهند:هي اختفي
رنا:لا متغديه معاكم
مهند:احلمي وين لبنى واحمد
رنا:مشت لاهلها
مهند:ماخف دمك خرا 🙄
لبنى:عاسلامتك
مهند:الله يسلمك شن وضع احمد
لبنى:كويس مفشله الدوا
مهند:تمام هيا الغدا وانتي شنو
رنا:معاكم
مهند:نبي نستفرد بمرتي من الاخير
رنا:اصلا بناخد غدانا ونمشي سلم مرت خوي مريحتني اليوم
لبنى:هيا تعالي نحطلك
خدت رنا غداهم ومشت
طلع مهند:ماباش ينوض
لبنى:امم
مهند:وخيرنا نتكلمو من راس الخشم
لبنى:شي نحطلك شربه
مهند: خيرك
لبنى:شي
جبدها من ايدها:نتكلم انا
لبنى:انت اللي خيرك
مهند:شن درت
لبنى:شوف روحك من الصبح كيف تعامل فيا
مهند:هدا زعلك
لبنى:لو تبي تتراجع قولي من توا
مهند:نحبك وحتا لو ماتبيش انتي حانجيبك للطريق غصبا عنك
لبنى:حاق
مهند:تعالي اعطيني حضن دافي راجلك تاعب
حضناته:حرقتلي دمي
مهند:مانبيش نضغط عليك ونضايقك لو نطلق روحي ره بتفدي
لبنى:نبي نشوف
مهند:تم مالا هي حطيلي ناكل يانكد
لبنى:مالا شن بضايقني بنكد عليك
مهند:يستر الله
لبنى:حكيت لرنو على الراجل
مهند:وشن قالت
لبنى:مش رافضه الموضوع بس متردده شويه
مهند:اممم تعرفه هيا
لبنى:كييف
مهند:تكلم فيه يعني!
لبنى خافت:لالا شن تكلم فيه
مهند:متأكدة
لبنى:اي
مهند:تمام بيجيب اهله يوم السبت اعطيهم علم
لبنى:حاضر
مهند:يسلمو ايديك كويس جيتي تعرفي طيبي
لبنى:وكان مانعرفش
مهند:تتعلمي في شهر واحد
لبنى:شهر
مهند:ايي بتخليني جعان مالا
لبنى:نطلبو من برا!
مهند:علاش لا الجمال هدا مايبيش التعب 🤤 غير كان يحن علينا بس
لبنى:اسفه
مهند:توا تجي في وقتها ماتزعليش انتي
لبنى:نبي نحكيلك حاجه
مهند:شن حبيبي
لبنى:يوم مرض حمودي بنت عمتك دنيا جت هيا وامها ولما رانيا جابت الدوا اصرت انها تاخده مني بتقرا عليه
مهند:اي به وخداته!
لبنى:لا ماعطيتهاش
مهند:انتي شاكه فيها
لبنى:مانبيش نظلم حد بس مش مرتاحتلها بكل وخايفه منها هلبا
مهند:تمام الموضوع عندي ماتخافيش، ولدك حقك تخافي عليه واللي ماتبيشي ماتسمحيلاش يقرب منه وقولي هدا كلام مهند تم
لبنى:اوك
مهند:تغدي
مرو ايام فيهم علاقه لبنى ومهند تتقوا وبدت تتعلق بيه اكثر وهوا مش مفارقها بكل طول الوقت جنبها ويحكيلها قداش يحبها
يوم السبت جو اهل عيسى
رنا:حلو
مريم:كويس
لبنى:هيا اطلعي مهند قال شويه ويناديك للمقابله
مريم:بديرو حتا مقابله جو انتم 😂
رنا:مادخلكش الهي في حياتك لوسمحتي
لبنى:مش وقته هذا امشي للمطبخ خودي العصير ضيفي الناس
طلعت رنا
مريم:تحبي تعيشي دور البريئه انتي
لبنى:كان انتي ممثله مش شرط كل الناس زيك 😏
مريم:تو تشوفي الممثله شن دير
طلعت رنا لعيسى وتفاهمو انه بيردو عليهم بعد ايام
بعد المغرب مجتمعين في حوش العيله
ياسين:زي ماتزوجتيش معناها بنقعدو حاصلين فيك
رنا:مستعجل هلبا انت 😑
ياسين:نفتكو منك
رنا:خزي
مهند:عيسى كويس وولد ناس لو مانعرفاش ماكنت وافقت عليه
رانيا:ربي يقدم اللي فيه الخير
خيرية:ان شالله ويهنيك يابنيتي
رنا:مش هاين عليا نخليك ماميتي
خيرية:البنت مصيرها لحوش راجلها
لبنى:واحنا وين مشينا تجي تقعد معانا تونسنا ني وحمودي
مريم:ربي يكملك فرحتك رنو وتوصلي للي تمنيتيه
لو تشوفو قلب رنا ولبنى في هاديكا اللحظة تلقوه مغمى عليه
ياسين:شن قصدك
رنا:مرتك تتسهوك
مريم:شن نتسهوك هدا الكلام سمعته من لبنى نحساب عندكم علم الكل اسفه مش قصدي
ياسين:عندنا علم بشنو بالزبط
مريم:شي
ياسين:قصدك انتي وياه علاقه
رانيا:بهي واذا يعني
ياسين:تكلمي فيه من ورانا وجايبتيه يخطب ياكلبه 😡
رنا:مس هكي اسمعني
ياسين:شن بنسمع كان مش زلقت مريم ره مفوتينه علينا انتي وياها فالحين والله
لبنى:ارتحتي توا درتي اللي في دماغك حقيرة
مريم:شن دخلي انا تحكو قدامي انهم علاقه قلت معناها خوتها يعلمو
لبنى:علاش انتي خوتك يعلمو بعلاقتكم
ياسين:سكري فمك شن دخلك فينا
مهند:صوتك مايعلاش عليها وماتوجهلها كلام
رانيا:كلامها مزبوط كلنا نعرفو انك علاقه معاها سنين ولا في دماغك جو شفتها مع اختها عجبتني مشيته علينا حلال عليك حرام عليها يعني،عيسى زي ماقال خوك ولد ناس ومحترم ماعمره غلط فيها ومن الاول طالب الحلال وجي خطبها
ياسين:تحلمي تاخديه لو نقتلك
رنا تبكي:علاش شن درتلك انا
ياسين:هكي كفر في دماغي وتوا نعرف حسابي معاه فرخ الحرام هداكا 😡😡
مريم:اهدا حبيبي مش هكي
لبنى:بعد شعلتيها تقوليله اهدا هذا اللي تبي توصليه انتي تخربي العيله
مريم:انا نخربها علاش شن شفتيني السبب في موت راجلي ولفيت على سلفي 🙂
لبنى:احترمي نفسك واعرفي شن تقولي وقحه
وقف مهند:خودي ولدك ولحوشك
لبنى:بس
مهند:كلمه مانبيش نعاودها
طلعت لبنى
مهند:وانت لو نسمع بعيسى طاحت عليه قطره ميه بنتفاهم معاك
ياسين:وتبيني نسكتله مالا
مهند:خود مرتك وتفضل لحوشك وعلمها تسكر فمها كويس
ياسين:بجدياتك
مهند:تبيني نعاود كلامي
ياسين:هيا اطلعي انتي
رنا:اسمع مني بالله عليك ماتظلمنيش 😢
مهند:سألتك بدل المره 3 وكذبتي عليا في كل مره خلاص مافيش داعي نسمع شي توا،تبيه انا موافق وبري تزوجي ربي يهنيك تلفت طلع
رنا:حسبي الله فيها الكلبه فسدت فرحتي
خيرية:وانتي علاش ديري علاقه من ورا خوتك حكيتي لمهند عالاقل يابنتي لاه عليك
رانيا:كلهم زي بعض يما هوا تزوجها علاقه وجاي يتحوكم توا نوريه اسكتي وراس وخيتي ماتبدي الا راضيه
رنا:بس هما زعلو مني ولولي اكيد يتعارك معاها خوك وتصير بينهم مشكله بسببي
رانيا:ان شالله خير
فتح الباب وخش خدي شنطة ويحط في لبس الخدمة
لبنى:اسمعني بهي ماتزعلش مني اسفه بس ماقدرتش نحكيلك
مهند:به
لبنى:شوفلي نكلم فيك
مهند:مافيش داعي ليه الكلام
لبنى:لا فيه
مهند:شن تبي تحكي هي
لبنى:هوا
مهند:احكي
لبنى:ماعنديش اي حق نعاود اسرار حد
مهند:كويس
لبنى:ماتزعلش منا ارجوك
مهند:لو يهمكم رأي وزعلي ماتصرفتوش هكي طول عمري مخلي علاقتي بخواتي ثقه بس مافيش يوم دورت وراهم ولا شكيت فيهم بس الاستغفال نكره امه
لبنى:هيا ماتقدرش تحكيلك حاجه زي هدي
مهند:لكن تقدرو دسو ولا حولي من وجهي بالله عليك 😡
لبني:وين ماشي
مهند:قطع رقبتي
لبنى:بتخليني💔
خدي مفاتيحه والدخان وطلع بدون مايرد عليها، ومن الطلعه هدي مهند معاش رجع للحوش
بعد 3اسابيع
لبنى دورفي المطبخ:بهي شن تبي كلمني قولي تعبتني 😥
احمد يبكي:ماما
لبنى:نعم ياماما خيره وليدي قولي من الصبح تبكي شن نعطيك حليب
احمد:نلاااا
لبنى:نمشو لي نانا
احمد: بابا
لبنى:وينه بابا ياحمودي مشا وسيبنا 😢
خشت رانيا:خيرك اللطف تبكي انتي وولدك
لبنى:متنكدين عادي
رانيا:هوا هكي وقت يزعل يبعد اوقات يقعد حتا بالشهرين مايروحش
لبنى:حقه يزعل بس هوا وعدني مايبعدش علينا ثاني
رانيا:توا يروح لامتا بيقعد يعني مهند يحبك وتوا يجيبه قلبه
لبنى:يارب
احمد:نا
رنا:حبيب عميمه تعالا خيره داير عياطات
لبنى:يبي بابا
رنا:اسفه يالولي كله بسببي انا فسدت كل شي
لبنى:قولي بسبب العقرب مريم انتي ماليك ذنب في شي كلهم دايرين علاقات بس اصبري عليا شويه والله لما نربيها
رانيا:معاش كلمك عيسى
رنا:يتصل انا مارديتش عليه كلمته عالنت بس
لبنى:ماديريش الجو للراجل افرحي
رنا:بدون مهند 💔
رانيا:مدام قالك موافق وتزوجي معناها راضي غير يبي يديرلكم قرصه لانه دسيتو عليه
لبنى:استاحشته انا 😪
رانيا:حبيتيه ولا شنو
لبنى:تعلقت بيه هلبا مهند احتواني لف عليا من جميع الجهات صنعلي ملجأ ليا ولولدي شخصيته القويه غطت على عصبيتي وطولت لساني وكل شي، عطاني هلبا حجات ماشفتهاش مع حسام ولا يوم نبي نبدا من جديد معاه بس مش عارفه ليش كل مايصير موقف يهرب للخدمة
رانيا:لانه عصبي هلبا ووقت يفقد يمد في ايده حتا فاديما يبعد لحد مايهدا ويرجع يتناقش بالهدوء، احسن شي انه مشا لخدمته كنت خايفه تكبر بينكم
لبنى:بهي اتصلي بيه
رانيا:واتصلي انتي
لبنى:مايردش عليا
رنا:صح انتي مستحيل مايردش عليك هيا كلميه خلي تسمع صوته
خدت هاتفها واتصلت
مهند:ايوا السلام عليكم
رانيا:مرحبتين بالكبير
مهند:لسني
رانيا:😂 كيف حالك
مهند:حالي باهي وانتي
رانيا:باهيه حتا اني زيك
مهند:شن امور العيله كل
رانيا:امك وخوك ومرته كويسين
مهند:والباقي
رانيا:رنا شادتها بكا ليل نهار واحمد مستاحشك
مهند:داراته بايدها خلي اسرارها تنفعها
رانيا:سامحها صغيره
مهند:نروح وساهل
رانيا:امتا بتروح
مهند:مش معروف
رانيا:براحتك
مهند:لبنى وين
رانيا:في حوشها
مهند:كيف حالها
رانيا:مريضه مسكينه
مهند:خيرها 😨
رانيا:اعصاب معده
مهند: عندها اعصاب هيا
رانيا:ايي مش حاكيتلك
مهند:لا وشن وضعها
رانيا:غير بالمسكن
مهند:لاحول ولاقوه الا بالله
رانيا:حنن قلبك وراس وخي القسوة ماتنفعش
مهند:اااه وخلاص سكري وراس امك سكري
رانيا:ماتبيش تروح
سكر عليها الهاتف
لبنى تبكي:ماقساه كيف تقولولي طيب 😢
رنا:احنا زعلناه 💔
رانيا:نوضي ياحلوة امسحي دموعك ديري ماسكات لوجهك الاصفر ووتي لبسه حلوة تستقبلي فيها راجلك غدوة
لبنى:وينه راجلي فكيني يارنو
رانيا:قتلك غدوة جاي
لبنى:ماقالش
رانيا:مش محتاج يقول انا نعرف خوي كيف يحبك ومافيش سبب يخليه يجي مستعجل غيرك
لبنى:تعرفي هلبا انتي
رانيا:عيب 😌
رنا:ولدك رقد
لبنى:اخيرا 😥 دايرلي كئابه مفوته اليوم كله ينقنق
رانيا:قعدا ترضعي فيه
لبنى:اي لكن اليومين هادو معاش يرضع مني ياخد في الشيشه بس
رانيا:هيا تعالي نديرلك ماسك تحفه
حطت القهوة عالطاوله:تفضل حبيبي
ياسين:شكرا
مريم:قاعد زعلان مني
ياسين:فوتي خليني رايق
مريم:انت طول الوقت طايرتلك
ياسين:كيف دسي عليا مفروض من اول ماعرفتي تجي تحكيلي
مريم:ياروحي قتلك نحساب تعرفو
ياسين:بس رانيا معاها حق انا وياك علاقه شن فيها لو رنا تزوجت علاقه عيسى كويس ومافيش يوم شفنا عليه غلط وهوا جي طلبها
مريم:بس احنا ماطولناش وخطبتني لكن اختك حسب ماسمعت انه ليها سنين معاه ليش جي توا بالذات
ياسين:شن تقصدي
مريم:ولا شي لو موافق ربي يهنيهم
ياسين:الراي لمهند في الاخير
مريم:وخيرك انت مش خوها
ياسين:مهند الكبير تشوفي فينا كلنا هوا مربينا وصارف علينا دم قلبه هوا مكان بوي ولو يقول نبي قلبك نعطيهوله بدون نقاش
مريم:ربي يخليكم لبعض 🙄
رانيا:ياودي ماشالله عليا
لبنى:بجديات توا
رانيا:ايي
لبنى:اللي يشوفني يموت ضحك عليا هو احتا الكلام مايكلمش فيا وانا دايره حتا الحنه وموتيه لبستي
رانيا:كان ماروحش غدوة اللي تبيه نديرهولك
لبنى:بهي
رانيا:هيا ني مروحه نتلاقو
رنا:اقعدي باتي معانا
رانيا:وولدي لمن بنخليه
رنا:ولد شنو صغارك اظن كبار ويقعدو مع محمد
رانيا:محمد هوا اللي مايقعدش بلاي ياحبيبتي لما تتزوجي تفهمي
رنا:سخيفه 🙄
رانيا:ديري زي ماقتلك يالولي احمد من الصبح ابعتيه لخالته
لبنى:مانوعدكش
رن الهاتف
لبنى:ردي
رنا:ماعنديش نيه نكلمه
لبنى:بلا جو توا بعد وصلتو بعض بتملليه
فتحت الخط وعطتها الهاتف
رنا:الو
عيسى:ممكن نفهم وين مختفيه وليش ماترديش
رنا:قعدا بس تعبانه شويه
عيسى:خيرك حبيبي شن يوجع فيك
رنا:شي جوي ملخبط
عيسى:بدل ماتكوني فرحانه اخيرا بنتزوجو ونجيبك عندي
رنا:من قال مرات مهند يرفض
عيسى:يرفض بعد وافقتو كيف هدي
رنا:امتا وافقنا
عيسى:من اسبوع كلمني خوك وقالي موافق ماعندكش علم انتي
رنا:لا مهند مشا للخدمه في نفس اليوم اللي جيتو فيه
عيسى:اه فهمتك توا علاش مضايقه خايفه خوك يرفض
رنا:ايي
عيسى:لاخلاص اطمني وراسك ماياخدك غيري
رنا:نحبك
عيسى:نتعب معاك يافرخه 💜
صباحا
خيرية:خيرك اللطف وليدي بتستنكر على كبر
رنا:يبي بوه
خيرية:يروح سالم ان شالله
لبنى:ان شالله
رن الجرس
رنا:مرحبتين
لجين:هااي
لبنى:اهلا اهلا
لجين:استحشتك 🥹
لبنى:حتا ني حبيبتي
لجين:جيت مع شاهين بنرفعو حموده مشوار
لبنى:وين 😕
لجين:مفاجئة
لبنى:خلي نشوفه قعمزي
خيرية:ماشالله عالزين شن تقري
لجين:ثامن
خيرية:ربي يحفظك
لجين:تسلمي عمو مهند وين
خيرية:في خدمته
لجين:لولي قالت يخدم في الشرطة
خيرية:ايه
لجين:ربي يعاونه
شاهين:خلي الفرخ عالاقل يريحك شويه
لبنى:بهي رد بالك منه
شاهين:في عيوني
رنا:توا بنكسدو
لبنى:اي وانا بروحي 🥺😢
خيريه:معليشي خاله حسبه في مشوار توا يجيبه
رنا:الساعه 12 نوض نطيب
لبنى:ني بنمشي ندوش تبزعت عليا شيشه حمودي
رنا:اوك جيبي لبس وتعالي اقعدي هنا
لبنى:بهي
مشت لحوشها خشت دوش
بعد ربع ساعه
فتح الحوش وخش:لبنى احمد
مارد عليه حد خش للدار مالقاهمش
شاف لبسها عالسرير خداه وقعمز:قداش مستاحشك
سمع باب انفتح قام راسه لقاها واقفه قدامه مصدومة
لبنى:مهند 😨
ضحك ووقف قرب منها:ياروحه
نقزت في رقبته:استحشتك مووووت 🥺
مهند:انا اللي بنموت عليك وربي معاد فيها شوية الصبر اللي كان طيرتيه
والباقي طبعا 🔞 مش ليكم 🤫.....يتبع
