#جزائي10 ❤️🌷
درس السيارة:رقد!
لبنى:ايه
مهند:خليك توا ناخده منك
لبنى:حتا هدي استراحتكم
مهند:لا هدي ليا انا واخدها من فتره واول حد يخشلها انتي
لبنى:بجد
مهند:مانحب نوري خصوصياتي لحد واناي مش اي حد
لبنى: 😊
فتح الباب وخش:تبي تغيريله ولا نحطه خلاص
لبنى:لالا خليه يرقد بيها توته
مهند:تعبتي من الطريق
لبنى:صداع بس
مهند:خشي ارتاحي ندوش ونجيك ولا تسايريني
لبنى:الا
قامها وتلفت متجه للدار:فاضي نشاور انا انتي تبي تنفيذ عاطول
دنيا ضحكت:انتي جيتيني هديه من ربي
مريم:يعني اتفقنا
دنيا:اكيد ياقلبي بس بتمشي بخطواتي انا
مريم:اللي هوا المهم هدفنا واحد تطلع الحقيرة لبنى برا العيله
دنيا:حاتطلع وبفضيحه ومهند يطلقها
مريم:عاشنو ناوية انتي
دنيا:نذوقها من نفس الكاس اللي شربت منه نحرمها ولدها زي ماحرمتني خطيبي، ناخد منها كل شي تطلع بطولها
مريم:لو تبي تلعبي صح محتاجه تضربيهم من مهند لانه شادهم مزبوط
دنيا:مايهمنيش حد منهم ومهند ناويه ناخده لروحي هوا صعب شويه بس نجيبه نبيك تراقبيلي لبنى ليل نهار طول الوقت محتاجه نشد عليها نقطة تقلبه عليها
دنيا:تمام يعني بنصاحبها
دنيا:ايوه
عربيه:وين مشيتي يابنت تعالي وتي الغدا
دنيا:هيا جيت بعدين نكملو
رنا:خيرك
رانيا:محمد من بكري هاتفه مشغول
رنا:مرات طريق بدون تغطيه
رانيا:راجلي ليه فتره متغير وخايفه يكون اللي في بالي مزبوط
رنا:لالا مستحيل محمد يحبك يموت عليك
رانيا:يتهيألك انه اللي يحب مايخونش، صدقيني الراجل يلقا لروحه مليون عذر حتى يخون ومايحسش بالذنب نهائي
رنا:بهي لو طلع شكك صح شن بديري
رانيا تنهدت:هدا اللي خايفه منه ردة فعلي واني نحب محمد هلبا ومتعلقه بيه
رنا:ماتنكديش عاروحك مرات يطلع كله خيال راجلك يحبك
رانيا:ان شالله تطلع شكوكي غلط
عند العشاق ❤️
مهند:صحه النوم ولدي
احمد يثاوب ويحك في عيونه:ماما
مهند:ماتبينيش يعني امك راقدة
احمد:مم
مهند:لبنى حبيبتي هيا عاد فيقي ياسر نوم
احمد شدلها شعرها
لبنى:اااي 😣 خيركم
مهند:انا نفيق فيك باحترام ولدك اختصرها 😂
لبنى:شن تبو بهي
مهند:احمد جعان نوضي رضعيه
لبنى:ديرله شيشته معاش ياخد مني
مهند:امتا هذا
لبنى:ليه ايام
مهند:بهي نوضي باش ناكلو ونطلعو برا الجو حلو
لبنى:شوية نغير
مهند:ماتعطليش
دار شيشه احمد وطلع قعمز في الجنان
لبنى:حلو المكان عادي نجو مره ثانيه مع العيله
مهند:حاضر هي شن بتعشينا
لبنى:لااا خاطريش نطيب حبيبي 😢
مهند:مالا من بيوكلنا
لبنى:اطلب من برا
مهند:هاتي الهاتف وتعالي
ياسين:خيرك مقعمزة بروحك
مريم:عنديش وجه نقعمز معاهم بعد الهزيبه اللي سمعتهالي بكري
ياسين:جبتيها لروحك معقوله تركبي من قدام في وجود امي
مريم:بيبي انا حامل ومفروض نرتاح مش ننضغط تبي ولدنا يتعب ولا يجي مريض
ياسين:لا
مريم:هدا قصدي ني بس 🥺
ياسين:بهي خلاص فوتي ماتزعليش
مريم:عارفه درت هلبا حاجات ماتبيهاش انت اسفه بيبي ووعد نصلحها ونتأسف من رنو ولبنى ونصالحهم
ياسين:بهي وحوشك وراجلك
مريم:مع اني تعبانه هلبا لكن حاضر اللي تبيه نديره
ياسين:تمام
ضحكت مريم وهيا تفكر في الجاي
اما داخل الحوش كانو ثنائي تاني يتعاركو
عيسى:ماعندكش حمار تسأليه
رنا:علاش مكبر الموضوع مش اول مره نطلع مع اهلي
عيسى:لااول لااخر قبل مش زي توا بديتي مربوطة بيا تعطيني علم لما تطلعي
رنا:بدينا نقلبو ونطلعو الوجه الحقيقي
عيسى:استغفر الله العظيم حبيبتي اللي درتيه غلط
رنا:بهي
عيسى:اخر مرة
رنا:اوك
عيسى:نبي نديرو فضانيه وتلبيسه بسيطة الاسبوع الجاي
رنا:كلم مهند
عيسى:غدوة باذن الله
رنا:به
عيسى:علاش نحس فيك معاش ملهوفه عليا زي زمان
رنا:لاعادي قعدا زي قبل
عيسى:بهي بهي نستاذنك توا جو الشباب
رنا:تمام رد بالك عاروحك
خشت دنيا:خيرك رنو مضايقه
رنا:شن علاقتك انتي
دنيا:نبي ننسو سوء التفاهم اللي صار قبل بينا ونبدو صفحه جديده في النهايه بنت عمتك
رنا:هوا اللي صار يتسمى سوء تفاهم
دنيا:ايه
رنا:لا مالا نصححلك اسمه حقارة وقلة ادب لما تخشي بين راجل ومرته وتاخديه منها والمرا هدي صاحبت عمري بسببك تعذبنا كلنا نكرهك ومستحيل نسامحك ونصفالك في يوم
دنيا:مكبرة الموضوع ره
رنا:ماتحكيش معاي ثاني وياريت تتجاهليني زي ماندير 😏
طلعت وسيبتها
دنيا:مسأله وقت بس يافرخه نبدا مرت خوك ووقتها نربيك من جديد
لبنى راقدة في حضن مهند:حبيبي
مهند:عيونه
لبنى:تعرف اوقات لما نتفكر كيف اعترفتلي بحبك وكيف حبيتني اصلا نحس روحي في حلم
مهند:ليش
لبنى:نعرفش نحسها حاجه مستحيله وليش صارت معاي انا بالذات
خدى نفس من الدخان وطفاه:انتي حبيتي قبل!
لبنى:لا وماكنت نهتم بمواضيع الحب والعلاقات بكل
مهند:ولما تقدملك حسام الله يرحمه وافقتي طول لانه فرصه وجت صح
لبنى:ايه
مهند:حبيتيه!
لبنى:شعوري معاه ماعمره وصل للدرجه اللي يحكو فيها البنات لدرجه نستغرب ليش احنا هكي، يعني كنت نحس تجاهه بالالتزام والواجب الزوجي اكثر بهلبا من الحب، حتا وقت نتعاركو ماكنت نهتم هلبا لحظات وتفوت كنت نضايق انه كيف تزوج ويخون او لو طلقني كيف بنكمل حياتي مانفكرش في احساسي تجاهه ولا حبي ليه ولا شي
مهند:يعني احترام وواجب بس
لبنى:ايه
مهند:ربي عنده حكمه لكل شي تتعقد لدرجه تقولي هدي مستحيل تنحل وخلاص النهايه بس يحلها بطريقه بسيطة جدا يخليك تتعجبي منها
يعني يجي خوي يقريك في الجامعه يعجب بيك ويتزوجك تصير بينكم مشاكل وتوصلو للطلاق بس يتوفا قبل تطلقي منه ويوم طلعتي من حوشنا شن فكرتي
لبنى:قلت خلاص انتهت قصتي مع العيله هدي طلعت وانا منهارة ومدمره يعلم الله قداش تعلقت بأمك وخواتك
مهند:يشاء ربي انه امي تقرر بتردك ليا وانا اللي كل ليله ندعي ربي يطلعك من قلبي وتفكيري
لبنى:شن حسيت
مهند:قداااش بنحكيلك لما نروح للحوش ونلقاك دايره عركة صوتك يخترق في عقلي نحاول قد مانقدر نتهرب منك ونعاملك بسوء، كنت نرقد والمصحف بين ايديا باش مايجيبك تفكيري ونخون خوي، نختار في البعد على عيلتي ولا نجي ونقابلك،يشهد الله اني ولا يوم فكرت فيك تفكير غلط ولا حلمت انك تكوني ليا وحلالي ماسمحت لنفسي تتأمل فيك اصلا
لبنى:قداش انسان طيب ونظيف انت
مهند:نحبك ردي بالك في يوم تكسري الحب هذا ولا تستهيني بيه
لبنى:حاضر
باسها وحضنها:هيا نخشو تأخر الوقت
لبنى:الفجر قريب اصلا نصلو ونرقدو
مهند:تمام شوفي ولدك وتعالي نقرو قرآن
مرو ايام وايام
لبنى اكثر مازاد تعلقها بمهند ومعاش طايقه تفارقه حتا وقت خدمته لازم تكلمه عدة مرات وكل العيله ملاحظين
رنا دارت فضايه وتلبيسه بسيطة بحكم العرس قريب وتجهز
رانيا قعدا تراقب في راجلها وشاكه فيه بس ماقدرت تثبت عليه شي
ياسين معجب بتغير مريم المفاجئ وانها اعتذرت من العيله كلها وبدت تتعامل معاهم كويس وخاصه لبنى
اما دنيا ساكته بس تحاول مع مهند اتصالات ومسجات وهوا لارد بس اكيييد هدوء ماقبل العاصفه
ننتقلو لعرس رنا ❤️
يوم الفاتحه
مهند:تي هيا خفي روحك انتي وياها من الصبح قلت يجهزو بكري 😡
خيرية:ياوليدي هدي روحك مزال الوقت
مهند:وين مزال يما نمشو بالوسع ولا نقعد نجري هنا وهنا غادي
جارتهم:وك ولدك هذا ماواعر شن دايره معاه مرته
خيرية ضحكت: اللي فالح في امه وخواته
طلعت لبنى شاده صندوق ميه
خداه منها:معاش تقيمي شي ثقيل قلنا
لبنى:حاضر 😊 سلمه اللي يخاف عليا
مهند:فكينا قدام الناس
لبنى:حاضر
خيرية:ريتي ولا
جارتهم:جمرة وطاحت في ميه ياكبدي هييي 😂😂
برا ياسين يرتب في بضاعه الضيافه في السيارات:مزال
مهند:خلاص امشي بهذي الميه توا يلحقك بيها محمد
ياسين:تم هي
دنيا:مهند شوية نبيك
مهند:تفضلي
دنيا:تعالا معاي دقيقه بس بنحكيلك حاجه
رانيا شافتهم:لولي الحقي العقرب واقفه على راجلك
طلعت تجري:مهندي
تلفتلها:عيونه
لبنى:خيرك قاعد واقف برا البس زبونك واتي
مهند:بنمشي وقفتني بنت العمه قالت تبي شي نسمع فيك
دنيا:بروحنا لوسمحت
مهند:انا ومرتي واحد اللي عندك قوليه
دنيا:تمام شكرا معاش نبي شي ومشت
مهند:ربي يهدي من خلق
لبنى:معاش توقف عليها بروحكم
مهند:كنت ماشي للحوش وقفتني شن نتجاهلها
لبنى:ايه نبيش تقرب منك ابدا ولا حتى تحكي معاك
مهند:حاضر ماتزعليش بس
لبنى:😁
مهند:تعالي معاي شوفيلي لبسي
لبنى:واتي كله
مهند:ياودي تعالي مرات تريح مني حاجه
لبنى:واااك منك
غير ولبس زبونه الاسود مشط شعره ولبس دبلته والساعه
لبنى تحطله في البارفان:ربي يحميك من كل عين وشر ويخليك لينا
مهند:امين فويته البخور
لبنى:شوية بس
مهند:ماعنديش ليه خلوق وراس حبي
لبنى:بهي
مهند:خيرها رانيا
لبنى:مش عارفه حبيبي ماحكتلك شي
مهند:لانها ماحكتليش سألتك يمكن موضوع نسون
لبنى:لالا ماقالت شي
مهند:اختي مش طبيعيه وان شالله خير
لبنى:بعدين نهدرز معاها
مهند:تمام هاتي الكتيب وبطاقتي
لبنى:تفضل
باسها عارقبتها وطلع:ساوي وشاحك
لبنى:حاضر
اتجه لحوش العيله:انا ماشي ياامي
خيرية:زينه وليدي ربي معاك ماننحرمو منك ياسندنا
مهند:ان شالله
خدي احمد ركب سيارته وطلع متجه للقاعه اللي بيقرو فيها الفاتحه
تم كل شي عاخير
ثاني يوم في الحفله
رنا مقعمزة بالفيللو:قلت لا يعني لا والله ماخاشه الا هما معاي الزوز
رانيا:خوك عارفتيه جو الزحمه والنسون مايحباش
رنا:بس انا قلتله نبيه يدخلني مع ياسين مش ساد بنمشي لحوش تاني 😢
لبنى:بهي بهي غير ماتبكيش تلبزي مكياجك
دنيا:زعما نكلمه مهند نحاول معاه
لبنى فنصت عيونها:تكلمي منو الهي في روحك احسن
دنيا:ولد خالي قصدي عادي
رانيا:انتي عارفه بتمشيله بتاخدي هزيبه محترمة
رنا:مش خاشه اهو قلت لو مايجي مهند اتصلو براجلي يجي يروح بيا وكملو عرسكم بروحكم
جت خيرية ومريم:خيركم
لبنى:سكرت راسها تبي تخش مع خوتها
خيرية:خوك قالك لا علاش تعقدي في الامور نوضي سلم بنتي
رنا:لا
رانيا:لولي مافيش حل ره
لبنى:ياحليلي ☹️ توا بينفجر فيا
رنا:عاخاطري بالله عليك انتي بس يسمع منك
لبنى:بهي امري لله
مريم تشوفلها بغل كيف الكل مهتم بيها وياخد في رايها وهيا شي
اما دنيا خدت تركينه وتتفرج لانه ماحد طايقها
لبنى خدت هاتفها واتصلت بيه:حبيبي
مهند:روحه حبيبك شنو ناقصكم شي
لبنى:لا غير نبيك شوية تخشلي
مهند:شن فيه
لبنى:تعالا بهي اهو قدام الباب انا
مهند:تم هي حولي الباب عالشارع توا نخشلك انا
لبنى:اوك
فتح باب الصاله وخش للممر: وين تبي بيه الجمال هذا ياودي يستر الله عاقلبي 🤤🤤
لف ايديه عاخصرها وباسها
لبنى:حبيبي يشوفنا حد اهلك هنا
مهند:مرتي
لبنى:عييب
مهند:توا نشوفوه العيب في حوشنا بعدين شن تبي انتي
لبنى:مش انا حبيبتك وماترفضليش طلب
مهند:بهي
لبنى:قولي ايه
مهند:مهو ماتطلبيش المستحيل وتقولي حبيبتك شن تبي خشي في الموضوع
لبنى:رنو تبيك انت وياسين دخلوها
مهند:تي قلتلها لا النم هدي باش تفهم 😡
لبنى:اششش بهي ماتتعصبش ياروحي اختك عروسة وبتمشي لحوش ثاني شن فيها لو درتلها اللي تبيه مش هدي بنيتك
مهند:مانحبهاش هرجه النسون
لبنى:عاخاطر رنو
مهند:الصبر
لبنى:والنبي حبيبي ماتردنيش نديرلك اللي تبيه 🥺
مهند:اللهم طولك ياروح
لصقت فيه وذبلت عيونها:عاخاطري انا بهي حبيبتك
مهند:ماتضربيش عالوتر الحساس
لبنى:انلا بنضرب حبيبي
مهند:بهي ياسر من التعسيل طلعي اللي معاها نادي ياسين ونجي 5دقايق مش رح نفوتهم داخل
لبنى:قول والله 😍
مهند:بتدفعي انتي بعدين
لبنى:من عيوني
مشت تجري لدار العروسه:زغرطي ياانشراح قال بهي
رنا:احلفي
لبنى:عيب يارنو تستهيني بقدراتي
خيرية:مش منه وليدي
لبنى تحشمت:خيرني ياعميمه
خيرية:زي الغزاله بنيتي ربي يحفظكم كنيناتي
لبنى:هي هي اطلعو كلكم للصاله قال بيخش خمسه دقايق بس
قعدت رنا بروحها خشو خوتها شدت فيهم ودخلوها
ياسين:الله طروف يامهند هيا نختارو الثانيه
رنا:ماصح وجهك
مهند قارن حواجبه وواضح عليه مضايق
رنا:شكرا انك خديت بخاطري
باس عاراسها:حضن خوك وكتفه ديما موجود بنيتي
رنا:ربي مايحرمني منكم
تلفت مهند بيطلع قبل ينزلو دموعه لانه متعلق برنا هلبا
شدت في ايده لبنى وطلعت معاه
المنشطة قالت في المايك:منور افندي مهند ربي يحفظك
لبنى:ماصح وجها 😨
مهند:تمام هكي رضينا
لبنى:شكرا حبيبي
مهند:عويناته ليك هي خشي بعدين نهدرزو
لبنى:بنمشي معاك
مهند:حاضر
اما ياسين داخل يرقص ويكحل في البنوت بدون اي اهتمام لمرته
مريم:هيا اطلع خوك بكري طلع
ياسين:تي اصبري خلي نهيج ونختارلك ضره
مريم:شنوو انجنيت انت 😨
ياسين:مبروك وخيتي بطول عمرك ياقرده ووجهك معاش نبي نشوفه عندنا
رنا:سلم وخي وبنجي
طلع يرقص ويبتسم للكل
مريم وراه:تتسهوك ولا
ياسين:لا ياحلوه خليها في بالك توا ولا بعدين رح نتزوج الثانيه وطلع
فاتت الليله حلوة وانتهت بسلام
بعد ايام
لبنى تحط في الغدا:مهندي
طلع من الدار يجفف في شعره:نعم حبيبي
لبنى:نمشو لاهلي اليوم مستاحشتهم
مهند:بهي العشيه ان شالله نرفعك
خبط الباب بقوة
لبنى:شن فيه بسم الله
مهند:خشي داخل ماتطلعيش هكي
فتح الباب
رانيا تبكي:مهند 😭
ضم اخته في حضنه وهوا مش فاهم شي:خيرك شن صاير
محمد واقف برا:السلام عليكم
تلفتت رانيا:انت شن دير هنا بعد عملتك قاعد تقابل اطلع من حوشنا
مهند:شن تقولي انتي تحشمي على وجهك
محمد:اسمعيني بهي
رانيا:ولا كلمة نسمعها
مهند:خشو للمربوعه نتفاهمو مافيش داعي يسمعو الكل
رانيا:لا
مهند:تي خير فيتك تعيطي خشي داخل اقلبي وجهك 😡
محمد:هوا والله سوء تفاهم و
مهند:تفضل خش ياراجل مادورهاش هدي اعصابها فلتو
قعمز محمد وماقامش راسه بكل
مهند:ديرولنا قهوة
لبنى:حاضر
رانيا تبكي:مش مصدقه انا يدير فيا هكي 💔😢
لبنى:بلكي فيه شي غلط ولا وحده تبي تخش بينكم
رانيا:شفتهم محادثات من هاتفه تقوله طلقها
لبنى:لاحول ولاقوه الا بالله خلي ندير القهوة ونجيك
مهند:مافهمتش توا شن هوا سوء التفاهم اللي وصلها لهنا طلعه من حوشها بروحها وجايبه كل لبسها
محمد:انا غلطت معاها وبدون قصد والله غلطه يامهند انت عارف نبيها اختك وشاريها
حط القهوة قدامه:بهي
محمد:اقنعها تسمعني
مهند:مش قبل مانسمع انا قاعد ماعرفتش شن غلطك مرات بعد نعرفه نطلع من هنا طول للمحكمه وطلق
محمد:لا شن نطلقها مستحيل
مهند:بهي انا توا نسمع من اختي وبعدها يصير خير
محمد:عقلها واقنعها ترجع لحوشها مانبيعهاش والله
مهند:ان شالله خير
محمد:نستاذنك
جت خيريه ومعاها ياسين ومريم
مهند:لبنى سخنيلي القهوة وديريها في مق راسي بيتفجر
خيرية:خيرك يابنيتي كنتو مافيكم شي عوينه وصابتكم
رانيا:لاعين لا وذن ياماما هوا هكي من زمان انا كنت راقده ومش داريه بشي
مهند:خلونا بروحنا مع امي
مريم نفخت:مروحه لحوشي
لبنى طلعت بدون ماتناقش
مهند:امسحيلي دموعك واحكيلنا شن صار معاك
رانيا:اهو الراجل طلقني منه
مهند:شنوو خيرك بعقلك انتي
رانيا:ايه
ياسين:شن دايرلك ضاربك!
رانيا:لا
مهند:تكلمي بهي نقعدو نجبدو في الدوه 😡
رانيا:يخون فيا وداير علاقه مع فرخه صغيره
ياسين:كيف عرفتي تي بالك تفويت وقت وخلاص كلنا نديرو فيها
مهند فنص فيه:شد لسانك
رانيا:هيا كلمتني 😢 قالتلي لو عندك كرامه اطلقي مايبيكش مخليك عنده بس لانه مخوفينه خوتك وبري شوفي هاتفه
مهند:وشن قال هوا
رانيا:مانبيش نسمع منه شي طلقوني بس
مسح عاوجهه وتنهد:شن داير في حياتي انا نزوج وحده تجيني الثانيه تقولي بنطلق
رانيا:معاش نبيه 😭 اصلا كنت حاسه ليه وقت متغير
مهند:قداش مره سألتك ونقولك لو فيه مشكله احكيلي
رانيا:شن بنقولك شاكه في راجلي
مهند:طلاق لاا حوليه من دماغك الموضوع هذا
رانيا:مالا نرجعله بعد عملته هدي تحلمو
مهند تعصب:وطي حسك واعرفي شن تقولي 😡 اي اطلقي شردي صغارك وديريلها اللي تبيه
رانيا:طز فيهم مايهمونيش
مهند:بهي توا نشوف
خيريه:يابنتي لموضوع مش مستاهل تخربي بيتك عاخاطره
رانيا:انتو مش حاسين النار اللي فيا
ياسين:تي شن تزوجها عليك هوا كلها كلها هدرزة هاتف
رانيا:ايي نقعدله لين يجيبهالي ضره ولا
مهند:لا سيبيله الحوش وهزبيه حتا كان مفكر في الموضوع توا بينفذه
رانيا:شن ماتبونيش نقعد هنا
عيط عليها مهند:شن تخرفي انتي تي اقعدي حتا عام هنا من يتجرأ يكلمك انتي وصغارك لكن الغلط غلط ماتسكريش راسك
خيريه:خلاص خليها ايام ترتاح وبعدين يدير الله طريق
مهند:تمام وين الصغار
خيرية:مع لبنى
مهند:استغفر الله العظيم واتوب اليه يالبنى 😡 خيره احمد يبكي
خيرية:اكيد لاهيه معاهم توا تسكته
نوضي بنيتي نمشو للحوش ارتاحي ويحلها ربي
مهند:اقعدو هنا
رانيا:لالا بنقعد غادي براحتي
مهند:تمام غلط مانبيش قفلي هاتفك ماترديش وتكبريها معاه
رانيا:حاضر
باس عاراسها:وحياتك ناخدلك حقك من الكل
رانيا:ربي يخليك لينا
نمشو نشوفو العروسه ❤️
فاقت عاجرس الباب:حبيبي
عيسى حط المخده عاراسه:فوتيه
رنا:غير نوض شوفه
عيسى:لا ارقدي
رنا خدت المصليه لبستها وطلعت فتحت:صباح الخير
سعاد"عزوزتها:صباح شنو الظهر قريب يأذن
رنا:الله راحت علينا نومه
سعاد:صحه النوم وين ولدي
رنا:راقد
سعاد:بهي فيقيه نبيه يرفعني عندي مشوار
رنا:حاضر تفضلي خشي عميمه
سعاد:بنخش مالا شن حوش وليدي
رنا قلبت عيونها وخشت للدار:بيب
عيسى:ها نعم
رنا:مامتك برا وتبيك ترفعها لمشوار
عيسى:لاعااد
رنا:هدا اللي صار نوض دوش انا بنلبس ونطلع نهدرز معاها
عيسى:الصبر يارب حتا عريس مش عاتقيني
غيرت رنا لبست بيجامة ورديه قامت شعرها ودارت مكياج خفيف وعطر وطلعت:نديرو قهوة عميمه
سعاد توزن فيها:صحيتي شربت بكري
رنا:عصير!
سعاد:بهي قوليلي
رنا:نعم
سعاد:اي من خوتك راد مرت المرحوم
رنا:مهند الكبير ليش
سعاد:لا غير مقوا قلبكم كيف درتوها وهيا عادي خدت لاقالت سلفي لاشي
رنا:لااول لااخر وحده يردها سلفها مش قصه وهما راضيين مش مهم حد يقتنع
سعاد:شن قصدك
رنا:شي
سعاد:يعني انتي مادخلكش ومعاش تقصقصي ولا
رنا:حاشاك عمتي ماقلت هكي انا
سعاد:لا قلتيها هدا من اولها هكي مالا بعد عام ولا عامين شنو تضربيني حتى الضرب
طلع عيسى:خيركم اللطف
سعاد:بنت خيريه من اولها طولة لسان وردان الكلام
عيسى:خيرك رنو
رنا:والله حبيبي ماقلت حاجه 😢
سعاد:شن نكدب عليك انا
عيسى:حاشاك يما غير اهدي هي نوضي نرفعك مشوارك وفي الطريق احكيلي شن صار
رنا:مافطرتش
سعاد:كانك فالحه تنوضي تفطريه من ال7 مش ترقدي للقوايل
عيسى غمزلها:ماخاطريش خلاص بعدين ناكل
سعاد:هيا وليدي هي الله غالب هدا اختيارك
بعد طلعو رجع عيسى:تزعليش غزالتي
رنا:مافهمت ليش كارهتني امك 😢😢
عيسى:خلاص وحياتي ماتزعلي هيا امي هكي طبعها
رنا:به رد بالك عاروحك
عيسى:حاضر هي بوستي
باساته عاخده:ماتعطلش عليا نحبك
عيسى:اااخ نتعب انا 😍😘😘
سعاد من الدروج تعيط:ياولد
طلع يجري:ها يما جيتك
سعاد:لاحسه عقلك وليدي مخلياتك معمي
عيسى:غير شن دارت بنت الناس يما من اول اسبوع بديرو مشاكل انتي وبنتك
سعاد:انا طلعت نديرلك في المشاكل ماشالله على ولدي
عيسى:لاحول ولاقوة الا بالله
مهند مقعمز في المربوعه يدخن وسرحان
لبنى:حبيبي
مهند:امم
لبنى:ترفع غدا عمتي ورانيا
مهند:هاتيه
لبنى:الصغار رقدو قلها يقعدو هنا بعدين توا نبعتهم
مهند:بهي
مريم:خيرها اختك
ياسين:متعاركة مع راجلها
مريم:بتطلق!
ياسين:لا
مريم:اممم ومشت غادي طول لمهند خيره ماجت لعندك شن مش خوها حتا انت
ياسين:قداش مره قايلك مهند الكبير وفي مكان بوي كلنا بعده حتى امي ماتحرك شي بدون ماتاخد رايه
مريم:مهمشينك لين خلاص
وجعاته الكلمة وتعصب وقف ضربها كفين:ضمي فمك ياقليله الربايه واعرفي شن تقولي اقسم بالله اهلك ماربوك
مريم:تضرب فيا من تحساب روحك تستقوا غير عليا وقدام خوك زي الفار
ياسين يضرب فيها في كل مكان:ايه زي الفار وزي الكلب واخد كلبه زيك
مريم:اااه بطني ياحقير
مهند جايب غدا امه يسمع في العياط مشالهم يجري خبط عالباب:افتح يافرخ شن دير
التمو العيله قدام الباب ويخبطو شي ولا فتحو
مهند:بعدو خلي نكسر امه
مريم فكت روحها وطلعت تجري فتحت:الحقوني بيقتلني
مهند لفت وجهه:خودي مرت خوك ارفعيها للحوش
رانيا:تعالي
مهند:شدي ياامي غداك وبري الحقيهم
خيريه:خلي نشوف خوك
مهند:اهو بنخشله انا بري انتي تغدي وارتاحي
خيريه:ربي يهدي سركم ياوليداتي شن جانا بس اللهم اني لاأسألك رد القضاء بل اسألك اللطف فيه
خش مهند:خيرك حمار انت تضربها وهيا حامل كان ماتت بين ايديك 😡😡😡
ياسين:ياريت قتلتها وارتحت منها
مهند:خيركم
ياسين:انا الفرخه هدي معاش نبيها ولا تفكرو تقنعوني حامل بواحد ولا ان شالله حتى عشره
مهند:قعمز بهي واهدا
ياسين يدور:مش متربية مسخه مهمله لسانها هكي طول امه فتانه تبي تفلقنا وتفرقنا ليل نهار وهيا تنق على دماغي
مهند:كيف
ياسين:يامهمشينك ياماعندكش شخصيه مع خوك ياماياخدو في رايك يامهند خير منك كرهتني في حياتي خلاص ياسر متزوج بنرتاح ولا بتخرب بيني وبين عيلتي
مهند:غير تعالا قعمز ياراجل دمك انحرق
ياسين:تعبان وراس وخي تعبان فاد يانطلقها يانهج ونخليها واسعه وعريضه ولانقتل روحي
مهند:صلي عالنبي
ياسين:اللهم صلي وسلم عليه ديرلي حل
مهند:حاضر
ياسين:معاش نبيها
مهند:اللي تبيه كله يصير
ياسين:محرفك نهار شفتها فيه شوره امك داعيه عليا
ضحك مهند:معاش لقيت بيها وين بدفها لخيريه ياكلب 😂 هدي معرفتك
ياسين:معرفه سودة حاشاك
مهند:معليشي تصير الغلطات توا عاشن ناوي
ياسين:تقلب وجها لاهلها
مهند:ارفعها انت
ياسين:ماعندي خلوق حتا نشوف وجها
مهند:ارفعها وقعمز مع بوها احكيله كل شي قدامها وبعد تجيب ساهل يصير كلام تاني
ياسين:تمام
تنهد مهند وناض طلع وقف في الساحه بين الحياش وتلفت يتفرج عليهم:ياااااارب
جاه احمد يجري:بابا
قامه:عيونه بابا
احمد:ماما
مهند: هيا ولدي نمشو ناكلو
خش للحوش يسمع فيها تتكلم بحده كأنها تعارك مع حد حط احمد جنب العابه ومشا للدار سمع الكلام وولعت نار في اعصابه 😡😡😡
لبنى عالهاتف:خلااص قتلك معاد تتصل بيا .....عماد ارجوك خلاص والله لو يسمع مهند يقتلني ويقتلك......يامخلوق بشن تفهم انت شن اطلقي ونتزوجك مختل انا نبي راجلي
خدي منها الهاتف وحدفه عالحيط كسره
لبنى شهقت:مهند
سكر باب المطبخ وقربلها:من امتا هذا
لبنى:والله مانكلم فيه ولا شي هوا خدي رقمي من خوي واتصل بيا
مهند:وانا ليش ماعندي علم
لبنى:خفت من ردة فعلك انت اصلا دورله في سبله ومانبيش تصير مشاكل بين العيله بسببي 😢
مهند:دسي عليا هوا الصح يعني
لبنى:اسفه بس خفت
مهند:تي شن وحش انا بنقتلك 😡 تكلمي فيه من وراي ولا كأنه عندك حمار اسمه راجلك
لبنى:هما مرتين بس رديت عليه
مهند:تمام يالبنى ديري مافي راسك وانا ندير اللي في راسي بهي
شدت ايده:وين ماشي حبيبي اسمعني بالله مادير شي 😢
سيبها وطلع طايرتله
ياسين بيركب السياره:شنو شوره حتا انت تكيتها معاها 😂
فات من جنبه بدون مايرد عليه
ياسين عرفه والع:يستر الله وخلاص اركبي انتي
مريم:لو صار شي لولدي مستحيل نسامحك
ياسين:بضمي فمك ولا نقتلك انتي وولدك
مهند:وينها بنتك
خيرية:في الدار خيرك ياوليدي
مهند:شي راانيا
طلعت شاده بنتها تبكي:نعم
مهند:اعطيني رقم اللي كلماتك عليه الفرخه
رانيا:الهاتف عالطاوله تلقاه اخر رقم في القائمة
مهند:تمام وطلع
رانيا:خيره طايرتله
خيرية:ماندري عليه بالك تعارك مع مرته
رانيا:مرات اي ان شالله خير
عند رنا تجهز في الغدا:حبيبي
عيسى يتفرج عالتلفزيون:عيونه
رنا:ترفعني لاهلي
عيسى انخلع:ليش 😨
رنا:كيف ليش شنو معاش تبي نواصلهم ولا كيف
عيسى:لا ياحبي نحساب حرجانه او شي
رنا:لا بس استاحشتهم وقعدا مش متعودة على بعدهم
عيسى:ماتزعليش ياروحي خلاص تغدي ونمشولهم
رنا:اوك سلم راجلي
اما عند ياسين في حوش اهل مريم
بوها متعصب:تضربها وهيا حامل
ياسين:ساعه غضب وتصرفت غلط لكن بنتك غالطة ومش اول مره هدي
بوها:وليش ماجيت حكيتلنا
ياسين:مانبيش تصير مشاكل وتكبر لكن هيا زودتها تبي تخرب العيله باي طريقه
بوها:بهي بهي بنتي عندي وانا نعقلها
ياسين:تمام سامحني ياعمي وطلع روح
رن الجرس طلعت تجري فتحت تحسابه مهند
رنا شهقت:هيي خيرك لولي
لبنى زادت تبكي وحضنتها:انا درت مصيبه
رنا:خيرك شن فيه غير خشي
لبنى:مهند مايردش عليا من لما طلع وانا خايفه عليه
رنا:شن صار تعاركتو
لبنى:حمارة حمارة لازم ندير عمله نفسد علاقتي بيه 😭
رنا:احكيلي بهي
لبنى:الحيوان عماد ولد عمي خنب رقمي من هاتف خوي واتصل بيا اول مره رديت بدون مانعرف انه هوا قعد يقولي مستاحشك ونبيك وووو سكرت عليه وتجاهلته بعدها بايام بعتلي انه يبي يجي لحوشنا لو مارديت خفت من مهند هوا من اخر مرة قالي رح نعاقبه رديت قالي اطلقي ونتزوجك وانا نتعارك معاه خش هوا خدي الهاتف كسره وتعاركنا وطلع 💔
رنا:قصه بهي كلمتي ماما تتصل بيه
لبنى:مانبيش نمشي غادي نزيدها مش ناقصه
رنا:ليش خيرهم
لبنى:رانيا متعاركة مع راجلها وجت بكري
رنا:😨 شن صاير عندكم
لبنى:انتي مشيتي والمشاكل استلمتنا هه
رنا:شكله هكي انتي اهدي توا ومهند يحبك تعرفي توا متعصب بيبعد شويه ويرجعلك احكو واعتذري منه تمشي
لبنى:مرات يعطل او يخافي زي المرة اللي فاتت
رنا:معليشي تحملي هوا انتي حبيتيه 😁🙂
لبنى:هلبا والله معاش عارفه نعيش بلاه ولا حتا بعيد عليه انا ادمنته 😭
رنا:وخيتي سلمهم اللي يحبو بعضهم توا تتصالحو وترجعو احلا من قبل هيا نوضي نمشو للعيله نهدرزو ونسمع باقي كوارث اختي
لبنى:اوك استني نغير لحموده
وزي المعتاد مهند اختفى يومين كاملات
ثالث يوم بعد العصر مجتمعين يشربو في قهوة
درس سيارته ونزل لابس عسكري
رانيا:غوالي ياضباط الجيش 😍
مهند:هبلة
لبنى قلبها بيطلعله ومش قادره تتكلم
سلم عليهم وقام احمد في حضنه:اعطيني سادة ونوضي البسي اشيك حاجه عندك
رانيا:ليش
مهند:بنمشو نجيبو حقك 😉 وخوك حي ماحد ينزلك دمعه 😎 .......يتبع
انتزروني في البارت الاخير 😘
سوري عااي اخطاء املائية
