أسميته زين 🤍🦋

اسكريبت 17🤍🦋

_العيد هيبقى عيدين لو بـقيت مـراتـي رسمي '
بص لي وفي عينيه نظرة تساؤل فا اتكلم _ أنت بتحبها للدرجة دي؟
أبتسمت وأنا بقوله_ اه بحبها من أول مرة شوفتها فيها .
بص لي باستغراب_ من غير ما تكلمها تلفون وحب وغرام ولا تشوفها.
ضحكت وأنا بقول_ لا دي حكاية طويلة .
قال بابتسامة _ وأنا فاضـي.

عـودة للماضي Back in time

النهارده كان اول يوم ليا في المستشفى التخصصي ، وصلت لاول مكتب قابلني كانت قاعدة عليه بنت منتقبة وعينيها تسحر أبتسمت لها واتكلمت_ انا الدكتور زين صالح.
عدلت راسها وهي مبترفعش عينها فيا_ ايوه الطرقة اللي قدام حضرتك دي هتمشي فيها علطول اول اوضة تقابلم يمين اوضة الدكاترة هناك هتحط حاجاتك وهتلاقي اليونيفورم بتاع حضرتك والعيادة اللي ورايا دي عيادة العظام وانا الممرضة المسؤلة عنها أسمي وعد .
أنا كنت مركز مع جمال عينيها وبعدها اتكلمت_تمام اتشرفت بيكِ وشكرا اوي.
اتكلمت بهدوء _ لو أستبدلتها بجزاك الله خيرا لجزاني الله.
بريئة اوي والهدوء اللي فيها قادر يخطفك قولت بمرح _ جزاك الله خيرا.
بعد ما مشيت على الوصف ووصلت الاوضة أخدت اليونيفورم اللي هو عبارة عن "بالطو ابيض " ؛ رجعت تاني للعيادة بدأت اخد على الوضع نوعا ما بعد شويه كان وقت البريك ؛ خرجت من الاوضة كانت وعد مش موجودة على المكتب فشاورت للمرضة تانية وقولت لها _ انا جديد هنا ومحتاج اعرف أماكن أجيب منها أكل !.
ابتسمت وبصيت لي _ الجميل يؤمر بس واحنا ننفذ انت عايز تجيب اي وانا اجبهولك ؟
اتنهدت قبل ما اقول_ لا هو الحقيقة انا مش عايز أتعبك معايا بس لو تعرفي وعد فين؟ و...
قاطعتني وهي بتضحك_ وعد دي معقدة ! اه والله مبتكلمش مع اي شاب حتى لو كان مديرها بتحط حدود في التعامل دايما بتقولك الاغاني حرام الحب حرام متتنفسش حرااام نينيني مكلكعة .
بصيت لها باستغراب واتكلمت _ كلامك عنها بالاسلوب ده في غيابها مش كويس اما انا مبحبش اسمع من حد واصدق انا هعرف شخصيتها بنفسي وكل واحد يخليه في حاله.
وبعدت عنها وبدات ادور على وعد لحد ما طلعت من باب المستشفى وقررت هدور على مكان أجيب منه أكل بنفسي ، شوفتها وعد كانت واقفة مع طفل صغير بتتقاسم معاه أكلها قربت اكثر عشام افهم كانت مش واخده بالها من وجودي وبتقوله "_ أقبله مني انا مش هعرف أكل من غيرك.
رد عليها ببراءة الاطفال_ بس انا مش بشحت من حد.
قالتله بكل حب _ مين قال انك بتشحت ده انت احسن مني ومن غيري بالعكس انت واقف بتبيع ورد اهو يعني بتشتغل بس انا المشكلة اني هنا لوحدي عيلتي بعيدة عني ومبحبش أكل لوحدي هتشاركني الاكل ؟
ابتسم ببراءة وقعد جنبها وبدأو ياكلوا, انا كنت ببصلها ازاي قدرت تقنعه ببراءة ولطف كده ومحسستهوش انه أقل منها ، مشيت عشان متاخدش بالها مني بعد ما اشتريت أكل وانا راجع شوفت الطفل واقف لوحده والظاهر انها دخلت المستشفى تاني اول ما ووقفت عنده قالي _ وردة يا بيه وردة لقلبك.
ابتسمت وانا بميل عليه وبقوله _ هات الورد اللي باقي معاك وقلي هتاخد عليه كام!.
اشتريتهم منه وهو مشي طاير من الفرحة وانا كنت فرحان جدا ده طلع موضوع انك تجبر بخاطر حد ده جميل اوي ، رجعت المستشفى وانا ببص لوعد اد اي تفكيرها جميل لدرجة انها خايفة تاكل وفيه غيره مش لاقي ياكل فبتروح تتقاسم معاه أكله.
_______________