_لو عايزة شاب يلتزم أعملها ازاي دي؟
ابتسم وهو عينيه في الارض وبدأ يقول_ هو يقربك أي؟
قولت بعد تفكير_لازم؟
هز راسه بمعنى ايوه
اتكلمت_خطيبي
اتنهد وبدا يتكلم_ لازم تفهمي شئ الاول لازم يلتزم لانه حابب يقرب من المولى عزوجل حباً في رب العالمين وعشان هو عارف ان هو أتخلق عشان عبادة الله فا لازم يرجع لله مهما أنتكس ، مش عشان بيحبك فا عايز يتغير عشانك انتِ لا حباً في المولى وتقرباً لله.
اتكلمت بعدم فهم_ بمعنى؟
_ يعني مثلاً أب بيحب ابنه وعايز يطلعه صالح ويكون ليه ذرية صالحة ، فيبدأ يقوله صلي عشان لازم تصلي عشان انا هتسأل عليك وفي وقت كل فرض ينادي عليه ويقوله روح صلي وكأنه بيجبره على ده مع الأيام الابن هيبدأ يزهق ويصلي بسرعة واستعجال عشان يخلص بس مش اكثر الفرض اللي ابوه أمره بيه ، لكن في فرق لما الأب يقول لأبنه يبني مبتصليش ليه ده تارك الصلاة عقابة كذا وكذا وهيتحرم من الجنة ورؤية الله ورؤية رسوله مش انت بتحب ربنا وبتحب الرسول؟ طيب ما تطيعه اعمل بأوامره واجتنب نواهية يرضى عنك ويدخلك الجنة اما لو عصيته هتدخل النار طيب يبني مش انت عايز الجنة؟ اعمل عشانها يبني انت اتخلقت اصلا عشان عبادة الله مش ربنا اللي انت بتحبه هو نفسه اللي قال (( وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ))
من سورة الذاريات- آية (56)
يبقى مستني اي اعبده تنال رضاه وكرمه وعفوه وجنته
فيبدأ الابن يصلي حبا في الله وطمعاً في الجنة ورؤية خالقها ورؤية رسوله وخوفاً من النار وعذاب ربنا ليه ! بمعنى تنذريه بعقوبة الامر ده لو متنفذش وبثواب الامر ده لو اتنفذ ونعيمه وكرم ربنا ليه فيبدأ يعمل الطاعة دي براحة وحب وعزيمة وكل ما يبعد يرجع تاني !ليه ؟ لانه داق لذة الطاعة والقرب من الله سبحانة وتعالى.
ابتسمت لبرهة_ الله الله بجد كلامك جميل اوي ، ووصلتلي المعلومة بطريقة حلوة اوي ، مش عارفة اشكرك ازاي صدقني .
_ الشكر لله ، اسف على التدخل بس ليه مخترتيش شريك حياتك ملتزم ؟ طالما انتِ حابة ده من الأول وعايزة زوج صالح.
_هو كل اللي اتقدمولي مش ملتزمين وكلام الناس كثر اوي فوافقت وقولت هغيره أنا.
_ ماشي بس خلي بالك ليغيرك هو وترجعي لنقطة الصـفر ، وترجعي تقولي ياريتني ما وافقت عليه ونصيحة ليكي لو ركزتِ مع كلام الناس في كل أمور حياتك هتتعبي في حياتك فعلاً.
اكتفيت بقول_جزاك الله خيراً
ومشيت كنت حاسة كلامه نزل عليا زي التلج في عز الشتا، هو ممكن فعلا يغيرني هو ممكن ده يحصل؟ ممكن أرجع لنقطة الصفر وأبعد عن ربنا ، طب وليه ميحصلش ما هو ممكن يحصل فعلا لأن الحياة بتلهي وفتنها صعبة اوي وقربي من شخص ميعرفش شئ عن دينه هيبعدني عن ديني وهيلهيني زي بالظبط صحبة السوء ما بالك ده شريك حياتي اللي هفضل معاه العمر كله ده مش بس هيرجعني للصفر ده هيخليني أسوء من الأول.
_احمد احنا لازم ننفصل.
ملامحه اتغيرت _ نعم؟ انتِ بتهزري صح؟
_ما هو بصراحة انت مش عايزة تلتزم وانا خايفة تخليني انتكس
_لا يا جنى ده مش هيحصل وان شاء الله هحاول أتغير زيك.
أنت تقرأ
أسميته زين 🤍🦋
Romansaقصص منفصلة للكاتبة ملك أحمد سمعت من قطع مسافات بالساعات ورُبما بالايام ليرى من يحبها ومازالت أستمع لمحاولاتهم و سعيهم في ارضاء نسائهم حتى بعد حصولهم عليهن! حتى أقتنعت تمامًا أن-المحب يصل- وأن الجميع يستحق من يحاول من أجله.♡︎
