_هبه محمد خطب انسيه بقى كفايا تعب قلب!
ᕙ ᕗ
_عارفة احساس لما تفتحي شات وتقرأيه فا تصعب عليكي نفسك و تقومي معيطة انا كل يوم بفتح شاتي معاه انا مش عارفة اتخطى غيابه!
بدأت ترتل ايات من القرآن _ يُؤْتِكُمْ خَيْرًا مِمَّا أُخِذَ مِنْكُمْ
من سورة الأنفال- آية (70)
بصيت لها وعيوني مليانه دموع_بس انا بحبه هو!
بابتسامة بشوشة_ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللهُ يَعْلَـمُ وَأَنْتُمْ لَا تَعْلَـمُونَ
من سورة البقرة- آية (216)
اكيد خير ، اكيد مكنش يستاهلك انتي متعرفيش الخير اللي متشال عند ربنا ليكي... باذن الله كل اللي جاي خير
مسحت دموعي_ونعمة بالله انا عارفة ده بس انا مبعرفش اخرج حاجه حبيتها من قلبي بسهوله بيصعب عليا انسى حد حبيته وكمان مطلوب مني اخرجه من تفكيري وقلبي عشان خلاص مبقاش موجود و مش هينفع يبقى موجود تاني في حياتي بحس نفسي داخل حرب نفسيه وذهنيه ولازم اتغلب على تفكيري والحنين والإشتياق للشخص ده ومش بقدر
_عارفة ومقدرة مشاعرك بس هو ميستهالكيش .
هزيت راسي بمعنى ماشي ودموعي سبقتني' معذورة اصل هي بتقول كده عشان متكلمتش معاه ولا شيفاه زي ما أنا شيفاه بعيوني .
طبطبت على كتفي_ فضفضي؟
قولت وانا ببكي _ انا كنت عارفة اني هتعب في بعده بس مكنتش اعرف اني هتعب بالشكل ده
_هبه في عريس متقدملك! و
قاطعتها بعصبية_مش موافقة
_هبه بس اقـ....
قاطعتها بصراخ_ كفايا تعب قلب قلت مش موافقة مش موافقة يا امي قوليله لا قولي لبابا لا لا
"امي بصت على الحالة اللي وصلتلها وبكت" وهي بتردد جملة واحدة لسه بترن في ودني _ "بنتي بتضيع مني .. بنتي بتضيع مني"
انا فعلا بضيع ، مبقتش باكل جسمي بقى نحيف ، تحت عيني بقى اسود من كثر البكا
اتحاملت على نفسي وقومت عشان اصلي صلاة الفجر"
_الله اكبر ، بسم الله الرحمن الرحيم........................
"كنت ساجدة و بدعي ربنا وبقوله ليه يارب ؟ ليه بعد عني انا مش بعترض على قضائك بس عايزة اعرف ليه؟
_ فَعَسَى أَنْ تَكْرَهُوا شَيْئًا وَيَجْعَلَ اللهُ فِيهِ خَيْرًا كَثِيرًا
من سورة النساء- آية (19)
"قلبي اتنفض اول ما سمعت الايه اللي الامام قالها وكأن ربنا بيرد عليا!
في اللحظة دي خلصت صلاة وطلعت من الاوضة خبطت على اوضة امي، فتحتلي وهي على وشها علامات تساؤل 'ليه جايا في الوقت ده'
_ماما انا موافقة اقعد مع العريس
"ماما وشها هلل بالفرحة ، وكنت مستعدة اعمل اي شئ عشان اشوفها سعيدة "
أنت تقرأ
أسميته زين 🤍🦋
Romanceقصص منفصلة للكاتبة ملك أحمد سمعت من قطع مسافات بالساعات ورُبما بالايام ليرى من يحبها ومازالت أستمع لمحاولاتهم و سعيهم في ارضاء نسائهم حتى بعد حصولهم عليهن! حتى أقتنعت تمامًا أن-المحب يصل- وأن الجميع يستحق من يحاول من أجله.♡︎
