أسميته زين 🤍🦋

أسكريبت 16 🦋🤍

انتي عارفة دلوقتي بس استشعرت كلام الشيخ لما قالي :"من ترك شيئآ لله عوضهَ الله خير منهَ" انا بعدت عن الطريق الغلط ولما مشيت في الطريق الصح ربنا عوضني بيكي ومفيش اجمل من عوض ربنا فعلا 💖🫂
"هو بيتكلم ازاي حلو كده؟ دايما قادر يخطف قلبي بكلامه ، بيأكدلي دايما اني عرفت اختار "💖✨
••
-متتعبيش نفسك ، انا قلت هروقها انا
-تسلم هروقها انا
-هو اي اللي تسلم انتي مش تعبانه؟
-حصل.
-يبقى روحي اوضتك يلا مشوفكيش قدامي .
ضحكت بخفه وانا برفع ايدي وبعمل له تحية -علم سيدي.
••
-بتعيطي ليه دلوقتي؟
-معرفش
-اومال مين اللي هيعرف؟
-سبني في حالي يا امير لو سمحت
-لا مش هسيبك .. تعبانه طيب؟
-لا
بصلي في حيرة -هرمونات دي صح؟
بصتله بطرف عيني ومردتش
-يبقى هرمونات انا عارف
ابتسمت بخفة- وفيها اي لو هرمونات؟
-لا عادي .. هنزل اجيب حاجة واجي
"مردتش عليه عيطت عياط هستيري يعني انا زعلانه وهو سايبني ونازل ..؟ حتى لو بعيط من غير سبب كان لازم يفهمني اومال لما اعيط بسبب هيبات برا البيت زهق مني معقول امير....... قطع أفكاري صوت تكة مفتاح الباب"
-اميرتي عاملة اي؟
بصتله بطرف عيني وسكت رجعت بصتله بسرعة لما لاقيته ماسك شوكولاتة كنت عارفة انه حبيبي ومهونش عليه
باكل الشوكولاتة وانا بقول- افتكرتك زهقت مني؟
رفع حاجبه- ازهق من اميرتي ميحصلش ... بس عايزك توعديني وعد؟
-قول
-متعيطيش تاني بدون سبب!
-ليه زهقت مني يبقى اكيد زهقت مني ! انا كنت عارفة م الاول احساسي عمره ما خا...
قاطعني- لا خاب المره دي انتي متعرفيش غلاوتك عندي ولا اي دا انا ازهق م الدنيا كلها ومزهقش منك انا بس خايف عليكي ومش عايز اشوفك بتعيطي تاني ابدا وانا موجود 💖🫂
"لحق نفسه قره عيني القمر ده ...هفضل مقتنعه إن الحنيه هي أكتر حاجه جذابة في أى حد، يفهم إنك زعلانة فـ يراضيكِ، يحس إنك مخنوقة فـ يفضل جمبك، مفيش أجمل من كدا والله"
امير فعلا نعم الزوج بس لحد دلوقتي مش قادرة اصدق ان ده نفسه امير اللي قابلته من سنه ونص اتحول تحول جذري
••
-لو سمحتي يا انسة؟
بصيت ل اسماء اللي كانت ماشية جنبي
-لا لا مترديش عليه
-بس دا قلقني يا اسماء بقاله اكثر من نص ساعة بيناديني
-حتى لو بقاله ساعه ونص سيبيه ينادي
سكت لما سمعته بيتكلم
-علفكرا بقالي كثير اوي بمشي انا رجلي وجعتني
بصيت لاسماء- لا بصراحة يا اسماء قلبي ميطاوعنيش اكثر من كدا والواد حليوة بصراحة
اتعدلت له - اتفضل
-نسيتي ساعتك ف الكافيه ومشيتيني وراكي اكثر من نص ساعة عشان الساعة
-حقك عليا مقصدش اكيد
مديت ايدي وشديت منه الساعة
لقيته وقف جنبي بحركة تلقائية وبدأ يقيس فرق الطول بينا
-انت بتعمل اي؟
-بقيس فرق الطول مش اكثر قصيرة "غمز وهو بيتك على الكلام " وانا بحب البنات القصيرة
رديت بعصبيه- ما تحترم نفسك انا غلطانة اني وقفت اكلمك انا مالي انت بتحبت وله بتكره اي وله بتهبب اي حتى؟
رفع حاجبه بعدم فهم -بهبب؟
-اه بتهبب
••
-مساء الخير ، انسه اميرة موجودة
اتعدلت لما سمعت اسمي"- انا ا...
"هو بيهبب اي دا هناا"
شاورلي-ازيك يا انسه اميرة سعيد جدا اني شفتك
-وانا مش سعيدة اخلص؟
-اخلص اي هو انا بشحت منك؟
رفعت حاجبي- انت هتعلي صوتك ولا اي؟
حمحم- هو علي؟ مخدتش بالي
-لا خد بالك يا كابتن بعد كده ، اتفضل عايز زفت اي؟
-زفت؟
-لا بقى دا انت هتفضل تتك على كل كلمة اقولها وشكلك كدا صاحي من ع الصبح بتقول انا عايز اتهزق
-اتهزق؟
-نهارك مش فايت لا بقولك اي انا بتعصب بسرعة ولما بتعصب بقلب
-وانا بتعصب بسرعة ولما بتعصب بقرب
-نعمم؟؟؟
-بحضن
-افندمم؟؟؟
-بحب
-اي؟؟
-انتي هتفضلي تتكي على كل كلمة اقولها وشكلك كدا صاحيه من الصبح بتقولي انا عايزة اتجوز
-نعم؟!
-متخافيش هتجوزك
خرجت عن شعوري- اتفضل اطلع برا
-مش محلك دا علفكرا؟
اتكيت ع الكلام بزعيق- براا برااا برااا
••
-انا امير محمد ٢٧سنه ظابط مباحث امن دولة وانتي
-اميرة عندي ٢٣سنه في كلية فنون جميلة بصراحة انا وافقت اقعد معاك عشان رغبة اهلي في ده لكن انا مش عايزة واحد مش ملتزم دينيا
-انا مش هكدب عليكي انا فعلا مش ملتزم بديني بس اوعدك اني هتغير
-استاذ امير لو سمحت انا قلت لك مستحيل اتجوز واحد مش ملتزم دينيا
-طب اديني فرصة؟
اتنهدت- فرصة واحدة
ابتسم- صدقيني مش هخيب ظنك فيا وهتغير عشان انا حابب ده
••
-يا شيخ انا مقبل على جواز وبصراحة نفسي التزم وصعبه اوي الخطوة دي عليا
ابتسملي - يا بني من ترك شيئا لله عوضه الله خير منه استعين بالله وابعد عن الطريق ده وامشي في طريق ربنا هيكرمك ويرزقك ويغفرلك كل اللي فات ده مفيش ارحم منه ❤
••
-بقى انا ابني الظابط يعمل خطوبة اسلاميه عشان واحدة متسواش لا انا مش هسمح ب ده
اتنهد- وفيها اي الخطوبة الاسلامية مش ده دينا برضوا؟
اتعصبت- هي حرفت دماغك ولا اي يا امير
-انا متاكد اني لو فضلت ماشي ورا كلامكم يبقى هروح في داهية امي الخطوبة اسلامية حتى لو مش هتيجي
••
اليوم كله والدة امير بتبص لي بقرف مش عارفة ليه بس حاولت ابتسم ومبينش اني مضايقة عشان امير لانه عمل كل ده لأجلي".
-امير انت وعدتني هتلتزم بضوابط الخطوبة
اتنهد-اكيد يا اميرة
ابتسمت- في رعاية الله
'عملنا سيشن بدون تلامس وكان حاجة في متتهى الجمال ... وحلو جدا علفكرا انا شايفة ان السيشن اللي بتلامس قلة ادب وعدم حياء لانه مش جوزها وميحقلهاش ده.
-وحشتيني
اتعصبت-امير لو سمحت
اتكلم بعصبيه- اميرة بقى كده كثير انا مش هستحمل اكثر من كدا انا كأني غريب عنك ده مش بعيد لو شوفتيني في الشارع تعدي من جنبي كانك متعرفنيش
-مش للدرج...
قاطعني- لا للدرجة يا اميرة
اتكلمت بهدوء - امير انت عارف ان دي ضوابط الخطوبة وانا قولت لك ده من الاول
-لا بس انا مش هستحمل ده
-دي حاجة ترجعلك سلام
••
امير
كل واحد من صحابي الظباط بيخرج مع خطيبته اشمعنا انا يعني ... انا بدات اتخنق فعلا ومستحيل اكمل انا عايز واحدة شبهي سمعت اذان المغرب ف دخلت اصلي بعد ما خلصت سمعت الامام وراجل بيناله يعرفه بيتكلموا ويتناقشوا في حاجة ركزت مع كلامهم
الامام- والله يا عصام انا ما لاقي واحدة محترمة لابني في الزمن ده ابني اتعقد مش لاقي حتى واحدة بتتقي الله في لبسها وكل واحدة يخطبها يسفخ بيقولي يا والدي دي مش ملتزمة بضوابط الخطوبة وبتضايق لو مخرجناش وعايزة نخرج لوحدنا بدون محرم وعايزة تمسك ايدي وسيشن تلامس بالله عليك يا عصام لو لاقيت بنت ناس محترمة كده قولي عليها
عصام- من عينيا حاضر انت معاك حق صعب في الزمن ده نلاقي واحدة محترمة بس هشوف لك
'سمعت كلامهم وحسيت ان دي اشارة من ربنا ليا ولعنت نفسي على غبائي ازاي كنت هفرط في دي؟ ولو كنت اخدت غيرها عشان امسك ايديها واتكلم معاها بالساعات واحضنها كان هيبقى اتبقى اي تاني نعملوا ده انا بتمنى امسك ايد اميرة هي فعلا غالية ودلوقتي بس عرفت قيمتها.
••
-اي الورد ده؟
-سامحيني
-مسمحاك
بابتسامه- بجد؟
ابتسمت- اكيد يا امير انا مزعلتش اصلا انت كنت محتاج تراجع تفسك وعرفت غلطك وصلحته
ابتسم- انا فعلا كنت هبقى غبي لو سبتك ومشيت🖤
••
-بارك الله لكما وعليكم وجمع بينكم في الخير🖤🫂
-اخيرا همسك ايدك
ضحكت- شفت بقى الانتظار حلو ازاي
ضحك وقرب مني -اقولك على سر؟
-قول؟
-انا ختمت القرآن حفظ وبصلي الصلاة في وقتها وبتعلم احاديث الرسول
دمعت- يهنايا بيك🖤
••
-امير لو سمحت قوم صلي؟
اتعصب- لا بجد انتي بقيتي زنانة اوي وانا قرفت منك
-كل ده عشان بنصحك انتي اي اللي جرالك! حتى لو انتكست يا امير لازم ترجع لربنا احنا ملناش غيره
ببرود - كنتِ اتجوزتي ملتزم وريحتيني
بدموع - ياريتني
اتعصب وقام - انا نازل اصلي خليني ارتاح منك
بدموع- مبحبش ادعي على حد بس بجد روح يارب ما ترجع