_مع احترامي لكل الموالح محدش بيرفعلي الضغط غيـرك
_انا؟ طيب احب افكرك ان اللي بترفعلك الضغط دي كنت هتموت وتقعد جنبها في الكوشة ولا انا غلطانة يا حضرة الظابط
_مش عارف عقلي كان ماله ساعتها ! تقريبا كان معمولي سحر.
_سحر ياخدك وربي ما هعدهالك النهاردة شوف مين يعملك الاكل
قام من على الكرسي_ يا اسماااء يبت يا اسمااء
_لا متحايلنيش مش هصالحك مش هيحص...
قاطعني_ اصالح مين ؟ انا كنت هقولك انا نازل
_رايح فين؟
_عند امي هخليها تأكلني هيا عشان مراتي الحلوة مقموصة .
'قفل الباب ونزل، ده سابنيي زعلانه منه؟ يحي سابني انا زعلانه !, دي عمرها ما حصلت ده كان بيتشحتف عشان اصالحـه لا في حاجة وهعرف في اي.'
رنيت بصديقي الصدوق ، ملك"
_الحقيني يا ملك يحي مبقاش بيهتم لزعلي
_ازاي يعني؟
_زي ما بقولك والله
_يحي يحي بنفسه !,
_ايوه يحي بشكله
_لما عرف ان انتي زعلانه عمل اي؟.
_فتح الباب ونزل قال رايح عند امه
_بسس عرفتها يا اسماء
_هي اي؟
_الحاجة اللي مخبيها عنك
_اي هيا انطقي؟!.
_يحي متجوز عليكي
عيوني دمعت_يحي لا ميعملهاش.
_اللي سابك زعلانه ونزل يقدر يتجوز عليكي ومش بعيد كمان يكون راحلها
_اسكتي خلاص مش قادرة استحمل .
_متعمليش في نفسك كده انا عارفة ان الحقيقة مره
_خلاص يا ملك
_خلاص اي انتِ هتسكتيله؟
_الا طبعا قولي بسرعا هعمل اي يحي بيضيع من ايدي؟!
_ اسمعي الخطة كالتالي.!..............
••
صوت تكة مفاتيح الباب معنى كده انه رجع "
_يحي انت رجعت؟
ببرود_انتي شايفة اي؟
_شايفة انك وحشتني اوي
بص لي من فوق لتحت_ اي اللي انتي مهبباه ده ؟
رفعت حاجبي_أي؟
_اي اللبس ده؟ والميكب الكثير ده! شكله أوڤر مش عاجبني
اتعصبت_عنه ما عجبك!
"اول خطة فشلت'مش بيجي بالدلع"
••
_رايحة فين؟
_خارجة
_ايوه فين؟.
رفعت راسي واتكلمت بثقة_ميخصكش كل واحد يعيش في البيت ده بعد كده مستقل حر يخرج وقت ما هو عايز ويرجع وقت ما هو عايز.!
قرب مني وعيونه بتطلع شرار كنت عايزة اقوله بهزر خلاص مش عايزة استقلال ولا حرية"
بعصبية_ استقلال؟حرية؟ صوتك ده لو علي عليا تاني هوريكي الاستقلال والحرية مفيش خروج
_بس يـ....
_من غير بس هي كلمة واحدة!
"تاني خطة فشلت' حوار الاستقلال والحرية واني ابين اني مش مهتمة لوجوده منفعش معاه".
••
ضحكت وانا بتكلم بدلع_ يااه وحشتك للدرجة دي! انتِ كمان وحشتيني اوي
بص لي_ بتكلمني مين في التلفون؟
_صحبتي
_وهي صحبتك بتكلميها بدلع وبتوحشك كمان!! طب علي المايكك لو سمحتي
_علفكرا بقى ميخصكش مش هعلي المايك
_هتعليه يا هاجي اكسر التلفون على دماغك
"عليته طبعا ده ظابط جيش ويعملها ، تالت خطة فشلت شغل اني اخليه يغير د ممكن يقتلني فيها"
••
_يبنتي يبقى نشوف خطة غيرهم
_لا يملك يحي مش متجوز بس انا فعلا تعبت هو مش مهتم بيا ولا بأي حاجة تخصني بعد كل اللي بعمله ده بينزل شغله وحتى مبيعذبش نفسه يرن بيا من اول ما نصحى لحد بليل بفضل قاعدة لوحدي 24 ساعة بين أربع حيطان انا عايزة أحس بالأمان ، عايزة أحس ان مكاني محدش يقدر ياخده غيري مهما بذل من مجهود ، و إن مفيش زيي و لا هيكون ، و إن غيابي كفيل ميخليش اليوم يعدي ، و إني مهما تعبت أو إنطفيت لسه متشافة أحسن حد في عيونه ..انا همشي انا تعبت
_بس انتوا بينكم عشرة طويلة؟
_العِشرة الطويلة مش مبرر إني افضل مع حد بيأذيني!
••
_يحي جيه عايز يشوفك!
عيوني دمعت_قوليله يمشي يماما من فضلك
_بس يبنتي يـ....
قاطعتها_مبسش يا ماما قوليله يروح من فضلك
_حاضر
خرجت وبعدها ب٣دقايق الباب اتفتح"
_يماما من فضلك قولت لـ..... يحي!
بص لي وابتسم_ يحي عايز اسماء ترجع معاه
_بعد شهر جاي تقول كده يا يحي
_اكتشفت ان معرفش اعيش من غيرك
ضحكت بسخرية_ ومكتشفتش كده ليه وانا معاك! ليه عملت فيا كده؟ ليه هونت عليك بالشكل ده!
_اسماء انا عارف اني غلطت بس كلنا بنغلط و
قاطعته_انا كنت ببكي كل يوم من احساس اني مكنتش كفايه..
عارف يا يحي اصعب شعور انك تحس انك قليل او مش كفايه ف حياه شخص معين ف حياتك ، مش عارف العيب في مين ، طب انت فعلا مش كفايه رغم انك عملت اللي عليك وزياده ولا هو اللي غلط ، مليون سؤال ومليون احساس مختلف ملهومش إجابة انا كنت قربت اتجنن من حبي ليك!
_اسماء انا....
_روح يا يحي من فضلك !
••
_ومتعرفش مين اللي باعت الورد ده ؟
_بصي من البلكونة!
_نعم؟يااخ انت تعالى هنا!.اي الجنان ده
"اتجهت ناحية البلكونة واول ما فتحتها لقيت بلالين كثير اوي طالعة لي بحبل! بصيت من البلكونة شفت يحي واقف تحت وجنبه صحبتي ملك ماسكين لافتة كبيرة اوي ومكتوب عليها"
( _لِسَّـه شـارِع قَلبـي فاضِـي بِـ انتظـارَكَ لَو تهـلِ🫁❤️'''''.)
ابتسمت بخجل فيحي ساب اللافتة وعلى صوته"
_مسمحاني على كل اللي فات موافقة نبدأ من جديد؟
هزيت راسي بمعنى موافقة"
ملك أطلقت زغروطة دوت الشارع كله، فلاقيت ست الكل طلعت من جنبي و ردت عليها بزغروطة تانية وفضحونـي!.
••
_يحي
_يقلبه!
_لو مكنتش رجعتلك كنت هتعمل اي؟
_كنت هفضل احاول مرة واتنين وتلاتة والف لحد ما ترجعيلي ده احنا نعملوا اي حاجة في الدنيا عشان نرضي ست الكل❤️🫁
""".
#الكاتبة_ملك_احمد
#
متنسوش تتابعوني على الفيسبوك عشان د بيشجعني أكمل😁❤️
لينك الاكونت في التعليقات
👇🏻👇🏻👇🏻👇🏻
ولينك channel WhatsApp
لمزيد من الروايات
أنت تقرأ
أسميته زين 🤍🦋
Romansaقصص منفصلة للكاتبة ملك أحمد سمعت من قطع مسافات بالساعات ورُبما بالايام ليرى من يحبها ومازالت أستمع لمحاولاتهم و سعيهم في ارضاء نسائهم حتى بعد حصولهم عليهن! حتى أقتنعت تمامًا أن-المحب يصل- وأن الجميع يستحق من يحاول من أجله.♡︎
