_ست الحُسن ف الأخر تكون من قسمة الشاطر ᥫ᭡"".
اتلكمت بغيرة_ومين بقى ست الحسن دي؟
ابتسم_ انتِ ᥫ᭡
••
زعقت بعصبية_ بس انا مش موافقة!
زعقلي_معندناش بنات ليها رأي في جوازه اللي ابوها يختاره يبقى هو ده الزين .
اتكلمت باستهزاء_وانت شايف ده زين؟
ماما اتدخلت_ هو صحيح اسمه زين لكنه زين وزين الرجال فعلا "
_بس دي جوازة يعني هعيش تعيسة عمري كله لاني عايشة مع واحد انا مخترتوش يعني بالاجبار .
_ومين قالك هتعيشي تعيسة عمرك كله ! ده ابن عمك يعني أمانلك معاه احسن من الغريب وهيشيلك في عينيه .
_بس ده ده صعيدي يا بابا !..
بضيق_ وماله الصعيدي يبت عمي؟
اتكلمت وانا ببصله من فوق لتحت باستهزاء
_ميشبهلناش ف ميشرفنيش انا ملك محمد معيدة في جامعة طب اخد صعيدي واعيش في الأرياف ده يبقى على جثتي .
زعق_ انا قولت كلمة واحدة لا ابن عمك لا هتقعدي جنبي في البيت مفيش جوازات.
_بس ده ظلم.
_لو شايفه ظلم يبقى انا ظالم بس انا عارف انك لو لو وافقتي عليه وادتيله فرصه هتندمي على كلامك ده
اتكلمت بضعف_انا متأكدة ان هندم طول عمري لو وافقت عليه
"دخلت اوضتي ورزعت الباب بسرعة، وسبت دموعي تنزل ،مش عايزة ابأن قدامه ضعيفة انا عمري ما ضعفت قدام حد انا دايما كنت قوية او بمثل القوة وانا اكثر واحدة محتاجة حد يطبطب عليا ويطمني انه في ضهري يحسسني بالأمان ومخافش ، فرشت سجادة الصلاة وصليت ركعتين قيام ليل ودعيت ربنا لو خير ليا اخده ولو مش خير يبعده عني ".
••
_ابن عمك زين برا.
اتنفضت_بيعمل اي؟
_بيحدد مع ابوكي موعد الخطوبة
"كان المفروض اتعصب واضايق واتخانق بس المرة دي حسيت العكس كأن في راحة غريبة في قلبي راضية بده، بس عقلي رافض ده ومفهمني ان لا مينفعش المعيدة تاخد فلاح ".
رزعت الباب_ بابا انت حددت موعد الخطوبة ؟
بهدوء_ايوه .
بعصبية_بس انا قولتلك اني مش موافقة
_وانا موافق وسبق وقولتلك ملكيش رأي احنا صعايده
_بابا احنا مش صعايده ولا نشبهلهم احنا عشنا هنا في القاهرة! انسى فكرة انك صعيدي
_عايزاني انسى اصلي واهلي بلد ابويا اللي عاش هناك طول عمره لو انتي عشتي هنا فا انا اتربيت وعيشت هناك.
_بس انا قولت وبعيدها انا مش موافقة ولا يمكن اقبل بي ده.
_الخطوبة الاحد الجاي وده اخر كلام عندي
_ولو قولتلك اني ههرب!
اتخض_انتي يا ملك... لا اكيد متعملهاش
_لا انا بقولك هعملها !
_حتى لو ده حرام وانتي عارفة ده؟ هتجيبي لابوكي العار يا بتي هتفضحيني قدام الناس ويقولوا محمد معرفش يربي وانا اللي معلمك الصلاة وكنت باخدك على المسجد معايا من اول ما عرفتي تتكلمي هتعصي كلام ابوكي يا ملتزمة وعارفة ربنا ؟ طيب فين بر الوالدين اللي انتي بتقرأي عنه في القرآن ؟ طيب بلاها وامك هيبقى حالها اي مفكرتيش فيها .
دموعي سبقتني_ وانت مفكرتش فيا انا هبقى تعيسة قد اي بس فكرت في منظرك قدام قرايبك وان كلامك هو اللي بيمشي وعادات بلادكم ان البنت ملهاش رأي ونسيت اني انسانه برضوا ومن حقي اعيش مش حيوانه عشان اتجر في شهرين على مكان مش شبهي ده انت اللي كبرتني وتعبت عشان تعليمي وكنت فخور بيا لما طلعت معيدة ودلوقتي عايزاني اسيب تعب كل السنين دي واعيش في بلد معرفهاش مع انسان من اختيارك معرفوش وفي الاخر يتقالي من صحابي المعيدة اللي خدت فلاح .
_صدقيني انا اكثر واحد عارف مصلحتك فين زي ما كبرتك وعلمتك اكيد برضوا لازم اجوزك مع حد اطمن معاه عليكي عشان محدش ضامن عمره يا بتي.
_خلاص يا بابا انا هعمل اللي حضرتك عايزه بس افتكر انك هتعيشني تعيسة عمري كله
••
أنت تقرأ
أسميته زين 🤍🦋
Romanceقصص منفصلة للكاتبة ملك أحمد سمعت من قطع مسافات بالساعات ورُبما بالايام ليرى من يحبها ومازالت أستمع لمحاولاتهم و سعيهم في ارضاء نسائهم حتى بعد حصولهم عليهن! حتى أقتنعت تمامًا أن-المحب يصل- وأن الجميع يستحق من يحاول من أجله.♡︎
