أسميته زين 🤍🦋

أسكريبت 9 🦋🤍

_و قابلته .. نسيت اني خاصمته" .
_تاني يمهزقهه! دي المرة المليون اللي بتقابليه تنسي انك خاصمتيه
ابتسمت_اعمل اي ما هو اللي حلو!..
_يا بنتي ده غاوي وجع قلبك ابعدي عنه.
_مقدرش.
_يعني اي متقدريش ؟
هل هو أكل؟
_لا
_ميه بتتشرب؟
_لا
_امبوبة اكسچين ؟.
_برضوا لا.
"حدفتني بالشبشب "_ اومال متقدريش ازاي هاا فهميني؟
_يماما افهميني دي مشاعر بتتحس مبتتحكيش!
_لا انا هخليها تنطق.
_انا مش هفسخ الخطوبة دي وده اخر كلام عندي انا مش هتجوز غير عبد الرحمن
_وأحمد؟
_هترفضوه لاني مستحيل اتجوزه بقى معقولة عايزني اسيب عبدو الوسيم، الغني الرياضي، المثقف واخد احمد المعقد اللي ممشي كل أموره بالدين اللي هيقيد حريتي وفوق ده لا حلو ولا معاه فلوس!!ايعقل ده
_بعدين هتكتشفي ان الراجل مش بشكله ولا ماله الرجال بأخلاقه واهم من ده راجل تعرفي تتسندي عليه .
••
_ريتاج احنا مش هينفع نكمل مع بعض.
ابتسمت_ لو مقلب من مقالبك بجد هزعل منك جامد و
اتكلم بشدة_مش مقلب
عيوني دمعت_ عبدو صدقني لو مقلب مش هكلمك تاني انا قلبي بيوجعني و
اتعصب_ قولت مش زفت مقلب احنا مش هينفع نكمل مع بعض
دمعة هربت مني على خدي_ ماشي بس ليه؟
_ انا مش عايزك مش عايز اكمل معاكي
اتكلمت بضعف_بس على الاقل ممكن تقولي ليه؟
_انا مش عايز اكمل
'لسه هيمشي وقفت قدامه وبدأت اترجاه ميسبنيش ويمشي"
ببكاء_ صدقني انا مش هعرف اعيش من غيرك
ببرود_الحياة مبتقفش على حد

'مشي من غير حتى ما يودعني مكنتش اتخيل في يوم من الايام عبد الرحمن يبعد عني ولا بالطريقة دي!'

_يعني مش هتاكلي
'مفيش رد'
_طيب ردي عليا يا بنتي فهميني اي اللي حصل معاكي !؟ طب اجبلك طبق رز و
بضعف_عبد الرحمن سابني
"طلعت من ايدي دبلته ورمتها
_كل شئ قسمة ونصيب يا بنتي
_بس انا كنت عايزه قسمتي ونصيبي
بيقولي مش عايزك ده كان بيفرشلي الارض ورد
_استهدي بالله يبنتي وقومي غيري هدومك ونامي وارضي بنصيبك.
'مسكت ايديها قبل ما تمشي'
_ماما هو انا وحشة؟
'وطت وباست ايدي
_ انتِ ست البنات وهيجي اللي يعرفك قيمتك ويحسسك انك احلى واحدة في الدنيا كلها لمجرد انه شايفك حلوة.
••
مـر شهرين على فراقنا وهو سايبلي ابشع كلام يوم فراقنا لسه محفور في قلبي! تقريبا اوحش ‏إحساس إنك تعمل delete لذكريات جمعتك بشخص ومبقاش موجود ف حياتك دا أسوأ إحساس ممكن تحسه لإنك بتكون وصلت لمرحلة اتقفلت فيها من كل حاجة ، مبقتش حابب تشوف حاجة تفكرك به ، ولا تفكرك بالأيام اللي تعبت وقضت ع طاقتك ونفسيتك بسبب محاولاتك مع حد ميستاهلش ايوه ميتساهلش مكنش يستاهلني.

_أحمد اتقدملك تاني!
اتنهدت_ هو مبيزهقش!
ابتسمت_قصدك شاريكِ
_بس انا مش قادرة ادخل اي اي علاقة تانية و
قاطعتني_اديله فرصه؟! لمرة واحدة بس اسمعي كلامي.
_تمام انا هقعد معاه وربنا يقدم اللي فيه الخير.
••

_انا احمد مجدي عندي ٢٣سنه بشتغل محاسب في بنك وحافظ لكتاب الله وامام مسجد
_انا اسمي ريتاج محمد عندي ٢٠سنه بدرس في تانية جامعة
_حابة تقولي حاجة تاني؟
_لا
_وردك؟
_هيوصلك مع والدي.