_بعد أن كان حلوفاً لا يبالي سيصبح أبو عيالي ᥫ᭡
اتكلمت بصدمة_ استاذ حمزة!؟ بنفسه احلفي
ابتسمت بفخر _ والله
بتساؤل_بس ازاي ده عمره ما اعجب ببنت ولا بيتهزله شعره
ضحكت وانا بقول_ هزتها انا بقى.
_عملتيها ازاي؟ قصدي خلتيه يحبك ازاي؟
_غمزة من هنا على كلمة من هنا وقعته في حبي.
๑˙❥ ๑˙❥
_ماله يختي؟
_دايب فيا
_دا انا هدوب الشبشب على دماغك
اتنفضت_افهميني بس يا ست الكل هبسطهالك
زعقت_لا ابقي بسطيها لابوكي يحلوة ووريني هتقوليله داب فيا ازاي؟
اتكلمت برجاء_يا امي بالله عليكي سييبي بس الشبشب اللي في ايديكي ده وهنتفاهم مينفعش نخسر بعض عشان شبشب يعني.
_لا اخسرك واخسر ابوكي فيها
'اوبس وقعت بلسانها اليوم كله ، مش عارفة تتكلم معايا اه بهددها مش هي اللي داخلة بقلب جامد بتقول (واخسر ابوكي فيها كمان!) ..
๑˙❥ ๑˙❥
رفع حاجبه_وعرفك منين ده يا سهيلة؟
_هو اي اللي عرفني منين شاب اعجب بيا جيه يتقدملي في الحلال وله انتوا معندكوش حاجة اسمها حلال
اتعصب_ولا حرام حتى! قوليلي عارفك منين؟
سهيلة_دي حكاية طويلة هحكيلك
Flash back....
اشتغلت في براند لبيع الملابس ، كان فيه قدام البراند شركة بسمع من صحابي البنات دايما ان مديرها حلو اوي وكاريزما بس وله مرة شفته من لما جيت وكمان بيقولوا انه مش بيعبر اي بنت وتقيل ...! .
وفي اليوم الموعود كنت واقفة حنب سما بمسح ازاز المحل و و شفته لولا اننا بالصبح مش بليل مكنتش هعرف افرق بينه وبين القمر
_ انتي هبله يا بنتي هتدخلي الشركة ازاي؟
_هدخلها ملكيش دعوة انتي بس هاتي الجردل ده ووسعي كده
_يعني اي هتدخلي تملي ميه من هنا انتي هبله
_ متقوليش هبله عشان متعصبش عليك وانت كلك حته أمن
_ طب وريني هتتعصبي ازاي يا شاطرة
_ عينيا بس كدا
"دلقت في وشه جردل الميه والمشرف طلعلي وفضل يزعق "
_بقولك اي طلعوها لاستاذ حمزة يتصرف معاها
بفرحة_ايوه طلعوني لاستاذ حمزة
••
_اي اللي انتي عملتيه تحت ده؟
_عملت اي ؟ اجرمت يعني عايزة أملا ميه
_وسبتي مدينة نصر كلها. هتملي من الشركة ميه؟. ليه كنتِ بتدفعي لنا فاتورة الميه
"يا حيوان كمان عايزاني ادفعلك فاتورة الميه'"
_لا بس
_مبسش اتفضلي ، املي وامشي .. عايزة حاجة تاني؟
_ لا انا كفايا عليا شوفتك
ابتسم_اسمك اي؟
_سهيلة
_مع انك مش ساهلة ف التعامل خالص
ضحكت_ ليه ؟ انت متعاملتش معايا قبل كده فمتحكمش عليا! من موقف
_يبقى هنتعامل الايام الجاية كثير ان شاء الله
ابتسمت_انا اسفة على اللي حصل
"بعد محاولات عدة، بشاورله كل ما المحه برا الشركة ، ببتسم تلقائيا اول ما اشوفه ، والولا عاملي error في دماغي اكمنها واقفة بقالها فترة"
••
_السلام عليكم
"سما اغمى عليها اول ما شافته داخل عندنا البراند كـ ردة فعل تلقائية "
_متقلقش سما علطول كده هتفوق لوحدها
ضحك_ماشي
_اتفضل حضرت عايز حاجة معينة
_عايزك
_نعم؟
_قصدي جيت اشوفك ليكي وحشة وخنقاتك كمان ليها وحشة
ضحكت_ امم حيث كده بقى انا سهلة في المعاملة اهو!
_وتتحبي كمان
_بمعنى؟
_تتجوزيني؟.
ابتسمت وانا مش قادرة استوعب"
_موافقة
"سما فاقت بالوغروطة
_و بس كده انا قدامك اهو بقولك انه جاي بكرا يتقدملي!؟"
ابتسم_خير ان شاء الله
_هو فيه خير في الدنيا غيره يا بابا
ضحكت_ واقعة اوي
ابتسمت_ ما انتي عارفة بنتك يا ماما
••
_انا طالب ايد سهيلة بنت حضرتك
"بنت حضرته اي بقى ده انا مراتك!'
_ده شئ يسعدني يا ابني ان ادي بنتي لشخص محترم زيك و
كملت انا_ وقمر
داس على رجلي_ انا بقول تسكتي يا سهيلة
_حاضر يا بابا
_ تمام يا بني هاخد موافقة سهيلة وابل...
اتدخلت بسرعة_انت لسه هتبلغه ابلغه انا ...ده انا لو عندي قلبين هدهومله .. الفاتحة يا بابا
_الهي تتفتح دماغك اي مفيش كسوف خالص .
••
'بارك الله لكما وعليكما وجمع بينكما في خير'
_يلا ندعي للعروسين
بارك الله لهما وعليهما وجمع بينهما في خير"
'حمزة شالني وباس فوق راسي وقال لوالدي قدام الكل'
_انت ادتني اعظم ست في الدنيا ودي الحاجة الوحيدة اللي مش هقدر اوفيك حقها💖🫶🏻
••
_حمزة بيقولوا ان إللي فاهمك سابق إللي بيحبك بخطوة
_ انا بالنسبالي انتِ سابقهم هما الإتنين 💕.
••
_حمزة
_يقلبه
_بتحبني؟
_ده انا لو عندي قلبين ادهوملك
ابتسمت_حيث كده بقى انا سهلة في التعامل اهو؟
ابتسم_وتتحبي كمان💖🫶🏻
_يعني حلوة؟
_ أحلى من شقوق الحيطه في بيت قديم💖🫶🏻"
"الاسكريبت اهداء لصاحبتي الكاتبة سهيلة انا بحبك جامد هاا"🫶🏻💖
#الكاتبة_ملك_احمد
متنسوش تتابعوني على الفيسبوك عشان د بيشجعني أكمل😁❤️
لينك الاكونت في التعليقات
👇🏻👇🏻👇🏻👇🏻
ولينك channel WhatsApp
لمزيد من الروايات
أنت تقرأ
أسميته زين 🤍🦋
Roman d'amourقصص منفصلة للكاتبة ملك أحمد سمعت من قطع مسافات بالساعات ورُبما بالايام ليرى من يحبها ومازالت أستمع لمحاولاتهم و سعيهم في ارضاء نسائهم حتى بعد حصولهم عليهن! حتى أقتنعت تمامًا أن-المحب يصل- وأن الجميع يستحق من يحاول من أجله.♡︎
