ANCESTRAL GOD'S ARTIFACTS [Volume 5]

Chapter 6

Agad na pinalitaw ng binatang si Van Grego ang kaniyang alas. Hindi niya maaaring baliwalain kasi ang potensyal ng dalawang malalakas na fighter duo.

"Kailangan kong seryosohin ang labang ito. Hindi maaaring maging panatag lamang ang loob ko dahil sa aking kasalukuyang lebel ng Cultivation ngunit hindi rin ako maaaring makapante dahil sa bantang dulot ng magkapatid na halimaw na Hunger Dark Wolves na ito na siyang maituturing na fighter duo." Seryosong sambit ng binatang si Van Grego habang tinitingnan ang magkapatid na halimaw na Hunger Dark Wolves.

Bigla na lamang lumiwanag ang kanang kamay ng binatang si Van Grego. Maya-maya pa ay lumitaw ang isang kaparehas na bagay na nakabalot sa kaliwang kamay ng binatang si Van Grego na walang iba kundi ang God Slaying Gauntlet. Makikita na hindi maaaring baliwalain ang banta ng magkapatid na halimaw na Hunger Dark Wolves na maituturing na tunay fighter duo at may profound understanding. Kung hindi niya seseryusuhin ang mga factors na nakikita niya ay maaaring matalo siya ng fighter duo.

Kung bakit nakikita ito ng binatang si Van Grego na banta ang dalawang magkapatid dahil ang lakas ng mga atake ng mga ito ay on-par o makasinglakas sa atake ng 1-Star Martial Ancestor Realm Expert at mayroong kakaibang kakayahan ang dalawang ito na umatake sa kaniya ng magkasalungat. Sa nakikita niyang mga factors na ito ay masasabing malaking banta o problema talaga ito. Isa pa ay nasa loob siya ng bulubunduking lugar na ito at hindi pa siya nakakatuntong mismo sa mismong pusod o kalagitnaan ng lugar na ito. Bago pa lamang ang lahat sa kaniya ngunit pambihirang nilalang ang nakasagupa niya.

Mabilis na sumugod muli ang dalawang magkapatid habang magkasabay silang pumunta sa kinaroroonan ng binatang si Van Grego sa pamamagitan ng pagtalon ng mataas kung saan ay mistulang humawi ang hangin na nakapalibot sa kanila at mabilis na narating ang kinaroonan ng binatang si Van Grego.

Nakapormang pasipa ang dalawang magkapatid na fighter duo ng lahi ng mga Hunger Dark Wolves na ito kung saan ay mabilis naipon sa paanan nila ang kakaibang enerhiya dito.

Nagpaikot-ikot ang mga ito sa ere habang tinitipon nila mismo ang kakaibang enerhiya sa paligid kung saan ay kumislap ng kumislap ang kanilang katawan na animo'y maihahalintulad sa mga kakaibang elemento ng kidlat.

"Hmmmp! Hindi ko aakalaing mayroong espesyal na kakayahan ang fighter duo na mula sa lahi ng mga Hunger Dark Wolves. Hindi maaari ito dahil nakayanan nilang ikonvert ang natural na enerhiya para gawin ang kanilang simpleng atake? Isa itong pambihirang penomena na dapat kong pigilan ang mga atake nilang ito!" Seryosong sambit ng binatang si Van Grego sa kaniyang isipan lamang habang makikita ang kakaibang kislap sa mata nito. Aaminin niyang nasurpresa siya sa nagawang ito ng mga halimaw na Hunger Dark Wolves at mismong magkapatid pa na fighter duo? Isa itong nakakamangha at napakapambihirang talento.

Ngunit napangisi na lamang si Van Grego sa mga ginagawang ito ng magkapatid na Hunger Dark Wolves.

"Akala nila ay sila lamang ang nakakayang ikonvert ang kanilang kakayahan? Pwes, ako rin!" Sambit muli ng binatang si Van Grego sa kaniyang isipan lamang habang mabilis rin itong gumawa ng kakaibang bagay na alam. Mistulang kumislap ang mata nito sa naiisip niya sa kaniyang isipan lamang.

Mabilis na itinaas at gumalaw ang kamay ng binatang si Van Grego sa ere habang mistulang may lumalabas na kakaibang tubig sa ere na medyo malayo lamang ng konte mula sa kaniya.

Dito ay mistulang nagkaroon ng kakaibang pabilog na bagay na mabilis na nagkakaroon ng mga kakaibang disenyo at simbolo kung saan ay kakaiba ang pagkakagawa nito.

Habang isinasagawa ito ng binatang si Van Grego ay mabilis na umatake papunta sa direksyon niya ang dalawang magkapatid na Hunger Dark Wolves na siyang mayroong namumuong kuryente sa katawan nito.