مَـــــــلاك بِــذُنــوب لا تُـــغـــــــفَــر🔥
بأنامــل ✏ : ربــاب نجمة.
بـَــــــــــراعــةُ عاهـِـــــــــــرَة 🌺
💫الـــجــــزء الـــثـــالـــث💫
خرجات أصالة بجنب صديقتها أسماء راسمين إبتسامة عذبة على شفايفهم.... تسناو لحظات قليلة أمام الكلية عاد شدوا طاكسي باش يمشيو للمطعم لي قالت عليه أسماء.....
🍬 أصالة أفتحي، أنثى في سن 19 عندها السنة الثانية في كلية الصحافة، مغربية الجنسية، إلتحقت بجامعة موسكو بعدما تحصلت على ميزة حسن جدا في معدل البكالوريا.....أصالة إسم على مسمى كتتسم بالعزة والشرف والعراقة، فتاة قوية الشخصية، وقادرة على مواجهة الصعوبات، ومع ذلك عندها قلبها طيب وحنونة إلى درجة كبيرة، كما أنها مرهفة المشاعر والأحاسيس، وبداخلها فنّانة، وكتقدر الجميل، وتتسم بالأخلاق الحميدة وإحترامها وتقديرها للناس، هي ذات شخصية طموحة وناجحة، ولي فقلبها على لسانها، و عقليتها متفتحة وكتراعي الحدود، لكنها عصبية في بعض الأحيان... عندها صديقة وحدة كتجمعها بيها الدراسة والصحبة الطيبة... أصالة ذات جسد أنثوي جميل ماعامرة ماضعيفة، متوسطة الطول، شعرها طويل ورطب حرير، لون عينيها أزرق وماعندهاش رموش كثاف، بيضاء البشرة أو وجها متوسط الطول ماشي دائري وماشي طويل🍬
🍩أسماء العمراني بنت أغنى عائلة مغربية، العائلة لي تشهرات بالأحفاد المتمكنين والناجحين في مجال بيع السيارات، عندها 19 سنة، بيضاء البشرة ولون عينيها أزرق وجه مستدير وجسد متفجر الأنوثة الشيئ لي كيسبب ليها مشكلة مع الشبان كتغطي شعرها الزعر بالخمارات لي كتلبس، أسماء بنت هادئة وكتنشر الطاقة الإيجابية، قلبها بيض ومكتعرفش الغدر🍩
داخل الطاكسي كانت أصالة ساهية في قطرات المطر لي كتساقط والجو المكهرب لي على برا... جاب ليها البرد والقنطة.....
ضارت عند أسماء لي كانت مغمضة عينيها ودايرة السماعات فودنيها عرفاتها كتسمع للقرأن ومخشعة معاه.... خلاتها على خاطرها وجبدات هاتفها دخلات للأنستا وبداو لي فانز كيسولوها إمتى غاتحط التحدي لي دوات ليهم عليه....
طفات هاتفها وهي كتساءل في نفسها على التحدي لي ممكن ديروا ماعندها حتى شي فكرة... قبيلة كانت غير غاتخربق فديك القاعة.....
وصلوا للمطعم ونزلوا داخلين للداخل.... لمعات عينين أصالة بإعجاب بفخامة المطعم.... خداو أماكنهم في مقاعد كيطلوا على البحر....
أصالة: واو هاد المطعم زوين ماعرفتش واش حتى السيرڤيس بحالو....
أسماء: لا زوين هذا هو المطعم لي كنت مشيتليه ديك المرة....
عيطوا على النادل وطلبوا منو شنو بغاو....بعد دقائق جابليهم وجباتهم....
كانت عبارة عن سلطة فواكه وخضر ومن بعد الهابرغر.....
أصالة: امم زوين هادشي...
أسماء: إوا كولي قبل لايبرد....
أصالة: بسم الله.
كلاو وشبعوا وعادوا أدراجهم للشقة لي كاريين.... خرجات أسماء من غرفتها لابسة بيجامة سخونة ومخلية شعرها الأشقر مرمي على ظهرها.....
أسماء: أصالة مالقيتش المقبط ديال شعري.....
جاوباتها أصالة من المطبخ فين كانت كتغسل المواعن...
أصالة: هزي ديالي حتى نقلبلك عليه...
قبطات أسماء شعرها ودخلات للمطبخ...عمرات مقراج ديال الماء وخلاتو يسخن...
أسماء: غانمشي نصلي علاما يسخن الما باش نقاد أتاي...
حركات أصالة راسها ونطقات...
أصالة: وخا حتى أنا غانقاد شي كيكة....
ابتسمت ليها أسماء وانصرفات.... في حين أصالة بدات كتخلط مقادير الكيكة...
#يتبع.... كيف جاتكم فكرة القصة، واش عندكم شي صديقة بحال أسماء طاگيها تعرف راسها وقوليلها قداش كتبغيها ❤️
أنت تقرأ
ملاك بذنوب لا تغفر
Actionبأنامل: رباب نجمة 🌟 قصة تجمع بين💫البراءة 💫حياة العهر 💫براعة عاهرة💫التضحية 💫حب بنكهة أخرى 💫الدراما 💫الجرأة والرومانسية💫الأكشن 💫الإجرام💫الإنتقام💫الإنتحار💫 قصة تخرق الخطوط الحمراء وتفجر الأسرار وتكشف عن ما وراء الستار الأحمر..... تكشف عن...
