مَـــــــلاك بِــذُنــوب لا تُـــغـــــــفَــر🔥
بأنامــل ✏ : ربــاب نجمة.
بـَــــــــــراعــةُ عاهـِـــــــــــرَة 🌺
💫الـــجــــزء الـــرابـــع💫
🍬#ڤـيـلا_القادري🍬
في جنازة يسودها الحزن والهدوء...جالسين النساء في الصالة واضعين شيلان كوحل على شعرهم بإهمال.... اشكال وأنواع في النساء...بنات العائلة لي زينهم فتان وهادشي ظاهر انو متوارث في العائلة.... ومن بينهم كاين لي كتبكي بصوت باح ومقهور....وكاينة لي كتسنى غير الشوفة من الشخص لي واقف بعيد عليهم....
واقف في زاوية الڤيلا كيطل من النافذة الزجاجية لي كطل على لابيسين... ساهي من بين رموشوا الكثاف فالبعيد بعينيه الصقرية السوداء.... أسمر البشرة و حروفوا سوداء، لحية كثيرة وشعرو محسنو.... لابس كوستيم أسود مزير على كتافو العراض وصدرو الفولاذي....من خلال فتحة القميجة كيبانوا بعض الزغيبات عاطينوا جمالية فريدة من نوعها....
جامد الملامح وحجابوا مقرونين... تنهد بهدوء وكابوس الماضي مراودو من جديد..... هادي لي ماتت كتبقى مو وخا يوقع لي يوقع..... هو ملزوم يستحمل تواجدو في الجنازة ديالها وملزوم يسامحها على تعاملها وكفاش حرماتو من حنانها وهو طفل صغير....ملزوووم....!!
مراقباه من بين دوك النساء والفتيات الجميلات لي مستفين حدى بعضياتهم.... وقفات باش يبان قوامها الممشوق وكرشها العارية والمسطحة أرداف كبيرة وصدر مرفوع واضحة الشقة ديالو من ديك التيشيرت لي ماقدراتش تغطيه نظرا لكبر حجمو... فخضها الأيسر باينة سموريتو من خلال الفتحة الجانبية ديال صايتها..... رفعات الشال لي كان بين يديها على كتافها باش تغطيهم إحتراما للجنازة.... وتمشات بخطوات ثايتة بإتجاهو وشعرها الطويل متبعها في خطواتها......
حس بيد دافئة تحطات على كتفو...استغرب من جرأة هاد الشخص لي زعم وقرب ليه... حتى شافها أمامو مبتسمة في وجهو ابتسامة أبدا ماخفاتش عليه... ياما لمحها في وجه البنات لي كيتسطاو عليه...
نطقات بميوعة كتعوج فمها وكتبتاسم.....
إيمان: يزيد لاباس عليك...!!؟
حرك راسو بالإيجاب بلاما يجاوبها ماعندوش مع المقدمات كيبغي يدوي نيشان في الموضوع المهم.....
بلعات ريقها مرجعة شعرها وراء وذنيها ونطقات وعينيها على ملامحو الوسيمة....
إيمان: البركة فراسك من جهة خالتي أسية الله يرحمها ويبدل محبتها بالصبر....
نطق بحروف رجولية وبنبرة مرعبة شكات واش هو لي تكلم ولا الوحش لي فالداخل ديالو.....
يزيد: أمين....!!
بلعات القمعة بحيث حساتو بحال اي ديكور موجود في الدار مكيتكلمش بحال الزيزون ومكايعطيكش فرصة تتعرف عليه......
قربات منو مقبلاه في خدو قبلة جريئة خلاتو مشوكي من جرأتها.... وانساحبات بهدوء كتلوز بخصرها....
#يتبع..... هاد إيمان طايحة على فمها.... 🤣🦋
أنت تقرأ
ملاك بذنوب لا تغفر
Actionبأنامل: رباب نجمة 🌟 قصة تجمع بين💫البراءة 💫حياة العهر 💫براعة عاهرة💫التضحية 💫حب بنكهة أخرى 💫الدراما 💫الجرأة والرومانسية💫الأكشن 💫الإجرام💫الإنتقام💫الإنتحار💫 قصة تخرق الخطوط الحمراء وتفجر الأسرار وتكشف عن ما وراء الستار الأحمر..... تكشف عن...
