مَـــــــلاك بِــذُنــوب لا تُـــغـــــــفَــر🔥
بأنامــل ✏ : ربــاب نجمة.
بـَــــــــــراعــةُ عاهـِـــــــــــرَة 🌺
💫الـــجــــزء الـــعـــاشــــر💫
واقفة أمام الغرفة الطبية فين موجودة أسماء، مراقباها بهدوء وقلبها كيتقطع عليها... تنهدات بحسرة وهي كتلمحها متسطحة على السرير مغمضة عويناتها وكتنفس بهدوء، وجها شاحب وعويناتها الزرقين مخبيين تحت أجفانها البيضاء، غايبة على العالم الخارجي، وغارقة في أحلامها الخاصة ومن بين هاد الأحلام زارتها رؤية غريبة......
🤍رؤية....!!🖤
في غابة كبيرة السكون والهدوء المخيف سائد فيها، تمشات بسرعة كتقلب على شي طريق تخرجها من هاد الغابة والمتاهة لي غاصت فيها..... تمشات بزاف وتلفات بين الأغصان والشجر..... حتى سمعات صوت بنبرة حنينة، صوت ماغريبش عليها...هذا صوت ماماها وحبيبة قلبها.... كتناديها بإسمها....."أسماء"...🤍
تمشات بالزربة كتقلب على مصدر الصوت وكتمنى تلقى ماماها بخير وسلام....نطقات بخوف كبير...
أسماء: مـامـا، فينك؟
سمعات صوتها من جديد وهاد المرة بانتليها ماماها واقفة قدام بير كبير لابسة فستان أبيض وطالقة شعرها الأسود........ مدات يديها في الهواء وشافت فأسماء بوجه شاحب وعينين حمراوتين ناطقة بهمس...
أسية: جا الوقت باش تعرفي طريقك وتواجهي مصيرك..أنا سالا دوري معك في هاد الحياة.. كوني قوية...!!
في لحظة رمات راسها في البير الغارق وخلات أسماء موسعة عينيها مصدومة ومدهوشة من شي لي كتشوف.....
زادت وسعات عينيها بخوف فاش سمعات صوت مختلف تماما على الصوت لي سمعات قبل كان فحيح أفعى.....غير ضارت وخرجات فيها الأفعى لايحة سمها عليها....
تهز قلبها وحلات عينيها والعرق كيتصبب عليها والخوف سرع من نبضات قلبها... صدرها كيطلع ويهبط بوتيرة متصاعدة والدموع كيتساقطوا بشكل هستيري......
غير شافتها أصالة جرات عندها ضاغطة على الإنذار....بدات كتهدنها وتحاول تسكتها ولكن أسماء كانت فحالة غريبة... غير كتبكي وتعيط بإسم ماماها....
أسماء: ماما أسية هئ هئ ماتمشيش وتخليني ماما هئ هئ ماما لمن غاتخليني....!!
رجعات أصالة للوراء بعدما دخل الطاقم الطبي وضغطوا عليها باش تخرج... غير خرجات مشات بسرعة البرق كتقلب على صاكها...جبدات منو هاتفها ودوزات الخط لفيكس ڤيلا القادري.....
تسنات مدة حتى سمعات رد من عند الخادمة....
الخادمة: ألو ڤيلا القادري بونجوغ....
بلعات ريقها مرجعة شعرها ورا وذنيها وعاضة على شفتها السفلى بتوتر....
أصالة: سلام أنا أصالة أفتحي بغيت ندوي مع عمي معاذ....
نطقات الخادمة وهي كتشوف في الڤيلا مقلوبة.....شي داخل شي خارج....
الخادمة: سمحيلي أ أنسة ولكن سيدي معاذ مشغول دبا مايمكلوش يتكلم معك راكي عارفة العزو والدنيا مقلوبة ماعندوش الوقت يجاوبك.... خليلي الهضرة لي باغا تقوليلو أنا نوصلها ليه....
استغربات أصالة وقلبها بدا كيضرب بسرعة وخايفة من الفكرة لي راوداتها...
أصالة: أشمن عزو كتهضري عليه ياك لاباس ؟
نطقات الخادمة وهي كتسمع لرئيس الخدم لي كينادي عليها باش تجي....
الخادمة: لالة أسية ماتت الله يرحمها علاش؟ واش مافخباركش....
طاح الهاتف من يديها وجلسات على الكرسي حاسة بالدوخة وحاجة وحدة لي كدور فبالها هي أسماء مغاتقدرش تستحمل خبر وفاة ماماها...متعلقة بيها بزاف... وماشي بزاف باش أسماء خرجات من صدمة كفاش غادير تستحمل صدمة أخرى....أشنو غادير في هاد الحالة....حصلة وأشمن حصلة.....
#يتبع.....
أنت تقرأ
ملاك بذنوب لا تغفر
Actionبأنامل: رباب نجمة 🌟 قصة تجمع بين💫البراءة 💫حياة العهر 💫براعة عاهرة💫التضحية 💫حب بنكهة أخرى 💫الدراما 💫الجرأة والرومانسية💫الأكشن 💫الإجرام💫الإنتقام💫الإنتحار💫 قصة تخرق الخطوط الحمراء وتفجر الأسرار وتكشف عن ما وراء الستار الأحمر..... تكشف عن...
