مَـــــــلاك بِــذُنــوب لا تُـــغـــــــفَــر🔥
بأنامــل ✏ : ربــاب نجمة.
بـَــــــــــراعــةُ عاهـِـــــــــــرَة 🌺
💫الـــجــــزء الـــســـابع عــشــر💫
حطات الطائرة رحالها بمطار الدار البيضاء الضخم والكبير لي كيتعتابر من بين أفضل المطارات في المغرب.....
لكن ماكانوش البنات عارفين المفاجأة لي كتسناهم.....
في مكان أخر وبالضبط فأوطيل الصديقي كانت ملاك دايرة رجل على رجل كتفرج في صور ولد عشيقها.... "يزيد" وعينيها كيخرجوا القلوبة حتى قاطع تفكيرها وأحلامها دخول منير.....
رمقاتوا بنظرات حاقدة ناطقة....
ملاك: مالك داخل مدرم واش مابانتش ليك ديك الباب قداش غير نحيدوها حسن.....
نزل عينيه بإحراج ونطق....
منير: سمحيلي امدام ملاك ولكن الأمر مستعجل.....
رفعات حاجبها مخنزرة فيه حتى حاجة ماكتعجبها ونطقات....
ملاك: اشنو تما!
بلع ريقو ونطق بصوتو المرتجف...
منير: الطالبات اللي وصيتيني نقوم بالخطف ديالهم بقات ليهم ساعة باش يوصلوا للمغرب وبغيت الإذن ديالك أمدام باش ندير العملية....
ابتسمت بحماس وجاوباتو فالحين....
ملاك: الإذن معك غير مانبغيش شي خطأ.....
منير: كوني هانية خدمتي كنديرها على أتم وجه.......
🎈في المطار🎈
خرجات أسماء ومعها أصالة من المطار غافلين على أعين العصابة لي كتراقبهم ونطقات بعبوس....
أسماء: غادي نرجع للداخل جاتمي بيبي......
عبسات أصالة ملامحها ماعاجبها حال ونطقات...
أصالة: مالقات فوقاش تجيك ولايني بلان هذا.....
خرجات أسماء عينيها فيها مخنزرة....
أسماء: من نيتك واش بغيتيني نديرها فحوايجي باش تهناي.....
تنهدات أصالة بقوة ونطقات....
أصالة: وخا بس ماتعطليش....
مشات أسماء بسرعة راجعة للداخل كتقلب على الطواليطات حتى لقاتو ودخلات قضات حاجتها.....
في هاد الأثناء كان منير عطا التعليمات ديالو لرجالو باش يبداو العملية.....
كانت أصالة واقفة خاشية راسها فالهاتف ديالها وساهية حتى حسات بشي شخص وقف أمامها وداير شي حاجة صلبة على ضهرها..... ونطق بخفوت.....
لكارد: غادي تغوتي قرطاسة وحدة لي غانخسر عليك.......
خرجات عينيها مصدومة ومدهوشة وقلبها كيضرب بوتيرة متصاعدة....ماعرفات مادير من غير تمشي معاه بالراحة والهداوة.....
#يتبع......
أنت تقرأ
ملاك بذنوب لا تغفر
Actionبأنامل: رباب نجمة 🌟 قصة تجمع بين💫البراءة 💫حياة العهر 💫براعة عاهرة💫التضحية 💫حب بنكهة أخرى 💫الدراما 💫الجرأة والرومانسية💫الأكشن 💫الإجرام💫الإنتقام💫الإنتحار💫 قصة تخرق الخطوط الحمراء وتفجر الأسرار وتكشف عن ما وراء الستار الأحمر..... تكشف عن...
