مَـــــــلاك بِــذُنــوب لا تُـــغـــــــفَــر🔥
بأنامــل ✏ : ربــاب نجمة.
بـَــــــــــراعــةُ عاهـِـــــــــــرَة 🌺
💫الـــجــــزء الـــســـادس عــشــر💫
داز يوم كامل كانت حالة أسماء تحسنات شوية وخا مزالة تحت تأثير الصدمة ولكن على الأقل تعايشات معها كيف دارت من قبل.... وصل اليوم الموعود ولي هو اليوم لي غادي ينزلوا فيه البنات للمغرب.....
وجدوا شنطاتهم وأغراضهم لي غايحتاجوها خلال العطلة القصيرة لي غايدوزوها في المغرب، وخلصوا مولات الدار عاد انطالقوا بإتجاه المطار، الطريق كاملة وأسماء منغامسة فعالمها الخاص كتسمع للقرأن وكتحاول تحيد الأفكار السلبية من عقلها، أما أصالة كان تفكيرها مشوش وقلبها مامطمأنهاش....
وصلوا للمطار وداروا الإجراءات القانونية من تفقد لجوازات السفر والحقائب ومن بعد تسناو ساعة كانت فرصة باش يفطروا فيها ويتهيأوا للسفر....
من بعد ديك الساعة لي دازت بسرعة طلعوا للطائرة وخداو أماكنهم غير سمعوا تحذير المضيفة على حزام الأمان داروه وانطلقات الطائرة محلقة في السماء، كان قلب أصالة غادي يسكت بالخلعة ماتنفسات الصعداء حتى استوت الطائرة في السماء.....
ضارت شافت فأسماء لي كانت حابسة الضحكة غير بالزز بسبب الناس لي موجودين من ٠ولها مابغاتش دير الضحك فراسها لكن غير شافت فيها أصالة مخنزرة ماقدراتش تصبر وتشدها مزال طلقاتها بأعلى صوتها حتى ضاروا الناس شافوا فيها بإستغراب......
جمعات الضحكة وبدات تدور فعينيها لي بداو يتحقنوا بدموع الخجل المخلط بالضحك.....
أسماء: مالكي كتشوفي فيا هكاك مابقا حد يضحك؟
ابتسمت أصالة وهي فرحانة...
أصالة: لا بالعكس ديما بقاي ضاحكة كتجي معك الإبتسامة.....
غمضات أسماء عينيها بإمتنان وجبدات كتاب بعنوان "نظرية الفستق الجزء2" وبدات كتقرا فيه.....اما أصالة دارت الكيت فوذنيها وشعلات الهاتف ودخلات لمواقع التواصل الإجتماعي فين كانوا المعجبين دايرين ضجة حيت ماحطاتش التحدي لي واعداتهم بيه.....
غير شافت ديك الكارثة وخرجات هاربة من كلامهم خاصة وأنهم محكرين عليها باش ديروا فأقرب فرصة ممكنة......
ساطت بعدم راحة وعقلها كيفكر فشي تحدي عمروا دار من قبل.... ؟؟
#يتبع.........
أنت تقرأ
ملاك بذنوب لا تغفر
Actionبأنامل: رباب نجمة 🌟 قصة تجمع بين💫البراءة 💫حياة العهر 💫براعة عاهرة💫التضحية 💫حب بنكهة أخرى 💫الدراما 💫الجرأة والرومانسية💫الأكشن 💫الإجرام💫الإنتقام💫الإنتحار💫 قصة تخرق الخطوط الحمراء وتفجر الأسرار وتكشف عن ما وراء الستار الأحمر..... تكشف عن...
