مَـــــــلاك بِــذُنــوب لا تُـــغـــــــفَــر🔥
بأنامــل ✏ : ربــاب نجمة.
بـَــــــــــراعــةُ عاهـِـــــــــــرَة 🌺
💫الـــجــــزء الـــســـابــــع💫
🔘 مزاد العاهرات 🔘
هي عبارة متكونة من جوج كلمات... "مزاد" ولي كتعني عملية لبيع وشراء البضائع أو الخدمات عبر تقديمها للمُزايدة، وأخذ عروض المُزايدين، ثم بيع السلعة إلى أعلى سعر وصلات ليه.....وممكن يكون المزاد علني أو في سرية تامة... أما "العاهرات" ولي مأخوذة من كلمة "العهر" أو "الدعارة" أو "البغاء" و هي فعل استئجار أو تقديم أو ممارسة خدمات جنسية بمقابل مادي، البعض كيعتبر الدعارة ببساطة "بيع الخدمات الجنسية"، بلاما يشيروا للتمييز بين الدعارة القسرية(إجبارية) والدعارة الطوعية (بالإرادة الكاملة).....الدعارة هي ظاهرة قديمة وكيربطها البعض ارتباطا وثيقا بالفقر، و البعض الأخر كيربط مفهوم الدعارة بمفهوم توازن القوى ورمز القهر في المجتمع، كمثال تعرض البعض لتحرشات من قبل صاحب العمل، بينما كاين أشخاص مشاو بعيد في تفكيرهم باش يوصلوا لتحليلات أعمق بحيث إعتابروا ممارسة أية مهنة أو التفوه بأية فكرة أو موقف سياسي بهدف تحصيل الفلوس أو المنفعة والمصالح هو بحد ذاتو نوع من الدعارة.
◼️وفالأخير نقدروا نوصلوا لتعريف بسيط لعبارة "مزاد العاهرات" وهي عملية لبيع العاهرات ولي كتم المزايدة عليها من طرف الرجال لي لاباس عليهم (أغنياء) ونظرا لأن الدعارة ممنوعة في المغرب وكيعاقب عليها القانون طبقا لأننا دولة إسلامية فالمزاد كيكون في سرية تامة غير أن البعض من رجال الدولة كيكونوا متورطين في هاد العملية المشبوهة وكيساهموا في الفساد.
🍬المزاد تنظم في أحد أكبر الفنادق التابعة لسلسلة الصديقي ولي كيتواجد في مدينة مراكش المعروفة بإنتشار الدعارة والفساد.... تم تحت إشراف ملاك الصديقي و بتنظيم من مارية ولي هي يدها اليمين.... مارية لي أصبح سنها كيتعدى الثلاثين سنة إلا أنها مزالة محافظة على جمالها وشبابها... جسم أسمر فاتن بقوام ممشوقة... بطن مسطحة وصدر مرفوع.... شعرها البني الغامق ولي ظاهر انه عاد تصبغ بأجود أنواع الصباغة.... طويل لحد الخصر.... 🍬
خرجات ملاك للصالة الكبيرة لي كانت مجهزة بسفرات العشاء والورود والثريات لي كانوا عاطيين إضاءة جميلة للمكان....
شافت ناحية المنصة كتأكد من أن كلشي هو هداك.... وعطات الإشارة لفرقة الموسيقى باش تطلق موسيقى حماسية تهز القاعة منين يوصلوا الضيوف.... رجعات للوراء مباغاش تبان وتكون محط أنظار الجميع.... فحين مارية وقفات في المنصة كتراقب وكتتأكد من أن كلشي هو هداك.....
انسحبات موصية الخدم يستقبلوا الزبائن بطريقة تليق بيهم.... بدات كتقلب بعينيها على ملاك لي كانت طلعات لمكتبها لي موجود في الأعلى.... سبقات مارية من دخولها لجناح الفتيات لي كانوا واجدات وكلهم باقيين صغارات وعزبات....حمدات الله أنها مالقاتش معهم مشكل حيت هما لي دخلوا بخاطرهم لهاد المجال عكس الفتيات المختطفات كتنوض معهم قربلة عاد باش كيبغيو يتحركوا للمنصة....
خرجات مخلياهم كيفكروا في مصيرهم.... نطقات وحدة منهم بخفوت وعينيها عامرين دموع بنت صغيرة وزوينة....
البنت1: يا ربي أش هاد المكتاب لي تكتاب عليا.... هئ هئ...
قربات منها وحدة كتحاول تواسيها...
البنت2: الصبر أختي هذا هو زهرنا في هاد الدنيا وأخر حل بقا لينا باش نصوڤيو راسنا.....
بلعات البنت اللي جالسة بعيد عليهم ريقها مرجعة راسها للوراء وأفكارها كتخبط فبعضياتها.... "صافي وليتي عاهرة" "قتلتي البراءة لي فيك وخنتي ثقة الله أو واليديك" "بأشمن وجه غاتلاقاي مولاك".....
أما البنت الرابعة كانت كتسمع ليهم ببرودة حيت همها الوحيد الفلوس العملاقة لي غاتربح من هاد المزاد....
دخلات مارية للمكتب لي كان مظلام لمحاتها جالسة في كرسيها مرجعة راسها للوراء ومغمضة عينيها.....
تنهدات بقوة وكملات طريقها ناحيتها ونطقات....
مارية: واش نتي لاباس...!!
حلات عينيها السود ونطقات بهدوء...
ملاك: أنا فأحسن حالة ممكن نكون عليها....
رفعات مارية حاجبها بإستغراب من جمودها ونطقات....
مارية: متأكدة أنك ماراضياش على هادشي لي كنديروه....أكيد ضميرك كيعذبك بحالي...
ابتسمت ملاك إبتسامة ساخرة وتكات على كرسيها حتى ترفع صدرها للأمام....
ملاك: نهار قررت ندخل للمافيا ونولي في هاد الضومين مابقاش عندي ضمير لي يعذبني....
شافت فيها بجمود...
ملاك: أنا ماشي بحالك أمارية ماعنديش صوت داخلي يأنبني على كل خطوة كنديرها..... الأمهات كيكونوا حساسات بلا قياس ولكن أنا ماشي أم ومكنظنش نكون أم شي نهار...
#يتبع........دخلنا في المسگي 😳😳😳😳
أنت تقرأ
ملاك بذنوب لا تغفر
Actionبأنامل: رباب نجمة 🌟 قصة تجمع بين💫البراءة 💫حياة العهر 💫براعة عاهرة💫التضحية 💫حب بنكهة أخرى 💫الدراما 💫الجرأة والرومانسية💫الأكشن 💫الإجرام💫الإنتقام💫الإنتحار💫 قصة تخرق الخطوط الحمراء وتفجر الأسرار وتكشف عن ما وراء الستار الأحمر..... تكشف عن...
