امي واختي ما يكفن، اريدن غريب يسمع قصتي وما يوكف وياي، اريدنة ينطيني الحك
أحس آنا غريب وضايع
هيج غزالتي راح تعوفنيوآنا خايف اروح لبيتهة والكاهة ما هية
انخمش كلبي وصحت للبنيات حتة نرجع
شو كلبي يلعب، خافنهة عافتني وراحت
لجن وين تروح مالهة احد غيرياخذت البنات ورديت للبيت
ورحت بساع لبيت غزالتيوصلت للبيت ولكيتة مردود
فتحته ولني اشوفن غزالتي!!!!لكيتها كاعده وكدامها صينيه اكل
وكوه تاكل بايدها اليسرة
شيخ فهد: مساج الله بالخير، اشوفنج ما راده الباب وراي؟!
(باوعت بطرف عينها ودنكت تاكل
انا هنا ما اتحملت رحت يمها ودنكت دفنتها بصدري اريدن اترس ريتي بعطرها)
ودفعتني برهاوة وكامتالشيخ فهد : غزالتي، غزاله فهد، اريدن منج السموحه، انا بحياتي ما طالب المسامحه من احد لجن اطلبها منج واعترفلج انا الغلطان
العنود بدلع : واذا ما رضيت؟!
الشيخ فهد بضحكه وغمزه :هساع نفصل
(حضنتني بدلعهة وجمالهة)
* *وغنيت لها اغنيه حيل احبنهة كلتلها* *
شيخ فهد : سلم علية بطرف عينه وحاجبه ادة التحيه وزين يعرف واجبه وسلم علية
العنود بدلع : بطرف عينه وحاجبة
شيخ فهد: أدة التحيه
العنود : وزين يعرف واجبة،، سلم علية وخاف ليشوفونة، اهلة عداوة وياي ويمنعونة
شيخ فهد : لو مر الاسمر كلهم يحيونه،، لو مر الاسمر كلهم يحيونه
العنود : يا هلا بجيتك يا حبيبي ومرحبا وسلم علية
شيخ فهد : بطرف عينة وحاجبة.،
اوووف يا غزالتي، يعلم الله شكثر احبنج
وزعلج ثكيل على كلبي موش شلون ما جانالعنود : وانا كلبي ما ينطيني ازعل عليك لجنك تستاهل
شيخ فهد :ويهون عليج تكتلين روحج
وانا ذايب بيهةالعنود : من عدهة وعرفت غلاتي عدك، شيخ
آنا احبنك اكثر من روحيشيخ فهد بغمزة : شلون بلة
العنود : شيييخ، تراني مريضة
شيخ فهد : ما يحتاج انتي بس كولي اي
العنود : يااااا هههههههه
شيخ فهد : اي اضحكي اضحكي،. اريدنج تطربيني بهاي الضحكة الأحبنهة
العنود : تعيش وتسمع يشيخ
شيخ فهد : هساع شكلتي
العنود : شني
شيخ فهد بغمزة : شكلتي
العنود : ههههههه
( عافتني وراحت تركض لغرفتنة)
شيخ فهد بضحكة : شني ما صدكتي، راح تطيحين الفرخ
العنود بضحكة : يا يا شيخ ههههههه
رحت وراهة وحضنتهة وبستهة بشفايفهة وهي ما منعتني وحسيت روحي عريس بذيج الليلة
ولو آنا كل ليلة احسن روحي عريس وياهة
لجن هاي الليلة تختلف( مرت الأيام والشهور واليوم غزالتي صار عليهة ٧ شهور وآنا طاير بيهة)
(* *بغداد* * )
بقيت بعلاقه ويا الولد هذا وجان حيل حنون وياي ومراعي ظروفي
جنت اخذ جهاز امي اتصل عليه شويه وارجعه
ومن تصيرلي طلعه ويا اهلي اكولة ويجي يشوفني من بعيد ويروح
واستمرت علاقتنا تقريبا ٧ شهور
وكال راح ادز اهلي واتقدملج الاسبوع الجاي
واني بوقتها طرت من الفرح و احتاريت شلون ارتب الموضوع ويا امي
بس هو اقترح انه يدز ام نوري ويا امه حتى يسهل الموضوع
ومر ٣ ايام وجان تصير المصيبه اللي محد يتوقعهاالساعه 11:30 بالليل حسينا البيت صار منخل من الطلق واخواني مو بالبيت وابوية هم ما موجود بس اني وامي واخواتي ونورة والجهال
وبقى الرمي لحد الساعه 12:30 وبعدين سمعنة صوت هوسه وناس تصيح ما تخافون ربكم
بس نسوان بالبيت عيب على الرياجيل هيج تسوونواحنة امي تدفع بالجهال حتى يدخلون بالكناتير
واحنا متمددين بالكاع وايدينة على راسنة ونبجيحسينة البيت راح يوكع علينة من الرمي لحد ما
صارت الهوسه مالت الرياجيل واختفى الصوت والرمي
واحنا رحنا بحضن امي اني واخواتي والجهالوصارت الساعه 2:00 بالليل ومحد اجة لا اخواني ولا ابوي وامي بقت تبجي بقهر
وحتى نوره جانت خايفه لا عقيل انضرب بالرمي رغم احنا ما ندري همة جانو بالباب لو لا-------------------
وللحكاية بقية
مع تحياتي الكاتبة
(* حور العين *)
أنت تقرأ
فصلية الشيخ فهد
ChickLitرواية لفصلية من بغداد لا تعرف شيء عن حياة الفصليات وتبدأ حياتها من هناك في ارض الكوت العزيزة وتلقى ما تلقى هناك يا ترى هل تصبر على واقعها تعالو لنروي قصة الشيخ فهد وفصليته غالية ١٩/٣/٢٠٢٣ ١٥/٤/٢٠٢٣