فصلية الشيخ فهد

البارت الثامن والثلاثون

. غاليه بدموع : ولج اخاف اخاف عليجن ما تفهمن
ما صارتلجن عبرة بسببي
ماشفتن شسوو بية، ولج اني ممسوية شي
وشمروني مثل الجلب

سمر : والله احس بيج، بس شسوي دخل كلبي والله موبيدي

غاليه : هسة تسولفيلي شنو جنتو تسوون
سوالج شي مو سوالج

( ورجعت الطم
وخطية بقت لازمة ايدي وتبوس بيهة)

سمر : والله بس جان يحجي وياية
لان راح يروح، مبيناتنة شي بس نحجي بلتليفون

غاليه : وتخابريه يمعزاية من شوكت، بلة سمعوووج

سمر : لا لا اصلا اقفل الباب

غاليه : اطلعي من يمي سمر اطلعيييي

سمر: اي اي بس ارتب نفسي، باعي شسويتي بية

غاليه :اطلعيييي

( عافتني وطلعت واني حسيت راسي صار ثكيل
وراح يغمى علية
وفعلا غمضت عيوني وكعدت ثاني يوم الساعة ٨ الصبح، سمعت صوت اهلي جوة وصوت ضحك الشيخ وجلال، كمت بثكل باوعت لنفسي بلمراية
عيوني حمر حيل
نزل علكيف علمود محد ينتبه
ودخلت للحمام سبحت وطلعت علمود يروح الحمار من عيني لان منتهية من التعب والبجي

وكعدت وياهم عادي ومرت الايام وباجر يروح جلال
وسمر اتوسلت بية علمود بس تحجي وياه
واني رفضت كتلهة والله اكول لأمي عليج

وبليل راقبتهة وسويت نفسي نايمة
وشفتهة نزلت علكيف ودخلت للمطبخ
دخلت بسرعة وراهة كلت علمود ميجي يخاف
وجان اشوفة كدامي
من الصدمة حتى نسيت شلون احجي بقيت بس أأشر

جلال: خوية بس افهمج
بس اشوفهة والله

غاليه : جلال لا احد يشوفكم استر علينة

سمر: ابقي يمنة بس ٥ دقايق

غاليه : راح اوكف بلباب

( طلعت وكفت بلباب واني ميتة من الخوف ليجي أحد علينة، مديت راسي اباوع
وانصدمت!!
شفت سمر تبجي وجلال حاضنهة ويبوس براسهة
بلحظة حسيت بسعادة وراح مني كل الخوف
شفت الحب والحنان الي محاسته وية شخص بس اني املكة!!
مو شخص تشاركني بي كومة نسوان
ومقسم الف جزء على كل وحدة
وفجأة صحيت على نفسي وكلت كافي ليتمادون
كحيت ودخلت
وهم فزو وابتعدو عبالك ممسوين شي

جلال: اني اشكرج

غاليه : على شنو

جلال: لان قبلتي نتشاوف اني وسمر

غاليه : لا عادي، بس الله يخليك روح

جلال : صار صار

(راح، واني سحبت سمر من ايدهة وصعدنة فوك)

غاليه : ولج انتي متستحين

سمر : شنو

غاليه : شلون تحضنيه