فصلية الشيخ فهد

البارت الثامن عشر

( خليناهم يمشون كدامنة امي واخواتي وام سرى
وسرى اخذتني، رحنة هواية محلات حلوة
صح مو مثل الي ببغداد، بس حيل مرتبات
وبيهم ملابس نوم تخبل
اخذتلي كم قطعة حيل حلوات
واخذتلي ثوب احمر وطويل وبي فتحة على طول الرجل
واخذتلي حجول ٢، واحد منهم هوسة وبي هواية اجراس،. اني محبيته، بس كلتلي سرى هناك يحبون
هيج سوالف، واخذتلي ثوب اسود طويل
مبي فتحات بس وياه حزام ذهبي بالخصر ودلع حيل
وبي مثل الخيوط نازلة على الزند
وهواية شغلات بعد، خطية دفعت من عدهة، بس كتلهة من نرجع اخذ من أمي
وصار دنيا عصر

رجعنة دورناهم وملكيناهم، واني ميتة من الخوف
كلت مراح الكي امي بعد وخاف سرى متندل البيت

غالية : عفية والله خايفة اني

سرى : تخافين واني موجودة،. خلي نرجع للبيت

غالية : تندلين البيت؟!

سرى : يعني انتي متندلين بيتكم؟!

غالية : لا اندل

سرى : بعد شكو تسألين ههههههه

( رجعنة للبيت واني ميتة من الخوف
بس لا منلكيهم وامي تنقهر وتخاف علية)

وصلنة للبيت ولكيت امي واخواتي موجودات

ساهرة : هاي وين جنتو والله ضل بالنة

ام سرى : مو كتلج، سرى تندل البيت وترجع من متلكاني

ساهرة : شسوي يا عيني والله خفت هواية

ام سرى : هاي شنو مشتريات

سرى : هيج كم شغلة محتاجيهة

ام سرى : يلة بدلو ملابسكم، وسرى انزلي بسرعة نحضر العشى

سرى : تدللين

( صعدنة اني وسرى وبدلت ملابسي
وكلت لأخواتي يصعدون ويانة
خطية متقيدات جوة، وعدهم ولد خطية خاف يردون يدخلون، عاد بس امي جوة ميستحون منهة)

كعدنة نسولف بين متجي سرى لان نزلت تساعد امهة
وشوفت اخواتي الملابس
بس ملابس النوم مشوفتهم الهم لان ميصير
ورادن كم شغلة، كتلهم باجر اجيبلهم خطية
حيل حبو الشغلات

ونزلنة اتعشينة وكعدنة جوة

ومرت ٤ ايام احنة يمهم وحيل ارتاحيت لسرى
جانت حيل حبابة وكلبهة طيب وامهة هم حيل طيبة

ورجعنة للبيت واني احس اريد ابقى يمهم
حيل حياتهم بسيطة وحلوة، بس خطية ولدهم اتضايقو لان ميكدرون يدخلون براحتهم

ورجعت للبيت ونفس روتيني
كاعدة بغرفتي حابسة نفسي
مثل الي ينتضر ساعة اعدامه
ومرت تقريبا ٣ شهور ونص
واجانة ولد كال اني من الكوت ودزني الشيخ يكول اسبوعين ونريد تجيبون الفصلية
واني حسيت اجتي ساعة اعدامي
ولازم اواجه حبل المشنقة
بس اتذكرت كلام سرى وحيل صوت قوية
كلت لازم اثبت نفسي
واهتم بلشيخ بلكي يبادلني نفس الأهتمام