فصلية الشيخ فهد

البارت السابع

. ومرت ٣ ايام وجان تصير المصيبه اللي محد يتوقعها

الساعه 11:30 بالليل حسينا البيت صار منخل من الطلق واخواني مو بالبيت وابوية هم ما موجود بس اني وامي واخواتي ونورة والجهال

وبقى الرمي لحد الساعه 12:30 وبعدين سمعنة صوت هوسه وناس تصيح ما تخافون ربكم
بس نسوان بالبيت عيب على الرياجيل هيج تسوون

واحنة امي تدفع بالجهال حتى يدخلون بالكناتير
واحنا متمددين بالكاع وايدينة على راسنة ونبجي

حسينة البيت راح يوكع علينة من الرمي لحد ما
صارت الهوسه مالت الرياجيل واختفى الصوت والرمي
واحنا رحنا بحضن امي اني واخواتي والجهال

وصارت الساعه 2:00 بالليل ومحد  اجة لا اخواني ولا ابوي وامي بقت تبجي بقهر
وحتى نوره جانت خايفه لا عقيل انضرب بالرمي رغم احنا ما ندري همة جانو بالباب لو لا

وبيوم جنت بايت ليلتين عد غزالتي
ورجعت لاهلي ودخلت البيت

الشيخه فاطمه : يمه هلة بالناسي احبابه

( فتحت ايدي وحضنت امي)

شيخ فهد: شيخة، السموحه منج  عدي اشغال

الشيخة حور بغمزه:  الله يكثر اشغالك خوية

شيخ فهد : ملعونه نص حسج

شيخه حور بإبتسامه : اشتاكينة لطولك خوية

شيخ فهد : يعلم الله شكثر مشتاكلكم ، 
شنهي ما مش حس بالبيت؟!

شيخه فاطمه: نسوانك كلمن عد اهلهة وديتهن عبن ما زارنهم من زمان

شيخ فهد : احسن حتى اكعد وياكم، رايدكم بموضوع، بس بشروني شيخ عابد هنا يو لا؟!

شيخه حور:  لا ابوي راح هو واخوي كاظم البغداد عبن عدهم طلابه هناك

الشيخ فهد :بيهة الخير كومي سويلي استكين جاي وتعالو احجيلكم

شيخه حور :من بطن عيني

شيخه فاطمه: ان شاء الله خير

( كعدت وجاي اشرب الجاي)

شيخ فهد:  شيخه انتي  تدرين بيه متزوج العنود موش صح؟!

شيخه فاطمه كلبت وجهة : اي ادري

شيخ فهد: لجن اكو شي جنت ضامه عليكم

شيخة حور : شنهي  بس لا متزوج الخامسه ههههههههههه

شيخه فاطمه : انطمي انتي

شيخ فهد:  ملعونه شسوي بيهن ما كافي العدي

شيخة حور :  اخوي واعرفك تحب النسوان ههههههه

شيخ فهد:  شني  حور موش لهل درجه

شيخه حور : جا  شني  فتيت  كلوبنا

(  انداريت على امي  لزمت ايدهة باثنين ادية)

الشيخ فهد : شيخة  ردت اكلج مرتي  العنود

شيخه فاطمه بكلبة وجه : شمالها

يا فهد شيخه العنود حبله بشهرهة السابع

شيخه فاطمه لطمت على صدرها :  صخام الصخمك، كون الله ماخذني ولا السمعته منك
ولك حسافه بيك اسنين عمري تالي انت تعمل بينا هيج، عسة الله ياخذني واخلص
شيخلصني من السان ابوك
عزة العزاج يفاطمة

( كوة نريد نلزمهة انا  وحور
وامي فقدت وركضنة بيهة للمستشفى
وانا صار وجهي كركم من الخوف عليهة
وضليت ادعي علة روحي
كون الله ماخذني ولا الصار بأمي)

اخذوهة من عدنة ودخلوهة وحده من الغرف
وحور تلوم بية لحد ما صحت بيهة صوت يلة سكتت عني
تالي رحت حضنتها وضلينا حايرين بزمانة
وتالي طلع الدكتور وكال الضغط مالتها صاعد
ولزوم تكعد جم ساعه لحد ما يخلص المغذي
وانا حالتي حاله واختي حور نامت من كد البواجي

ورة جم ساعه
----------------
صاحني الدكتور وكعدت حور حتة نروح نشوف شكو كال تكدرون تاخذون المريضه وترحون

اخذت امي وهي دايره وجهة عني
وصلنة للبيت الساعه 2:00 بالليل
لكينا هوسه بالباب عفت امي و ركضت
واحس كلبي انخمش

الشيخ فهد:  شنهي شكو صاير شي احجو؟!

(الكل ساكت وانا باوع اريدن احد يحجي
لان احس الدم راح ينفجر من راسي)

الشيخ فهد:  ولكم تحجون لو شنهي

جاني من بعيد (رزاق) اليشتغل بالبستان

رزاق : شيخ، شيخ فهد الحك

انداريت عليه كوه وانا احس روحي ما شايلتني واريدن بس اعرف شكو

شيخ فهد : ولك شنهو  رزاق احجي

______________
ارجو التصويت للبارت🌺🌺🌺
--------------------

وللحكاية بقية
مع تحياتي الكاتبة
(* حور العين *)