فصلية الشيخ فهد

البارت السادس والثلاثون

غاليه : الو،. صباح الخير

جلال : الو، الو هلة خوية شلونج

غاليه : الحمدلله،. والله بالنة يمك ما وصلت

جلال: لا والله قبل نص ساعة طلعت وازدحامات
انا وال ١١ يالة اوصل

غاليه : على راحتك عيني،. بس اتصل على عقيل
من توصل لان خطية منتضرك

جلال: انشالله انشالله، ما محتاجين شي

غاليه : سلامتك عيوني، بس اوصل بسلامة

جلال: الله يسلمج خوية

غاليه : مع السلامة

( سديته ورجعتة لسمر خليتة يمهة
ونزلت طفيت الجدور وصعدت انام شوية
لان هسة ب ٧ وهو يتأخر عليمن كاعدة)

فزيت من النوم لكيت سمر واكفة يم الشباك وتباوع وتبتسم

غاليه : صباح الخير، شعندج هنا

سمر بأرتباك : صباح صباح النور

غالية : انتي شعندج دائما بلشباك لازكة

سمر : شعندي من الضوجة اباوع للشارع

غاليه : احاول اصدك، المهم اجة جلال لو لا

سمر : لا للأسف بعد

غاليه : وليش للاسف

سمر بضحكة  : انتي شكد اتدققين بلكلام، خلي انزل

( عافتني ونزلت تركض
نزلت وراهة لكيت امي كاعدة خطية تتريك)

غاليه : صباح العسل

ساهرة : صباح الخيرات يوم، ليش متعبة نفسج

غاليه : لا يوم بلعكس اني اصلا اتعودت اكعد

ساهرة: ربي يرضى عليج حبيبتي

( سويت زلاطة والخضرة نضفتهة
واحنة جاي نسوي سمعنة عقيل كال اجة الولد)

رحت لبست حجابي وسمر وأسماء يركضن كدامي لحدما امي عاطت بيهم ورجعو

جلال: الله بلخير

غاليه والكل: اهلاً وسهلاً

( دخل خطية تعبان، كتلة احضرلة الحمام بس مقبل)

راحو هو وعقيل يشوفون دكتور
واحنة طفينة الجدور وكعدنة
لان كالو منطول بسرعة نجي
وفعلا بعد ساعة ونص رجو وصبينة الغدة
وهلمرة كلنا كعدنة بس عقيل مقبل يكعدون اسماء وسمر ويانة، يكول عيب مياخذ راحته

كملنة وغسلت المواعين وخطية جلال كال تعبان
فرشناله بلأستقبال ونام
واني صعدت فوك ردت اتمدد شوية لأن تعبت
وامي وابوية بغرفتهم وعقيل راح للشغل
بقيت تقريبا ساعة ونزلت لان عطشانة

واباوع لكيت سمر واكفة وفاتحة باب الأستقبال وتباوع على جلال وتبتسم
بس مشفته كاعد لو نايم
اني متت من الخوف، كلت هسة يشوفوهة امي وابوية، سحبتهة حيل من أيدهة