قيودي محررة

الـ قيد 8

سَنلتقي ذات مَرة '

في نـهـايَـة ليلة او في مدينة مَـا '

سنلتقي على حافة طريق '

او في احدى الاغاني '

سنلتقي في احد الاحلام '

او ربما في عام قادم '

___ ___ ___ ____ ___ ___

امـ تمارة : تجهيزات العرس كلها كاملة " وبدت الحنة منها

الترگص ومنها تهلهل ومنها الضايجة وگالبة وجهة كل وحدة

بيهن شكل كل شوية تجي وحدة تسلم عليـَّ احس لسانهن

يحچي شكل وگلبهن شكل ثاني هي هاي الدنيا كل واحد نيتة

شكلل بدن الموجودات من عمات تمارة يرگصن بالنص

ويهلهلن كل وحدة تسوي حركات شكل وحدة تضوج بالثانية

مدري شبيهن ولا اهتميت بالي يم تمارة بنص الهوسة اصفن

واكول شلون بيهااا والله ما ارتاحيت لهذا العرس ابدد رغم

بيت عمها ويمي بس بنيتي صغيرة مو مال زواج وام عادل

ما راضية وما تريدها حتى عادل روحـة بغيرها كلنا ندري

بالغصب اخذها بس حتى يساعدنا ويسكت اهلة يعني

احس بنيتي زيادة عليهمـ '

سرى : عمة تعاييي گومي تمارة ورگصن سواا '

ام تمارة : ياا عمة ويني وين الرگص اني والله بطرانة '

سرى : گومي تمارة تستحي ما تقبل تگوم ويانا '

ام تمارة : هسة احاجيهاا "طبعا تمارة مطيعة لابعد

حد ما تعاند ابدد اي شي اگللها عليَّ تكولل اي '

- هاا ماما تمارة زينة ؟

تمارة : اي ما بية شي '

ام تمارة : گومي رگصي وي البنيات '

تمارة : لا استحي نسوان هواي '

ام تمارة : ميخالف ماما هن يريدن يشوفنـچ شلون ترگصين

بدلتچ الحلوة هايي يالله گومي وياي اني وياچ مااعوفـچ .