قيودي محررة

الـ قيد 24

لا تقل أنا حزين

قُل تؤلمني الجيوب الأنفية والطقس السيء

تزعجني شبكة الهاتف والرصيد الذي ينفذ

تؤلمني معدتي لأنني أتناول فطوري متأخراً

يؤلمني صوت السيارات في الشارع

تؤلمني عيناي من الحرارة الشديدة

قُل أي شيء لكن لا تقل قلبي

' الناس لا يعرفون القلب '

.. .. .. .. .. .. .. ..

بقلمي :- الكاتبة سنيوريتا

.. .. .. .. .. .. .. ..

ام تمارة :- كلنا تفاجأنا بكلام هند ' والمشكلة كلامها مبين

حقيقي وما تچذب على اي احد ' تحجي بـ بسرعة واندفاع

وتلهث ' كل كلمة طلعت من حلگها تحسها طالعة من گلبها

- كملت كلامها كلنا سكتنا ' اني انصدمت حيل ما توقعت

كل هل فترة بنيتي تدگ بالشمس والزرع واني اروحلها

العصر مأمنة عبالي بالبيت ومرتاحة ' مرات من اروحلها

اشوفها تعبانة بس اگول خاف من شغل البيت ما توقعت

الصار ابددد ما توقعت ام عادل عندها الجرأة تطلعها بعد

كلشي صارر احتاريت واحس مثل الثگل نزل على راسي

ما اعرف شنو احجي وشنو اتصرف شلون بنيتي تكمل

وياهم بهل بيت وهم يتنافسون على اذيتها وام عادل كل

يوم تطلعها بالشمس للزرع وهي طفلة ما تحمل شمس

وتعب

:- باوعت لبنيتي شلون ساكتة وتباوع بالوجوه ومبينة

خايفة من ام عادل خاف تأذيها بعدين ' حسيت بلحظتها

ما يفيد الكلام وحتى لو حچينا ما نگدر نغير شي حتى لو

اتغير ما نگدر نـسي تمارة تعبها اليوم طلعت شوية ساعتين

ورجلية وظهري مكسرات وعود ولدي ورجلي وياي ما