أفترگنا !
وجَره بنَهر أرواحنا المَوت ..
وبَياض گلوبنا عَ الروح بيَن !
أتفقنا نموت لگن وأحنه عَدلين
نضَحك بَس أكو بخاطرنا مَئتم ..
الهَوى يلاگينا لكن مَا مبيبن !
مَختنكين بَس نكول نَشتم
فترگنا بالليل ونايمَه الناس !!
خفنا مَن النهار الناس تعَلم
ترگنا رواحنا المَايرضن نَروح
بَدمعه العزيز أنريد نَسلم ..
الشمَاته تحَولوا بفراگنا حَجار
الطريق البيَ كبل نوكف
تلعَثم
رجَعنا منين ما جابتنا الايامَ
المَطر من ينزل من الغيَم مُرغم
كسرنا الحَجي البعيونا بمّاي
حتى اليقرا يلكا المعَنى مُبهم
جَمعنا همومنا بنَصين الفراك
ولكينا بذاكرة عَشرتنا مَنجم ..
أصعب موقف !!!
بلحظات الوداع من تشوف الجَنت تبني تهَدم
من تقوي كلبك وأنت مكسور مَا مهتم تبين ؟
وأنت مهتم ..
.. .. ..
الـ قيد 26 بقلمي الكاتبة سنيوريتا
احمد بقلق :- عادل اسمعني زين بشرى تريد تشوفك ؟
عادل :- شلون ووين شفتها ؟؟
احمد :- من رحت لخالتي شفتها بالشارع و...
عادل :- احمد تمارة حامل'
احمد :- صدكك تمارة حامل؟؟
عادل بيأس :- والله
احمد :- على الخير والبركة خوية فرحتلك وعلي الله يتمم عليكم فرحتكم وتشوفوا بعيونكم'
عادل :- شگلتلك بشرى؟؟
احمد :- سألتني عنك وكالت اريد اشوف عادل بهل يومين ضروري' امس شفتها واليوم اجيت للبصرة چنت بايت يم خالتي'
عادل :- ' چنت ناسيها وذكرتني بيها '
احمد:- معقولة عادل ينسى بشرى؟؟
عادل :- من فرحتي بحمل تمارة واصير اب للمرة الاولى نسيتها نسيت حبي ومشاعري لبشرى وحسيت بمشاعر جديدة بحمل تمارة
احمد :- وعلي فرحتلك حيللل
عادل :- شلون اكدر اشوفها ؟؟
احمد :- نروح اني وياك لبغداد ونخلي خالتي لو بنتها تروح لبيتهم وتگللها ' واذا ما تريد تشوفها مو بالضروري تروح تشوفها'
أنت تقرأ
قيودي محررة
Romanceآيـن يـذٌهِـبّ مِـن يـريـدُ مِـقآبّـلَـة نفسه ! الا يـوجدُ مِـكآن يـجمِـعَون بّـهِ آلَآروآح آلَتُآئـهـة ؟
