قيودي محررة

الـ قيد 16

ما الذي يجب على الإنسان أن يقدمه مقابل أن يطمئن

مقابل أن يهدأ مقابل أن يغادره القلق !!

...

فراشاتي ممكن تصويت وتعليق بين الفقرات

عادل :- مرت الايام بصعوبة بتعب بحزن بقلق بارق بعدد

اسبوع كامل من زواجنا اني وتمارة ونهى بعدها عدنا

گعدت الصبح لگيت عمامي كلهم متجمعين عدنا حتى عمي

محمد ابو تمارة ' حسيت بامل گلت ممكن اجو يرجعون

تمارة ' غسلت ودخلت سلمت عليهم '

ابو ارشد :- خوية ابو عادل احنا اليوم جايينكم نرجع نهاوي

لـ صادق وهذا هو اجى ويانا يعتذر منكم ويتعهد گدامنا

وگدامكم ما تتكرر وشوكت ما تريد تجيكم يجيبها '

ابو عادل :- خوية اني ما عندي مانع ترجعلكمـ بنيتي

اذا هي راضية فـ براحتها ما عندي كل اعتراض '

عادل :- عبالي جايين يرجعون تمارة طلعوا يريدون يرجعون

نهى الي صارلها اسبوع كاعدة عدنا ومعاندة ما تقبل ترد

لرجلها '

علي اخو عادل :- واني وعادل عمي ما عدنا اعتراض '

ابو سلام :- چا هاي هي انحلت ان شاء الله

صادق :- خوية عادل ما تصيحلها تجي ناخذ رايها ؟

عادل :- هسة خوية ثواني '' نهى ' نهى '

تعاي يردون يحاچوج عمامي ورجلج هنا موجود '

ام عادل :- انـة اجي وياها '

عادل :- براحتچ يمة ' دخلن امي ونهى سلمن وگعدن

ابو ارشد :- هاا عمي نهى ما اشتاقيتي لبيتچ لرجلج ؟

نهى بوجه عبوس :- رجلي لا اجى ولا سأل عني !

ابو سلام بضحكة عفوية :- بوية ردناچ تشبعين من اهلج '

عادل :- عمي ابو تمارة ما فتح حلگة بكلمة يباوع وساكت '