قيودي محررة

الـ قيد 17

مابالُ عقلي لا يُفارقُ غائباً

‏أضحى فؤادي من رحيلهِ خائباً

‏ذِكراهُ مِلحٌ والجروح مرارةً

‏ياليتَ قلبي عن ودادِهِ تائباً

.. .. ..

ام تمارة :- راحت تمارة وراحت روحي وياها گلبي وعقلي

يمها وبسس متعلقة بيها ما مفارگتها ابد حتى من اطلع

اخذها وياي بنيتي الوحيدة بعرسها رحت وياها وما فارگتها

من راحت حسيت بفراگها كأنما اليوم تزوجت البيت خالي

بدونها مالي واهس بشي حتى مالي واهس اطبخ رحت

لفراشها اشم بي وابچي تمنيت بهذيج اللحظة شخص

واحد بالدنيا مو هواي واحد  افتحلة گلبي احچيلة البية

ادري ابوها يسمعني بس مو مثل من اسولف لـ مرة اخت ام

صديقة عشت عمري وحيدة ومن زوجت بنيتي افتقدت

لاهلي انحرمت منهم واني بعدي صغيرة طفلة كلشي ما

افتهم انظلمت بسبب العادات والتقاليد ' واحس بالذنب

لان زوجت تمارة بهل عمر ' اعرف ممكن تمر بمعاناتي بس

اتمنى ما تمر بأي شي مريت بي لان فعلا المريت بي قاسي

وما ينحمل جرعت المحد جرعة واني طفلة والله طفلة '

- اني زينب عمري چان ما يتجاوز 13 سنة عايشة بديرة وي

اهلي ابوي شيخ عشيرة انطاني لـ محمد من ابو خطبني منة

من يوم تزوجت لهل يوم ما رايحة لاهلي غير مرة وحدة من

چان عندي بس احمد اتذكر بعدني ما حبلت بتمارة ماكو

تلفونات مثل هسة ويخابرون وماكو واحد يوصل للثاني

نسوني وما سألوا عني واني هم ما گدرت اوصللهم ولا

اعرف مكانهم صغيرة من تزوجت وصار عندي جهالي عشت

كل معاناتي وحدي ام محمد چانت قاسية حيل وتصرفاتها

تعبتني شسوي ما ترضة عليَّ وتگول زينب كلشي ما تشتغل