قيودي محررة

الـ قيد 9

جسَدي الذي امتلئ بالدِماء والجِروح '

القَديمة الشِفرة الحادة الممتَلئة بٍدمائي '

التي امسكُ بِها بين انامِلي البارِدة نَزيف معصَمي '

وتَساقط دموعي بِهدوء وكأنني لا اشعُر بِشيء '

ثُم افكار سوداوية تَتَراكض بمُخَيلتي '

تُحدثني ان انتهي وافعَلها .

__ __ __ __ __ __ __ __ __ __

بشرى : من بعد مـا سمعت بزواج عادل من احمد صديقـة
مـا اعرف شنو صار بية بس انقهرت حيلل وما گدرت اتحمل الخبررر حسيتة صدمة بالنسبة الي مَا صـدگتة كل شوية اصفن واگول معقولة عادل هسة يم تمارة ونساني معقولة هسة يجهزون نفسهمـ لعرسهم ويشترون ويحضرون على ذوقهم شلون هيج نساني بهل سرعة وبهل بساطة ما صار هواي على فراقنا ياريت مر هواي الخبر صدمني صرت اريد اروح للبصرة اشوفهم بس اعرف اهلي ما يقبلون ومااكدر اروح بدون علمهم ولا اعرف بيت عادل وين گعدت وسكتت من اول مـا سمعت بعقد عادل وباجر زواجة الى يوم زواجة واني بس ابچي رحت وي صديقتي حتى اسويلة عمل يتركها ويأخذني بسس ما فاد ما رجعلي عبالي يرجعلي
عبالي يجي ويكول بشرى حبيبتي مااعوفج ولا اتزوج غيرچ بس كل هذا ما صار صرت اموت بالدقيقة الف مرة الغيرة موتتني وعمت عيوني وحبي لعادل خلاني هيج خلاني الجأ للسحر والشعوذة والاعمال المحرمة چنت بس اريد يرجعلي بس اريد يصير الي ونرجع لبعض مثل قبل واحسن كل شوية وافكر اروح للبصرة واتردد بسبب اهلي اتمنى لوو احد يوصلي خبر عنة لو احد يگلي بعدة وياها لو تركهااا طول اليوم الـ سمعت بي عقدهم واني متخبلة ما گدرت انام لحظة وحدة من الليل وثاني يوم من الصبح رحت لصديقتي واخذتني لنفس المرة الي تسوي اعمال وشعوذة دخلت مباشرة ً لبيتها بدون سلام "

بشرى بـ عياط : مااا رجعلي حبيبي عادل ما رجعلي موو

گلتييي يرجعلج مو گلتي مااا يشوففف غيرجج شووو ما

رجعلي بقى الهااا اليومممم عرسهمم اليوم يخليهاا بحضنة

اليوم ينسانييي وياهااا ليشش هيج ليش چذبتييي عليّ

مووو گلتيي يرجعلججج ليش ليش ؟؟

زهراء : اجتني بشرى من الصبح واصرت اخذها ونروح سوا اول ما وصلنا چان بابها مفتوح هي دائما بابها مفتوح دخلت بشرى بدون حتى سلام صارت تعيط بكل حرگة گلب و صوتها سابع جااار يسمعةة عيطت لمن تعبت وصوتها راح كعدت بالگاع معصبة وتنزل دموعهاا '