أمسكت الهاتف ووجدته كريم بمجرد أن وضعت الهاتف على أذني، بدأ ذلك المتشرد بإغاظتي مجددا قائلا بمرحه المعتاد:
كل سنة وانت طيب يا بسكوتة!.... استخبى بقا الكام يوم دول عشان ده الموسم بتاعك حد يقابلك بشاي بلبن يطمع فيك!
ضحكت وقلت له:
لم أفهم ما علاقتي بهذا؟
فرد على باستنكار:
ايه ده أصلا؟........ اوعى تقولي انك مكلتش كحك لدلوقتي!
فسألته من فوري:
كهك؟!
فسمعته ينفجر ضاحكا وقد سعل فجأة يقول:
آها، كهك وبسكهوت وغوهيبة! بالـ ح يا بيه بالـ ح!
فصححتها:
كحك!
-ايوة هو ده ابو سكر عارفه؟
-اتقصد الكعكات المستديرة التى وضعت كأهرامات عليها سكر مطحون وملفوف بالسوليفان وأربطة الزينة عند محل الذى كان يبيع الكنافة برمضان؟
وللمرة الثانية سمعته يسعل وقال بصوت مبحوح:
الله يسامحك معرفتش اتهنى بالشاي.... أهو شرقت والباقي اتكب عليا!..... ايوة هو الكعكات المستديرة ده يا جريندايزر! المهم كلت ولا أبعتلك أنا؟
-لا لم آكله، كنت بالسوق مع مهتدي ورأيته لكنني شعرت بالحرج من الإشارة للحلوى!
-يا صغنن! خلاص يا سيدي ولا يهمك تعالى وأنا هعملك حبه منه!
ثم سمعته يخاطب شخصا ما بجواره اعتقدت أنه الرجل كبير السن الذي يهتم بالمكان في غيابه قائلا:
لا يا عم علام! مش بدعة والله!
أنا لا أحب التدخل في شئون الآخرين لكن هذا الحوار أخذ اهتمامي فسألته:
ماذا تعني بكلامك؟ وما هي البدعة؟
-لا ده عم علام كان بيشرب معايا شاي وسمعني وأنا بقولك هعملك كحك، فقالي انهم بيقولوا على الكحك بدعة.... بص البدعة معناها الاختراع عموما، لكن فى الدين معناها إنك تدخل تشريعات على الدين جديدة أو تزود وتجود من عندك، والكحك مفهوش أي تجويد على تشريعات الدين ومن زمن الزمن والمسلمين بيحتفلوا بالاعياد والمناسبات وبيعملوا أكلات خاصة بيها، ما حبكتش بقا على الكحك اللى هندِس فيه!
-هندِس؟ ماذا تعني؟
سمعته يضحك ثم تحدث متهكما بفصحى مهترئة:
أوه يا إلهي، ألا تعرف معنى يدُسُّ يا بيه؟ دي فصحى معناها يدفن، بس أنا اقصد أننا نمرر فرحته هو كمان، وبعدين الافتتاح بتاع فرع الساحل بعد التجديد بكرة جاي ولا؟
-لا أعلم قد آتي بعد الصلاة وقد لا أستطيع!
-هزعلك والله لو ماجيت على فكرة!
-حسنا سآتى لا تزعل!
قلتها بتلقائية بدون أن ادري أمام منتهز الفرص الوقح، فقال بصوت أشبه بروبوت:
-لا لست أنا من سيزعل يا صاح!.......المهم هستناك بعد الصلاة وهنتغدا سوا! يلا كل سنة وأنت طيب يا كهك!
أنت تقرأ
سنة أولى سُليمان "الوصول" انيجما 2
Adventureرحلة من الظلمات إلى النور، رحلة مهاجر هجر أرضه ودياره وهجر نفسه ليجد منزل جديد. رحلة ظلمة طريق ملحد إلى نور طرقات مؤمن ورع. من رون جي إلى سليمان نوڤيلا مكملة لرواية انيجما، من عام رون المخفى عن العين 🤍 بدأت 22/03/2023-01/09/1444 انتهت 07/04/2023...
