اسكربتات

اسكربت²⁸

=طلقني.
_ أطلقك ازاي واحنا لسة ماتجوزناش أساسًا.
= خلاص فركشني، أصدي كل واحد يعني يروح لحاله.
_ احنا لسة قارئين الفاتحة دلوقت، إنتِ مستوعبة!
= ماهو أنا مش بحب...ك.
_ هتحبيني والله وأنا متأكد.
= طب إنت ليه تظلم نفسك معايا يعني.
_ عشان بحبك.
"قلبي دق ومعرفش ليه وعيني برقت واتخضيت لإني أول مرة أسمع الكلمة دي"
_ سرحتي في ايه.
= ها... سرحت في إن إنت طولت، يلا اتكل على الله الجو أخر.
باحراج_ قلة ذوق بس ماااشي.
= مش قايلالك من الأول إني دبش وإنت قولت بحب الدبش! يبقى استحمل ياحلو.
_ هههه ماشي يا وردتي، باي.
" أنا إســــراء بدوي وشهرتي ورد، مش بآمن بحاجة اسمها حب خالص، دبش جدًا ومهمتي تطفيش العرسان بس العريس دا كلهم مصرّين عليه فحبيت ألعب معاه ووافقت بس مسيره هيطفش بردو"
- اتفقنا إن الخطوبة الجمعة الجاية يا إســــراء أتمنى تتخطبي زي باقية البنات وربنا يهديكِ.
= هههه حاضر يابو نسب حاضر.
- يا بنتي أنا أبوكِ احترميني شوية.
= اشطا ياسطا.
- مسيرك هتتغيري وواثق إنك هتتغيري على ايد أحمد خطيبك.
= مش خطيبي... لسة ملبسناش دِبل ياسطا وبصراحة كدا أنا مش عايزة أتجوز.
- الصبر من عندك يارب، عايزة تبوري يابت ولا قطر الجواز يفوتك وتقعدي في أرابيزي؟
= يا ماما، يابابا انتوا واخدين بعض عن حب أما أنا مش بعرف أحب ولا بحب عشان أتجوز.
- أيه كلام دا، دا واحد بيحبك وشاريكِ والله وبصي بقى أنا وافقت واتفقنا على كل حاجة والخطوبة الجمعة الجاية ومش عايز أسمع حرف.
= يااااني ياني، خلاص تمام أنا هعرف أطفشه بطريقتي.
- على جثتي إن عرفتي تطفشيه، يلا ادخلي اتخمدي جتك أحمد ياخدك على بيته هههه.
" دخلت وأنا خلاص فقدت الأمل في أمي وأبويا، محدش فاهمني خالص، طب أنا واحدة مجربتش قبل كدا إنها تحب أعمل ايه ياربي، لو كان ليا صحاب كنت شاركتهم غتايا دا بس للأسف، قعدت أفكر لحد ما نمت"
- يلا اصحي عشان الكلية، متتأخريش عشان المواعين مستنياكِ.
= يا فتاح يا عليم يا رزاق يا كريم، اصطبحنا واصطبح الملك لله يا سوسو.
- خلصي يابت.
" فطرت ولبست وروحت الكلية_فنون جميلة آخر سنة ليا خلاص_ روحت عند عمي سلامة بتاع الكاڤيتيريا"
= يا صباح الأناناس على أغلى الناس.
- هههه يا صباح الورد لأحلى ورد، ايه الغيبة الطويلة دي يا ست ورد.
= ااه يا عم سلامة، أهلي عايزيني أتجوز واحد مش بحبه.
_ وأنا الواحد اللي مش بتحبه
= ايه دا، يا خراشي إنت بتطلع زي العفريت كدا ليه.
_ جرا ايه يا خطيبتي دا كُليتي بردو ولا ايه ياعم سلامة.
- دا المعيد الجديد يا ست ورد، ياسي أحمد إنت اللي هتخطبها؟.
_ أه يا عم سلامة أنا خطيبها اللي مش بتحبه.
- متأخذنيش يا سي أحمد بس هي لسة صغيرة متعرفش الصح من الغلط بردو.
= جرا ايه يا سُولوم صغيرة ايه وخلاص باقي تيرم وأتخرج وكمان هتخطب للمعلم دا!
- يا ست ورد قصدي معندكيش خبرة في الدنيا، بصوا هقولكم حاجة، أنا اتجوزت واحدة كانت بتحبني جدًا بس أنا كنت عادي لحد ما الأيام وضحتلي إنها جدعة وب١٠٠ راجل ووقفت معايا اما قعدت من الشركة.
= دا ايه علاقته بعلاقتنا أنا والأستاذ دا بردو.
- أكملك بقى، المهم حطينا ايدنا في ايد بعض واشتغلنا احنا الاتنين وبقينا نصرف على البيت لحد ما ربنا فتحها عليا وبعد كدا هي زعلت من أمي وراحت عند بيت أبوها،كمية حزن غير طبيعية في قلبي إما مشيت واكتشفت إنها خليتني أحبها من غير ما أحس، كذلك انتوا...هتحبوا بعض وأنا متأكد.
= هيييح، هات القهوة ياعم سلامة أطفحها قبل ما أدخل الزفتة.
- هههه كابري كابري.
_ أنا بجد عايز أعرف إنتِ ليه دبش كدا.
= يعني معيد الكلية بحالها ودارس وعارف كل حاجة وجاي تسأل؟
_ اه جاي أسأل.
بدموع= أنا مش عايزة قلبي يتكسر زي اللي اتكسروا من الحب قبلي، بخاف من الحب ومن جراحه.
_ إســــراء أنا مدرك دا وعارف بس ممكن تديني فرصة طيب؟ فرصة بس وهخليكِ تحبيني والله.
" بصيتله وأنا عيني لسة مليانة دموع وحسيت إن كلامه صدق وإن هو بيحبني، بصيت في عينه أتأكد من صدق كلامه"
= تمام يا أحمد، بس اوعدني قدام عمي سلامة إنك مش هتجرحني.
_ بوعدك يا قلب أحمد.
= سلام بقى هدخل المحاضرة.
_ طب ممكن رقمك طب.
= خده من عمي سلامة، هات القهوة دي، سلاام يا معيد.
_ هههه سلام..... آآه أنا محتار معاها يا عم سلامة.
- علفكرا إســــراء طيبة وجدعها جدًا، إنت عارف! إســــراء مساعداني إني أعمل الكافيه دا وآكل منه عيش، أنا كنت جارهم بس دلوقتي نقلت وعارف إســــراء كويس جدًا.
_ بجد! مساعداك؟ وكمان عارفها؟
- اه يا سي أحمد، إســــراء زي بنتي بالظبط، كنت جارهم وصاحب أبوها ولما عرفت إني قعدت من الشركة شارت عليا إنها تساعدني بفلوسها في الكافيه دا وإما أقف على رجلي أرجعلها فلوسها وبالفعل رجعتلها بس رفضت تمامًا وقالتلي إنت أبويا وصاحبي ومرضاش إنك ترجعلي هديتي، المهم بقى هي زعلت مني وتوصلت إنها تيجي تشرب من عندي ببلاش ههههه، بص يابني إســــراء قلبها مكسور من صحابها وأهلها ووحيدة يمكن أنا الوحيد اللي بتحكيلي، قلبها أبيض من اللبن وفرفوشة بتحب الضحك، بس هي دبش عشان قلبها مكسور بالك لو حبيتك هتلاقيها رقيقة زي البنات والله، اصبر عليها وهي هتحن بس عايزك تعوضها ياسي أحمد عن كل تعبها دا.
= هعوضها، أنا بحب إســــراء جدًا يا عم سلامة وهخليها تحبني بعد الفرصة اللي اديتهالي إن شاء الله.
= المحاضرة خلصت وانتوا لسة قاعدين؟
- كنا بنتكلم عنك يا ست ورد.
= هههه أنا مهمة يعني وكدا!
بحب_ ضحكتك حلوة بجد، عايزك تضحكي على طول.
= سُولوم قوله إني بتكسف من الكلام الحلو.
_ ههههههه، طب يلا أوصلك يا خطيبتي.
= لاااا أنا بنت ناس أوي وعارفة إنك دلوقتي متحلليش عشان أركب معاك يا معيد.
بعيون لامعة_ بس أبوكِ عارف وقايله.
= احم... ط. ط. طب يلا، عن إذنك يا سُولوم.
_ ممكن أشغل أغنية!
= شغل يا حبيبي شغل ما إنت مش عامل حساب لربنا.
_ ههههه، دي بدون موسيقى، بتقولي حبيبي؟
= بقولها إما باجي أتخانق بس.
_طب متتقلش لحد غيري.
= شغل الأغنية طيب.
" شغل أغنيتي المُفضلة وقعدت أغني معاها ونسيت نفسي خالص وهو كمان قعد يغنيها معايا وفي الآخر قولت.... "
بخجل= معلش اندمجت شوية.
_ يامكسوف يا حلو، عادي ولا يهمك يا جميل مانا اندمجت أنا التاني.
= احم.. هو إنت عرفت إن دي أغنيتي المُفضلة ازاي.
_سمعتك مرة بتغنيها وحبيتها خصوصًا إنها رومانسية.
= البيت أهو، سلام وآه عربيتك لونها حلو وشيك، باي.
"روحت وأنا فرحانة وأنا شايفة حد بيهتم بيا زي أحمد وحاسة إني هحبه قريب، قعدت شوية لقيته بعتلي مسدج على واتساب وكان بيسألني عن المواد والدكاترة وكدا مش كلام جانبي وبصراحة احترمته في دي، سهرت لحد الفجر عمالة أفكر فيه وكمان جبت قراره من على صفحته على الفيس بوك وقعدت أدور وراه ولقيت بالصدفة في أكونت حد من صحابه في الكومنتات بيقوله بس يا بتاع E طبعًا أنا اتعصبت جامد وازاي بيحب واحدة غيري وبيجي يقولي دا أنا بحبك، اتضحلي في الآخر إني اسمي إســــراء وكدا هههه نسيت خالص، صليت الفجر ونمت"
- اصحي ياباشمهندسة.
= سيبوني نايمة أبوس ايدكم.
-طب واللي قاعد برا دا أقوله ايه.
= مين اللي قاعد.
- أحمد.
=قوليله حد يجي لحد الصبح كدا اييييه هو دم ولا ماية بسكر.
- صبح ايه، احنا العصر يابنتي.
" فوقت طبعا بسرعة صليت الأوقات اللي فاتتني ولبست الإسدال وطلعتله"
_ عاملة ايه دلوقت.
= الحمدلله على كل حال.
_ يدوم حمدك.
= احم، جاي ليه.
_ عشان نسيتي امبارح الكتب في العربية وكمان الاسورة دي.
= يا خراشي، ازاي دا، طب أنا آسفة متأخذنيش إني نسيتهم.
_ عادي يابنتي بتحصل.
بخجل= شكرا.
" أحمد شافني مكسوفة وحسيت بلمعة عينه وكمان مرسوم ابتسامة جميلة على وشه وأول مرة أشوف ملامحه حلوة كدا"
= سرحت في ايه يابني.
_ ها...لازم أمشي عشان ورايا شغل.
" مشي وأنا حسيتني زعلت ومش عارفة ليه، طبعا دخلت قعدت على الفيس كالعادة وعلى صفحته لقيت كتب بوست من دقيقة بيقول فيه"دائما اقع في حُب اللوحات، وأحداهن لديها عَينان تُغنيانِ عن الفنِ🤎". وكاتب E، أنا فرحت جدًا إنه قاصدني أنا، عدت الأيام وبدأت أتعلق بأحمد يوم بعد يوم واتعلقت باحترامه وأخلاقه معايا وإما بيحب ينكشني، مش عارفة دا حب ولا ايه بس أنا إما أبقى معاه بحس بأمان، اتغيرت كتيير وبقيت أحترم اللي أكبر مني وبقيت أتكسف كتير وهو يفرح بدا، بقيت بحب شكل دبلته في ايدي وأفتكر يوم الخطوبة اللي كان مليان ضحك وأنا وهو ضحكنا كتير على مواقف حصلت وكل ما أبقى فاضية أسرح في ملامحه الجميلة بخدوده الحلوة وعيونه العسلي، عدى ٤ شهور على الخطوبة وأنا خلاص قررت إني أعترف لاحمد بكل حاجة"
= أحمد، إنت مش ملاحظ حاجة؟
_ ملاحظ إنك اتغيرتي كتير للأحسن.
=مفتكرتش دا كله عشان مين؟
_ أكيد مش أنا، إنتِ لسة موثقتيش فيا.
= إما نكتب الكتاب أبقى أقولك.
" كتب الكتاب بعد بكرا على ألطف من خلاني أحب الحياة وأحبه"
_ مبروك يا عروسة.
= الله يبارك فيك يا عريس هههه.
_ طب ممكن حضن طيب إنتِ خلاص مراتي أهو.
= ههه مش دلوقت، عايزة أقولك حاجة.
_ اممم اتفضلي يا عيوني.
بعيون مغرورقة= أنا مكنتش أتخيل في يوم أوصل للمرحلة دي وأحب بجد، أنا كنت دبش ووحشة في تعاملي مع الناس ودلوقتِ بقى مفيش أرق مني، أنا كنت حزينة وسكة على باب قلبي أما دلوقتي فاتفتح، أنا اللي كنت بقول استحالة أتجوز بطريقتي دي وأديني اتجوزت، أنا اللي كنت استحالة أثق في حد تاني بس إما شوفتك وثقت واتعلمت كتير منك، كل اللي أنا عليه دلوقتي يا أحمد بسببك إنت، أنا بقيت أتفس هواك وأعشق كلامك واهتمامك بيا وأعشق كل تفصيلة فيك، أنا لو قعدت أتكلم مش هيكفي كلام ياحمد، أنا قدام كل الناس دي بقولك.... أنا بحبك يا عمري وأحلى ما فيه.
" خلصت كلام وجريت على حضن أحمد والمعازيم سقفت وكله يزغرط وكله فرحان بإسراء الجديدة بفضل من احمد، كله فرحان لفرحتنا وأحمد الفرحة مش سايعاه بيا"
بحنان= إنت بتعيط يا أحمد؟.
_ بعيط لإنك كنتِ حلم واتحقق يا إســــراء.

"تمســـك بـقلبي فإنـه يُحبك" ♥
بقلم/ إســــراء بدوي|وَرد.