اسكربتات

اسكربت³⁸

في الخلفية أم كلثوم وهي بتقول"غلبني الشوق وغلبني"
- سرحان في ايه ياعم.
_ شوفتِ إنتِ اللي بيبقى مشتاق لحد ومينفعش يتطمن عليه غير من بعيد بس ومينفعش يكلمه ولا هو ليه علاقة بيه أصلا؟ أنا تعبت ومش عارف أعمل ايه، نار بتاكل في قلبي وهي ولا دارية أنا خلاص عقلي هيطير من كتر التفكير.
- اهدى ورسيني على الحوار عشان أقدر أساعدك.
_مش هعرف أقولك حاجة، بعرف أغني أغنيلك؟ هههه.
- دا إنت تعبان بقى ونار الحب بتكويك هههه.
_ هييييح مش عارف ايه اللي جرالي فجأة، فجأة متخيلش حياتي غير معاها وبراقبها من على مواقع التواصل وبقت محور اهتماماتي كلها، كنت اللي عنده لا مبالاة ولا هامه أي حاجة، دلوقتي بقت هي كل همي، ازاي حصل معرفش بجد، الحب دا عبيط أوي يعني كنت طول عمري مش متوافق مع الحب وأتريق على اللي يحب ويغرم لحد ما شربت من نفس الكاس هههه.
- خير خير، هي لو خير ليك ربنا هيقلب موازين الكون عشانك والله.
_ يارب يكون ليا نصيب فيها، يلا قومي نامي عشان جامعتك.
- اوكاي، تصبح على خير
_________________________________
= حضرتك اللي هتعمليلي رسم القلب؟
- آه متخافيش دا على طول إن شاءالله.
= أومال مين اللي هيشوف النتيجة؟
- دكتورة عزة ولو في حاجة هتكتبلك علاج وإن شاء الله هتتحسني..... بس خلصت تقدري تاخدي الفحوصات وتطلعي ليها هي في الدور الخامس.
"ركبت الأسانسير وطلعت، دوخت وحسيت بضيقة نفس بس سندت راسي شوية وفوقت ودخلت عند الدكتورة"
- اتفضلي.....كله تمام مفيش أي حاجة، بس ابعدي نفسك عن المشاكل شوية.
= هي المشاكل بتخلص يا دكتورة؟
- مسيرها هتخلص والله، معلش بصيلي كدا ثانية، أنا حاسة إني أعرفك.
"بصيتلها وهي فرحت وشكلها عارفاني"
- هو إنتِ إســــراء.
= آه، هو حضرتك تعرفيني؟
- يااه ماما عاملة ايه وانتوا عاميلن ايه، أنا مرات عمك محمد اللي كان جاركم زمان.
= ياااه مش واخدة بالي بجد آسفة، عاملة ايه ورحمة عاملة ايه واحشاني أوي.
_________________________
_ ايه يا ماما أخرتي في العيادة يعني؟
- جالي ضيفة عزيزة عليا أوي فقعدنا ندردش وكدا.
_ مين بقى ست الحسن والجمال.
- إســــراء بنت عمك سيد.
" قلبي دق وعيني برقت وحسيت بشعور غريب أرجو إن أمي متلاحظش"
- كانت بتعمل رسم قلب وكدا، بس ماشاءالله تبارك الرحمن، البت عسل أوي.
_ اوكاي يا ماما آجي من شغلي بعد كدا ألاقيكِ اوكاي؟
- ماشي يابيلو ههه.
________________________
= قالتلي مفيش حاجة وأبعد عن المشاكل بس.
- هتبعدي ازاي يابنتي وإنتِ حياتك عبارة عن مشاكل بس.
= إن شاءالله خير وربنا دايمًا بيعمل الخير للإنسان وهو مش عارف إنه خير ليه.
- ماما هو حضرتك أخرتِ ليه أنا مثتنيكِ من بدري أوي.
= وجيت أهو ياحبيب ماما، يلا تعالى نتعشى وننام عشان الحضانة.
"أثناء العشاء"
- ياماما هو حضرتك بتعيطي ليه.
= عشان تعبت يا زين أوي وتعبت من كل الناس إلا واحد بس عارف مين!
- أنا ههههه.
= أيوا ياحبيبي، ربنا يخليك ليا يارب، يلا نسمع شلبي وسلوفان وننام بدري عشان الحضانة.
___________________________
_ ازاي يافندم تنقل مكتبي من غير علمي؟
- عشان إنت موظف كفء وممتاز فعشان كدا هننقلك للفرع التاني لشركتنا وأرجو عدم الجدال الكتير يابشمهندس وملحوظة مرتبك زاد ٢٠% عشان آخر ثغرة مكتشفها.
_ تمام يافندم اللي حضرتك تشوفه، هروح المكتب من دلوقتي ولا من بكرا!
- من دلوقتي المفروض تكون هناك الساعة ٧ وحاليا ٦.٣٠ فعلى ما توصل بقى.
"ركبت تاكسي وروحت وعمال أفكر ليه بينقلوني بردو مش عارف، الساعة ٧ الصبح وكله نايم وأنا مكتبي بيتنقل هههه! وصلت وقابلت المدير ورحب بيا جدًا وجه معاد البريك وطلعت برا الشركة أشم هواء وأجيب أكل لقيت المفاجأة!!!!"
= حاسب يازين الأيس كريم هيسيح منك كله بسرعة.
- بث دا كبير عليا ياماما.
= عشان النهاردة إنت جبت الأول على الحضانة وكمان اتكرمت فجبتلك الأيس كريم هدية عشان إنت  شطور.
" اتصدمت هو ازاي بيقولها ياماما؟ هي متجوزة؟ ازاي ومعاها ولد؟ أنا لازم أعرف"
_ احم... القلم دا ليك ياصغير.
- شكرًا ياعمو.
_ إســــراء؟ عاملة ايه؟
= الحمدلله، يلا يا زين عشان منتأخرش على تيتة.
"سابتني ومشيت وأنا واقف سامع صوت قلبي وهو بيتكسر، وخدت الصدمة جدًا لدرجة ضغطي وطي والأمن لحقوني"
- يابيه يابيه حاسب يابيه اصلب طولك كدا.
"قعدت شوية مع الحارس وجابلي عصير وفوقت شوية وطلعت عند المدير"
_ أنا آسف يافندم بس محتاج أمشي دلوقتي ضروري.
- تمام براحتك يابشمهندس بلال، العمال قالولي إنك اغم عليك ألف سلامة.
_ الله يسلم حضرتك.
"مشيت وعمال أفكر ازاي كل دا حصل وازاي هي متجوزة وازاي مرضتش تتكلم معايا كدا، هي عارفة إني معجب بيها من ساعت ما كانت جارتنا، يارب أنا مش حمل صدمات يارب"
~~~~~~~~~~~~~~~~~~~~~~
- تيتة في راجل طويل جه واداني القلم دا شوفي جميل ازاي؟
= بلال ياماما ابن عمي محمد اللي كان جارنا.
- ليهم واحشة والله، إما مشاكلك تتحل إن شاءالله يبقى أروح أزورهم.
- ياماما هي المشاكل دي هتخلث امتى عايز أروح المثيف بقى.
= هههه يا لمض، إما آخد حضانتك وتعيش معايا مش مع أبوك.
- مش إنتِ واخدة الحضانة والمدرثة والجامعة كمان!
= ههههههه خلّص غدا عشان تكتب الواجب.
- الذنب عليا أنا، أنا السبب في الجوازة المنيلة دي.
= ياماما دا نصيبي ومهما كان صعب بس هو خير ليا وربنا ليه حكمة في كل حاجة.
- ربنا يكرمك بابن الحلال اللي يستهلك يارب.
= يارب ياماما، المحامي اتصل ببابا وقاله الجلسة بكرا يارب آخد حضانة زين يارب.
___________________________
- جيت من الشغل بدري يعني!
_.......
- مالك ياضنايا فيك ايه.
بدموع_ أنا النهاردة شوفت إســــراء، وكانت ماسكة ابنها في ايدها ياماما، وانا اللي راسم حياتي معاه هي.
- اهدى ياحبيبي وتعالى في حضني ومتخافش هكلم أمها وأشوفلك الدنيا، متعيطش بقى دموعك دي غالية والله.
_ كلمي أمها وافهمي منها ياماما، أنا حاسس إن روحي بتطلع مني والله.
- طب ادخل صلي العصر ونتغدى وبعدين أنا هشوف رقم أمها ونشوف الحوار.
______________________
- أنا عايز الواد وعايز أحرمها منه وهعرض عليها عشرة مليون جنيه.
- مش كتير يابيبي على الجربوعة دي!
- جربوعة! إنتِ تيجي ايه فجمالها بس، المهم الجلسة قربت ولو عصلجت معايا هسيب الواد ونجيب دستة منك بقى وأمرنا لله.
- هههههههه.
_____________________
_افتحي الاسبيكر.
- آلو اذيك يأم محمد عاملة ايه، أنا أم بلال.
- الحمدلله على كل حال والله كنتِ لسة في بالي وبقول لإسراء إما نروق من المشاكل دي هروح زيارة لأم بلال.
- تنوريني فأي وقت ياحبيبتي والله.
- تسلميلي ياحبيبة قلبي.
- أومال إســــراء كانت جاية عندي العيادة وبتشكي بقلبها ليه ألف سلامة.
- والنبي يأم بلال البت من ساعت ما اتجوزت الجوازة الشؤم دي وهي تعبانة وفي مشاكل.
- هي اتجوزت ومنعرفش ياولية!
- اتجوزت ومن تاني أسبوع جتلنا وقالت مش هروح دا واحد مش محترم ويعرف عليا بدل الواحدة عشرة وبعديها بشهر عرفنا انها حامل والواد متربي في حضنها ومش بيشوف أبوه خالص، حتى رافع عليها قضية عشان حضانة الواد تكون معاه هو.
- لا حول ولا قوة إلا بالله، كان اختيار إسراء الراجل دا؟
- كان اختياري أنا يام بلال ومن ساعتها الندم بياكل فيا والله وكله يرجع للنصيب.
- خير ان شاءالله، هنيجي أنا وبلال نباركلكم ان شاءالله على مكسب القضية.
- يارب نكسبها يارب.
" طول المكالمة وأنا محروق وقلبي اتحرق، يعني هي كانت مجبورة على الجوازة واتطلقت تاني اسبوع ومعاها ابن وعايشة دا كله في مشاكل وأنا عايش معاها في عالم الخيال؟"
_ انا عايزها حتى لو ايه، وكمان جوزاتها كانت غصب مش برضاها، عامةً أنا متيم بيها ياماما ومش شايف واحدة مراتي غيرها.
- ماشي يابلال ربنا ييسر الحال.
__________________________
= بتكلمي مين ياماما؟
- دي أم بلال كانت بتسأل علينا ربنا يديها الصحة.
= فيها الخير والله.
"طب أنا بفكر فيه ليه، بأي وش أفكر فيه وأنا يعتبر بعته، يارب اللهم إني استودعته عندك لو خير ليا رده ولو شر ابعده يارب''
- هيييه جدو جه.
- قلب جدو ياناس......إسراء الجلسة بكرا اعمليلي شاي وتعالي أقولك المحامي قال هنعمل ايه.
= حاضر يابابا.
_________________________
_ حضرتك عايزة ايه بالظبط.
- يا أستاذ بلال قصدي نتعشى سوا في مطعم على النيل زي أي اتنين زملاء عادي.
_ وليه أنا بالأخص طب ما في خمسين موظف غيري.
- عجبتني ودخلت دماغي.
_ طب بعد اذنك اتفضلي برا أنا مش عايز قلة ادب ولو سمحتي ملكيش معايا أي تعامل بعد كدا اوكاي؟
- طب وكدا؟
" شدت جاكت بلال عندها كنوع من أنواع الاغراء بس بلال فاجئها بكف نزل على وشها سمع الشركة كلها"
- إنت ازاي تضربني كدا ياجبان.
_يلا ياتربية الشوارع برا، أنا سجلتلك ريكورد وحاليا المدير جاي وهيرفدك.
- ماشي أنا هوريك.
_ بلاوي بتتحردف علينا من حيث لا ندري بجد.
" طلعت برا أشم هوا كعادتي طبعا البت دي شمال وبتعمل مع الموظفين كدا ومعظمهم بيستجيب، بس حارس الأمن أثناء واحنا بندردش شافها واقفة بعيد حذرني منها، المهم طلعت برا الشركة وقعدت مع حارس الأمن شوية وشربنا شاي وبصراحة القعدة معاه كإني قاعد مع ابويا او حد كبير، بيفدني بخبرته وحاليا بقينا أصدقاء رغم إن دا مضايق الموظفين كلهم"
__________________________
= الحمدلله كسبنا القضية وزين هيفضل معايا طول العمر حتى لو اتجوزت.
- ربنا عالم بيكِ يابنتي وعالم أد ايه إنتِ طيبة وقلبك أبيض.
_ اذيك ياعمي، صدفة جميلة والله.
- ايه دا اذيك يابلال يابني عامل ايه.
_ الحمدلله شغال في شركة هنا والحال تمام الحمدلله..... شكلكم طالعين من المحكمة.
- اه الحمدلله كسبنا قضية حضانة زين ابن اسراء.
_ طب الحمدلله، بقولك ياعمي كنت عايز آجي أشرل معاك شوية كمان يومين كدا.
"بصيلي بقى طول مانا بكلم أبوكِ باصة في الأرض ليييه"
- تنور في أي وقت ياحبيبي.
_ ربنا يخليك ياعمي........ ألو ياماما أنا كلمته أهز كان لسة طالع من المحكمة مع البسبوسة أصدي إســــراء.
- وقالك ايه ياموكوس.
_ قالي تنور في أي وقت، كلمي أمها بقى وظبطيلي الدنيا.
- ههههه عشت وشوفتك وإنت هايم بحد كدا هههه.
_ أعمل ايه بقى، الحب وعمايله هههه.
__________________________
- الواد ابن حلال وشاريكِ يا إســــراء.
= ربنا يقدم اللي فيه الخير يابابا.
- فعلا بلال عارفينه وعارفين أخلاقه وأدبه ربنا يعوضك اللي راح منك يابنتي يارب.
= يارب ياماما، المهم زين دلوقتي لو حصل نصيب هيعيش معاكِ ولا معايا.
- في المكان اللي يريحه واللي يحبه.
~~~~~~~~~~~~~~~~~~~~
_ شكلي حلو كدا، ولا بالجاكيت أحلى؟
- حلو في أي حاجة والله.
_ طب بتعيطي ليه ياماما، المفروض تتبسطي مش تعيطي!
- أخيرا شوفتك عريس ياحبيبي.
_ يعني ألغي الرؤية الشرعية ونفضل نعيط هنا؟
- تلغي ايه دا أنا ما صدقت هههه.
_ طب يالا بينا ونسيب السنيورة اللي اديلها ساعتين بتلبس دي.
- خلاص بلبس الكوتش أهو ههه.
_ اسبقيني وصوريني فيديو وأنا داخل بالبوكيه هههه.
- شقي من يومك يابل هههه.
_______________________
= ايه رأيك يازين شكلي حلو؟
- الله إنتِ عاملة زي ثندريلا ياماما.
= حبيبي ياناس ههه، بص بقى يبقى اطلع سلم على عمك بلال وادخل تاني ماشي!
- هو دا اللي ادالي القلم!
= اه هو، اطلع سلم عليه سلام رجالة وادخل اوكاي ياحبيبي!
- حاضر يامامتي.
- يلا يا إســــراء رحمة جت تصور فيديو تعالي هههه.
= من يومها وهي مجنونة هههه.
- العروسة وصلت ياحارة، ياختي قمراية اضحكي يابت دا أخويا بلال حتة سكرة وميستهلش الا ضحكة حلوة.
= مجنونة والله، تعالي في حضني ياكلبة وحشاني.
- دا أمر من بلال والله هههه، أوبا دا وصل، افتحيلي البلكونة ههه.
" قلبي دق ووشي احمر، ياختاااي دا جه بجد أنا مش قادرة أستوعب ههه، وصلوا ودخلوا الريسبشن ولازم أدخل بالعصير دلوقتي، أنا هموت من الكسوف يارب استر، حاسة اني بتجوز أول مرة"
= احم...السلام عليكم.
_وعليكم السلام ورحمة الله وبركاته
وعليكُم الحُب و علىٰ قلوبِنا الرَّحمة وبَركاتٍ منهُ علىٰ هذا الوجهِ الصَّبوحِ ثم السَّلام لكُم مَابقيتُم لَنا!
اللَّهم لكَ صُمت وبكَ آمنتُ و لمَّا رأيتُ عُيونها أفطَرت، ذهبَ عَقلي وابتلَّ قَلبي وثبتَ رأيي عليهَا إن شاءَ اللّٰه!
- ايه ياعم امرؤ القيس براحة ع البت ههه.
- هههه، طب يلا بينا نسيبهم خمسة.
_ خمس ساعات! ولا خمس أيام هههه.
- خمس استظراف هههه.
_ طلعوا أهو ما تبصيلي بقى.
= احم عايزة أسألك سؤال، ليه عايز تتجوز واحدة اتجوزت قبلك مرة.
_ عشان الواحدة دي حلم والأحلام مش بنتخلى عنها بسهولة كدا حتى لو غيرنا حقق نفس الحلم.
= نظرة الناس ليك هتكون مش كويسة وخصوصا إن احنا في الأرياف.
_ ميهمنيش كل دا، يهمني بس ان إنتِ تكوني معايا.
= طب وزين ابني.
_ اكيد هيعيش معانا، أنا حرفيًا معتبره زي ابني وأكتر رغم إني شوفته مرة واحدة، كفاية إنه حتة منك.
- ماما، أدخل!
= هههه لسة كنا جايبين في سيرتك، تعالى سلم على عمو.
_ عمو مين إنت تقولي يابابا أوكاي!
- هيييه بابا.
= هههه يلا يا زين روح عند تيتة.
_ واد عسل والله، ها أي أسألة تاني ولا نقرأ الفاتحة!
= نقرأ الفاتحة.
" بلال عوض ربنا ليا بجد، كإن ربنا بيكافئني بيه،  الفرحة دخلت حياتي من تاني وكإني مالكة الدنيا وما عليها بجد"
_ طب ايه! النهاردة عيد جوزانا الأول.
= ألف مبروك نعمل ايه يعني!
_ وهو دا سؤال بردو، عايز عشرين جوز حمام أرم عضمي بيهم ومتجبيش بط كفاية البطاية اللي قدامي دلوقتي.
= ههه أكيد بتهزر.
_ هروح الشغل وأجيب أكل وأنا جاي متعبيش نفسك ياحياتي.
- بابا، هاتلي مثاثة بالفراولة وإنت جاي.
_ حاضر ياسي زين.
" روحت الشغل وطلعت بدري شوية وروحت عند... "
- هييه بابا جه.
_ قلب بابا ياناس، جبتلك علبة مصاصات بس كل ماتبقى شاطر ومتفوق في الحضانة هتاخد واحدة هدية اوكاي! خد أول واحدة أهي، اتفضلي يا اسراء الأكل.
= مالك يابلال زعلان من حاجة!
_ تعالي بس ندخل الأكل وناكل وبعدين أقولك.
"كلنا أكلة السمك من اللي بتاخد القلب دي، حاولت أضحك بلال وبيضحك بس هو فيه حاجة وأنا قلبي بيتقطع عليه، خلصنا أكل وغسلت المواعين وعملتلنا شاي وقعدنا في البلكونة شوية"
= مالك يابلال متقلقنيش عليك.
بدموع منهمرة_ أنا عندي مشاكل في الخلفة يا اسراء بس هتعالج وهاخد سنتين أو أكتر.
= طب وفيها ايه يعني!
_ يعني مش هتسبيني طول حياتك!
=متفكرش كدا تاني، إنت رزقي في الحياة، في حد بيسيب رزقه ويمشي!
_ طول عمري بقول تلقاه اللي بيحصل في حياتي دا صدفة وإن إنتِ تتجوزي وتنفصلي وتخلفي دا صدفة مش أكتر بس دا طلع حكمة ربنا سبحانه، يعني ربنا سبب الأسباب وجعل كل دا عشان عالم إني هأخر في الخلفة فرزقنا بزين يعوضنا دا كله.
بدموع= كنت على طول بقول أكيد ربنا ليه حكمة وعرفتها دلوقت ههههه، روّق ياعم ويلا نقوم نصلي ونشكر ربنا على كل اللي حصل.
_ ربنا يخليكِ ليا إنتِ وزين ويرزقني منك إما أتعالج بدستة عيال إن شاءالله هههه.

"تـمسك بـقلبي فإنـه يُــحبك♡゙."
بقلم/ إســــراء بدوي|وَرد.