اسكربتات

اسكربت¹³

_ عارف تستاهلي حد غيري بس لسة شايف.... إن إنتِ ملكي مهما قولت ببقى خايف.. تختاري تمشي وقت ماتلاقيني تايه.
- ايه ياعم الرومانسي، مش عارف توصل لحبيبتك ههه!
_ بطل ياض إنت وملكش دعوة بيها، إســــراء خط أحمر فاهم!
- خلاص ياعم الحمش ههه.
_ أبو شكلك، هي ريحة بؤك عاملة كدا ليه هو إنت بتشرب؟
- بشرب ايه! آه بشرب حشيش وبشم بودرة وخاربها ماتيجي تاخد نَفس هههه.
_ يلا يا سرنجاتي يا حيوان، من النهاردة ولا تعرفني ولا أعرفك اتفو على دي أشكال.
ـــــــــــــــــــــــــــــــــــــــــــــــــــــــــــــــــــــــــــ
- روحتِ فين يا إســــراء قلقتينا عليكِ.
= روحت مكان ما روحت بقى.
- اختفيتِ في الأجازة ولا بقيت أشوفك ليه، ايه اللي حصل!
بحزن= أنا سافرت يا أسماء وممكن مارجعش تاني.
بخضة- إيه؟ سافرتِ فين طيب وليه عملتِ كدا !؟
= معلش بقى اعذريني، سلام عشان ماما بتنادي.
"قفلت السكة وانهارت بعديها من العياط، هو السبب إنّي أسافر، هو كل مشاكلي في الحياة، مشكلتي إني بحبه، أنا كنت بحب محمد زميلي في الدراسة مكنش حد عارف بحُبي ليه، عُلا صحبتي جت في مرة وقالت إن هو باسها وهيتقدملها بعد التخرج وبيحبها جدًا، ساعتها اتصدمت وقررت إني أسافر في الأجازة إسكندرية يمكن أنسى"

- الدراسة هتبدأ كمان أسبوع يا إســــراء ولازم نسافر القاهرة بكرا.
= ليه نسافر طب، أنا أصلًا  داخلة سنة رابعة وممكن أروح على الامتحانات بس.
- أنا شغلي وكل حياتي هناك يا إســــراء، احنا جينا نصيف وهنمشي تاني مش هنستقر هنا خالص.
= اللي تشوفه يا بابا.
- جهزي شنطتك بقى.
" هرجع تاني وهشوفه تاني وهشوف علا وهي بتحكِ عنه وأنا أموت من الغيرة، يارب لتجعله من نصيبي لأنساه يارب لإني خلاص مبقاش فيا حيل"
ـــــــــــــــــــــــــــــــــــــــــــــــــــــــــــــــــــــــ
"في القاهرة"
- يا محمد أنا كلمت إســــراء.
_ بتهزري، ط ط طب هي فين، قالتلك ايه وايه اللي خلاها تختفي.
- إســــراء سافرت وممكن مترجعش تاني.
بحزن_ طب ليه عملت كدا وليه تمشي من الأساس، حد زعلها؟ لو حد زعلها هدفنه.
- محمد أكيد في حاجة خلت إســــراء تسافر، إســــراء آه بتحب السفر والخروجات بس مع صحابها مش لوحدها، فاهمني!
_ فاهمك، بس الدراسة الاسبوع الجاي هي هتعمل ايه ولا هتنقل دراستها مكان ما سافرت ولا ايه؟
- مش عارفة والله..... إســــراء صحبتي عشرة عمر وكل أسرارها معايا بس ساعات بحسها مخبية حاجة عني بالإضافة لسفرها المفاجئ من أول الأجازة، في حاجة حصلت بجد.
_ ربنا يقدم اللي فيه الخير، سلام.
"ليه تمشي وتسافر، ليه هو أنا زعلتها في حاجة طيب، أنا فاض بيا ومش قادر أتحمل فراقها كدا، أنا آه بحبها وبموت فيها لكن هي متعرفش ولا حتى بنكلم بعض، بهتم بيها من بعيد لبعيد لكن بردو متعرفش، يارب إنت عالم بيا، يارب ترجع في أقرب وقت"
- محمد أخوك جاي بكرا من السعودية يبقى روح استقبله في المطار لإني تعبانة ومش هقدر.
_ حاضر يا ماما بس امتى؟
- ستة الصبح تكون هناك.
_ حاضر، تصبحي على خير.
ـــــــــــــــــــــــــــــــــــــــــــــــــــــــــــــــــــــــــ
"في الصباح، مدينة الإسكندرية"
= بابا معاد الطيارة امتى؟
- دلوقتي يا قلب بابا، يلا