اسكربتات

اسكريبت ³⁵

- جاي بكرا.
= وأنا مش هقعدلك في البيت ياستي عشان ترتاحي.
- يابنتي فيها ايه يعني! هتشوفوا بعض ولو في قبول ماشي ولو مفيش خلاص.
= لأ أنا مش جاهزة ومش عايزة أقعد مع حد ياماما.
- طب وأمه اللي اتصلت وقالت إنهم هييجوا بكرا هقولها ايه؟
= معرفش بقى، أنا داخلة أنام.
" دخلت الأوضة وأنا هموت من الغيظ من ماما، أنا لسة 19 سنة، أتوكع إني بورت هههه، معاكم إســــراء بدوي معروفة ب"وَرد" كان فرح أخويا من شهر وطبعا العين على أخت العريس بحكم الأرياف وكدا  وخصوصًا إني قمر خالثث المهم بقى جالي بعدها عرسان كتير جدًا يعتبر كل تلت أيام عريس ههه من ضمنهم بقى أخو مرات ابن عمي فهمتوا؟ المهم بقى أنا رافضة تماما وكدا وبس، نمت وصحيت الفجر أصلي لقيت بابا قاعد بعد الصلاة مستنيني"
- يا إســــراء يابنتي، أنا أبوكِ وعندي خبرة في الحياة عنك وأعرف عن الدنيا دي كتير جدًا بس أبو بلال كلمني النهاردة في الشغل وقاللي إنه مش والدته اللي شافتك في الفرح دا هو اللي كان شايفك قبل كدا وقال لوالدته عليكِ وقالتله بعد أخوها ما يتجوز فيا حبيبتي الولد لسة قدامه سنة جيش فيعتبر هتتحجزوا لبعض السنة دي وخلاص.
= مع احترامي ليك يا بابا بس أنا مش موافقة، أنا ليه أحط نفسي في حياة أكبر مني وإشي خلفة ومسئولية وهم وحزن وأنا لسة أولى كلية، يابابا اللي نصيبي فيه هيجيلي لحد عندي وخلاص الحوار خلص.
- براحتك يا إســــراء خالص براحتك.
" اوووف بجد من حوار الجواز دا، فطرت وقضيت اليوم عادي ونمت بدري عشان الجامعة وبجد بكره الجامعة باللي فيها"
- يامساء الخير على ورد الدفعة.
= إنت لو كل شوية تفضل تضايق فيا يا أخ إنت أنا هقول للمعيد وهعملهالك فضيحة خصوصًا إني مبخفش من الفضيحة ها.
- طب وريني هتعملي ايه ياحلوة.
"لقيت نفسي في عربية ومحاوطني شابين وحاطين على وشي قماشة، أنا اترعبت، أنا اتخدرت واتخطفت، أعمل ايه يارب، يارب خليك معايا يارب، استرها معايا أنا أَمَتك الضعيفة، عملت نفسي نايمة لحد ماودوني لمكان كدا غريب، أنا في حالة صدمة، قلبي عمال يدق وحاسة إني هموت من الخوف، تخيل إني مخطوفة وممكن يعملوا فيا أي حاجة دلوقت ومليش مأوى غير ربنا؟( تخيلي نفسك دلوقت مكاني مين هيكون جمبك غير ربنا؟ ياجماعة بجد توبوا وارجعوا لله فإنا له وإنا له راجعون، تعمقوا في الجملة هتحسوها كبيرة أوي بجد) قعدت أدعي كتير كتير لحد ما سابوني في بيت كدا ومشيوا والزفت اللي اسمه حسن في الشقة، رش عليا ماية وفوقني وأنا عملت نفسي قمة البرود عشان أعصابي، أحلى حاجة إن ربنا زارع الأمان في قلبي رغم الموقف الخطير دا"
- وبعدين؟
= إنت تتقدم تخطفني ترميني تحت قطر أنا مش هقبل بيك متتعبش نفسك.
- المفروض تكوني خايفة دلوقت.
= وأخاف ليه وليا رب اسمه الحفيظ؟
" لفجأة سرح في كلامي وحاسة إن كلامي أثّر فيه"
- أنا مخلتهمش يلمسوكِ ولا يقلعوكِ الحجاب عشان أنا اللي هعمل كدا.
= والله متقدرش إنت مهما عملت ومهما بلغت من القوة إنت عبد للقوي المبين.
- يابنتي، أنا هموتك بايدي دول.
= موتني يلا أهو.
-...... أنا ماشي دلوقت وهسيبك محبوسة هنا شهر لحد ماتيجي تركعي تحت رجلي.
بسخرية= ههههه حاضر هاجي.
" مشي وأنا قعدت أعيط وأصلي وأدعي ربنا كتير، دا واحد بيحبني واتقدم ورفضته فكل شوية كان يضايق فيا لحد زي مانتوا شايفين، ربنا ألهمني إني أفتح الشباك أشم هوا لقيت إن احنا دور أرضي ولقيت واحد ماشي في الشارع فوقفته وشرحتله موقفي، ادالي تلفونه واتصلت ببابا أقوله وخليت الشخص يشرحلي المكان فين وكدا والحمدلله بابا جه ومعاه شرطي وخرجت روحت القسم أقدم بلاغ وبعدها حضنت بابا وفضلت أعيط أعيط، تخيلوا كدا لولا اليقين في ربنا والظن الخير فيه كنت هلكت خالص، الحمدلله على كل حال بجد، روحت وأمي قعدت تعيط وتحضن فيا وأنا كذلك وقلبناها محزنة هههه، طبعا محدش يعرف كدا غير أهل البيت بس"
°°°°°°°°°°°°°°°°°°°°°°°°°°°°°°°°°°°°°°°°°
_ردوا قالوا ايه ياماما.
- لسة يابني لسة.
_ طيب والعمل.
- اصبر ياحبيبي إما تخلص جيشك وبعدها يحلها ربنا.
_ نصبر وماله نصبر، أساسا الجيش بتاعي هكون فرد أمن في جامعة القاهرة اللي هي فيها.
- يلا أهو ربنا بيوفقك أهو هههه لاعبة معاك إنت.
_ نسأل الله التساهيل يام بلال هههه.
- قوم ياحبيبي اعملنا العشا طيب وغلاوة إســــراء عندك.
_ يووه احنا هنبدأ بقى في الشغل دا هههه؟
- دا إنت إن شاء الله هتتجوز صاروخ أرض جو بجد هههه.
_ ياماما يا شقية هههه أنا قايم عشان حرارتي ارتفعت منك هههه.
"""""""""""""""""""""""""""""""""""""""
= واه! في ايه؟
-احم.... أنا بقى كحودا أخوكِ مش هنزلك الجامعة تاني غير على الامتحانات، ليه بقى؟ عشان إنتِ نفسك ذات نفسك فتنة للشباب تمام! والواد الحيوان دا احنا وولاد عمي خدناه المصنع وهنكهربه ودا طبعا بواسطة من الشرطة.
= هههه أحلى حاجة في كلامك إني مش هنزل الجامعة.
- طيب ياورد، ماتشغليش بالك بقى بالحوارات بتاعت الواد دي.
= اشطا يازميل.
- الواد بلال صاحبي جاي يقعد معايا شوية ياماما هو وزمايلي عشان هيروح الجيش وكدا، عايزك تشرفيني بعزومة حلوة.
- حاضر يابني.
" أخويا مشي عند بيته وأبويا مش على الشغل"
- راجل بلال دا يا إســــراء، رااجل.
= ماهو دا الطبيعي لأي راجل يعني.
- طول بعرض بشهامة برجولة بحلاوة.
= ماما ياحبيبتي متحاوليش.
- طيب افتحيلي صفحتي من عندك.
= حاضر ياماما حاضر...... اتفضلي صفحتك.
- مش دي مرات علي ابن عمك هي عاملة اشارة لاخواتها، شوفي بلال كدا ادخليلي أشوف صفحته.
= أهي اتفضلي.
- خدي شوفيه يابت.
= لأ مش هشوف أنا قايمة أتفرج على الكارتون.
" دخلت وأنا بجد مش عارفة ايه اللي بيجرالي دا، أمي خلصت تصفح وخدت التلفون وفتحت الفيس لقيت دا في وشي(من أكتر الحاجات اللي خلتني مرتاح نفسيا إني بقيت مدرك إن لو ليا نصيب ف حاجة هتيجي يعني هتيجي حتى لو أنا اللي بعدتها عني بإرادتي أو هي اللي بعدت بإرادتها أو الظروف بعدتها  ...فبقيت عارف إن لو ربنا كتبهالي هتتهيأ الأحداث وهيحصل المستحيل وهلاقيها  قدامي ...فهقلق ليه طالما نصيبي هيجيلي؟!) اتطمنت إلى حد ما من الكلام وحسيته اشارة من ربنا ليا، المهم بعد الثانية عشر بيجيلي شوية هرمونات كدا وإن هي عايزة اتجوز وأحب وأتحب زي أي بنت مصرية عادي هههه، مسكت الفون لقيت صفحة مرات علي في وشي تلقائي كدا، كانت منزلة بوست شكر في أخوها أووووف طبعا يعني دخلت أشوف مين اللي طالعين بيه السما دا، لقيت فيه معظم الصفات اللي عايزاها وأهمهم الطيبة والحنية هتسألوني عرفت منين، عرفت من ملامحة لإني أمتاز بالفراسة ياجدعان بجد، لقيته شخص كويس ومناسب وحلو وفضلت أدور وأبحث وأشوف لحد ما زهقت، خلصت سنة أولى وامتحنت في البيت بواسطة من أبويا ومش بخرج برا البيت خالص، روحت مرة أنا وصاحبتي حديقة هي قريبة من الجامعة بس هي معايا فدا شيء مطمني"
- أخيرا خرجنا يابنتي، أنا زهقت بجد من القعدة.
= أنا جعانة ههههه.
- تعالي نلعب الأول.
- يا آنسة المكان دا للأطفال بس.
= هو حضرتك مالك أصلا.
- إنتِ جاية تبوظي نظام شغلي وتقولي مالك؟
- يافندم احنا آسفين، تعالي يا ورد.
= لأ مش هاجي ومش هتنقل من على المرجيحة دي لحد ما يجيلي مدير المكان دا.
- حاضر هتصلك بيه يجيلك.
_ أيوا يافندم في ايه؟
بخضة= يلهوي.
" طلع بلال ياجماعة هههه رب صدفة خير من ألف حديقة هههه ايه يا عم الغيبة دي، بس طلع في الحقيقة أحلى جدًا، احم هشش يا دماغي بقى هش،  محستش بنفسي غير وأنا بسحب البت أسماء صاحبتي وماشية"
_ يا آنسة، يا آنسة.
- هي عبيطة دي ولا ايه، دي كانت من شوية بتقول مش همشي ومعرفش ايه.
_ الناس اتعبطت يابني بجد ههههه.
" هو مخدش باله ياجماعة مني لإني لابسة نقاب بعد الحادثة بتاعت الخطف دي وبصراحة جاتلي على الطبطاب لإني كنت عايزة أنتقب من زمان وهم مش راضيين سبحان مبدل الأحوال بجد،المهم بقى طول الطريق وأنا بضحك وفرحانة ودا شيء عابطني بجد ههه مستغربة ايه اللي بيحصلي"
- يابنتي مالك في ايه سرحانة كدا.
= مفيش ياسوما ألله.
- لأ فيه وفي إن واحدة وقعت.
= ياشيخة أقعدي في الأرض، يابنتي أنا إما الحجر يلين أنا هلين بعده غير كدا لأ هههه.
- طيب هاخدك على أد عقلك بجد.
= دا أحلى حاجة بجد.
" شيء هيجنني، إما محمود أخويا قال هعزمه مجاش ولا أمي عملت عزومة أصلا، تلقاه هو اللي عزمهم الله أعلم، بس عيونه حلوة وواسعة، دا لابس نضارة هل دي نظر ولا شمس؟ يا ألله دا أطول مني"
- يلا ياماما وصلنا.
= ها؟ أه أيوا البيت هنا.
- ههههه حالك يصعب على الكلب بجد.
= في كلب ورانا؟ طب يلا نجري؟
- اسراء ياحبيبتي روحي اعملي كمادات خافضة للحرارة يلا.
= يابنتي الجو مش حر دا الجو ثقعة خالث والدنيا هص هص وأنا وإنت ياحبيبي ونجوم الله وبس.
- ههههههه، يلا يابت على البيت يا مجنونة.
" روحت وقعدت أتنطنط على السرير لحد ما المُلة وقعت بيا هههه أنا مش عارفة بجد مالي وليه احساس الفرحة العبيط دا، عدلت المُلة وقرأت الورد القرآني وسرحت وشوفت بلال وملامحه قريبة مني، وأنا بمشي ايدي على وشه كدا، ملامحه هادية جدًا"
°°°°°°°°°°°°°°°°°°°°°°°°°°
_ ياماما أنا خلصت الجيش أهو.
- مبروك يا حبيبي.
_ الله يبارك فيكِ، خلصت الجيش ها؟
- ما قولنا مبروك هي حكاية بقى.
_ اممم يعني كدا!
- أه ههه
_ علفكرا إنتِ نبرتي في حكاية الجيش دا لإني مشوفتهاش ولا مرة هههه وبجد هموت.
- مين دي؟
_ أنا داخل أنام، دي مبقتش عيشة.
- ههههههه
""""""""""""""""""""""""""""""""
= ايه ياماما دا؟
- طقم حلل لجهازك.
= واه يابوووي.
- هههه السنة خلصت.
= سنة ايه؟ أنا في تانية دلوقت.
- اااه بقى كدا؟
= أه هههه.
" عملت نفسي سايقة العبيطة ومش عارفة حوار بلال وكدا، وروحت داخلة الأوضة وقفلت الباب واتنطت على السرير تاني ههه أنا فرحانة ودا شيء بجد مخليني مرتاحة من قبل ما أقعد معاه رؤية شرعية أصلا، المهم حددوا الرؤية يوم الجمعة بعد المغرب، باقي اربع أيام وأنا قاعدة على نار ومكسوفة من دلوقت ومحتارة ألبس ايه ومحتارة أقدم عصير ولا جاتوه ولا أعمل ايه بالظبط، عدى يومين وأنا عمالة أنضف في حيطان البيت ونضافته"
°°°°°°°°°°°°°°°°°°°°°°°°°°°
_ النهاردة فرحي يا جدعان عايز كله يبقى تمام.
- أحلى عريس وأحلى اخ والله.
_ حبيبتي يام عمر، شوفتيني يا ماما وأنا عريس؟
ببكاء- ربنا يحفظك ويتم فرحتك على خير ياحبيبي.
_ وليه العياط طيب ياست الكل.
- ايه ياجماعة ماتجوزوه عشان عايز أتجوز أنا كمان.
_ هتتجوز ايه يا تالتة اعدادي إنت ههه، وسعوا للعريس عشان هيلبس جزمته ويروح يخطف حبيبته ويجبها لأم بلال تدلعها أكل هههه.
- ههههه، يلا بينا، بسم الله توكلنا على الله.
ــــــــــــــــــــــــــــــــــــــــــــــ
= شكلي حلو؟ ها؟ الطرحة حلوة ومظبوطة صح؟ طب بشرتي صافية؟
- زي العسل ياورد، اهدي بقى ماتتوتريش بقى.
= حاضر هووووف هووووف اهدي اهدي، جو صح؟
- اه، البسي الهيلز ويلا وأنا هرتب الاكل مع أمك.
= طب كنتِ حطي الجاتوه كدا مش بالعرض.
- ياستي يالا دول دخلوا في الركنة.
= بسم الله توكلت على الله، ادعيلي هههه.
" خرجت ووشي مولع من الخجل وطلعت قدمت الجاتوه والعصير وقعدت قصاده وبجد احساس غريب جدا في قلبي"
- عسل ما شاء الله عليكِ يا إســــراء صاروخ أرض جو فعلا ههه.
= ههه دا إنتِ اللي عسل ياطنط.
_ بما إن محدش سأل السؤال دا فحابب أسأله أنا "ايه رأيك في بلال بقى".
استغربت من جرئته وقلبي دق وعيني اتفتحت كدا من الخضة واستأذنت هروح أشرب وآجي.
روحت شربت وهديت نفسي شوية بالسؤال المحرج دا وهناك كلهم مستغربين أصلا.
- ياواد اهدى شوية مش كدا.
- جرا ايه ياعم بلال براحة على أختي اومال.
- ياجدعان كفاية كدا أنا أم بلال أهو لو مكانه كنت هسأل السؤال دا هههه بنتك يام محمود قمر قمر صاروخ فعلا هههه.
- أدي البت اتكسفت وقابلني إن خرجت تاني بقى.
= أنا أهو، يلا الأكل جاهز.
" كلوا لوحدهم على السفرة واحنا كلنا دخلنا الأوضة"
= ياماما دا سؤال يتسأل في رؤية؟
- اعذريه يابنتي بيحبك وصبر كتير وبعدين قولتلك قبل كدا انه راجل ومش بيتكسف.
= ربنا يقدم اللي فيه الخير بقى.
- طب أنا همشي بقى يا إســــراء عشان الليل ليل جدا.
= ماشي يا أسماء تعالي أوصلك للباب.
" وصلتها ولقيت بلال في وشي اما طلعت، راح عملي بايده هاي وبيضحك، كتمت الضحكة ووصلت أسماء وسألتهم لو محتاجين حاجة "
= محتاجين حاجة ياطنط؟
_ محتاجينك.
- ياواد اسكت هههه.
= عن اذنكم.
" دخلت الحمام وابتسمت بصراحة جرائته دي عجباني جدا والواد دا شكله خد قلبي فعلا هههه طلعت ولقيته بردو في وشي"
_ كنت عايز أسأل أي إنسان هنا عن الحمام يقوم القمر طالع كدا كتير!
= ما تخفك شوية بقى، دا مش اسمه رؤية علفكرة.
_ حاضر يا.......وردتي.
= أوووف بقى.
"سيبته ودخلت عندهم في الصالة أشوفهم خلصوا أكل ولا لأ لقيتهم بيحلوا بالحلويات في الصالة مع أهلي فقدمت سبيروسباتس ليهم وقعدنا والمحروس جه"
_ ياجماعة أنا شوفت حلويات بتتحرك وتروح وتيجي قبل كدا.
- حلويات بتتحرك؟ بس يابلال بقى دي هبت منك خالص.
_ هبت مني ازاي؟ أومال اللي قاعد قدامي دا ايه؟ مش حلويات!
" يلهوووي على الكسوف، أنا خلاص معدتش قادرة ولا خدودي قادرة تتحمر كل شوية"
= احم، هو حضرتك كلية ايه؟
_ حاسبات ومعلومات وسُكّرات ياناس.
"يارب الصبر من عندك"
_ بصي أنا بلال وعندي 23 سنة بشتغل مهندس برمجة وبحب الخيل والليل والبحر والسما وبحبكᰔ.
- يابلال والله هفسخها قبل ما تبدأ، خف بقى عشان مقومش أقطع وشك دا.
- احم احنا بقى نتفق ياجدعان على الفرح.
_ وأنا كمان شايف كدا يارجالة والله.
- لولا إنك حاجز إســــراء مني واحنا في ثانوي مكنتش سمحتلك تتكلم حرف والله، المهم الكلمة كلمة الحاج والناس الكبار دلوقت، اتفضلوا المايك معاكم.
- أنا شايف إن نكتب الكتاب دلوقتي عشان ياخدوا راحتهم في الكلام وكدا.
- وأنا كمان كأبو العروسة موافق عشان ابنك ياحاج قليل الأدب.
_ قليل الأدب ياعمي بس محترم أوي والله ومفيش في حياتي ولا عيني ولا قلبي غير بنتك.
- طيب يابلال، هنجيب مأذون فين دلوقتي.
_ المأذون مسافة السكة واتنين صحابي جايين عشان يشهدوا، والدنيا كدا اشطا أوي.
" صحابه جو وأمي جابتلي الورقة في الأوضة ومضيت والصور كانت عندي وادتها للمأذون وبصمت وحاسة إني ميتة وبتحاسب عند ربنا بجد من كتر العبط دا، اللي هو ازاي يبقى رؤية وبعدين تنتهي بكتب كتاب؟ يعني كدا بقيت مراته رسمي؟! أنا خلاص بدووووخ، وقعت من طولي وجابولي دكتورة"
- ياجماعة دي اتعرضت لنوبة نص ساعة وتفوق.
- تمام يادكتورة، اتفضلي الحساب.
بهزار_ مرااااتيي.
-هههههه بس ياض إنت.
_ بحبها يامحمود بحبها.
= دا أنا اللي بموت فيك، خد بوسة أهي.
ــــــــــــــــــــــــــــــــــــــــــــ
- إســــراء، إســــراء، يلا فوقي ياحبيبتي وراكِ امتحان.
= امتحان ايه؟ دا أنا متجوزة امبارح!.
- متجوزة ايه؟ يابنتي يلا قومي صحبتك مستنياكِ برا، قومي دا اكيد حلم.
" حلم دا كله؟ يابووووي، قعدت ساعة في صدمة خالص لحد ما رجعت للواقع تاني"
- يلا الامتحان يا أخت، ادخلي بسرعة عشان الدكتور جايب واحد يشرحلنا النظري معاه.
" دخلنا نمتحن وبعدها دخلنا محاضرة دكتور ناجي وقعدنا ودا كله دماغي في الحلم؟ أنا اتخطفت واتخطبت واتجوزت؟ هههه، الدكتور جه وحاجة زفت"
- معانا النهاردة ضيف طالع من تحت ايدي، راجل محترم عظيم وجميل وبشمهندس أد الدنيا، معانا المهندس بلال.
" قلبي دق وكنت في ذهول تام، أنا بحلم تاني؟"
= يا بت يا أحلام اقرصيني كدا.... دا ايه دا أنا كدا حقيقة بقى، يارب بقى يسرلي اموري واصلح الحال.
_ عاملين ايه يا مهندسين المستقبل! عساكم بخير، أنا المهندس بلال وكنت زيكم كدا في يوم من الأيام وكنت زهقان من الكلية والامتحانات والسكاشن بس الحمدلله صبرت وحققت انجاز بنجاحي، هكلمكم عني شوية يمكن أكون زي حد منكم او اقدر أغير حياة حد، مبدئيا كدا أنا بحب...
= بتحب الخيل والليل والبحر والسما ووَرد.
_ ايه دا إســــراء!
= أيوا إســــراء وعرفت كل حاجة.
_ طب ياجماعة معلش هننهي المحاضرة عشان في حالة طارئة.
" الناس مشيت كلها والدكتور وصحابي واتبقى أنا وهو"
_ عرفتِ ايه؟
= عرفت إنك حاجزني من محمود أخويا وإنك بتحبني أوي.
_ ياااه بعد ٨ سنين أخيرا حسيتِ؟ بعد ٣ سنين قيام ليل ودعاء إنك تكوني من نصيبي أخيرا؟
= دا حلم، أنا حلمت بحلم طويل عريض وإن احنا اتجوزنا واتخطبنا ودا كله في يوم واحد.
_ أنا متقدم أديلي شهر وكل شوية محمود يقول إنك مش موافقة.
= ودلوقتي بقولك إني موافقة وجدًا كمانᰔ.

"تمسّـك بقلبي فإنـه يُـحبكೀ"
بقلم/ إســــراء بدوي|وَرد.