اسكربتات

اسكربت ³²

= أخوكِ يتجوزني؟!؟
- مش عايزة تطفشي العريس يابنت الناس!! يبقى خلاص أخويا يخطبك لحد ما تتخرجي وتفسخوا وخلاص خلصتي من العريس اللي أبوكِ عايزه.
= طب هصلي استخارة وهرد عليكِ.
" أنا إســــراء ومعروفة بـ وَرد، أبويا عايز يجوزني لابن صاحبه لإنه شايفه مناسب وكمان أنا كبرت وبقى عندي 21 سنة وولاد عمي كلهم متجوزين والسيناريو دا، حكيت لصحبتي وسندي في الدنيا وبنت خالتي منة واقترحت عليا زي ما شوفتوا كدا أخوها يخطبني السنة دي لحد ما أخلص تعليمي ونفسخ، هروح أصلي الاستخارة ورجعالكم"
______________________
- قولتلها يابني وربنا يقدم اللي فيه الخير يارب.
_ أنا خايف لترفضني يامنة.
- اجمد كدا وإن شاء الله توافق.
_ المشكلة بقى إنها ولا عمرها كلمتني، حتى السلام مكنتش بتسلم، كانت مجتنباني خالص يامنة إزاي هتوافق.
- ياسيدي اتفائل زيي كدا، هتوافق وأنا عارفة.
_ يارب، يارب.
__________________
= خليه يتقدم يامنة، ارتحتله.
- ماشي ياست ورد، أي أوامر تاني!
= طب ولو بابا موافقش عليه ووافق على المنقوط التاني.
- إنتِ عارفة إن أبوكِ وأمك واخواتك بيحبوا آدم إزاي وأكيد هيوافقوا متخافيش.
= يارب خطتنا تنجح يارب.
- طب سلام يامزة عشان آدم بينادي.
______________
_ ماما أنا عايز أتجوز.
- مين دي بقى ياخويا اللي واكلة عقلك كدا.
_ إســــراء، إســــراء بنت خالتي، بحبها من واحنا صغيرين ومظهرش الحب عليا إلا في ثانوي، كل ما أشوفها عند منة هنا ويضحكوا ويتساهروا ويعملوا الأكل سوا ببقى عايز أقولها بحبك بس مكنتش بقدر، أخلاقها منعتني واستنيت لحد ما خلصت الكلية واشتغلت وخلاص عايز أتجوزها بقى.
- شوفوا الواد! ههههه، كان باين عليك ياحبيبي، كان باين أوي، فكرك مخدتش بالي منك ومن نظراتك ليها اللي من تحت لتحت ياشقي.
_ طب يلا نتقدم ياماما بقى انا مش قادر ههه.
- طب يلا أنا هتصل بخالتك ونروح، بت يامنة البسي وإنت يلا روح البس.
بمرح_ أيوا بقى.
_______________
- أم محمد، احنا عايزين ناخد إســــراء لآدم ابني وأتشرف إنها تكون مرات ابني وأتمنى توافقوا.
- دا كلام بردو يام آدم! دا احنا نكسيها ونوديها لحد البيت.
- رأيك ايه يابو محمد.
- عن نفسي أنا بحب آدم وبحترمه جدًا كفاية أخلاقه ومحافظته على صلاته، موافق طبعا على آدم دا ابني التاني يا أبو آدم.
_ رأيك ايه يا إســــراء.
بخجل واضح= موافقة يا آدم.
-نقرأ الفاتحة بقى.
" قرأنا الفاتحة وأنا مكسوفة من آدم جدًا، مش متعودة عليه خالص، المهم كَلنا وشربنا الشاي وجبنا الحلو واتفقوا إننا نتخطب رسمي الجمعة الجاية، مشيوا وسابوا آدم يقعد معانا شوية"
_ مالك مكسوفة أوي كدا.
= ها... أول مرة بقى وكدا.
_ اممم ماشي ياوردتي.
= لاحظ إن خدودي تقمر عيش.
_ ملاحظ والله ههه.
= أكيد إنت عارف إن دي لعبة وهتخلص بعد سنة.
بحزن_ آه عارف يا إســــراء.
= شكرا.
_ على ايه.
= على مساعدتك ليا فإني أخلص تعليمي براحتي وكدا.
_ لا دا واجب، ماحنا ولاد خالة بردو ولا ايه!
= اه فعلا.
- منور يا غالي.
_ بنورك يا خالتو، هستأذن أنا بقى.
- أبدًا، عمك راح يجيب العشا، فراخ مشوية وكفتة من اللي بتحبها.
_ بس لازم أمشي دلوقت، خليها مرة تاني.
- والله أزعل منك وأفركش الجوزاة وأنا دماغي تعبانة وإنت عارف.
= لأ جوازة ايه اللي تتفركش ياماما، آدم هيقعد.
- ومالك يابت كدا دا انتوا مكملتوش ساعة مع بعض يعني!
_ ههههه معلش ياخالتي بقى، خلي عمي يستعجل شوية عشان جعان خالص.
- ماشي يا كلاب إنت وهي.
= تعالى نقعد في البلكونة يا آدم.
_ اشطا هشرب وهاجي.
= إنت زعلت ليه إما قولتلك إنها لعبة وهتخلص.
_ افتكرت حاجة زعلتني.
= طب إنت معاك كلية ايه وكدا عشان احنا مكناش نعرف بعض كويس.
_ أنا معايا كلية ألسن قسم لغة ألمانية وخلصت وهبدأ شغلي في السفارة قريب، طبعا أخدت كورسات بعدد شعر راسي عشان أوصل لكدا.
= العلام حلو بردو ههه.
_ ما حلو إلا ضحكتك ياست.
= احم، بابا جه يلا عشان نتعشى.
"اتعشينا وشربنا البيبس وخد رقمي ومشي وأنا مش عارفة أنا ليه في متاهة كدا وليه ارتحتله، بعد كل دا وصلت لحل هو إني أقوم أذاكر لإن اللعبة دي كلها عشان تعليمي"
______________________
_ ايه لسة صاحية!
= أنا مانمتش أصلا.
_ أكيد بتفكري فيا هههه.
= لأ يا خفة أنا كنت بذاكر.
_ طب ممكن أسألك سؤال!
= اممم.
_ هو ليه وافقتي عليا رغم اللي كان قبلي كان هيكملك السنة اللي باقية دي بردو وفي كلتا الحالتين هتتخرجي بسلام.
= أولا: هو كان هيتجوزني علطول يعني مفيش خطوبة نظرا لإنه عايش في الخليج، ثانيا: محستش معاه بأمان والعلاقة اللي مفيش فيها أمان وطمأنينة من الطرفين لبعض متتسماش علاقة ومتتكونش من الأساس.
_ أفهم من كلامك إنك حسيتي معايا بأمان؟
= اه، حسيت براحة إما صليت استخارة، سلام يا آدم بقى عشان هقوم أفطر.
"قفلت السكة وحسيت إن دقات قلبي بتتخانق مع بعضها على مين يدق الأول، ضحكت وقومت كملت مذاكرة، كنت بهرب منه لإني فطرت من بدري أساسا"
__________________
_ البدلة دي ولا دي!
- الرمادي حلوة.
_ طب خلصي والبسي واسبقيني عند وردتي.
- اوعدني يارب أنا كمان ههه.
_ هجوزك الواد حمزة ابن عمك بس خلصي اسمعي الكلام.
- بجد هتجوزهولي الله.
_ يلا يابت غوري من هنا، يلا.
___________________
= ياماما الفستان الأحمر حلو.
- لأ هتلبسي الفضة واسمعي الكلام وإنتِ ساكتة.
= طب يلا شوفي المحاشي والحمام والأكل ياختي.
- أنا خلصت كل حاجة، هروح ألبس بقى ههه.
" لبست الفستان الفضة وحطيت ميكب وطبعا منة هي اللي حطتلي الآيلاينر لإنها بتظبته زي العسل، شوية والعريس جه>>>"
_ أهلًا بيك ياعمي.
- ايه الحلاوة دي ياواد يآدم.
" أمي عيطت وخالتي تعيط معاها"
- العيال كبروا يا حنان.
- كبروا والعمر عدى هوا.
= جرا ايه هنقبلها معيَطة ولا ايه.
- طب يلا أقعدوا عشان الدهب.
_ ايدك ياعروستي، عارفة! أنا قرأت أسطورة بتقول إن أول دبلة تتلبس في البنصر من الايد اليمين بتحفر اسم صاحبها في القلب وبصراحة أنا مؤمن بالأسطورة دي جدًا.
بخجل= احم، آدم كمل الشبكة مش هنفضل باصين لبعض كدا.
_ شبكة! اه اه هههه معلش توهتيني فيكِ.
= هههه ولايهمك.
" فرحانة وقلبي فرحان وبيرقص، آدم طلع الشخص اللي كنت بتمناه بجد، المهم الشبكة كانت عبارة عن خاتمين ودبلة وغويشة، خلصنا لبس الشبكة وكلهم فرحانين وأمي وخالتي رقصوا وقعدوا يحضنوا في بعض هههه وشدونا نرقص معاهم بس أنا رفضت عشان حرام، احنا لسة أجانب عن بعض، المهم بقى اخواتي واخواته رقصوا وكله فرحان، بعد ما خلصنا زيطة دخلنا نتعشى، قعدوني قدام آدم على السفرة وأنا بتكسف من خيالي والله ياجماعة، معرفتش آكل إلا بسيط خالص نظرًا لإنه طول الوقت باصص عليا، خلصنا أكل ودخلت غيّرت الفستان بدريس مريح وطبعا عليه طرحته"
= مين اللي جاب الهدف.
_ عبدالقادر.
= وإنت بقى بتشجع مين ياسي آدم.
_ برشلونة والزمالك.
= أعع هي خالتي مكنتش بتحضنك وإنت صغير! هههه، أنا بشجع الأهلي ومدريد اعظم أندية في الكون.
_ ياشيخة.
بفخر= اوماال.
بصوت منخفض_ طب لازم أمشي دلوقت ياحبيبي.
وأكمل بصوت عالي_ عايزة حاجة ياخالتو، همشي بقى.
- سلامتك ياغالي، يبقى تعالى بكرا اقعد معانا شوية.
_ ههه حاضر.
" واقفة فاتحة بؤي من كلمة حبيبي دي! مش عارفة ايه اللي بيجرالي بجد وايه الاحساس دا! وليه مش عايزاه يمشي! يوووه فوقي يا إســــراء بقى دي لعبة عشان أتخرج وأعمل الدكتوراه، دخلت نمت وصحيت الفجر عشان أذاكر لقيه باعتلي مسدج على الواتس"
_ صباح الفل على أحلى الناس.
= صباح الخير على اللي ناسي إنها لعبة مؤقتة.
_ لأ مش ناسي ودايما في بالي اللعبة متخافيش.
= طب كويس لإني حسيتك نسيت واتأقلمت على الوضع الجديد.
_ يلا روحي صلي واقرأي الأذكار واشربي قهوتك وذاكري، سلام يامزتي.
" عرف كل دا منين ياحوستي دا عارف كل حاجة عني، اوعى يكون مركب كاميرات وأنا معرفش، اوووه تلقاه المنقوطة منة اللي قالتله... نادلة وتعملها، دخلت هزأتها واتفقت تصالحني وتجبلي كريب بس مش النهاردة لإن البيه جاي، صليت وعملت كل اللي قال عليه لإنه روتيني وذاكرت فصل بحاله ونمت شوية وصحيت على صوت منة!! "
= منة!!
- آه، قومي كُلي الكريب.
= مش قولتي بكرا!!
- ماهو آدم مش جاي النهاردة عشان معزوم عند اصحابه.
بغضب- صحابه؟ مايولع هو وصحابه يامنة، يولعوا أنا مالي.
باستغراب- ومالك يا إســــراء كدا يعني!.
= معرفش يامنة معرفش، هاتي الكريب دا وقومي اعمليلي كوباية نيسكافيه.
" معرفش مالي والله وليه زعلت كدا إنه هيروح مع أصحابه ومش هييجي عندنا، كلت الكريب بافتراس وكإني بحارب معاه هههه وشربت النيسكافيه وهديت شوية وطلعنا على سطح بيتنا أنا ومنة ننشر الغسيل''
= منة، هو صحابه دول مين.
- صحابه من الجامعة والكورسات ناس سكر كدا.
= اممم، طيب هو هيخلص امتى.
- معرفش والله بس ممكن بالليل على الساعة واحدة كدا.
= أوكاي أوكاي، يلا ننزل عشان الشمس هتاكلنا ههه.
" نزلنا واتغدينا متستغربوش أنا باكل عشرين وجبة في اليوم ههه، شربنا الشاي ومنة مشيت وانا دخلت أذاكر ومسكت الفون لقيته متصل، أدخل أقوله! ولا بلاش! ايه دا إنتِ نسيتي إنك إنتِ اللي قايلاله إنها لعبة ولا ايه! يكونش اتعلقتي بيه يابت! اسكتي ومتكتبيش حاجة ومتنسيش إنها لعبة والسنة هتخلص وتفركشوا، صراع بين عقلي وقلبي وأنا، انتهيت منه وقومت صليت المغرب وسمعت مسلسلي المفضل' الطائر الرفراف الحلقة ال٣٦' وفي نهاية الحلقة إما المنقوط في قلبه طارق طخ فريد قعدت أعيط كتيير لحد ما اتفاجئت بالبيه دخل البلكونة وبيديني منديل"
= ايه اللي جابك وازاي تدخل عليا كدا.
_ جاي بيت خالتي وقالتلي إنك في البلكونة ولابسة إسدال وسمحتلي آجي.
= هات المنديل دا هات.
_ اتفضلي.
" بصلي جامد بعيونه العسلي المرمشة وبملامحه الحلوة اللي شبه فريد كدا بس حواجبه مش زي فريد هههه أخف شوية بس وسيم زيه، بصيتله بردو بنفس النظرة وأنا بعيط"
ببكاء= مش هتخف بص بقى؟
_ إنتِ بتعيطي عشان فريد اتقتل ليه! رغم إنك عارفة إنه البطل وإن البطل مش هيموت دلوقت.
= إنت بتسمعه!
_ آه بسمعه وبحب الحلقة ٣٤ عشان جامدة جمدان ملوش مثال ههييييح.
= ياسافل ياحقير، اطلع برا البلكونة وسيبني لوحدي.
_ ههه ماشي.
" خرج وأنا اتكسفت منه أوي وبصيت على السما والقمر وضربات قلبي سامعاها وايه الشعور دا؟ هديت شوية ولقيته بيخبط عليا باب البلكونة"
= أفندم!
بغضب وغيرة_ تعالي كلمي أحمد محمد اللي بيرن عليكِ.
بارتباك= هات.... آلو، اذيك يادكتور، الامتحان امتى؟ تمام، في رعاية الله.
بغيرة_ دكتور؟ تاخدي رقم دكتور ليه، وازاي يرن عليكِ كدا.
= أولا دا المعيد بس بنقوله يادكتور وثانيا بيقولي إن الامتحانات بعد ٥ اشهر وإنها اتقدمت عن معادها الأصلي بيبلغني نظرا لإني مش بروح الجامعة وإني كمان طالبة مميزة في الكلية، ثالثا متنساش إنها لعبة وإنك متغيرش أوي كدا.
_ أنا فعلا مليش الحق إني أغير.
" سابني ومشي بعد الكلام دا، زعل مني أوي ومن ردي البجح، أنا آسفة يا آدم بس مش عايزة أتعلق بيك، آسفة، عيطت ودخلت صليت العشا ودخلت على الواتس لقيته أونلاين"
= أنا آسفة يا آدم، آسفة بجد والله.
" شافها وماردش"
= براحتك متردش بس عايزة أقولك مش كنت هتيجي الساعة واحدة! جيت بدري ليه! متردش براحتك أنا هنام، تصبح على خير.
" أكيد هيرد عليا بقى، اتفاجئت إنه مردش، نمت وأنا متعشمة إنه يرد مردش بردو!! دا زعلان جامد بقى"
ـــــــــــــــــــــــــــــــــــ
_ مش هرد عشان تتعلمي بقى تاخدي بالك من كلامك.
- يابني رد حرام عليك دي بتحط في نفسها وهتزعل.
_ خليها تتعلم يا منة، كل شوية تقول دي لعبة دي لعبة وأنا كل ما افتكر الكلام دا قلبي يتقطع ما بالك إما بتقوله! أنا مش هكلمها لمدة شهر كدا ولا حاجة، ومش هي بتقول لعبة! تمام ٤ شهور وتنتهي اللعبة زي ما اتفقنا عشان شكلها ولا عمرها هتحبني يامنة.
- لأ بالعكس دي بتحبك، حتى النهاردة زعقت جامد إما عرفت انك مش هتيجي وإنك رايح عند صحابك وقعدت تسألني عنهم وكان في غيرة في الموضوع.
_ بجد ولا بتهزري!
- أيوا بجد، بس اتقل عليها يومين وأنا كمان مش هكلمها خالص وساعتها هتفتكر كل كلمة قولتها وكل حاجة وهتحبك لوحدها، أنا عارفة إســــراء وعارفة بتفكر إزاي، المهم هي هتنزل الجامعة بكرا روح إنت عند خالتي واقعد معاها وإما هي تيجي هتقولها آدم كان هنا وبتاع فهتحس بحاجة غريبة.
_ عفارم عليكِ يامعلمة ههه.
" روحت تاني يوم عند خالتي وقعدت معاها شوية، استغربِت بس تمام، اتغديت معاها وشربت الشاي ومشيت"
ــــــــــــــــــــــــــــــــ
- ادخلي ياقلب أمك كُلي، الأكل لسة سخن في المطبخ.
= أومال مين كل الدبوسة بتاعتي؟
- آدم كان هنا واتغدى معايا ومشي.
= آدم!!

"بلّغ سلامي إلى من لا أُكلّمهُ
إنّي على ذلك الغَضبانِ غضبانُ"

" كلت وشربت بيبسي وروحت أسقي الورد اللي في البلكونة وفضلت أفكر فيه، طب ليه مقالش! وليه مشي وليه مسألش عليا وليه منة مش بترد عليا ولا هو؟ أنا تعبت من التفكير، عارفة إني غلطانة إني كل شوية أفكره باللعبة بس دي الحقيقة ليه بيزعل منها!، تعبت من التفكير فيه، كل شوية بفتكر كل كلمة قالهالي وأفتكر ضحكته الجميلة وأعيط، عدى ٤ شهور من غير مايسأل عني أو يكلمني فيهم يادوب يجي يقعد شوية ويفضل باصص في عيني بحزن كدا، خلاص بذاكر للفاينل وكل همي أعدي بامتياز كالعادة، ذاكرت واجتهدت وخلصت امتحانات بفضل الله وكله تحت السيطرة، احتفلت مع أصحابي وقعدنا نغني وكنا فرحانين بمناسبة إننا بقينا سينيورات ههه، وأنا خارجة من باب الجامعة لقيته واقف ببوكيه ورد وزعلان جدًا وباين عليه الزعل جامد"
_ عاملة ايه!
بدموع= يادوب جاي تسأل عليا؟
_ أنا آسف بس مكنتش عايز أعلقك بيا.
= والله؟ طب وإنت كنت بتعرف أخباري منين وازاي عرفت إن النهاردة آخر يوم!
_ من منة أختي، اتفضلي دي فاتورة الدهب بتاعك وأنا مش عايزه واعتبريه هدية مني ليكِ بمناسبة تخرجك، سلام أنا ماشي.
بدموع وغضب= يعني إنت تعلقني بيك وفي الآخر تقولي اتفضلي أنا ماشي؟ إنت كنت بتعمل فجوة بينا بس بالعكس كان حبك في قلبي بيزيد كل يوم، حرام عليك اللي بتعمله فيا دا، أنا كنت بعاني في غيابك وكنت بتعذب وبجلد ذاتي وإنت عارف كدا وبرغم كل دا بعدت وكنت تيجي تسكت وتمشي حتى كلمة عاملة ايه مكنتش بتقولها يا آدم، أشوفك زعلان وأتألم أنا، عايز تمشي اتفضل أنا مش همانعك وشكرا إنك وفيت وعدك ليا وأديني اتخرجت.
" قولت الكلام دا وانهارت بعده من العياط، آدم حضني جامد وكإنه عايز يخبيني بين ضلوعه، بقيت اضربه وهو حاضني وهو يهدي فيا ويتأسف، استوعبت الموقف وبعدت وأنا مكسوفة والدموع نازلة مني سيول"
= آسفة على دا، اتفضل امشي.
_ أمشي دا ايه بعد كل الكلام والضرب دا، أنا كل ما كنت بكلمك ترميلي جملة دي لعبة في الكلام وكنتِ بتبعديني عنك فمحبتش الحوار بس أنا آسف يا ورد، آسف جدا والله بس كنت لازم أسيبك في دراستك اللي مهتمة بيها وتتخرجي بسلام وأديني وفيت بوعدي وخلصته، وهبدأ في وعد جديد.
= وعد ايه.
_ وعد إني مش هسيبك وهفضل جمبك وأكون سندك وسرك ومأمنك وأكون زوج صالح بردو يامزتي ههه وبمإنك جربتيني في وعد وصدقت فيه هصدق أكيد في التاني ياحبيبي.
= طب وأسامحك ازاي بعد اللي عملته!
_ إن اتكلمتي حرف تاني هبوسك وسط البنات الملزقة اللي عمالة تعاكسني دي.
= أنا ماشية سلام.
_ استني يامزة، بتغيري عليا ولا ايه.
= أيوا بغير يا آدم، يلا بقى امشي معايا يلا.
_ ههههه بحبك.
بخضة= ايه؟
_ بَـ حِـ بِّـ كْ.
" فرحت جدا والفرحة هتنط من وشي بجد، وأنا والله بحبك يابني بحباااااك بس هتكسف أقولها"
_ السكوت علامة الرضا صح!
"اكتفيت بخدودي اللي عاملة زي الطماطم دي ههه"
_ طب طالما كدا، يلا بينا على المأذون.
= مأذون ايه!
_ هنتجوز النهاردة وتكوني حلالي ياوردة قلبي.
= أصل.. يعني.. محدش عارف لسة.
_ متخافيش هما هناك عند المأذون أساسا.
= هههه هو أنا في حلم ولا ايه!
_ دا إنتِ حلمي وروحي وكل اللي بتمناه، يلا بقى ياسوسو.
______________
= مبارك يادومي، بحبك.
_ يلا ع المالديف مفيش وقت للتفسير.
= هههه يلا بينا.

" تمسَّـك بقلـبي فإنـه يُـحبك"
بقلم/ إســــراء بدوي| وَرد