اسكربتات

اسكريبت³⁴

= وماله لو ليلة توهنا بعيد وسيبنا كل الناس!
_ وماله ياختي وماله، مالك كدا من ساعة ما شوفتيه وإنتِ حالك متشقلب خالص، ايه اللي جرالك ياولية إنتِ.
= صدقي بقى! أنا أول مرة يجرالي كدا، أصل هو ملتزم المفروض يغض بصره لأ فضل باصص عليا طول الطريق دا كله وأنا قلبي قعد يدق جامد ومن ساعتها وزي مَ إنتِ شايفة كدا ههههه.
_ وبعدين يعني! أصله ياحبيبتي في تالتة جامعة وإنتِ أولى يعني لسة بيبي على بعض.
= يجي بس هو ياستي ويبقى نشوف الحكاية دي.
_ طيب، أنا هنام يبقى صحيني الفجر.
= نوم العوافي ياحياتي.
_ يابت اتعدلي وارجعي جعفر اللي عارفاه مش متعودة على الرقة دي خالص.
= ههههه طيب ياسطا.
_ أيوا كدا ههه.
" ندخل في الجد بقى: معاكم إســــراء بدوي وبينادولي ب''وَرد" ودي أروى أختي التوأم المهم أنا اللهم لكَ الحمد ملتزمة بشرع ربنا وبحدوده بس المرادي هي المرة اللي ندمت إني خالفت ومغضتش بصري بس مكنش قصدي إني مغضش، أنا في دوامة مع نفسي من ساعة اللحظة دي، شوفته وهو مركز معايا جدًا وعينه منزلتش لحد ما عدينا من بعض، أنا أكيد مش هعلق نفسي باحبال دايبة والحب والكلام الحرام دا بس كنت عايزة أعرف ليه مغضش بصره، الشخص دا ابن عمي من العيلة وعارفاه كويس لإن أبوه ابن عم أبويا، قعدت في دوامتي دي لحد آذان الفجر، صحيت أروى تصلي "
_ لسة صاحية؟
= لأ منمتش.
_ ايه العبث دا طب مانا بسألك لسة ما زلتِ صاحية!
= يبقى وضحي سؤالك طيب.
_ عقلك فين ياولية إنتِ.
= عقلي في قلبي... أصدي في جسمي أصدي أهو عقلي في راسي اهو.
_ امممم ارتباك وماله ارتباك ارتباك، وقعتي ولا ايه يابت.
= لأ أنا قاعدة اهو موقعتش ولا حاجة.
_ اوووف يابنتي أصدي وقعتي في الحب يعني!
= لأ خالص، حب ايه يابنتي؟ العلوم الشرعية أولى بحبي دا.
_ طيب، هكلم بقى عمي سمير وأقوله يجي عندنا هو وابنه عبدالرحمن بكرا يشربوا حاجة.
= يابت خلي عندك حياء شوية يامعدومة الحياء.
_ وماله وشك احمر كدا إما جبت اسمه.
= أنا قرأت الأذكار وهنام، متتكلميش بقى.
_ هههههه.
___________________
- يا أبي لو سمحت عايز أكلمك في حاجة بس محرج حبتين.
- اتكلم يا ابني في ايه؟
- احم أنا حبيت واحدة وعايز أدخل البيت من بابه زي ما ربنا أمرنا، في مانع دلوقتي ولا ايه!
- مين وليه!
- احم أنا بس كنت عايز أعفّ نفسي وأبعد نفسي من الفتن بتاعت الزمن دا وأتجوز في الحلال.
- بس إنت لسة في تالتة بقيلك لسة سنتين، منهم سنة جيش ولسة أخوك محمد اللي أكبر منك هو التاني عايز يتجوز.
- طيب يعني أعمل ايه طيب!
- سألتك هي مين وليه هي بالأخص!
- إســــراء بنت عمي سيد أبو بدوي وليه عشان مش قادر أخبي حبي زيادة عن كدا يا أبي.
- مش دلوقت يابني لسة إســــراء صغيرة و...
- يا أبي إســــراء فيها كل الحاجات اللي عايزها، علمها الشرعي، أدبها وأخلاقها وجمالها وكل شيء عايزه فيها هي بس.
- طيب يا عبدالرحمن هتشاور مع ولدتك ونشوف الحكاية دي.
- تمام يا أبي، شكرًا.
__________________
_ مالك يابت أخرتي في النوم ليه.
_ معلش يا ماما اصلها نايمة الفجر بقى اعذريها هههه.
_ الفجر ليه إن شاء الله يا استاذة ورد.
= الناس تصحى على صباح الخير صباح العسل صباح الورد والفل والياسمين.
_ صباح الرحمة من الرحمن.
= يابت اصطبحي.
_ الفطار جوا، افطري ووضبي البيت عشان أم محمد جاية تقعد معانا شوية.
= أم محمد جارتنا؟
_ لأ أم محمد مرات سمير أبو بدوي.
_ حاسبي ياما البت شرقت، حاسبي يا ورد حاسبي ياحبيبتي.
= كح كح كح، احم، ماشي ياماما، خدي يا أروى عايزاكِ.
_ مدخلاني في الاوضة ليه يالمبي.
= يابت أنا هقطعك على عمايلك دي، إنتِ عملتي ايه بقى، رسيني!
_ معملتش حاجة أنا بس قولت لأمي اتصلي اتطمني على أم محمد عشان مختفية ووصل معاهم إن هي هتيجي شوية.
= اممم طيب وايه بقى صباح الرحمة من الرحمن دي!
_ بنكشك شوية، مَ إنتِ بتضحكي إما أجيب أي مشتق من الرحمن بردو يا وردتنا هههه.
= يابت اسكتي بتكسفيني هههه.
_ صلي ويلا روّقي البيت وأنا نازلة الكلية عشان هحضر محاضرة واحدة وهاجي علطول.
= هههه متجيش خالص.
_ عيب عليكِ، في رحمة الله يا ورد ههههه باي.
" مشيت وأنا مش هخلص من مشاكستها دي خالص، صليت الضهر والنوافل ونضفت البيت ودخلت أوضتي أريح شوية لقيت أمي الله يباركلها عاملة حمام ومحشي عشان أم محمد تتغدى معانا، يا ألله على دي شغلانة، لبست دريس أبسط من البساطة وطرحة وحطيت الأكل على الصينية وأم محمد جت قلبي دق خالص وخدودي احمرت لإني شوفت فيها عبدالرحمن فيهم شبه من بعض جامد"
= اذيك يا طنط عاملة ايه.
_ تعالي كدا في حضني، دا أنا مربياكِ على ايدي إنتِ وعبدالرحمن ابني، بسم الله ماشاء الله على القمر.
= الله يخليكِ ياطنط، اتفضلي الأكل هيبرد.
" لاحظت إنها عمالة تبصلي وتبتسم لا إرادي هو في ايه، ايه اللي جابني هنا هههه، خلصنا أكل ودخلت الصينية وعملت دور شاي وطلعت كانوا بيتساهروا عليا أنا وأروى، هو أنا مشطشطة ولا ايه ههه"
_ لأ أصل إســــراء بنتي شبهي أومال أروى فشبهي بردو هههه.
_ لأ إســــراء عيونها عيون غزال وفرعة، طول بعرض وبيضة وخايلة ومحترمة، أروى رفيعة شوية وقمحاوية والاتنين ما شاءالله عليهم ربنا يحفظهم.
= الله يخليكِ ياطنط، هنا عاملة ايه واحشاني أوي مش بشوفها.
_ رابعة ابتدائي بقى ههه منهجها صعب بس الله يباركله عبدالرحمن بيشرحولها ويسهلها الصعب فيه.
بعيون لامعة= ربنا يباركلك فيهم يارب.
بصوت الزعامة_ السلام عليكم ورحمة الله وبركاته.
= هههه وعليكم السلام ورحمة الله وبركاته.
_ إذيك يا أم عبدالرحمن عاملة ايه.
_ أم محمد يابت.
_ ماهو عبدالرحمن ابنك بردو ولا ابن الجيران يعني هههه.
_ يوووه، الحمدلله ياستي وإنتِ عاملة ايه.
_ زي مَ إنتِ شايفة جامعة وزفت أهو.
_ ربنا يعينك إنتِ وإسراء يارب.
_ يارب، الملكة إليزابيث قاعدة معانا ليه!
= يابت اتلمي بقى.
_ يا مرات عم البت إســــراء دي ملكة والله ملكة تحسيها كدا كاريزما وجمال وعسل وأدب، تخيلي! محترمة عني عشان أنا ساعات بكون قليلة الأدب شوية ههه.
_ دي إســــراء عسل ربنا يحفظها.
= هقوم أجيب الكيكة بقى.
" الزفتة أروى مش بتتكسف وجريئة أوي وأنا بتحرج، قومت أجيب الكيكة اللي أنا عملاها ويارب اليوم دا يخلص على خير بقى عشان الواحد قلقان"
_ ايه رأيك يامرات عم.
_ جميلة أوي زي بتاعت المحلات.
_ عمايل إســــراء، شيفة الشيفات وملكة الملكات، بتعملنا أكل أشكال وألوان وطعمه آخر جنان، أنا أنا يادوب بقلي البيضة بالعافية.
_ هههه يابت اتهدي بقى صدعتي أم محمد، شوفي مين على الباب يا إســــراء، وإنتِ ادخلي غيري لبس الخروج دا.
" في طريقي لفتح الباب ياولاد"
*إسرااااء هييييه.
= هنا حبيبي ياناس، جيتي هنا إزاي.
"شاورت على برا؟"
- احم، هنا كانت حابة تيجي ومش عارفة المكان وجبتها.
"يامصيبتي دا عبدالرحمن واقف برا على جمب، أنا مش شايفاه ولا هو بس عارفة صوته، اتوترت اوي إما سمعت صوته وفي عز خجلي وتوتري سمعت صوت هنا"
* ادخل يا بودي ماما جوا أهي.
= اتفضل.
- السلام عليكم...... السلام عليكم يامرات عمي.
_ ما شاء الله ياعبد الرحمن كبرت امتى.
- أول امبارح الساعة ٦ إلا ربع هههه.
_ لسة شقي زي ما إنت.
" دخلت أوضتي وحاسة إني تايهة في عالم تاني، ايه اللي بيجرالي، مالي اتقلبت كدا، قعدت أستعيذ من الشيطان وأستغفر عشان أهدى"
_ أنا سامعة صوت راجل برا ليه.
= هو اللي برا.
_ هو مين.
= عبدالرحمن.
_ أوعااا، أنا طالعة حالًا يا جامد هظبطلك الدنيا يارايق.
= يابت اتهدي بقى، لو ليا نصيب فيه هاخده ولو لأ خلاص اسكتي بقى متبقيش مهيبرة كدا فضلا.
_ فضلا وليس أمرا فعلوا الجرس ليصلكم كل جديد هههه، سلام يا مزتي هطلع أقعد أنا بقى، خليكِ هنا مكسوفة إنتِ.
" قاعدة مش على بعضي، أعصابي سايبة وخدودي نار، قعدت أصلي على النبي لحد ما نمت"
_____________________
_ عامل ايه يا رُحمة، عاش من شافك.
- شد لحافك هههه.
_ عارف لو مكنتش ابن عمي كنت موتك بجد على نرمك دا هههه.
- عارف يا كبش الجبل عارف.
_ ايه رأيك في الكيكة.
- حلوة، متقوليش إن إنتِ اللي عملاها عشان مش هصدق.
_ لأ إســــراء اللي عملاها، مالك عينك لمعت كدا ياض هههه.
- أصل حاطط قطرة قبل ماجي.
_ هههه لأ لول بجد، بس دي لمعة غريبة.
* هي إســــراء فين يا عبدالرحمن.
باحراج- احم، اسألي أروى عشان معرفش.
_ إســــراء بتموت جوا من الكسوف سيبيها هههه.
_ يا حبة عيني بتتكسف أوي مش زيك يا بغلة.
" عينه لمعت خالص وسرح"
_ روحت فين يابني.
- ها، أنا عندي حلقة علم دلوقت ولازم أمشي.
__________________
- أبي قولت ايه.
- بص يا حبيبي أنا شاورت أخوك وقاللي إنه مش حابب يتجوز دلوقت وكمان شاورت أمك قالت يازين ما اختار وأنا عن نفسي بحترمها جدًا فالقول قولك إنت دلوقت.
بفرحة- فعلا متجوش إلا بقيام ليل زي ما قولت هههه، أنا مبسوط وفرحان خالص، طب ايه، مش خير البر عاجله!
- اصبر أسبوع لحد ما أخوها وأبوها يجوا من الكويت وبعدين نتكلم.
- ايدك أبوسها يا أبي.
" أخيرا حلمي هيتحقق وأخيرا هطمئن، شكرا يارب، الحمد لك يارب"
______________
_ اصحي يا ملكة، الفجر أذن.
= هممم قايمة.
_ عبدالرحمن برا نايم في الصالة.
= ايه؟ متهزريش؟ عبدالرحمن.
_ أيوا كدا فوقي، يلا يا ورد اتوضي وصلي.
= وقعتي قلبي يا شيخة، ايه الفظاعة دي.
_ مش أنا اللي وقعت قلبك هو والله هههه، شوفتي ساعة ما قال إنه كبر أول امبارح الساعة ٦ الا ربع؟ مش إنتِ شوفتيه في الوقت دا تحديدا كدا! يعني مركز في كل تفصيلة وبيحبك.
= يارب صبرني يارب على البلوة دي، أنا قايمة أصلي جتك القرف.
_ صليتي! علفكرا سابلك رسالة معايا أديهالك شوفي مكتوب فيها ايه.