اسكربتات

اسكربت⁸

-انسيه بقى.
= مش قادرة، النسيان صعب والله.
- لا مش صعب إنتِ لو عايزة تنسيه هتنسيه بس إنتِ معلّقة قلبك بيه وخلاص.
=.......
بشفقة- ياحبيبة قلبي هو خلاص هيخطب بكرا وفرحان وإنتِ بقى انسيه وعيشي حياتك زي ماهو عايش ومبسوط كدا.
= حاضر هحاول.
- يحضرلك الخير يا جميلة.
= أسماء هو إنتِ صاحبة جدعة إنتِ! بدل متدعمني وتعمل معايا خطة حلوة كدا نفركش بيها الخطوبة قبل ما تتم قاعدة تقولي انسيه ههه.
- عايزة إيه من الآخر يا إســــراء.
= عايزين نعمل خطة جامدة كدا ياباشا ونبي عشان الواد دا لو راح يخطب بجد هولع في الفرح بما فيه.
- هههههه.
=يلا بقى وحياتك، أنا متفائلة خير وحاسة إن العسلية دا هيبقى بتاعي أنا.
- اشطات، بس لو عملنا الخطة وفشلت!
= لا يابوز الاخس مش هتفشل إن شاء.
- تمام أوووي، يلا بسم الله.
" هييييح، ماهي مش صحبتي على الفاضي يعني ههه، المهم بقى عملنا خطة آخر جمدان، والواد دا تبعي واللي هيقرب ناحيته هشرّح وشه خلصانة(شبح أنا صح هههه) "
ـــــــــــــــــ
: آلو.
= آلو، السلام عليكم.
: وعليكم السلام، أقدر أساعدك في حاجة؟
= آاه محتاجة مساعدة من حضرتك جدا.
: تمام جدا، حضرتك عارفة إن لو عملت كدا هاخد حق الشغلانة دي.
= أه أه عارفة، بص بقى إنت هتيجي وتتشيك كدا وحساب اللبس عليا أنا، بس تجيب لبس يكون حلو متروحش تجيب شوية حاجات تسد النفس وتيجي.
: عيب عليكِ، قوليلي اسم المكان واسم الباشا اللي هتعملي الخطة دي عشانه وعرّفيني تفاصيل وكدا وكمان هاخد كام من العملية دي.
= إيه إيه هي هيصة ولا إيه، يابااي عليك ماسورة واتفتحت! أولا: اسم المكان قاعة اللؤلؤة وهبعتلك اللوكيشن، ثانيا: اسم الباشا عمر أحمد، ثالثا: أنا عايزاك معايا كإنك حبيبي وكدا وأرجوا إنك متعرّنيش هناك، وليه كل دا؟ عشان عايزة أعمل حاجة كدا ملكش دعوة بيها، رابعا: نصيبك ياسيدي ألف وأظن كتير بس عادي بقى.
: تمام يا آنسة، شكرا لحضرتك، سلام.
" جزء من الخطة تم يابشر، لسة باقي أجزاء تانية نيهاهاهاهاهاها "
=أسماء اتصلتِ ببتاع البوفيه ولا لسة!
- اتصلت ياسطا، كدا باقي المراقب اللي هيراقبها.
= اشطات جامد ياقلبي، اتصلتِ على الميكانيكي؟.
- أيوا متقلقيش.
بحزن= ماهو لو بيحس وعنده دم مكنتش هعمل كل دا، بس يلا كله رايح ههه.
- هههه، حفلة الخطوبة بكرا، عايزين نعمل شغل جامد ها!.
=طبعا طبعا أوماال.
- يلا طيب ندخل ننام، أنا استئذنت من ماما إني هبات النهاردة عندك وكدا.
= هو أنا مقولتلكيش؟
-مقولتيش إيه أكملت- لو مفيش مكان أو متضايقة ممكن أمشي عادي.
=هو أنا مقولتلكيش إنك قمراية وعايزة بوسة، أصلا مامتك دي مقتحمة قلبي وعسل كدا.
- ههههه وقعتي قلبي، يلا بقى عشان نكون فايقين لبكرا.
= يلا ياحبيبتي.
ــــــــــــــــــــــــــــــــــــــــــــــــــــــــــــــــــــــــــــ
'في مكان آخر'
- ياحبيبي أنا مش هتجوزه، أنا بس هتخطب له وهاخد فلوسه كلها أثناء فترة الخطوبة بس مش أكتر.
- آية لو هتاخدي فلوسه أوكي بس افرضي مثلا كشفك؟
- متقلقش يابيبي، أصلا دا أهبل وضحكت عليه بسرعة.
- طيب يا حياتي، بس أرجو إنك تاخدي فلوسه كلها وبأسرع وقت عشان منتكشفش.
-أوكي يابيبي اممممموا.
- بااااي.
ـــــــــــــــــــــــــــــــــــــــــــــــــــــــــــــــ
"في الصباح"
- قومي يا إســــراء، يلا.
=هممم حاضر.
- بسرعة.
= أسماء أنا حلمت حلم غريب.
- ها إحكي.
= حلمت إن عمر زعلان وآية ماسكة فلوس كتير وبتضحك بس أنا جيت وجبت الفلوس اللي في إيدها وعطيتهاله.
- واه إيه الحلم دا هههه، المهم قومي اتوضي وصلي ويلا بينا.
= يلا بيييينا.
" إســــراء وأسماء رتبوا نفسهم وجهزوا الخطة وخلاص الخطة على وشك التنفيذ"
'في الحفلة'
| إســــراء لبست فستان لونه موڤ وعليه لولي موڤ غامق، وطرحة لونها لافندر فاتح، وجزمة لونها اسود وكانت عسل جدا وتخطف القلب.
| أسماء لبست فستان لونه اسود وطرحة نبيتي وجزمة نبيتي وكانت قمر.
= الزفت اتأخر ليه.
- على فكرا هو تقريبا برا القاعة.
= طب ثواني هطلعله.
'برا القاعة'
= لو سمحت أنا إســــراء اللي كلمتك.
: أه أه، أنا سعيد، مش عايزين بقى نقول حضرتك ولا لو سمحت عايزين نبقى زي العشاق مؤقتا لحد ماالشغل يخلص.
= طبعا طبعا، بس الطقم جميل بصراحة.
: اه م أنا عارف ههه.
= يلا يامغرور الحفلة هتبدأ.
: يلا.
'داخل القاعة'
= متمسكش إيدي ولا تلمسها حتى مفهوم!
- مفهوم.
*العروسة والعريس وصلوا القاعة*
= شوفي ياختي ماسك إيدها ازاي؟ يارب اعطيني شوية صبر.
- اهدي خالص، أنا معايا مخدر ومعايا منوم ومظبطة الدنيا في الشنطة، هدخل عند بتاع البوفيه وكدا نيهاهاهاهاهاها.
= اشطاات.
= إنت يلا، أصدي يا سعيد يلا نروح نغيظ العرايس بحبنا المزيف دا.
: يلا يامعلمة.
'على المسرح'
بتمثيل= اوووه، إذيك ياعمر، عامل إيه، مبروك على الخطوبة الجميلة دي.
-.......
= آلووو روحت فين.
- ها..... لا لا مروحتش، الله يبارك فيكِ وعقبا....
: سوسو يلا يا حبيبتي، عايزين نرقص ياقلبي.
- ها... مين حضرتك.
= أعرفك، دا سعيد حبيبي وقريبا خطيبي وأكيد إنت أول واحد معزوم على الخطوبة.
بقرف- أه أه أكيد.
= دا بقى يا سعادة قلبي عمر، زميلي في الكلية وكدا.
بلامبالاة: تشرفت.
= يلا ياسعيد، العرسان عايزين يقعدوا مع بعض.
: يلا يا قلب سعيد من جوا.
بتقليد- يلا يا قلب سعيد من جوا، جتَك القرف، بس البت إســــراء أحلى بكتير من آية وكمان خطفت قلبي كدا وكمان محجبة وعسل، مكنتش واخد بالي منها، يادي النيلة دا النهاردة خطوبتي ازاي أقول كدا.
- يابيبي يلا نشرب العصير.
- يلا.
- شربيه يا آية عشان نصوركم.
"إســــراء متغاظة ووشها احمر من الغضب فزادت الحمرة جمال عن جمالها، إســــراء واقفة وهتموت وعايزة تعيط بس ماسكة نفسها"
- يلا يابيبي أشربك العصير.
- ربنا يحميكم لبعض ياولاد.
= أسماء، المَرَا دي لو مخرّستش دلوقتي هطلع عينها.
- ههههه، اهدي خااالص دلوقتي عروستنا هتدوخ وهتنام، وعريسنا هيضرب العروسة ويشندلها بس قبل دا لازم نشغل الفيديو على الشاشة الكبيرة نيهاهاهاهاهاها.
'بعد وقت قصير'
•بدأ الجميع يشاهد صور لعمر وآية وفجأة جاء الفيديو الذي سيقلب الحفلة رأس على عقب.
بصدمة - يامصيبتي مين اللي جاب الفيديو دا هنا، خطتي هتبوظ.
بصدمة أكثر- إيه؟ آية بتحضن وتبوس في زميلي وكمان بالليل لوحدهم، تعالي هنا يابنت ال**
- أاه سيب شعري يا حيوان.
- بقى أنا حيوان يا وس*ة ياللي مشوفتيش تربية.
"عااش لعمر بجد هههه ضربها وشد شعرها وكان خلاص هيموتها لولا تدخل العزايم، أسماء راحت اتفقت مع بتاع شاشة العرض وكدا بس مقلتش إن الفيديودا كدا"