المطعم كان من اختيار ياسمين لأن سيد وقح مثل ماتحب تناديه هو اللي مزعلها ولازم ترضى بطريقتها مو طريقته
وأكيد الاختيار وقع على مطعم هندي
تزوره ياسمين بكثره الفتره الاخيره
وسرعان ما أكتشفت أول أختلاف بينهم
*كرهه للأكل الهندي
وهذا الشيء اثار غضبها
وأصرت تغير رأيه
في هالمطعم البسيط كانت النظرات موجهه على الثنائي اللي اثاروا أعجاب البعض واستغراب البعض الاخر
كانت الطاولة مليانه آكل وطبعاً كله حار
بسبب التوابل الهندية المميزة
ياسمين تضحك بصوت عالي
على شكل مراد
كان مو قادر يسيطر على دموعه بسبب الآكل اللي قاعد ياكله
ويشرب مويه بعد كل لقمة
وقف ياخذ نفس وناظرها بحقد : اللحين ذا آكل من جهنم ؟؟ وش هالعقاب القاسي
ياسمين ببراءه : انت وافقت اختار واخترت
مو عقاب ولا شيء بس اراضي نفسي يعني
مراد بعصبية يحاول يخفي وراها ابتسامته على شكلها البريء : قلت اختاري مطعم مادريت بتختارين اختيار سيىء
ياسمين بارتباك : خلاص شوف شرايك بعد ما نخلص تختار شيء على ذوقك واجرب كذا نكون متساوين
بعدين مدري ليه ماتحب الاكل الهندي والله لذيذ
بس مركز على حرارته أنت
مُراد بخبث : مانك قد اختياراتي ي طفله والوقت تأخر السهر مو زين بنخلص عقابك ذا ونرجع
ضربت بيدها على الطاولة بقهر : انا مو طفله ومافي نوم وراح اقبل باللي تختار
رفع حاجب بابتسامه وهز راسه بالموافقه هي اختارت الذنب سقط عنه صح ؟؟
بعد مرور
ساعة على خروجهم من المطعم
ياسمين تناظر فيه بعصبية
هو فاقد السيطره على نفسه من كثر الضحك
ي ربي وش غريب الاطوار اللي طلعت معه
وخاطرت بحياتها لو يعرف ابوها راح تتحول قضية شرف ويقتلونها ماراح يفهمون انه مجرد عشاء في مكان عام
اي ابوها رجل شرقي من الدرجة الأولى
ورغم سفره معها بس مو راضي عن كامل حياتها ومعترض تماماً على عدم حجابها
وكثير أمور تسويها بنيه عفويه وتفتح زي ما تقوله دايم
بابا خليك منفتح مع الأجيال اللي بعدك عشان ما تتعب وأنا من هالجيل تفهمني ،ومع ذلك
هي تحترم تفكيره وتحبه أكثر من امها لانه بالرغم من كل شيء ابوها آمن في طموحها
وساعدها في دراستها عكس امها اللي اهم شيء عندها زواجها وازعاجها لها
هو كان محترم ولبق طول العشاء لكن اللحين !!
احرجها وهو يحجز مدينة ملاهي كاملة واجبرها تركب اصعب الالعاب وهو يصورها ويضحك !!
وكأنه طفل
مو رجل مقبل على الخمسينات هذا ما يقوله قوقل صح !
هي ما تهتم له ولا بحثت عنه اكثر من ولده
ولا تدخل حساباته بالسوشيل ميديا أول ما تصحى عشان تشوف اخباره
أنت تقرأ
الياسمين
Romanceمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
