ياسمين
الوحام متعبها لدرجة لا تطاق
تشتهي شيء وبنفس الوقت تكرهه
تبغى مراد جنبها واذا شافته تلوع كبدها
مشاعر متقلبه
ناظرت في بطنها اللي بدا يبرز
بحزن
اللحين وشلون لو كبر اكثر
راح اصير مو حلوه
ويكرهني مراد
تجمعت الدموع بعيونها
قطع وساوسها اللي صارت شبه يوميه
دخول الجد جناحها
الجد بحنيه : بنيتي ليه ما نزلتي اليوم
ياسمين بحزن : ماني مشتهيه
الجد : افا ، انتِ تنفسين على ابو حفيدي وبعدها تجوعين ولد حفيدي بعد
ياسمين بتحلطم : م زعلته بس قلت الصدق مو ذنبي اذا صرت اشم ريحته مو حلوه شسوي
الجد بضحكه : وجننتيه تسبح خمس مرات
وبعدها قلتي له رح نام بالصالة
واللحين عازل نفسه بمكتبه
ياسمين بخوف : يعني معصب
الجد بحنية : حتى لو عصب تعرفين وش كثر يحبك
اول ما يشوفك غضبه يتبخر
واللحين يلا قدامي
على العشاء
لا تتعبيني مثل زوجك
انبح صوتي لين قام
على طاولة الطعام
مجتمعين
وماينسمع الا صوت الملاعق
ناظرته بخوف وشافت عيونه بصحنه وياكل بهدوء
هنا عرفت انها زودتها عليه
ولازم تعتذر
قربت منه وقعدت جنبه وبدات تاكل
مراد بهمس لها : اوه وش ذي المعجزه
ياسمين تاكل جنبي
مو على اساس ريحتي ما تنطاق
ياسمين باعتذار : اسفه اسفه حبيبي
والله مو بيدي تعرف الوحام
مو بيدي
خلاص تعال نام بالغرفه زي ماتبي
مراد بكبرياء : لا مشكورا عندي شغل
وحتى لو جيت بجي متاخر لا تنتظريني
ناظرته بحزن وكملت اكلها بدون نفس
ماقدر يقسى عليها اكثر
نقطة ضعفه حزنها
مسك يدها وابتسم : خلاص ناجل الشغل لعيونك
وش تبين اكثر
ياسمين بفرحة : يعني مانك زعلان
مراد نفى بابتسامه وباس يدها
تحت نظرات الجد المبسوط
عليهم
وهكذا حياة ابطالي
مابين فرح وزعل لا يدوم سواء ساعات
وائل وفهد
وائل يناظر للابتوب بغضب : مو معقول بالاشهر الاخيره كل صفقاتنا ما تجي نسبة ارباحها ٥٠٪
فهد باستهزاء : اكيد بتطيح الشركة اذا المدير التنفيذي متحول عاشق مراهق
وائل بحده : فهد كم مره قلت لك لا تكلم عن مراد كذا !! انت وش مغيرك هاه
فهد ببرود : لا متغير ولا شيء بس مليت من هالشراكة ومليت من كوني تابع
انت م مليت ؟
وائل بدهشة : تابع ؟؟ وش هالافكار المريضة اللي براسك
من متى عاملنا على اننا اقل منه او تابعين له
دايم حنا الكل بالكل عنده
اتق الله لا تظلم الرجال !!
أنت تقرأ
الياسمين
Romanceمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
