بالسياره :
هند : وليه م قلت لي ان جاء لك اخوان
فراس بتوتر : م كنت حاب افتح معك الموضوع
هند : السالفة منتهيه من سنين ي ولدي انا اللي كنت متمسكه بشيء منتهي والغلط مني
بالاخير ابوك شاف حياته وانا لازم اشوف حياتي
فراس : يعني مانك زعلانه
هند : الزعل ماراح يجيب نتيجة
والحين وديني بيت ابوي وبكرا تعال انت واختك سلموا ابوي زعلان منكم ليه هالقطعه
فراس : والله متفشل منهم يمه
هند : ي حبك لتكبير الامور ابوي مو حاقد حتى على ابوك تقبل الموضوع وفهمته
يعني خلاص ماله داعي اللي اسويه
رنا بهمس : عمتي هند يعني بجلس عند اهلك !
هند : اي القصر كبير يالله من فضلك تنقي الغرفة اللي تبينها الا عاد اذا تبين تروحي مكان ثاني كيفك
ناظرت فراس بخبث
حمرت خدود رنا : لا خلاص بجي معك
فراس التزم الصمت رغم فرحته بشوفتها
فكر وين بتروح يعرفها م تحب تكون عبء على احد لازم يوفر لها شغل ومكان غير قصر جده
ولو اشتغلت بشركة ابوه يكون افضل وافضل
تمنى يقدر يجلس معها ويفهم ليه جت ! استغرب من قرارها المفاجىء
رنا :
الفرحة مو سايعتها بشوفته وبرجعتها لوطنها بعد سنين من الغربة
وبنفس الوقت رهبة غريبة من مواجهة مصيرها هنا
مالها احد
ولا كملت دراستها
تحتاج فتره طويلة على م ترتب امورها
وماتبغى تكون عبء على هند
رن جوالها بمسج هي تعرف صاحبه
وكان محتواه : لنا كلام طويل مع بعض انسه رنا
بلعت ريقها
هل هو منزعج من وجودها ؟
شهر على خروج ياسمين من المستشفى
شهر متعب كأم
امها بذلت مجهود في مساعدتها م تنكر
ومراد
اه مراد متعب
طول الوقت موجود فوق راسها وخوفه على الاطفال مبالغ فيه
وضيف جديد في العائلة
رنا
موكلتها اللي غيرت حياتها
تفاجأت من وجودها
وزعلت على وفاة امها
يبدو في شيء يصير بينهم هي وفراس
وهالشيء اسعدها فراس ورنا كلهم مروا بتجربة قاسية
اللحين موظفة في احدى شركات زوجها
وعايشه في شقة صغيره
فخوره جدًا بزوجها على مساعدته لها
اعتبرها مثل رفيف رغم كل شيء صار بالماضي
زهور ووائل هذولا بتسميهم توم وجيري
طول الشهر هذا وبكل لقاء يتهاوشون
بس هي تعرف هالبدايات
ماهي الا انذار عن بداية قصة مثل قصتها مع مرادها
هند..
التقتها صدفه وسلمت عليها
وبادلتها هند السلام بكل هدوء
وبكذا نقول انتهت مشاعر الكراهية
تبقى ماضي وام عياله وهي تحترم هالماضي مهما كان مزعج ومثير لغيرتها
على طاولة الافطار
مجتمعين العايلة
واكيد السفره م تكمل الا ب وائل
اللي يناظر زهور والغيره تاكله مين قاعده تراسل
وهي متجاهلته وتطقطق على جوالها
مراد : وائل كل شيء جاهز بخصوص الاجتماع ؟
وائل: كله تمام
مراد : زين سيدة الاعمال ذي مهم نكسب الصفقه معها
وائل: اي والله ماشاء الله عليها عمليه وما يفوتها شيء والشغل معها مكسب
مراد : عشان كذا لازم تركز يرحم والدينك هالايام تركيزك مش ولابد
الجد : خلاص مدمنين شغل ركزوا بالمكتب مو عندي
و ي ريت تجي بدري اخوك بيرجع الليلة
مراد : ابشر
لف على ياسمين اللي تناظره ببرود
: شفيك ساكته حبيبتي
ياسمين : ولا شيء
مراد :تعبانه ؟
ياسمين بغيره : ابد م نمت زين بسبب عيالك
وحضرتك بترووح إجتماع طارئ لسيدة الاعمال ذات الشخصية النادره
مراد كتم ضحكته : من جدك تغارين !!
ياسمين : وع م انخلقت اللي اغار منها بس عيب تمدح وحده قدامي
مراد: انا م مدحت الا شخصيتها في العمل وفي فرق اتوقع يعني مافي سبب يخليك تعصبي
زهور بحقد ونظراتها على وائل: شفتي كلهم نفس الكلام ياسمين
مراد : أنتِ لا تدخلين بيني وبين زوجتي ي ام لسان
وائل بخبث :حنا م قلنا شيء غلط ماشاء الله عليها
تعجبني شخصيتها
زهور وشوي وتقوم تصفقه : دامها تدقق واجد ف ماراح تفكر فيك لا تحلم
وائل بحده :شقصدك
زهور ببرود : سلامتك م قصدي شيء
الجد بغضب : توم وجيري اهجدوا
وانت ي ليت توضح لياسمين ان عمر اللي راح تقابلونها ٧٠ سنه وتستقبل ثالث حفيد
اقلقتوا راسي
ياسمين بابتسامه : اجل روح حبيبي لا تتاخر على الاجتماع
مراد بتذمر : جدي خربت اللحظة
الجد : ي حبك لوجع الراس بس
خز زهور ووائل: وانتم قررت راح ازوجكم عشان تهجدون
وائل وزهور بصوت واحد : مستحيل اخذه/ا
الجد : قلت كلمتي ومنها افتك من هواشكم
وائل: اي بس ي جدي ..
الجد: وائل اكيد م ا تجي كل صباح عشان تشوف وجهي ولا وجه صديقك اللي بالشركه طول الوقت قدامك
وائل نزل راسه باحراج معقول مكشوف لهدرجه ؟
زهور : بس انا مو موافقه
الجد : ومين اللي صدعت راس مراد عشان تعرف اذا خطب ولا لا
زهور بتلعثم : انا شسمه انا بس كنت بشوف مين تعيسة الحظ
وائل ببرود وهو يقوم : للاسف انتِ ،
زهور وهي تلحقه بغضب : م تجنني لا يعني لااااا
الجد : هههههههههه انا بحياتي م شفت مثلهم الله يعين عيالهم
ياسمين مسكت راسها : الله يسامحك ي جدي من وين لي فستان للحين م نزلت الكم كيلو
مراد : جدي زواجهم بدون شهر عسل ارجوك مين بيمسك الشغل !
الجد تنهد : ويعين عيالكم بعد يارب ويعيني
مراد ؟
ياسمين ؟
زهور ؟
وائل ؟
رنا ؟
فراس ؟
أنت تقرأ
الياسمين
Romanceمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
