في إحدى المولات الكبيره بالرياض :
ناظرها بابتسامه ومسك يدها بحب : خلاص حبيبتي بتظلين زعلانه علي طول الطلعه
ياسمين بتذمر طفولي : اي لانك اخذتني وانا اقولك لسا معنا وقت ولسا ماعندي استعداد نفسي بعد للتسوق
مُراد بحنية : انتِ تدرين زين ان هدفي مو التسوق
بمكالمة وحده لأشهر دار أزياء وتكون أفضل الفساتين عند رجولك
بس أنا ماني راضي على اللي تسوينه بنفسك
تزعلين بأفضل فتره لنا
المفروض تطيرين فرح
ولا انا غلطان ؟
ناظرته بحب وأسف وحست بالندم
ووش كثر هي انانية
تفكر بحزنها
ولا احترمت فرحته الكبيره بملكتهم
هو ماقصر معها ووقف جنبها
بس بالمقابل يبي يفرح ويطلع من اجواء الحزن اللي دخلتها حياتهم
: حبيبي انا آسفه
أدري بنيتك ومتفهمه فرحك وحماسك
كل السالفة إني ابغى اطلع نفسي من زعلي هذا وبعدها اتفرغ لك وللتجهيزات
ماكنت ابغى اطلع معك واجهز وانا بالوضع ذا
حقك علي
وخلاص سوي اللي تبي وانا معك
ابتسم برضا وباس يدها: اي ذي حبيبتي القوية
ماعاش اللي يزعلك
وكل شيء بيتصلح مع الوقت صدقيني
بس انتِ روقي
مضوا يوم جميل مليان لحظات سعيده راح تبقى خالده في ذكرياتهم
تغيرت نفسيتها للافضل بفضل وجوده جنبها
أشترت كل احتياجاتها واكثر
وهذا بطلب واصرار منه
لقت فستان زفافها
وهو فعلاً فستان أحلامها ببساطته وجماله
ورغم اصراره على شوفته
لقى الرفض منها متعذره انها تبيه مفاجاه
رجعوا للقصر منهلكين تعب
بعد تسوق استمر لساعات طويلة
والهدف الاول منه هو سعادتها
وتحقق
رغم تعبها تغير مزاجها بالكامل
مراد وهو يجلس بتعب : اول مرا احس اني شايب
ياسمين بضحكة: حتى انا تعبانه لا تاخذ الامور بهالنظرة
مُراد : انتِ مابي اتكلم معك لين اشوف الفستان أنا زعلان
ياسمين بعناد : نووو قلت لك مو حلو اشوفه اللحين
يكفي انك شفت اغلب الاغراض
مُراد بخبث : تفرق اذا شفتها عليك هم مجرد اقمشة
شرايك تلبسينهم اللحين وانا اقيم ؟
ياسمين حمرت خدودها : مستحيل ي قليل الادب
واللحين بروح انام
مراد : اي تهربي اللحين
بقي اسبوعين نشوف كيف راح تهربين يا مدام
بلعت ريقها بخوف
صدق هي فتره بسيطه وراح تودع الغرفة اللي هي فيها
بس اعجبتها وراح تنام فيها إذا زعلها
وتعاقبه
ابتسمت بخبث على افكارها الشيطانيه
هو يحلم باليوم اللي يجتمعون فيه وهي تفكر بالزعل !
أنت تقرأ
الياسمين
Romanceمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
