دخل القصر بابتسامه واسعة
اختفت مجرد ماشاف هند
بالصالة
جالسة بكل برود
: رحت لها ؟
مراد بحده: مو شغلك
هند تعرفين وش سويتي أنتِ ؟
بعد اللي صار وحركاتك الغبية اللي زادت عن حدها خلاص
بنعلن طلاقنا رسمي
وياريت تنتقلين لسكنك الخاص او بيت عمي إذا تحبين
وإذا تبين قصر جديد شريت لك بس خلصيني من هالموضوع لأنه زاد عن حده
هند : بتخلى عن عيالك عشان هالبزر اللي توها دخلت حياتك ؟؟
مراد بصبر : هند لا تجننيني ياسمين مالها علاقة
حنا من قبل منفصلين
وعيالنا لازم نواجههم بالأمر الواقع
خلاص ماله داعي نخبي أكثر
وما بعتهم هم كبار ويقررون وش يسوون وين يعيشون لهم كامل الحرية
ماراح اجبرهم على حاجة وياريت تستخدمين عقلك بعد وما تكونين انانية وتضغطين عليهم
هند بألم: تحبها؟
مراد : اذا الإجابة مفيده لك بجاوب
هند : مستحيل اترك عيالي لك
مراد بعصبيه : أنتِ ما تفهمين ؟ عيالنا مالهم شغل في صراعاتك النفسية
مالهم علاقة حرام عليك
خليهم براحتهم يختارون اللي يناسبهم
هند بسخريه : على أساس مهتم لهم
روح عيش مراهقتك المتأخرة يا شيخ
مراد : هند للمره المليون أقولك احترمي نفسك
مابي اغلط
طوفت لك كلامك الغبي اللي قلتيه لياسمين
قدرت حالتك
بس إلى متى ؟
انا طالع أنام
بكرا ي ريت تكوني مجهزه نفسك
راح اجمع الكل واقولهم قرارنا
وإذا ماتبين مشاكل بين العائلة خلي الأمور تعدي على خير
بالاخير اي شيء تسوينه بتضرين عيالك واهلك قبل
لا تنسين رابط الدم اللي بينا
تركها متصنمه من كلامه
وطلع ينام
يدري غلطان انه ماقال للكل من البداية
ويمكن يزعلون منه خاصة جده وعمه وابوه
بس وش يسوي ؟
يمكن عياله يكرهونه خاصة بعد ما يتزوج ياسمين
راح يصير بينهم جدار صعب ينزاح
لأول مره بيختار سعادته ونفسه
وكل هالعوائق قدامه
ومن جهه ثانية ابو ياسمين اللي واضح راسه عنيد
تنهد وهو ينسدح على سريره
: يارب سهل الآمر
ياسمين :
بعد خروجه ابتسمت بفرح
مسكت قلبها بهيام
وأخيرًا !
حست بتأنيب ضمير من شرطها
لكن طردت هالافكار من راسها
هو منفصل قبل تعترف له أو تدخل حياته
ليه ما تعطيه وتعطي نفسها فرصة طالما ماراح تخرب حياة احد
ماكانت راح تجبره على شيء
تبي تعترف له وتطلع بهدوء من حياته
عشان ما يلاحقها ويقدر انها تبي تبعد عنه
بس اللحين الموضوع مختلف
هو مو متزوج
لها وحدها
وبالنسبة لماضيه
هي مو مثل زوجته
ماراح تهاون أبدًا بهالموضوع
واوعدها انه ماضي ليه ماتعطي حبهم فرصة ؟
انتبهت للباب اللي انفتح بقوه
وكان ابوها الغاضب
أنت تقرأ
الياسمين
Lãng mạnمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
